'ബ്രോയിലര്‍ കോഴി വളര്‍ത്തല്‍' എന്ന വിഷയത്തില്‍ മലമ്പുഴ സര്‍ക്കാര്‍ മൃഗസംരക്ഷണ പരിശീലന കേന്ദ്രത്തിന്റെ ആഭിമുഖ്യത്തില്‍  സെപ്തംബര്‍ 24, 25 തീയതികളില്‍  സൗജന്യ ഓണ്‍ലൈന്‍ പരിശീലനം ഉണ്ടായിരിക്കുമെന്ന് അസി.ഡയറക്ടര്‍ അറിയിച്ചു. രാവിലെ 10.30 മുതല്‍ 4.30 വരെയാണ് പരിശീലനം. താല്‍പര്യമുളളവര്‍ക്ക് പേര്, വിലാസം, ഫോണ്‍ നമ്പര്‍ എന്നീ വിവരങ്ങള്‍ 9188522709 എന്ന നമ്പറിലേക്ക് വാട്സ്ആപ്പ് ചെയ്ത്, രജിസ്റ്റര്‍ ചെയ്യാം. വോയിസ് മെസ്സേജ് പരിഗണിക്കില്ല.

ജില്ലയില്‍ 143 പേര്‍ക്ക്  സപ്തംബര്‍ 22ന്‌ കൊവിഡ് ബാധ സ്ഥിരീകരിച്ചു. 117 പേര്‍ക്ക് സമ്പര്‍ക്കം മൂലമാണ് രോഗബാധ. ഒരാള്‍ വിദേശത്തു നിന്നും ഒന്‍പതു പേര്‍ ഇതര സംസ്ഥാനങ്ങളില്‍ നിന്നും എത്തിയവരും 16 പേര്‍ ആരോഗ്യ പ്രവര്‍ത്തകരുമാണ്.

വിവിധ തസ്തികകളിലേക്ക് കേരള പിഎസ്‌സി അപേക്ഷ ക്ഷണിച്ചു. ജനറല്‍ റിക്രൂട്ട്മെന്റ് സംസ്ഥാന തലത്തില്‍ 21 തസ്തികകളിലേക്കും ജില്ലാ തലത്തില്‍ ഒരു  തസ്തികയിലേക്കും എന്‍സിഎ റിക്രൂട്ട്മെന്റ് സംസ്ഥാന തലത്തില്‍  4  തസ്തികകളിലേക്കും ജില്ലാ തലത്തില്‍ ഒരു  തസ്തികയിലേക്കുമാണ് അപേക്ഷ ക്ഷണിച്ചത്.  വിജ്ഞാപനം  കമ്മീഷന്റെ www.keralapsc.gov.in വെബ്സൈറ്റില്‍ പ്രസിദ്ധീകരിച്ചിട്ടുണ്ട്.

താമരശ്ശേരി താലൂക്ക് കിഴക്കോത്ത്  വില്ലേജില്‍ കിഴക്കോത്ത് ദേശത്ത് റീ.സ. 75/5 ല്‍പ്പെട്ട മൂന്ന് സെന്റ് ഭൂമിയുടെ ലേലം സെപ്തംബര്‍ 24  ന് കിഴക്കോത്ത് വില്ലേജ് ഓഫീസില്‍ നടക്കും.

ലൈഫ്‌ മിഷന്‍ മൂന്നാം ഘട്ടത്തിലെ ഭൂരഹിത,  ഭവനരഹിത ഗുണഭോക്താക്കള്‍ക്കായി ജില്ലയിൽ നിർമ്മിക്കുന്ന മൂന്ന് ഭവന സമുച്ചയങ്ങളുടെ പ്രവൃത്തി ഉദ്ഘാടനം സെപ്തംബര്‍ 24 ന്‌ രാവിലെ 11 മണിക്ക് മുഖ്യമന്ത്രി പിണറായി വിജയന്‍ ഓണ്‍ലൈനായി നിര്‍വ്വഹിക്കും. തദ്ദേശസ്വയംഭരണ വകുപ്പ് മന്ത്രി എ സി മൊയ്തീൻ ചടങ്ങിൽ അധ്യക്ഷത വഹിക്കും.

ചേളന്നൂർ സബ് രജിസ്ട്രാർ ഓഫീസ് പുതിയ കെട്ടിടം നാടിന് സമർപ്പിച്ചു

കേരളസര്‍ക്കാര്‍ പൊതു മേഖലാ സ്ഥാപനമായ കെല്‍ട്രോണ്‍ സര്‍ട്ടിഫിക്കറ്റ് കോഴ്‌സ് ഇന്‍ മെഷീന്‍ ലേണിംഗ് യൂസിംഗ് പൈത്തണ്‍ ടെക്‌നോളജിയില്‍  ഓൺലൈൻ പരിശീലനത്തിന് അപേക്ഷ ക്ഷണിച്ചു.  കോഴ്സ് ദൈർഘ്യം ഒരു മാസം.   സെപ്റ്റംബര്‍ 26 വരെ അപേക്ഷിക്കാം.  ksg.keltron.org ൽ  ഓണ്‍ലൈനനായി  അപേക്ഷിക്കണം.   വിലാസം : കെല്‍ട്രോണ്‍ നോളേജ് സെന്റര്‍, റെയില്‍വേ ലിങ്ക് റോഡ്,കോഴിക്കോട്. ഫോണ്‍ : 8281963090

കുറ്റ്യാടിയിൽ നിർമിക്കുന്ന പട്ടികജാതി സങ്കേതങ്ങളുടെ നിർമ്മാണ ഉദ്ഘാടനം മന്ത്രി  നിർവഹിച്ചു

അംബേദ്കർ ഗ്രാമം പദ്ധതിയിൽ ഉൾപ്പെടുത്തി പട്ടികജാതി കോളനികളുടെ സമഗ്ര വികസനം മാതൃകാപരമായി പൂർത്തീകരിച്ച് ശ്രദ്ധിക്കപ്പെടുന്ന രൂപത്തിൽ കോളനികളെ മാറ്റുമെന്ന് പട്ടികജാതി-പട്ടിക വര്‍ഗ വികസന വകുപ്പ് മന്ത്രി എ.കെ ബാലന്‍ പറഞ്ഞു. കുറ്റ്യാടി മണ്ഡലത്തിലെ അംബേദ്കര്‍ ഗ്രാമം പദ്ധതിയിൽ ഉൾപ്പെടുത്തിയ രണ്ട് പട്ടികജാതി സങ്കേതങ്ങളുടെ നിർമ്മാണ ഉദ്ഘാടനം ഓണ്‍ലൈനിലൂടെ നിര്‍വഹിക്കുകയായിരുന്നു മന്ത്രി.