സാമൂഹ്യ സന്നദ്ധ സേനയിൽ ആദ്യഘട്ട പരിശീലനം പൂർത്തിയാക്കിയ ജില്ലയിലെ സന്നദ്ധ സേന വളണ്ടിയർമാർക്കുള്ള സർട്ടിഫിക്കറ്റുകൾ വിതരണം ചെയ്തു.   കലക്ട്രേറ്റ് കോൺഫറൻസ് ഹാളിൽ സബ് കലക്ടർ ജി പ്രിയങ്കയും അസിസ്റ്റൻ്റ് കലക്ടർ ശ്രീധന്യ സുരേഷും ചേർന്ന് വിതരണം നിർവഹിച്ചു.  

സമൂഹത്തിന് വേണ്ടി എന്തെങ്കിലും നല്ല കാര്യം ചെയ്യുമ്പോഴാണ് നമുക്ക് മഹത്വമുണ്ടാവുകയെന്നും സർക്കാരിൻ്റെ ഭാഗത്ത് നിന്നും നല്ല സഹകരണമാണ് സന്നദ്ധ സേന പ്രവർത്തനങ്ങൾക്കുള്ളതെന്നും സബ് കലക്ടർ ജി.പ്രിയങ്ക പറഞ്ഞു.  

എനെബ്ലിംഗ് കോഴിക്കോട് പദ്ധതിയുടെ ഭാഗമായി ജില്ലയിലെ മുഴുവൻ ആശാ പ്രവർത്തകർക്കുമായി  "വളർച്ച വൈകല്യങ്ങളെ നേരത്തെ കണ്ടെത്തുന്നതിൽ ആരോഗ്യ പ്രവർത്തകരുടെ പങ്ക്" എന്ന വിഷയത്തിൽ ശില്പശാല സംഘടിപ്പിച്ചു.  ജില്ല കലക്ടർ  സാംബശിവറാവു ശില്പശാല ഉദ്ഘാടനം ചെയ്തു.  സാമൂഹ്യനീതി ഓഫീസർ ഷീബ മുംതാസ് അധ്യക്ഷത വഹിച്ചു. 

അത്തോളി ഗ്രാമപഞ്ചായത്തിലെ തെരഞ്ഞെടുത്ത ഹരിതകർമസേന അംഗങ്ങൾക്കായി അജൈവ മാലിന്യ പരിപാലനവുമായി ബന്ധപ്പെട്ട പരിശീലനം നൽകി. പഞ്ചായത്ത് ഓഫീസിൽ നടന്ന പരിശീലന പരിപാടി പഞ്ചായത്ത് പ്രസിഡന്റ് ചിറ്റൂർ രവീന്ദ്രൻ ഉദ്ഘാടനം ചെയ്തു. 

ഹരിത കേരളം മിഷൻ റിസോഴ്സ് പേഴ്സൺ എ. രാജേഷ് അജൈവ പാഴ്വസ്തുക്കളുടെ പരിപാലനം -  തരംതിരിക്കലും മൂല്യ വർദ്ധനയും, കൊവിഡ് കാലത്തെ മാലിന്യശേഖരണവും സംസ്കരണവും എന്നീ വിഷയങ്ങളെകുറിച്ച് ക്ലാസ്സെടുത്തു.

997  പേര്‍കൂടി നിരീക്ഷണത്തില്‍

ജില്ലയിലെകോവിഡ്ആശുപത്രികള്‍, എഫ്.എല്‍.ടി.സികള്‍ എന്നിവിടങ്ങളില്‍ ചികിത്സയിലായിരുന്ന 130  പേര്‍ കൂടിരോഗമുക്തിനേടി.  ഇന്ന് പുതുതായി വന്ന 997പേരുള്‍പ്പെടെ ജില്ലയില്‍ 21,614 പേര്‍ നിരീക്ഷണത്തിലുണ്ട്.   ജില്ലയില്‍ ഇതുവരെ 99,611 പേര്‍ നിരീക്ഷണം പൂര്‍ത്തിയാക്കി.

ഇന്ന് പുതുതായി വന്ന 382 പേരുള്‍പ്പെടെ 3,392 പേരാണ് ആശുപത്രികളില്‍ നിരീക്ഷണത്തിലുള്ളത്. 126 പേര്‍ ഇന്ന് ഡിസ്ചാര്‍ജ്ജ് ആയി .

രോഗമുക്തി 130

പുതിയ കെട്ടിടം ഉദ്ഘാടനം ചെയ്തു
 

പെരുവ സര്‍ക്കാര്‍ ഐ.ടി.ഐയില്‍ കൂടുതല്‍ വികസനം നടപ്പാക്കുന്നത് സര്‍ക്കാര്‍ പരിഗണിക്കുമെന്ന് തൊഴിലും നൈപുണ്യവും വകുപ്പ് മന്ത്രി ടി.പി. രാമകൃഷ്ണന്‍ പറഞ്ഞു. പെരുവ ഐ.ടി.ഐക്കുവേണ്ടി മൂന്നു കോടി രൂപ ചെലവിട്ടു നിര്‍മ്മിച്ച പുതിയ കെട്ടിടത്തിന്‍റെ ഉദ്ഘാടനം വീഡിയോ കോണ്‍ഫറന്‍സിലൂടെ നിര്‍വഹിക്കുകയായിരുന്നു അദ്ദേഹം.

-----
കോട്ടയം നാട്ടകം ഗവൺമെൻറ് പോളിടെക്നിക് കോളേജിൽ
ആധുനിക സൗകര്യങ്ങളോടെ നിർമിക്കുന്ന ലാബ് ബ്ലോക്കിൻ്റെ ശിലാസ്ഥാപനവും കോളേജ് ഫിറ്റ്നസ് സെന്‍ററിന്‍റെ ഉദ്ഘാടനവും നാളെ(സെപ്റ്റംബര്‍ 24)  ഉന്നത വിദ്യാഭ്യാസ വകുപ്പ് മന്ത്രി ഡോ. കെ ടി ജലീൽ വീഡിയോ കോൺഫറൻസിലൂടെ നിര്‍വഹിക്കും.

രാവിലെ 10.30 ന്  നടക്കുന്ന ചടങ്ങില്‍  തിരുവഞ്ചൂർ രാധാകൃഷ്ണൻ എം.എൽ.എ അധ്യക്ഷത വഹിക്കും. തോമസ് ചാഴികാടൻ എം.പി മുഖ്യാതിഥിയായിരിക്കും.