ജില്ലയിലെ ഒമ്പത് നിയമസഭാ മണ്ഡലങ്ങളിലെ എല്ലാ പോളിംഗ് സ്റ്റേഷനിലേക്കും അനുവദിച്ച  ഇലക്ട്രോണിക് വോട്ടിംഗ് മെഷീനുകളുടെ കമ്മീഷനിംഗ് (ബാലറ്റ് യൂണിറ്റിൽ ബാലറ്റ് പേപ്പർ ഉറപ്പിക്കൽ, വിവിപാറ്റ് മെഷീനിൽ ചിഹ്നം അപ്‌ലോഡ് ചെയ്യൽ തുടങ്ങിയ പ്രവർത്തനങ്ങൾ) ഏപ്രിൽ നാലിന് ശനിയാഴ്ച  നടക്കും. ഇതിൻ്റെ ഭാഗമായി ഈ പ്രവർത്തനങ്ങൾക്ക് നിയുക്തരായ ജീവനക്കാരുടെ പരിശീലനവും   മോക് ട്രയലും  ജില്ലയിലെ  നിയമസഭാ മണ്ഡലങ്ങളിലെ വിതരണ കേന്ദ്രങ്ങളിൽ നടന്നു.

ജില്ലയിൽ മാതൃകാപെരുമാറ്റച്ചട്ടം നടപ്പിലാക്കുന്നതിന് നിയോഗിക്കപ്പെട്ട ആന്റി ഡീഫേസ്മെന്റ്, ഫ്ലൈയിംഗ് സ്ക്വാഡുകളുടെ ഔദ്യോഗിക കൃത്യനിർവ്വഹണം തടസ്സപ്പെടുത്തുന്നവർക്കെതിരെ കർശനനടപടി സ്വീകരിക്കാൻ ജില്ലാ ഇലക്ഷൻ ഓഫീസർ നിർദ്ദേശിച്ചു. 

നിയമസഭാ തിരഞ്ഞെടുപ്പിന്റെ ഭാഗമായി  ജില്ലയിലെ വിവിധ നിയമസഭാ നിയോജക മണ്ഡലങ്ങളിൽ പോസ്റ്റൽ വോട്ടിംഗ് സെന്ററുകൾ (പി.വി.സി) സജ്ജമായി. അവശ്യ സർവീസുകളിൽ പ്രവർത്തിക്കുന്ന ഉദ്യോഗസ്ഥർക്ക്   സൗകര്യപ്രദമായി വോട്ട് ചെയ്യാനാണ് സംവിധാനം.

നിയമസഭാ തെരഞ്ഞെടുപ്പിന്റെ ഭാഗമായി പോളിംഗ് ഡ്യൂട്ടിയുള്ളവർ വോട്ടർ ഫെസിലിറ്റേഷൻ സെന്ററു (വി.എഫ്.സി)കളിലെത്തി വോട്ട് രേഖപെടുത്തണം. ഇതിന്റെ ഭാഗമായി ഒരു മണ്ഡലത്തിൽ ഒന്ന് എന്ന കണക്കിൽ ജില്ലയിലെ ആകെ 9 വി.എഫ്.സികൾ പ്രവർത്തിക്കുന്നു.  ഏപ്രിൽ 2,6,7 തീയതികളിൽ രാവിലെ 9 മണി മുതൽ വൈകുന്നേരം 6 മണി വരെ പോളിംഗ് ഡ്യൂട്ടിക്ക് നിയോഗിക്കപ്പെട്ട ഉദ്യോഗസ്ഥർക്ക് വോട്ട് ചെയ്യാൻ കഴിയും. പോളിംഗ് ഡ്യൂട്ടിക്ക് നിയോഗിക്കപ്പെട്ട മണ്ഡലത്തിലാണ് ഉദ്യോഗസ്ഥർക്ക് വോട്ട് ചെയ്യാൻ അവസരം ലഭിക്കുക.പോളിംഗ് ഉദ്യോഗസ്ഥർക്കുള്ള  പരിശീലന കേന്ദ്രങ്ങളിലാണ് വി.എഫ്.സികൾ സജ്ജീകരിക്കുക. ഫോം 12 നൽകിയവർക്കാണ് ഇവിടങ്ങളിൽ വോട്ടു ചെയ്യാനാവുക.

നിയമസഭാ തിരഞ്ഞെടുപ്പിൽ ആലപ്പുഴ ജില്ലയിൽ 100 ശതമാനം വോട്ടിംഗ് ലക്ഷ്യമിട്ട് നടത്തുന്ന പ്രചാരണ പരിപാടികളുടെ (സ്വീപ്) ഭാഗമായി  ആലപ്പുഴ ബീച്ചിൽ രണ്ട് സ്ഥലങ്ങളിലായി ഫ്ലാഷ്മോബ് സംഘടിപ്പിച്ചു. വോട്ട് ചെയ്യുന്നതിന്റെ പ്രാധാന്യത്തെക്കുറിച്ച് ജനങ്ങളിൽ അവബോധം ഉണ്ടാക്കുക എന്നതാണ് ഇതിലൂടെ ലക്ഷ്യമിടുന്നത്.

