തിരഞ്ഞെടുപ്പ്  ജോലിക്ക് നിയുക്തരായിരിക്കുന്ന മുഴുവൻ ഉദ്യോഗസ്ഥർക്കും ഏപ്രിൽ  ആറ് , ഏഴ് തീയതികളിൽ അവരവരുടെ തിരഞ്ഞെടുപ്പ് ഡ്യൂട്ടിക്ക് നിയോഗിച്ച നിയമസഭാ നിയോജകമണ്ഡലങ്ങളിലെ പരിശീലന കേന്ദ്രങ്ങളിൽ എത്തി പരിശീലനത്തിൽ പങ്കെടുക്കുകയും  പോസ്റ്റൽ വോട്ട് രേഖപ്പെടുത്തുകയും ചെയ്യാം. 

മുഴുവൻ ജീവനക്കാരും ഈ സൗകര്യം ഉപയോഗപ്പെടുത്തണമെന്ന് ജില്ലാ ഇലക്ഷൻ ഓഫീസർ കൂടിയായ ജില്ലാ കളക്ടർ അറിയിച്ചു. 

നിയമസഭാ തിരഞ്ഞെടുപ്പുമായി ബന്ധപ്പെട്ട് വോട്ടവകാശത്തിന്റെ പ്രാധാന്യം ജനങ്ങളിലെത്തിക്കുന്നതിന്റെ ഭാഗമായി ഫ്ലാഷ്മോബ് സംഘടിപ്പിച്ചു. സ്വീപിന്റെ (സിസ്റ്റമാറ്റിക് വോട്ടേഴ്‌സ് എഡ്യൂക്കേഷൻ ആൻഡ് ഇലക്ടറൽ പാർട്ടിസിപ്പേഷൻ) ആഭിമുഖ്യത്തിൽ ആലപ്പുഴ കെഎസ്ആർടിസി സ്റ്റാൻഡിൽ സംഘടിപ്പിച്ച ഫ്ലാഷ്മോബിന് എസ് ഡി കോളേജിലെ എൻഎസ്എസ് വോളണ്ടിയർമാർ നേതൃത്വം നൽകി.

ഇലക്ട്രോണിക് മാധ്യമങ്ങളിലൂടെ നൽകുന്ന  തിരഞ്ഞെടുപ്പ് പരസ്യങ്ങൾക്കും ഏപ്രിൽ എട്ട്,  ഒമ്പത് തീയതികളിൽ അച്ചടി മാധ്യമങ്ങളിൽ പ്രസിദ്ധീകരിക്കുന്ന രാഷ്ട്രീയ- പ്രചാരണ പരസ്യങ്ങൾക്കും പ്രീ-സർട്ടിഫിക്കേഷൻ നൽകുന്നതിനായി പ്രവർത്തിക്കുന്ന മീഡിയ സർട്ടിഫിക്കേഷൻ ആൻഡ് മോണിറ്ററിങ് കമ്മിറ്റി (എം.സി.എം.സി) ഞായറാഴ്ചയും പ്രവർത്തിക്കുമെന് ജില്ലാ കളക്ടർ അറിയിച്ചു.

ജില്ലാ പഞ്ചായത്ത് കോൺഫറൻസ് ഹാളിൽ പ്രവർത്തിക്കുന്ന എം സി എം സിയിൽ  സ്ഥാനാർഥികൾക്കും രാഷ്ട്രീയ പാർട്ടികൾക്കും തങ്ങളുടെ പരസ്യങ്ങൾ സാക്ഷ്യപ്പെടുത്തുന്നതിനുള്ള അപേക്ഷകൾ  സമർപ്പിക്കാവുന്നതാണ്.

