പുന്നമടയുടെ ഓളങ്ങളിൽ  വോട്ടാവേശം ഉയർത്തി വോട്ട് ബോധവത്കരണ പരിപാടിയുടെ (സ്വീപ്പ്) ഭാഗമായി ബോട്ട് റാലി സംഘടിപ്പിച്ചു. മൂന്നുബോട്ടുകളിലായി  കുടുംബശ്രീ പ്രവർത്തകർ ആണ് ബോട്ട് യാത്രയിൽ പങ്കെടുത്തത്. ജില്ല കളക്ടർ ഫിനിഷിങ് പോയിന്റിൽ ബോട്ട് റാലി ഉദ്ഘാടനം ചെയ്തു.

എസൻഷ്യൽ സർവ്വീസിലുളളവരും ഫോറം 12 ഡിയിൽ പോസ്റ്റൽ ബാലറ്റിന് നൽകിയവരുമായ വോട്ടർമാർക്ക് അവരവരുടെ വോട്ടുളള നിയോജക മണ്ഡലത്തിൽ പോളിംഗ് സാമഗ്രികളുടെ വിതരണ-സ്വീകരണ കേന്ദ്രത്തിൽ സജ്ജീകരിച്ചിരിക്കുന്ന പോസ്റ്റൽ വോട്ടിംഗ് സെന്ററുകളിൽ (പി വി സി ) ഏപ്രിൽ മൂന്ന് , നാല്, അഞ്ച്  തീയതികളിൽ നേരിട്ട് എത്തി ബാലറ്റിൽ വോട്ട് രേഖപ്പെടുത്താവുന്നതാണ്. വോട്ട് ചെയ്യാനായി എത്തുന്നവർ വോട്ടേഴ്‌സ് ഐ ഡി  (എപിക് ) അഥവ ഇലക്ഷൻ കമ്മീഷൻ അംഗീകരിച്ച ഒരു തിരിച്ചറിയൽ രേഖ കൈയ്യിൽ കരുതേണ്ടതാണ്.

പി വി സി സെന്ററുകൾ ചുവടെ.

102 അരൂർ
എൻ.എസ്.എസ് കോളേജ്, പള്ളിപ്പുറം

പോളിംഗ് ഡ്യൂട്ടിക്ക് നിയുക്തരായവരും ഫോറം 12 ൽ അപേക്ഷ നൽകിയ എല്ലാ ജീവനക്കാർക്കും വോട്ടേഴ്‌സ് ഫെസിലിറ്റേഷൻ സെന്ററിൽ എത്തി (വി എഫ് സികളിൽ)   പോസ്റ്റൽ വോട്ട് രേഖപ്പെടുത്തുവാൻ അവസരമുണ്ട്. 

നിയമസഭാ തിരഞ്ഞെടുപ്പുമായി ബന്ധപ്പെട്ട് ജില്ലയിലെ ഒമ്പത് നിമയസഭാ മണ്ഡലങ്ങളിലേക്കുമുള്ള വോട്ടിംഗ് മെഷീനുകളുടെ വിതരണം കളക്ടറേറ്റിൽ പൂർത്തിയായി. ജില്ലാ കളക്ടർ കെ ഇമ്പശേഖർ എൽ.എ വിഭാഗം ഡെപ്യൂട്ടി കളക്ടറും ഹരിപ്പാട് മണ്ഡലം റിട്ടേണിംഗ് ഓഫീസറുമായ എസ് ഷീജയ്ക്ക് വോട്ടിംഗ് മെഷീൻ കൈമാറി വിതരണത്തിന് തുടക്കം കുറിച്ചു. കളക്ടറേറ്റിലെ തിരഞ്ഞെടുപ്പ് വെയര്‍ഹൗസില്‍ സൂക്ഷിച്ചിരുന്ന ഇലക്ട്രോണിക് വോട്ടിംഗ് മെഷീനുകളും  (ഇ.വി.എം.), വിവിപാറ്റ് തുടങ്ങിയ പോളിംഗ് ഉപകരണങ്ങളും രാഷ്ട്രീയ പാർട്ടി പ്രതിനിധികളുടെ   സാന്നിധ്യത്തിലാണ്   വിതരണം ചെയ്തത്. 

