വെള്ളായണി ശ്രീ അയ്യങ്കാളി മെമ്മോറിയല്‍ ഗവ.മോഡല്‍ റസിഡന്‍ഷ്യല്‍ സ്‌കൂളിലെ സ്പോട്സ് പരിശീലകരുടെ ഒഴിവിലേയ്ക്കുള്ള അഭിമുഖം മെയ് 25ന് ഉച്ചയ്ക്ക് ശേഷം 3 മണിക്ക് നടക്കും.

വിദ്യാഭ്യാസ യോഗ്യത: ഡിഗ്രി അല്ലെങ്കില്‍ ഫിസിക്കല്‍ എഡ്യുക്കേഷന്‍ ഡിഗ്രി, എന്‍.ഐ.എസ് ഡിപ്ലോമ ഉള്‍പ്പെടെയുള്ള ടെക്നിക്കല്‍ യോഗ്യത അനിവാര്യം. അത്‌ലറ്റിക്‌സ്, ഫുട്‌ബോള്‍, ജൂഡോ, റസ്ലിംഗ്, ജിംനാസ്റ്റിക്‌സ് ഇനങ്ങളിലായി ആകെ ഏഴ് ഒഴിവുകളാണ് ഉള്ളത്.

സർക്കാർ/സ്വാശ്രയ കോളേജുകളിലേക്ക് 2026-27 അധ്യയന വർഷത്തെ ബി.ടെക് ലാറ്ററൽ (റെഗുലർ ആൻഡ് വർക്കിംഗ് പ്രൊഫഷണൽസ്) കോഴ്സിലേക്കുള്ള പ്രവേശനത്തിന് ഓൺലൈനായി മെയ് 26 വരെ അപേക്ഷിക്കാം. വെബ്സൈറ്റ് www.lbscentre.kerala.gov.in

കൂടുതൽ വിവരങ്ങൾക്ക് 0471-2324396, 2560327

കാര്യവട്ടം സർക്കാർ കോളേജ്, എസ്. എൻ. കോളേജ് ചെമ്പഴന്തി, തിരുവനന്തപുരം, NISH എന്നിവിടങ്ങളിലായി 2026-27 അധ്യയന വർഷത്തിലേക്ക് താൽക്കാലികമായി കോളേജ് സൈക്കോളജിസ്റ്റ്മാരുടെ ഒഴിവുണ്ട്. (കോളേജുകളെ ക്ലസ്റ്ററുകൾ ആയി തിരിച്ചു ആകെ 3 ഒഴിവുകൾ) ഉദ്യോഗാർത്ഥികൾ റെഗുലർ പഠനത്തിലൂടെ സൈക്കോളജിയിൽ ബിരുദാനന്തര ബിരുദം ഉള്ളവർ ആയിരിക്കണം.

ജീവനി കോളേജ് മെന്റൽ വെൽബീയിങ് പ്രോഗ്രാം എന്ന പദ്ധതിയുടെ ഭാഗമായി കോടിയേരി ബാലകൃഷ്ണൻ സ്മാരക ഗവ. കോളേജ് തലശ്ശേരി, ചൊക്ലിയിൽ 2026-27  അക്കാദമിക വർഷത്തേക്ക് കോളേജ് സൈക്കോളജിസ്റ്റ് (ഓൺ കോൺട്രാക്ട്) നെ നിയമിക്കുന്നു. റെഗുലർ പഠനത്തിലൂടെ സെക്കോളജിയിൽ നേടിയ ബിരുദാനന്തര ബിരുദമാണ് യോഗ്യത.

നെയ്യാറ്റിൻകര കുളത്തൂർ ഗവ: ആർട്സ് ആൻഡ് സയൻസ് കോളേജിൽ 2026-27 അധ്യയന വർഷത്തിൽ കോളേജ് സൈക്കോളജിസ്റ്റിന്റെ (ഓൺ കോൺട്രാക്ട്) ഒരു ഒഴിവുണ്ട്. റഗുലർ പഠനത്തിലൂടെ സെക്കോളജിയിൽ ബിരുദാനന്തര ബിരുദം നേടിയ ഉദ്യോഗാർഥികൾ അസൽ സർട്ടിഫിക്കറ്റുകളുമായി മേയ് 26 ന് ഉച്ചക്ക് 12 മണിക്ക് കോളേജിൽ നടക്കുന്ന അഭിമുഖത്തിൽ പങ്കെടുക്കണം.

സംസ്ഥാന സർക്കാർ സ്ഥാപനമായ കേരള മീഡിയ അക്കാദമിയുടെ ഇൻസ്റ്റിറ്റ്യൂട്ട് ഓഫ് കമ്യൂണിക്കേഷൻ നടത്തുന്ന  ജേണലിസം & കമ്യൂണിക്കേഷൻ, ടെലിവിഷൻ ജേണലിസം, പബ്ലിക് റിലേഷൻസ് & അഡ്വർടൈസിങ്ങ് എന്നീ പോസ്റ്റ് ഗ്രാജ്വേറ്റ് ഡിപ്ലോമ കോഴ്സുകൾക്ക്  ഓൺലൈനായി അപേക്ഷ സമർപ്പിക്കുന്നതിനുള്ള തിയതി മെയ് 27 വരെ നീട്ടി.

* പി.എസ്.സി റാങ്ക് ലിസ്റ്റുകളുടെ കാലാവധി നീട്ടി

കിറ്റ്സിൽ എം.ബി.എ (ട്രാവൽ ആൻഡ് ടൂറിസം) 2026-28 ബാച്ചിലേക്ക് സംവരണ വിഭാഗത്തിൽപ്പെട്ട വിദ്യാർഥികൾക്കായി ഏതാനും സീറ്റ് ഒഴിവുണ്ട്. മേയ് 23ന് മുമ്പ് അപേക്ഷിക്കണം. സംവരണ വിഭാഗത്തിൽപ്പെട്ട എസ്.സി./ എസ്.ടി. വിഭാഗം വിദ്യാർഥികൾക്ക് സർക്കാർ അനുവദിച്ചിട്ടുള്ള സംവരണവും ആനുകൂല്യങ്ങളും ലഭിക്കും. 50 ശതമാനം മാർക്കിൽ കുറയാതെയുള്ള ബിരുദമാണ് അടിസ്ഥാന യോഗ്യത.

തിരുവനന്തപുരം സർക്കാർ വനിതാ കോളേജിൽ 2026-27 അധ്യയന വർഷത്തേക്കുള്ള ജീവനി കോളേജ് സൈക്കോളജിസ്റ്റിനെ താത്ക്കാലികമായി നിയമിക്കുന്നതിനുള്ള അഭിമുഖം മേയ് 25 രാവിലെ 11ന് നടക്കും.

സംസ്ഥാനത്തെ സർക്കാർ/ സ്വാശ്രയ കോളേജുകളിലേക്ക് 2026-27 അദ്ധ്യായന വർഷത്തെ ബി.ടെക് ലാറ്ററൽ (റെഗുലർ ആൻഡ് വർക്കിംഗ് പ്രൊഫഷണൽസ്) കോഴ്‌സിലേക്കുള്ള പ്രവേശനത്തിന് മേയ് 26 വരെ ഓൺലൈനായി അപേക്ഷിക്കാം. മേയ് 25 വരെ അപേക്ഷാ ഫീസ് അടയ്ക്കാം.