പത്തനംതിട്ട ജില്ലയില്‍ ഇന്ന് (23) 223 പേര്‍ക്ക് കോവിഡ്-19 സ്ഥിരീകരിച്ചു. ഇന്ന് രോഗം സ്ഥിരീകരിച്ചവരില്‍ 25 പേര്‍ വിദേശ രാജ്യങ്ങളില്‍ നിന്ന് വന്നവരും, 25 പേര്‍ മറ്റ് സംസ്ഥാനങ്ങളില്‍ നിന്നും വന്നവരും, 173 പേര്‍ സമ്പര്‍ക്കത്തിലൂടെ രോഗം ബാധിച്ചവരുമാണ്.

ആലപ്പുഴ : തണ്ണീര്‍മുക്കം ഗ്രാമപഞ്ചായത്തിലെ പന്തീല്‍ വാച്ചിറപ്പാലത്തിൻറെ ഉദ്ഘാടനം കഞ്ഞിക്കുഴി ബ്ലോക്ക് പഞ്ചായത്ത് പ്രസിഡന്റ് പ്രഭാ മധു നിർവ്വഹിച്ചു.

പഞ്ചായത്തിലെ 21-ാം വാര്‍ഡിലുള്ള പാലം പ്രദേശവാസികള്‍ക്ക് ചേര്‍ത്തല നഗരത്തിലേക്ക് എത്തുവാനുളള എളുപ്പ മാര്‍ഗ്ഗമാണ്. കഞ്ഞിക്കുഴി ബ്ലോക്ക്‌ പഞ്ചായത്തിന്റെ വികസന ഫണ്ടിൽ നിന്നും അനുവദിച്ച എട്ട് ലക്ഷം രൂപ വിനിയോഗിച്ചാണ്‌ പാലം നിർമ്മിച്ചത്. അപ്രോച്ച് റോഡും ഇതിനോടൊപ്പം പൂര്‍ത്തിയായിട്ടുണ്ട്. 

കോവിഡ് 19 രോഗ വ്യാപനം നിയന്ത്രിക്കുന്നതിന്റെ  ഭാഗമായി ജില്ലയിൽ കണ്ടെയ്ൻമെന്റ് സോണായി  പ്രഖ്യാപിച്ചിരുന്ന, ചേപ്പാട് ഗ്രാമപഞ്ചായത്ത് വാർഡ് 4, മാരാരിക്കുളം വടക്ക് ഗ്രാമപഞ്ചായത്ത് വാർഡ് 1, രാമങ്കരി  ഗ്രാമപഞ്ചായത്ത് വാർഡ് 1തുടങ്ങിയ പ്രദേശങ്ങൾ  കണ്ടെയ്ൻമെന്റ്  സോണിൽ നിന്നും ഒഴിവാക്കി.

ആലപ്പുഴ :കോവിഡ് 19 രോഗ വ്യാപനം ഫലപ്രദമായി നിയന്ത്രിക്കുന്നതിന്റെ ഭാഗമായി, എഴുപുന്ന ഗ്രാമപഞ്ചായത്തിലെ വാർഡ് 8 കണ്ടെയ്ൻമെന്റ് സോണായി പ്രഖ്യാപിച്ചു. 

ജില്ലയിലെ കോവിഡ് നിര്‍വ്യാപന പ്രവര്‍ത്തനങ്ങളില്‍  ബോധവത്കരണത്തില്‍ മാഷ്പദ്ധതിയുടെ പ്രവര്‍ത്തനങ്ങള്‍ മികച്ചതെന്ന് ജില്ലാ കളക്ടര്‍ ഡോ ഡി സജിത് ബാബു പറഞ്ഞു. കോ വിഡ് 19 ഐ ഇ സി കോ-ഓര്‍ഡിനേഷന്‍ ജില്ലാതല കമ്മിറ്റി  യോഗത്തില്‍ അധ്യക്ഷത വഹിച്ച് സംസാരിക്കുകയായിരുന്നു കളക്ടര്‍.സംസ്ഥാന തലത്തചന്റ തന്നെ ഐഇ സി കോര്‍കമ്മിറ്റി രൂപീകരിച്ച് പ്രവര്‍ത്തിക്കുന്ന ആദ്യ ഏക ജില്ലയാണ് കാസര്‍കോട്.   കോവിഡ് ബോധവത്കരണ പ്രവര്‍ത്തനങ്ങളില്‍ തദ്ദേശസ്വയംഭരണ സ്ഥാപനങ്ങള്‍ വേറിട്ട രീതിയില്‍ മാഷ് പദ്ധതിയെ ഉപയോഗിക്കുന്നുണ്ട്.

  ട്രൈബല്‍ കോളനി നിവാസികള്‍ക്ക് സഹായ ഹസ്തവുമായി പത്തനംതിട്ട ജില്ല ഹയര്‍സെക്കന്‍ഡറി നാഷണല്‍ സര്‍വീസ് സ്‌കീം. ജില്ലയിലെ ആങ്ങമൂഴി, മൂഴിയാര്‍, കൊക്കാത്തോട് തുടങ്ങിയ സ്ഥലങ്ങളിലെ ട്രൈബല്‍ കോളനി നിവാസികള്‍ക്ക് നാഷണല്‍ സര്‍വീസ് സ്‌കീമിന്റെ തുണ 2020 പരിപാടിയുടെ ഭാഗമായി അവശ്യവസ്തുക്കള്‍ വിതരണം ചെയ്യും. 

