കോവിഡ് പശ്ചാത്തലത്തില്‍ നിര്‍ത്തിവച്ച ആധാര്‍ സേവനങ്ങള്‍ തപാല്‍ ഓഫീസുകളില്‍ പുനരാരംഭിച്ചു. അധാര്‍ എടുക്കുന്നതിനും നിലവിലുള്ള ആധാര്‍ തിരുത്തുന്നതിനുള്ള സൗകര്യം എല്ലാ ഹെഡ്/ സബ് പോസ്റ്റ് ഓഫീസുകളിലും രാവിലെ 10 മുതല്‍ നാല് വരെ ഒരുക്കിയിട്ടുണ്ട്. കൂടുതല്‍ വിവരങ്ങള്‍ക്ക് തൊട്ടടുത്ത പോസ്റ്റ് ഓഫീസുമായി ബന്ധപ്പെടണം.

മങ്കടയില്‍ പ്രവര്‍ത്തിക്കുന്ന ഗവ.ഫുഡ്ക്രാഫ്റ്റ് ഇന്‍സ്റ്റിറ്റ്യൂട്ടില്‍ ഹോട്ടല്‍ മാനേജ്‌മെന്റ് മേഖലയിലെ ഒരു വര്‍ഷം ദൈര്‍ഘ്യമുള്ള കോഴ്‌സുകളില്‍ ജനറല്‍, ഒ.ബി.സി, എസ്.സി, എസ്.ടി വിഭാഗങ്ങള്‍ക്ക് സീറ്റ് ഒഴിവുണ്ട്. ഫുഡ് ആന്‍ഡ് ബിവറേജ് സര്‍വീസ്, ഫ്രണ്ട് ഓഫീസ് ഓപ്പറേഷന്‍, ഹോട്ടല്‍ അക്കോമഡേഷന്‍ ഓപ്പറേഷന്‍ എന്നീ കോഴ്‌സുകളിലാണ് ഒഴിവുള്ളത്. കൂടുതല്‍ വിവരങ്ങള്‍ക്ക് സ്ഥാപനവുമായി ബന്ധപ്പെടണം. ഫോണ്‍: 0493: 3295733,  9645078880,  9895510650.

പൂക്കോട്ടൂര്‍ ന്യൂ ജി.എല്‍.പി. സ്‌കൂളില്‍ ആധുനിക സൗകര്യങ്ങളോടെ പുതിയ കെട്ടിടം പ്രവര്‍ത്തന സജ്ജമായി. പി. ഉബൈദുള്ള എം.എല്‍.എയുടെ ആസ്തി വികസന ഫണ്ടില്‍ നിന്നനുവദിച്ച 50 ലക്ഷം രൂപ ഉപയോഗിച്ച് അഞ്ച് ക്ലാസ് മുറികളും ഗ്രാമപഞ്ചായത്ത് നാല് ക്ലാസ് മുറികളുമാണ് വിദ്യാലയത്തില്‍ പുതുതായി നിര്‍മിച്ചത്. കോവിഡ് പ്രതിസന്ധികള്‍ നിലനില്‍ക്കുമ്പോള്‍ നവീന പഠനാന്തരീക്ഷം വിദ്യാര്‍ഥികള്‍ക്ക് ഉറപ്പാക്കുന്ന രീതിയിലാണ് കെട്ടിടം യാഥാര്‍ഥ്യമാക്കിയത്.

ആധുനിക സൗകര്യങ്ങളോടെ നിര്‍മിച്ച ഇരുമ്പുഴി വടക്കുംമുറി ജി.എം.എല്‍.പി സ്‌കൂള്‍ കെട്ടിടവും അനുബന്ധ വികസന പദ്ധതികളും പി.ഉബൈദുള്ള എം.എല്‍.എ നാടിന് സമര്‍പ്പിച്ചു. എം.എല്‍.എയുടെ മണ്ഡലം ആസ്തി വികസന ഫണ്ടില്‍ നിന്ന് അനുവദിച്ച 40 ലക്ഷം രൂപ ചെലവില്‍ നിര്‍മിച്ച പുതിയ കെട്ടിടമാണ് ഉദ്ഘാടനം ചെയ്തത്. നാല് ക്ലാസ് മുറികളോടുകൂടിയുള്ള കെട്ടിടത്തിനൊപ്പം ഓപ്പണ്‍ ഓഡിറ്റോറിയവും ഇന്റര്‍ലോക്ക് ചെയ്ത മുറ്റവുമാണ് പദ്ധതിയുടെ ഭാഗമായി യാഥാര്‍ഥ്യമാക്കിയത്.

