പാലക്കാട് ജില്ലാ ഇന്‍ഫര്‍മേഷന്‍ ഓഫീസിലെ പി.ടി.എസ്. ഒഴിവിലേയ്ക്ക് എംപ്ലോയ്‌മെന്റ് ഓഫീസ് മുഖേന നിയമനം നടത്തുന്നു. സെപ്തംബര്‍ 29 ന് രാവിലെ 11 ന് ജില്ലാ ഇന്‍ഫര്‍മേഷന്‍ ഓഫീസില്‍ കൂടിക്കാഴ്ച നടക്കും. യോഗ്യരായവര്‍ അന്നേദിവസം രാവിലെ 10.30ന് വയസ് തെളിയിക്കുന്ന സര്‍ട്ടിഫിക്കറ്റ്, എസ്.എസ്.എല്‍.സി ബുക്കിന്റെ ആദ്യ പേജിന്റെ പകര്‍പ്പ്, ജാതി സര്‍ട്ടിഫിക്കറ്റ്, എംപ്ലോയ്‌മെന്റ് കാര്‍ഡ് എന്നിവയുടെ അസ്സലുമായി കൂടിക്കാഴ്ചയ്ക്ക് എത്തണമെന്ന് ജില്ലാ ഇന്‍ഫര്‍മേഷന്‍ ഓഫീസര്‍ അറിയിച്ചു. ഫോണ്‍: 0491- 2505329.

ആലപ്പുഴ:  ജില്ലയില്‍ ഫിഷറീസ് വകുപ്പില്‍ നിന്നുളള രജിസ്ട്രേഷനും ലൈസന്‍സും ഇല്ലാതെ അനധികൃതമായി പ്രവര്‍ത്തിച്ചുവരുന്ന ഊന്നി/ചീനവലകള്‍ അടിയന്തിരമായി സെപ്റ്റംബര്‍ 30ന്  മുന്‍പായി നീക്കം ചെയ്യണം. അല്ലാത്ത പക്ഷം കേരള ഇന്‍ലാന്‍റ് ഫിഷറീസ് ആന്‍റ് അക്വാകള്‍ച്ചര്‍ ആക്റ്റ് പ്രകാരം തുടര്‍ നടപടികള്‍ സ്വീകരിച്ച് ആയത് നീക്കം ചെയ്യുമെന്ന് ഫിഷറീസ് ഡെപ്യൂട്ടി ഡയറക്ടര്‍ അറിയിച്ചു.

ആലപ്പുഴ: കേരള സർക്കാർ പരീക്ഷാ കമ്മീഷണർ സർട്ടിഫിക്കറ്റ് നൽകുന്ന അപ്പർ പ്രൈമറി സ്കൂളിലെ അധ്യാപക യോഗ്യതയായ ഹിന്ദി ഡിപ്ലോമ ഇൻ എലിമെന്ററി എഡ്യൂക്കേഷൻ കോഴ്സിന് അപേക്ഷിക്കാം. 50 ശതമാനം മാർക്കോടുകൂടിയുള്ള പ്ലസ് ടു അല്ലെങ്കിൽ ഹിന്ദി ഭൂഷണ്‍, സാഹിത്യ വിശാരദ്,  രാഷ്ട്രഭാഷാ പ്രവീൺ, സാഹിത്യാചാര്യ എന്നിവയും പരിഗണിക്കും. പട്ടികജാതി മറ്റ് അർഹ വിഭാഗത്തിന് അഞ്ച് ശതമാനം മാർക്ക് ഇളവും ഫീസ് സൗജന്യവും ലഭിക്കും. പൂരിപ്പിച്ച അപേക്ഷകൾ പ്രിൻസിപ്പൽ ഭാരത ഹിന്ദി പ്രചാര കേന്ദ്രം,  അടൂർ പോസ്റ്റ്, പത്തനംതിട്ട എന്ന വിലാസത്തിൽ സെപ്റ്റംബർ 25 ന് മുൻപായി അയക്കേണ്ടതാണ്. ഫോൺ: 8547126028. 

2019-20 സാമ്പത്തിക വര്‍ഷത്തില്‍ ഉള്‍പ്പെടുത്തി നിര്‍മാണം പൂര്‍ത്തിയാക്കിയ കൂട്ടമൂച്ചി വാതകശ്മശാനം ആലത്തൂര്‍ ഗ്രാമപഞ്ചായത്ത് പ്രസിഡന്റ് എം.എ നാസര്‍ നിര്‍വഹിച്ചു. ആലത്തൂര്‍ ബ്ലോക്ക് പഞ്ചായത്ത് വൈസ് പ്രസിഡന്റ് വി. ഹേമലത അധ്യക്ഷത വഹിച്ചു. 71 ലക്ഷം രൂപ വിനിയോഗിച്ചാണ് കൂട്ടമൂച്ചിയില്‍ വാതകശ്മശാനം നിര്‍മിച്ചിരിക്കുന്നത്.