ഏപ്രിൽ ഒമ്പതിന് നടക്കുന്ന നിയമ സഭാ തിരഞ്ഞെടുപ്പിൽ വോട്ടർമാർക്ക് പോളിംഗ് സ്റ്റേഷനിൽ വോട്ട് രേഖപ്പെടുത്തുന്നതിനായി താഴെ പറയുന്ന ഏതെങ്കിലും ഒരു അംഗീകൃത ഫോട്ടോ പതിപ്പിച്ച തിരിച്ചറിയൽ രേഖ ഉപയോഗിക്കാവുന്നതാണെന്ന് തിരഞ്ഞെടുപ്പ് കമ്മീഷൻ അറിയിച്ചു.
വോട്ടർ പട്ടികയിൽ പേരുള്ളവർക്ക് വോട്ടർ ഐഡി കാർഡ് (EPIC) ഹാജരാക്കാൻ സാധിക്കാത്ത സാഹചര്യത്തിൽ താഴെ പറയുന്ന 12 രേഖകളിൽ ഒന്ന് തിരിച്ചറിയൽ രേഖയായി സ്വീകരിക്കുന്നതാണ്:

1,ആധാർ കാർഡ്

2,തൊഴിലുറപ്പ് പദ്ധതി ( എം എൻ ആർ ഇ ജി എ) ജോബ് കാർഡ്

3, ബാങ്ക്/പോസ്റ്റ് ഓഫീസ് നൽകുന്ന ഫോട്ടോ പതിപ്പിച്ച പാസ്ബുക്ക്

നിയമസഭാ തിരഞ്ഞെടുപ്പിൻ്റെ ഭാഗമായി പോളിംഗിനു തൊട്ടു തലേ ദിവസവും (ഏപ്രിൽ എട്ട്), പോളിംഗ് ദിവസവും (ഏപ്രിൽ ഒമ്പത്) 
അച്ചടി മാധ്യമങ്ങളിൽ പ്രസിദ്ധീകരിക്കുന്ന രാഷ്ട്രീയ- പ്രചാരണ പരസ്യങ്ങൾക്ക് മീഡിയ സർട്ടിഫിക്കേഷൻ ആൻഡ് മോണിറ്ററിങ് കമ്മിറ്റി (എം.സി.എം.സി) യുടെ മുൻകൂർ അംഗീകാരം ആവശ്യമാണന്ന് തിരഞ്ഞെടുപ്പ് കമ്മീഷൻ അറിയിച്ചു.

നിയമസഭ തിരഞ്ഞെടുപ്പും അനുബന്ധ പ്രവൃത്തികളും നടക്കുന്ന സാഹചര്യത്തിൽ, ആലപ്പുഴ ജില്ലാതല പൊലീസ് കംപ്ലയിന്റ് അതോറിറ്റിയുടെ ഏപ്രിൽ  ആറ്, ഏഴ് തീയതികളിൽ നടത്താൻ നിശ്ചയിച്ചിരുന്ന വിചാരണ മാറ്റിവെച്ചു. പുതുക്കിയ തീയതി പിന്നീട് അറിയിക്കുമെന്ന്   ജില്ലാ പൊലീസ് കംപ്ലയിൻ്റ് അതോറിറ്റി  സെക്രട്ടറി  അറിയിച്ചു.

ജില്ലയിലെ ഓരോ നിയമസഭാ മണ്ഡലങ്ങളിലെയും സ്വീകരണ വിതരണ കേന്ദ്രങ്ങളിലെ സ്ട്രോംഗ് റൂമുകളിൽ സൂക്ഷിച്ചിട്ടുള്ള വോട്ടിംഗ് മെഷീനുകളുടെ കമ്മീഷനിങ് (കാൻഡിഡേറ്റ് സെറ്റിംഗ്) അതത് റിട്ടേണിംഗ് ഓഫീസർ മാരുടെ മേൽനോട്ടത്തിൽ രാഷ്ട്രീയ പാർട്ടി പ്രതിനിധികളുടെ സാന്നിധ്യത്തിൽ ഏപ്രിൽ നാല്  ശനിയാഴ്ച രാവിലെ ഏഴ് മണി മുതൽ നടത്തുമെന്ന് ജില്ലാ തിരഞ്ഞെടുപ്പ് ഓഫീസർ കൂടിയായ ജില്ലാ കളക്ടർ അറിയിച്ചു.