 -ചെലവ് കണക്ക് പരിശീലനവും അന്നേ ദിവസം നടക്കും 

ആലപ്പുഴ ജില്ലയിലെ ഒമ്പത് നിയമസഭാ നിയോജകമണ്ഡലങ്ങളിലെയും തിരഞ്ഞെടുപ്പിൽ മത്സരിക്കുന്ന മുഴുവൻ  സ്ഥാനാർഥികളുമായുള്ള  പൊതുനിരീക്ഷകരുടെയും ചെലവ് നിരീക്ഷകരുടെയും കൂടിക്കാഴ്ച ഇന്നും നാളെയുമായി  (മാർച്ച് 28, 29)  നടക്കുമെന്ന് ജില്ലാ തിരഞ്ഞെടുപ്പ് ഓഫീസർ  അറിയിച്ചു. സ്ഥാനാർഥികൾക്കും ഏജന്റുമാർക്കും തിരഞ്ഞെടുപ്പ് ചെലവ് കണക്കുകൾ തയ്യാറാക്കുന്നത് സംബന്ധിച്ച പരിശീലനവും ഈ ദിവസങ്ങളിൽ നടക്കും.

പൊതുസ്ഥലങ്ങളിലും സര്‍ക്കാര്‍സ്ഥാപനങ്ങളിലും തിരഞ്ഞെടുപ്പ് പ്രചാരണ സാമഗ്രികള്‍ സ്ഥാപിക്കരുതെന്ന് ജില്ലാ തിരഞ്ഞെടുപ്പ് ഉദ്യോഗസ്ഥന്‍ കൂടിയായ ജില്ലാ കലക്ടര്‍. വിപുലമായ പ്രചാരണ പരിപാടികളുടെപശ്ചാത്തലത്തിലാണ് ചട്ടലംഘനം വീണ്ടും ശ്രദ്ധയില്‍പ്പെടുത്തുന്നത്.  സര്‍ക്കാര്‍, അര്‍ദ്ധസര്‍ക്കാര്‍, പൊതുമേഖലാ സ്ഥാപനങ്ങള്‍, സര്‍ക്കാര്‍ ഫണ്ടില്‍ പ്രവര്‍ത്തിക്കുന്ന സ്ഥാപനങ്ങള്‍ എന്നിവിടങ്ങളില്‍ പോസ്റ്ററുകള്‍, ബാനറുകള്‍, കൊടിതോരണങ്ങള്‍ തുടങ്ങിയവ പാടില്ല.

നിയമസഭാ തിരഞ്ഞെടുപ്പിന്റെ പശ്ചാത്തലത്തില്‍ പെരുമാറ്റച്ചട്ടലംഘനങ്ങള്‍ തടയുന്നതിനുള്ള ‘സി-വിജില്‍'  മൊബൈല്‍ ആപ്ലിക്കേഷനിലൂടെ ലഭിച്ച പരാതികളില്‍ സമയപരിധിക്കുള്ളില്‍ തീര്‍പ്പ്. ലഭിച്ച 5541 പരാതികളില്‍ 5488 എണ്ണവും തീര്‍പ്പാക്കി. തെളിവുകളുടെ അഭാവത്തില്‍ 40 എണ്ണം തള്ളി. 13 പരാതികളില്‍ അന്വേഷണം നടത്തുകയാണ്.  

തിരഞ്ഞെടുപ്പ്ചട്ടം മറികടന്നുള്ള പ്രചാരണരീതികള്‍ കണ്ടെത്തിയ പശ്ചാത്തലത്തില്‍ ബന്ധപ്പെട്ട രാഷ്ട്രീയകക്ഷി നേതൃത്വങ്ങള്‍ക്കും സ്ഥാനാര്‍ഥികള്‍ക്കും കാരണംകാണിക്കുന്നതിന് രേഖാമൂലം ആവശ്യപ്പെട്ടെന്ന് ജില്ലാ തിരഞ്ഞെടുപ്പ് ഓഫീസറും മാധ്യമ നിരീക്ഷണ കമ്മിറ്റി ചെയര്‍മാനുമായ ജില്ലാ കലക്ടര്‍ എന്‍. ദേവിദാസ്. പണംനല്‍കി വാര്‍ത്താരൂപത്തില്‍ പരസ്യങ്ങള്‍ നല്‍കിയതായി സംശയിക്കുന്നതിലുള്ള വിശദീകരണമാണ് തേടിയത്.