ലൈഫ് സമ്പൂര്‍ണ പാര്‍പ്പിട പദ്ധതിയില്‍ കൊടുമ്പില്‍ നിര്‍മിക്കുന്ന ജില്ലയിലെ രണ്ടാമത്തെ ഭവനസമുച്ചയത്തിന്റെ നിര്‍മാണോദ്ഘാടനം സെപ്തംബര്‍ 24 ന് രാവിലെ 11.30 ന് മുഖ്യമന്ത്രി പിണറായി വിജയന്‍ ഓണ്‍ലൈനായി നിര്‍വഹിക്കും. കൊടുമ്പ് ഉള്‍പ്പെടെ സംസ്ഥാനത്ത് നിര്‍മിക്കുന്ന  29 ഭവനസമുച്ചയങ്ങളുടെ നിര്‍മാണോദ്ഘാടനവും പരിപാടിയില്‍ നടക്കും. തദ്ദേശ സ്വയം ഭരണവകുപ്പ് മന്ത്രി എ.സി .മൊയ്തീന്‍ അധ്യക്ഷനാവും.

ആലപ്പുഴ : യുവതിയുവാക്കൾക്ക് കുടുംബശ്രീ ആർ കെ ഐ സംരംഭകത്വ വികസന പദ്ധതിയിൽ കൺസൽട്ടൻറ്റുമാരാവാൻ അവസരം. 25-45 പ്രായപരിധിയിലുള്ള പ്ലസ് ടു /പ്രീ ഡിഗ്രി വിദ്യാഭ്യാസ യോഗ്യതയുള്ളവർക്ക് അപേക്ഷിക്കാം.  അപേക്ഷകർ ചെങ്ങന്നൂർ ബ്ലോക്കിലെ പഞ്ചായത്ത് / മുൻസിപ്പൽറ്റിയിൽ സ്ഥിര താമസക്കാർ ആയിരിക്കണം. എഴുത്തു പരീക്ഷയുടെ അടിസ്ഥാനത്തിനാലാണ് തെരെഞ്ഞെടുപ്പ്. അപേക്ഷകർ വെള്ളക്കടലാസിൽ എഴുതിയ അപേക്ഷയും വിശദമായ ബയോഡാറ്റയും സെപ്റ്റംബര്‍ 28ന് വൈകിട്ട് 5 മണിക്ക് മുൻപായി അതാത് പഞ്ചായത്തിലെ സി ഡി എസ് ഓഫീസിൽ നൽകണം , കൂടുതൽ വിവരങ്ങൾക്ക് സി ഡി എസ് ഓഫിസുമായി ബന്ധപ്പെടുക.

സംസ്ഥാനത്ത് ആദ്യമായി അട്ടപ്പാടി ബ്ലോക്ക് പഞ്ചായത്തില്‍ ഇ-പ്ലാറ്റ്‌ഫോമിലൂടെ വനിത കര്‍ഷകര്‍ക്ക് കറവപശു നല്‍കുന്നതിന്റെ വിതരണോദ്ഘാടനം ഇന്ന് (സെപ്റ്റംബര്‍ 23) ഉച്ചയ്ക്ക് രണ്ടിന് വന - മൃഗസംരക്ഷണ - ക്ഷീരവികസന വകുപ്പ്  മന്ത്രി അഡ്വ. കെ രാജു ഓണ്‍ലൈനായി നിര്‍വഹിക്കും. അഗളി ഇ.എം.എസ്. ഹാളില്‍ നടക്കുന്ന പരിപാടിയില്‍ അഡ്വ. എന്‍. ഷംസുദ്ദീന്‍ എം.എല്‍.എ. അധ്യക്ഷനാവും. അട്ടപ്പാടി ബ്ലോക്ക് പഞ്ചായത്ത് പ്രസിഡന്റ് കാളിയമ്മ ഗുണഭോക്താക്കള്‍ക്ക് കറവപ്പശു വിതരണം നടത്തും.

ആലപ്പുഴ: ആലപ്പുഴ മെ‍‍ഡിക്കല്‍ കോളേജിലെ കോളേജ് വാഹനം കെ.എല്‍. 01 ബി.എ.5119 ന് സ്പെയര്‍പാര്‍ട്സ് വാങ്ങുന്നതിന് ക്വട്ടേഷന്‍ ക്ഷണിച്ചു. ക്വട്ടേഷന്‍ സ്വീകരിക്കുന്ന അവസാന തീയതി സെപ്റ്റംബര്‍ 25 ഉച്ചയ്ക്ക് 12 മണി. അന്നേ ദിവസം രണ്ടുമണിക്ക് തുറക്കും. കൂടുതല്‍ വിവരങ്ങള്‍ക്ക് ഫോണ്‍: 04772282015.