നിയമസഭാ തിരഞ്ഞെടുപ്പു പ്രചാരണത്തിന്റെ ഭാഗമായി ഇലക്ട്രോണിക് മാധ്യമങ്ങൾ വഴി എസ് എം എസ്സുകളിലൂടെയും ശബ്ദസന്ദേശങ്ങളിലൂടെയും രാഷ്ട്രീയപരസ്യങ്ങൾ നൽകുന്നതിന് കേന്ദ്ര തിരഞ്ഞെടുപ്പ് കമ്മിഷന്റെ നിര്‍ദേശപ്രകാരം മുന്‍കൂര്‍ അംഗീകാരം വാങ്ങണമെന്ന് ജില്ലാ കളക്ടർ അറിയിച്ചു. തിരഞ്ഞെടുപ്പ് പ്രചാരണത്തിൽ ബൾക്ക് എസ്എംഎസുകളുടെയും റെക്കോർഡ് ചെയ്ത ശബ്ദ സന്ദേശങ്ങളുടെയും വർദ്ധിച്ചുവരുന്ന ഉപയോഗം കണക്കിലെടുത്ത് തിരഞ്ഞെടുപ്പ് പരസ്യങ്ങളുടെ പ്രീ-സർട്ടിഫിക്കേഷന്റെ പരിധിയിൽ ഫോണിലെ ഇവയും ഉൾപ്പെടുത്തിയിട്ടുണ്ട്.

പുതുച്ചേരി നിയമസഭയിലേക്കുള്ള പൊതുതിരഞ്ഞെടുപ്പ് ദിനമായ ഏപ്രില്‍ 9-ന് (വ്യാഴാഴ്ച) കേരളത്തില്‍ താമസിക്കുന്ന പുതുച്ചേരിവോട്ടര്‍മാര്‍ക്ക് ശമ്പളത്തോടുകൂടിയ അവധി പ്രഖ്യാപിച്ചു. കേരളത്തിലെ വിവിധ വ്യാപാര, വാണിജ്യ, വ്യവസായ സ്ഥാപനങ്ങളിലും മറ്റ് തൊഴിലിടങ്ങളിലും ജോലിചെയ്യുന്നവര്‍ക്ക് അര്‍ഹതയുണ്ട്.
 

കൊല്ലം പൂരത്തോടനുബന്ധിച്ച് ഏപ്രില്‍ 16 ന് ആശ്രാമം ശ്രീകൃഷ്ണസ്വാമി ക്ഷേത്രത്തിന് മൂന്ന് കിലോമീറ്റര്‍ ചുറ്റളവിലുള്ള പ്രദേശങ്ങള്‍ സമ്പൂര്‍ണ്ണ മദ്യനിരോധന- ഉത്സവമേഖലയായി ജില്ലാ കലക്ടര്‍ പ്രഖ്യാപിച്ചു.  
 

നിയമസഭാ തിരഞ്ഞെടുപ്പുമായി ബന്ധപ്പെട്ട് കേന്ദ്ര ചിലവ് നിരീക്ഷകനായ ഡോ. ഭടാനെ സച്ചിന്‍ ഗുലാബ്റാവു (ഫോണ്‍. 8089524725)  എല്ലാദിവസവും രാവിലെ 11.30  മുതല്‍ ഉച്ചയ്ക്ക് 1.30 വരെ  കൊട്ടാരക്കര  പി ഡബ്ല്യൂ ഡി റസ്റ്റ് ഹൗസ് റൂം നം. 205 ല്‍   കൊട്ടാരക്കര, പത്തനാപുരം, പുനലൂര്‍, ചടയമംഗലം മണ്ഡലങ്ങളുമായി ബന്ധപ്പെട്ട പൊതുജനങ്ങളുടെ പരാതികള്‍ സ്വീകരിക്കും.

ഒരു വോട്ടുപോലും പാഴാക്കരുതെന്ന സന്ദേശവുമായി സ്വീപ് നടത്തുന്ന പരിപാടികളില്‍ ‘ജെന്‍ സി വൈബ്’ സെല്‍ഫിയിലുറപ്പാക്കി ജില്ലാ തിരഞ്ഞെടുപ്പ് ഉദ്യോഗസ്ഥനായ ജില്ലാ കലക്ടര്‍ എന്‍. ദേവിദാസ്. കൗമാരത്തിന്റെ ജനാധിപത്യബോധം സജീവമാക്കുന്നതിലൂടെ 100 ശതമാനം വോട്ടെന്നലക്ഷ്യത്തിലേക്ക് വേഗത്തിലടുക്കാമെന്ന് ജില്ലാ കലക്ടര്‍ പറഞ്ഞു.