ആലപ്പുഴ: കേരള നിയമസഭ തിരഞ്ഞെടുപ്പിൽ ഹരിത പ്രോട്ടോക്കോൾ സന്ദേശം വോട്ടർമാരിലേക്ക് എത്തിക്കുന്നതിനായി ആലപ്പുഴയിൽ 'ഹരിത വഞ്ചി' പ്രയാണം ആരംഭിച്ചു. കുട്ടനാടൻ പഞ്ചായത്തുകളിലെയും ആലപ്പുഴ നഗരസഭയിലെയും ഉൾപ്രദേശങ്ങളിലെ വോട്ടർമാരിലേക്ക് പരിസ്ഥിതി സൗഹൃദ തിരഞ്ഞെടുപ്പ് എത്തിക്കുക എന്ന ലക്ഷ്യത്തോടെയാണ് ഈ വേറിട്ട പ്രചാരണ പരിപാടി സംഘടിപ്പിച്ചിരിക്കുന്നത്. പ്ലാസ്റ്റിക് ഉൾപ്പെടെയുള്ള അജൈവ മാലിന്യങ്ങൾ തിരഞ്ഞെടുപ്പ് വേളയിൽ ഒഴിവാക്കേണ്ടതിന്റെ പ്രാധാന്യം വിളിച്ചോതുന്ന മൈക്ക് അനൗൺസ്‌മെന്റുകളും ബോധവൽക്കരണ ലഘുലേഖകളുടെ വിതരണവും ഹരിത വഞ്ചിയിൽ സജ്ജീകരിച്ചിട്ടുണ്ട്.

ശരീരം തളർന്നതോടെ അന്യമായിപ്പോയ തന്റെ വോട്ടവകാശം കാൽനൂറ്റാണ്ടിനു ശേഷം വിനിയോഗിച്ചതിന്റെ ആത്മസംതൃപ്തിയിലാണ് അരൂർ മണ്ഡലത്തിലെ പണിക്കശ്ശേരിയിൽ പോൾ. 25 വർഷങ്ങൾക്ക് മുമ്പുണ്ടായ  അപ്രതീക്ഷിത അപകടമാണ് പാണാവള്ളി പഞ്ചായത്ത് സ്വദേശിയായ പോളിന്റെ ജീവിതം മാറ്റിമറിച്ചത്. അപകടത്തിൽ ശരീരം തളർന്നുപോയതോടെ വീടിനുള്ളിലെ നാലുചുവരുകൾക്കുള്ളിലേക്ക് പോളിന്റെ ലോകം ഒതുങ്ങി. തുടർന്ന് നടന്ന ഒരു തിരഞ്ഞെടുപ്പിലും ബൂത്തിലെത്തി വോട്ട് രേഖപ്പെടുത്താൻ അദ്ദേഹത്തിന് സാധിച്ചിരുന്നില്ല. എന്നാൽ, ഇത്തവണ തിരഞ്ഞെടുപ്പ് കമ്മീഷൻ ഒരുക്കിയ 'ഹോം വോട്ടിംഗ്' സംവിധാനം പോളിന്റെ വലിയൊരു ആഗ്രഹമാണ് സാക്ഷാത്കരിച്ചത്.

ജില്ലയിലെ ഒമ്പത് നിയമസഭാ മണ്ഡലങ്ങളിലെ എല്ലാ പോളിംഗ് സ്റ്റേഷനിലേക്കും അനുവദിച്ച  ഇലക്ട്രോണിക് വോട്ടിംഗ് മെഷീനുകളുടെ കമ്മീഷനിംഗ് (ബാലറ്റ് യൂണിറ്റിൽ ബാലറ്റ് പേപ്പർ ഉറപ്പിക്കൽ, വിവിപാറ്റ് മെഷീനിൽ ചിഹ്നം അപ്‌ലോഡ് ചെയ്യൽ തുടങ്ങിയ പ്രവർത്തനങ്ങൾ) ഏപ്രിൽ നാലിന് ശനിയാഴ്ച  നടക്കും. ഇതിൻ്റെ ഭാഗമായി ഈ പ്രവർത്തനങ്ങൾക്ക് നിയുക്തരായ ജീവനക്കാരുടെ പരിശീലനവും   മോക് ട്രയലും  ജില്ലയിലെ  നിയമസഭാ മണ്ഡലങ്ങളിലെ വിതരണ കേന്ദ്രങ്ങളിൽ നടന്നു.