കോന്നി ഗവണ്‍മെന്റ് മെഡിക്കല്‍ കോളജില്‍ നിര്‍മാണം പൂര്‍ത്തിയാക്കിയ ലബോറട്ടറിയുടെ ഉദ്ഘാടനം അഡ്വ. കെ.യു.ജനീഷ് കുമാര്‍ എംഎല്‍എ നിര്‍വഹിച്ചു. എംഎല്‍എ ഫണ്ടില്‍ നിന്നും അനുവദിച്ച 73 ലക്ഷം രൂപ ഉപയോഗിച്ചാണ് ലബോറട്ടറി ഉപകരണങ്ങള്‍ വാങ്ങിയത്.

         ആധുനിക സൗകര്യങ്ങളോടുകൂടിയ ലബോറട്ടറിയാണ് സ്ഥാപിച്ചിട്ടുള്ളത്. ഫുള്‍ ഓട്ടോമാറ്റിക്ക് അനലൈസര്‍, ഹീമറ്റോളജി അനലൈസര്‍, സെമി ഓട്ടോമാറ്റിക്ക് അനലൈസര്‍, യൂറിന്‍ അനലൈസര്‍, മൈക്രോസ്‌കോപ്പ്, ഇങ്കുബേറ്റര്‍, ഹോട്ട് എയര്‍ ഓവന്‍ തുടങ്ങി എല്ലാ ആധുനിക ഉപകരണങ്ങളും ലബോറട്ടറിയില്‍ ക്രമീകരിച്ചിട്ടിണ്ട്.

ഓണ്‍ലൈനായി നടത്തിയ ജില്ലാ കളക്ടറുടെ റാന്നി താലൂക്ക്തല പൊതുജന പരാതി പരിഹാര അദാലത്തില്‍ ലഭിച്ച 64 പരാതികളില്‍ 17 എണ്ണം പരിഹരിച്ചു. കോവിഡ് സാഹചര്യത്തില്‍ കളക്ടറേറ്റില്‍ ജില്ലാ കളക്ടര്‍ പി.ബി നൂഹിന്റെ അധ്യക്ഷതയില്‍ ഓണ്‍ലൈനായാണ് അദാലത്ത് നടത്തിയയ്. ലഭിച്ച പരാതികളില്‍ 47 എണ്ണം പരിഹരിക്കുന്നതിന് ബന്ധപ്പെട്ട വകുപ്പ് ഉദ്യോഗസ്ഥര്‍ക്ക് കളക്ടര്‍ നിര്‍ദേശം നല്‍കി. 

പരാതിക്കാര്‍ അക്ഷയ കേന്ദ്രങ്ങള്‍ മുഖേനയാണ് അദാലത്തില്‍ പങ്കെടുത്തത്. അക്ഷയകേന്ദ്രങ്ങളിലൂടെ മുന്‍കൂട്ടി പരാതി രജിസ്റ്റര്‍ ചെയ്തവര്‍ക്കാണ് ഓണ്‍ലൈനായി ഹാജരായി പ്രശ്‌നങ്ങള്‍ക്ക് പരിഹാരം കണാന്‍ അവസരം ലഭിച്ചത്.

  കേരള ഗവണ്‍മെന്റ്  പരീക്ഷാ കമ്മീഷണര്‍  സര്‍ട്ടിഫിക്കറ്റ് നല്‍കുന്ന  അപ്പര്‍ പ്രൈമറി സ്‌കൂളിലെ അധ്യാപക യോഗ്യതയായ  ഹിന്ദി ഡിപ്ലോമ ഇന്‍ എലിമെന്ററി  എഡ്യൂക്കേഷന്‍ കോഴ്‌സിന്  50 ശതമാനം  മാര്‍ക്കോടുകൂടിയ  പ്ലസ് ടു  അല്ലെങ്കില്‍  ഹിന്ദി ഭൂഷണ്‍, സാഹിത്യ വിശാരദ്, രാഷ്ട്രഭാഷാ പ്രവീണ്‍, സാഹിത്യാചാര്യ എന്നിവയും പരിഗണിക്കും.  പട്ടികജാതി  മറ്റര്‍ഹ വിഭാഗത്തിന്  അഞ്ച് ശതമാനം  മാര്‍ക്ക് ഇളവും  ഫീസ്  സൗജന്യവും ലഭിക്കും. പൂരിപ്പിച്ച അപേക്ഷകള്‍ പ്രിന്‍സിപ്പല്‍, ഭാരത് ഹിന്ദി പ്രചാര കേന്ദ്രം, അടൂര്‍ പി.ഒ, പത്തനംതിട്ട എന്ന വിലാസത്തില്‍ ഈ മാസം 25 ന് മുന്‍പ്  അയക്കണം. ഫോണ്‍ : 8547126028. 

.        