പത്തനംതിട്ട കാതോലിക്കേറ്റ് എച്ച്എസ്എസില്‍ നടന്ന ചടങ്ങില്‍ എന്‍എസ്എസ് ജില്ലാ കണ്‍വീനര്‍ വി.എസ് ഹരികുമാറില്‍നിന്ന് വീണാ ജോര്‍ജ് എംഎല്‍എ വിതരണത്തിനുള്ള ഭക്ഷ്യവസ്തുക്കളും, കമ്പിളി, പുതപ്പ്, നിത്യോപയോഗ സാധനങ്ങള്‍ തുടങ്ങിയവ ഏറ്റുവാങ്ങി.  

എഴുമറ്റൂര്‍ ഗ്രാമപഞ്ചായത്തിലെ വാര്‍ഡ് ഒന്ന് (കൊറ്റന്‍കുടി-പള്ളിക്കുന്ന് റോഡ്, കൊറ്റന്‍കുടി-വാഴക്കാല, പെരുമ്പാറ പ്രദേശം), പള്ളിക്കല്‍ ഗ്രാമപഞ്ചായത്തിലെ വാര്‍ഡ് ഏഴ്, 13, നെടുമ്പ്രം ഗ്രാമപഞ്ചായത്തിലെ വാര്‍ഡ് അഞ്ച്, ആറന്മുള ഗ്രാമപഞ്ചായത്തിലെ വാര്‍ഡ് 17, കോന്നി ഗ്രാമപഞ്ചായത്തിലെ വാര്‍ഡ് 16 (എസ്‌കെആര്‍ ലോഡ്ജ് മുതല്‍ വട്ടക്കാവ് ഭാഗം വരെ), ഏഴംകുളം ഗ്രാമപഞ്ചായത്തിലെ വാര്‍ഡ് 12 (ഏനാത്ത് ടൗണ്‍ ഉള്‍പ്പെടെയുള്ള പ്രദേശങ്ങള്‍), റാന്നി അങ്ങാടി ഗ്രാമപഞ്ചായത്തിലെ വാര്‍ഡ് ഏഴ്(പേട്ട ജംഗ്ഷന്‍ മുതല്‍ ചെമ്പന്‍മുഖം വരെയും, കോയിക്കല്‍പ്പടി മുതല്‍ വര്‍ക്ക്ഷോപ്പ് വരെയും) എന്നീ സ്ഥലങ്ങള്‍ സെപ്റ്റംബര്‍ 24 മുതല്‍ കണ്ടെയ

എഴുമറ്റൂര്‍ ഗ്രാമപഞ്ചായത്തിലെ വാര്‍ഡ് മൂന്നില്‍ സെപ്റ്റംബര്‍ 24 മുതല്‍ ഏഴു ദിവസത്തേക്കും, ഏറത്ത് ഗ്രാമപഞ്ചായത്തിലെ വാര്‍ഡ് ഏഴില്‍ സെപ്റ്റംബര്‍ 25 മുതല്‍ ഏഴു ദിവസത്തേക്കും കൂടി കണ്ടെയ്ന്‍മെന്റ് സോണ്‍ നിയന്ത്രണം ദീര്‍ഘിപ്പിച്ച് ജില്ലാ ദുരന്തനിവാരണ അതോറിറ്റി ചെയര്‍മാനും ജില്ലാ മജിസ്ട്രേറ്റും കൂടിയായ ജില്ലാ കളക്ടര്‍ പി.ബി നൂഹ് ഉത്തരവ് പുറപ്പെടുവിച്ചു.

കടമ്പനാട് ഗ്രാമപഞ്ചായത്തിലെ വാര്‍ഡ് ഒന്‍പത്, മല്ലപ്പുഴശേരി ഗ്രാമപഞ്ചായത്തിലെ വാര്‍ഡ് നാല് (ഫിഷറീസ് ഓഫീസ് മുതല്‍ കീത്തോട്ടത്തില്‍പ്പടി വരെ), പ്രമാടം ഗ്രാമപഞ്ചായത്തിലെ വാര്‍ഡ് എട്ട് എന്നീ സ്ഥലങ്ങളില്‍ സെപ്റ്റംബര്‍ 23 മുതല്‍ ഏഴു ദിവസത്തേക്ക്് കണ്ടെയ്ന്‍മെന്റ് സോണ്‍ നിയന്ത്രണം ഏര്‍പ്പെടുത്തി.

    സംസ്ഥാനത്തെ എല്ലാ റേഷന്‍ കാര്‍ഡ് ഉടമകള്‍ക്കും വിതരണം ചെയ്യാന്‍ സംസ്ഥാന സര്‍ക്കാര്‍ നിര്‍ദ്ദേശിച്ചിട്ടുളള നാലു മാസ തുടര്‍കിറ്റുകളുടെ വിതരണ ഉദ്ഘാടനം ഇന്ന് (സെപ്റ്റംബര്‍ 24 വ്യാഴം) നടക്കും. ജില്ലാതല ഉദ്ഘാടനം വീണാ ജോര്‍ജ് എം.എല്‍.എ നിര്‍വഹിക്കും. ഇന്ന് രാവിലെ 11 ന് പത്തനംതിട്ട ടൗണില്‍ പ്രവര്‍ത്തിക്കുന്ന ഷാജഹാന്‍ ലൈസന്‍സിയായിട്ടുളള ജിയോ ഹോസ്പിറ്റലിന് സമീപത്തുളള 106-ാം നമ്പര്‍ റേഷന്‍കടയിലാണു ജില്ലാതല ഉദ്ഘാടനം.