പൂക്കോട്ടൂര്‍ ഗ്രാമ പഞ്ചായത്തില്‍ കോണ്‍ക്രീറ്റ് ചെയ്ത് നവീകരിച്ച മുണ്ടിത്തൊടിക - താഴത്ത്വീട്ടില്‍മുക്ക് റോഡ് ജില്ലാ പഞ്ചായത്ത് വൈസ്പ്രസിഡന്റ് സക്കീന പുല്‍പ്പാടന്‍ ഉദ്ഘാടനം ചെയ്തു. തൊഴിലുറപ്പ് പദ്ധതിയില്‍ ഉള്‍പ്പെടുത്തി മൂന്ന് ലക്ഷം രൂപ ചെലവിലാണ് പ്രവൃത്തികള്‍ പൂര്‍ത്തിയാക്കിയത്. ചടങ്ങില്‍ പൂക്കോട്ടൂര്‍ ഗ്രാമ പഞ്ചായത്ത് പ്രസിഡന്റ് സഫിയ മന്നത്തൊടി അധ്യക്ഷയായി. വൈസ് പ്രസിഡന്റ് യൂസഫ് ഹാജി. ബ്ലോക്ക് പഞ്ചായത്ത് അംഗം ശോഭ സത്യന്‍, പഞ്ചായത്തംഗം മോഴിക്കല്‍ മുസ്തഫ, കെ. ഉസ്മാന്‍, വി. ഫസല്‍, എം. മൂസ സത്യന്‍ പൂക്കോട്ടൂര്‍ തുടങ്ങിയവര്‍ പങ്കടുത്തു.

നേരിട്ടുള്ള സമ്പര്‍ക്കത്തിലൂടെ 258 പേര്‍ക്ക് വൈറസ്ബാധ
ഉറവിടമറിയാതെ രോഗബാധിതരായവര്‍ 25 പേര്‍
ഒമ്പത് ആരോഗ്യ പ്രവര്‍ത്തകര്‍ക്കും രോഗബാധ
രോഗബാധിതരായി ചികിത്സയില്‍ 3,248 പേര്‍
ആകെ നിരീക്ഷണത്തിലുള്ളത് 32,954 പേര്‍
 

ജില്ലയിലെ തീരദേശ മേഖലയിലെ കോവിഡ് 19 പ്രതിരോധ പ്രവര്‍ത്തനങ്ങള്‍ ഊര്‍ജ്ജിതപ്പെടുത്താന്‍ എ.ഡി.എം എന്‍.എം മെഹറലിയുടെ അധ്യക്ഷതയില്‍ യോഗം തീരുമാനിച്ചു. പൊന്നാനി, തിരൂര്‍, തിരൂരങ്ങാടി, പരപ്പനങ്ങാടി, താനൂര്‍ എന്നീ നഗരസഭകളിലെയും വെട്ടം, മംഗലം, പുറത്തൂര്‍, പെരുമ്പടപ്പ്, വെളിയങ്കോട്, വള്ളിക്കുന്ന് തുടങ്ങിയ ഗ്രാമപഞ്ചായത്തുകളിലെ തീരദേശ മേഖലകളില്‍ കോവിഡ് വ്യാപനം തടയുന്നതിനും ചികിത്സാ സൗകര്യങ്ങള്‍ ഒരുക്കുന്നതിനുമാണ് അടിയന്തര യോഗം ചേര്‍ന്നത്.

ഓറിയന്റേഷന്‍   ക്ലാസ്സ്  

 പ്രവേശന പരിക്ഷ എഴുതി ഫലം കാത്തിരിക്കുന്നവര്‍ക്കായി എറണാകുളം ജില്ല എംപ്ലോയ്‌മെന്റ് എക്‌സ്‌ചേഞ്ചിലെ വൊക്കേഷണല്‍ ഗൈഡന്‍സ് വിഭാഗത്തിന്റെ അഭിമുഖ്യത്തില്‍ 25ന്  ഓറിയന്റേഷന്‍   ക്ലാസ്സ്  സംഘടിപ്പിക്കുന്നു.    പങ്കെടുക്കുവാന്‍ താല്‍പ്പര്യമുളളവര്‍ ബന്ധപെടേണ്ട    ഫോണ്‍നമ്പര്‍ 04842422452,   9744998342