പത്തനംതിട്ട ജില്ലയില്‍ ഫിഷറീസ് വകുപ്പ് നടപ്പാക്കുന്ന വിവിധ മത്സ്യകൃഷി പദ്ധതി നടത്തിപ്പിലേക്ക് കരാര്‍ അടിസ്ഥാനത്തില്‍ പ്രോജക്ട് കോര്‍ഡിനേറ്റര്‍മാരെ താത്കാലിക നിയമനം നടത്തുന്നതിന് യോഗ്യരായ ഉദ്യോഗാര്‍ത്ഥികളില്‍ നിന്നും അപേക്ഷ ക്ഷണിച്ചു.  ബി.എഫ്.എസ്.സി അല്ലെങ്കില്‍ അക്വാകള്‍ച്ചറിലുള്ള ബിരുദാനന്തര ബിരുദം അല്ലെങ്കില്‍ ഫിഷറീസിലോ സുവോളജിയിലോ ഉള്ള ബിരുദാനന്തര ബിരുദവും ബന്ധപ്പെട്ട മേഖലയില്‍ സര്‍ക്കാര്‍ വകുപ്പുകളില്‍ നിന്നോ സ്ഥാപനങ്ങളില്‍ നിന്നോ ഉള്ള മൂന്ന് വര്‍ഷത്തെ പ്രവൃത്തി പരിചയവുമുള്ളവര്‍ക്ക് അപേക്ഷിക്കാം. 

പത്തനംതിട്ട ജില്ലയിലെ സാമൂഹിക സന്നദ്ധസേനയില്‍ രജിസ്റ്റര്‍ ചെയ്ത് വിജയകരമായി ട്രെയിനിംഗ് പൂര്‍ത്തിയാക്കിയ ആദ്യ ബാച്ചിന് ജില്ലാ ഭരണകൂടത്തിന്റെ നേതൃത്വത്തില്‍ സര്‍ട്ടിഫിക്കറ്റ് വിതരണം ആരംഭിച്ചു. സര്‍ട്ടിഫിക്കറ്റ് വിതരണം ജില്ലാ കളക്ടര്‍ പി.ബി നൂഹ് നിര്‍വഹിച്ചു. 

കളക്ടറേറ്റില്‍ കോവിഡ് മാനദണ്ഡങ്ങള്‍ പാലിച്ച് നടന്ന ചടങ്ങില്‍  വിദ്യാര്‍ഥികളായ ഷിജോ കുര്യന്‍, ടോം തങ്കച്ചന്‍, ദീപിക എം നായര്‍, അനുഗ്രഹ അന്നാ തോമസ് എന്നിവര്‍ക്കാണ് ജില്ലാ കളക്ടര്‍ സര്‍ട്ടിഫിക്കറ്റുകള്‍ കൈമാറിയത്. 325 വിദ്യാര്‍ത്ഥികളാണ് ആദ്യ ഘട്ടത്തില്‍ സാമൂഹിക സന്നദ്ധസേന ട്രെയിനിംഗ് വിജയകരമായി പൂര്‍ത്തിയാക്കിയത്. 

കാലാവസ്ഥ നിരീക്ഷണ കേന്ദ്രവും സംസ്ഥാന ദുരന്തനിവാരണ അതോറിറ്റിയും ജില്ലയില്‍ ഇന്ന് ( സെപ്റ്റംബര്‍ 22, ചൊവ്വ) മഞ്ഞ അലര്‍ട്ട് പ്രഖ്യാപിച്ചിട്ടുണ്ട്. ജില്ലയില്‍ അതിശക്തമായ മഴ ഉണ്ടാകാന്‍ സാധ്യതയുണ്ട്.

ജില്ലയിലെ വിവിധ റോഡുകളുടെ പ്രവൃത്തി പൂര്‍ത്തീകരണ ഉദ്ഘാടനവും പ്രവൃത്തി ഉദ്ഘാടനവും 24 ന് പൊതുമരാമത്ത് വകുപ്പ് മന്ത്രി ജി. സുധാകരന്‍ വീഡിയോ കോണ്‍ഫറന്‍സ് വഴി നിര്‍വഹിക്കും. രണ്ടിടങ്ങളിലായി നടക്കുന്ന ചടങ്ങുകളില്‍ ഒ.ആര്‍. കേളു എം.എല്‍.എ അധ്യക്ഷത വഹിക്കും.

 2021 നകം ജില്ലയില്‍ 21534 ഗാര്‍ഹിക കുടിവെള്ള കണക്ഷനുകള്‍ നല്‍കുന്ന ബൃഹത് പദ്ധതിയ്ക്കായി കര്‍മ്മ പദ്ധതി തയ്യാറാക്കാന്‍ ജില്ലാ കളക്ടര്‍ ഡോ.അദീല അബ്ദുള്ള നിര്‍ദേശം നല്‍കി.  കളക്ട്രറ്റില്‍ ചേര്‍ന്ന ജല ശുചിത്വ മിഷന്‍ യോഗത്തിലാണ് നിര്‍ദ്ദേശം. പതിനഞ്ച് ദിവസത്തിനകം പദ്ധതി റിപ്പോര്‍ട്ട് സമര്‍പ്പിക്കണം. ജല അതോറിറ്റിയുടെ 12331 ഗാര്‍ഹിക കുടിവെള്ള കണക്ഷനും, ഭൂജലവകുപ്പിന്റെ 370കണക്ഷനും, ജലനിധിയുടെ 8833 കണക്ഷനുകള്‍ക്കുമാണ് ജില്ലാ ജല ശുചിത്വ മിഷന്‍ ഇതുവരെ അംഗീകാരം നല്‍കിയത്.  യോഗത്തില്‍ മെമ്പര്‍ സെക്രട്ടറി ടി തുളസിധരന്‍ , വിവിധ വകുപ്പ് ഉദ്യോഗസ്ഥര്‍ തുടങ്ങിയവര്‍ പങ്കെടുത്തു.