ആലപ്പുുഴ: നിലാവ്, ടേക്ക് എ ബ്രേക്ക് എന്നീ പദ്ധതികൾക്കായി തദ്ദേശസ്വയംഭരണസ്ഥാപനങ്ങളുടെ 2020-21 വാർഷികപദ്ധതി ഭേദഗതി ചെയ്യുന്നതിന് സർക്കാർ നിർദ്ദേശം ഉണ്ട്. ഭേദഗതികൾക്കായി സമർപ്പിച്ചിരിക്കുന്ന തദ്ദേശസ്വയംഭരണ സ്ഥാപനങ്ങളുടെ വാർഷിക പദ്ധതിക്ക് അംഗീകാരം നൽകുന്നതിനായി ജില്ലാ ആസൂത്രണ സമിതിയുടെ യോഗം സെപ്റ്റംബർ 25 ഉച്ചയ്ക്ക് ശേഷം 2.30ന് ഓൺലൈനായി ചെയ്യും. കോവിഡ്  19 പശ്ചാത്തലത്തിലാണ് ഓൺലൈൻ യോഗം തീരുമാനിച്ചത്. 

അടിയന്തര സാഹചര്യങ്ങളില്‍ സ്വയം സന്നദ്ധരായി ഇറങ്ങുന്നവരെ ഏത് സാഹചര്യവും നേരിടാന്‍ പ്രാപ്തരാക്കുന്നതിനുള്ള സംസ്ഥാന സര്‍ക്കാര്‍ പദ്ധതിയായ സാമൂഹിക സന്നദ്ധ സേനയുടെ ആദ്യ ബാച്ചിനുള്ള സര്‍ട്ടിഫിക്കറ്റുകള്‍ വിതരണം ചെയ്തു. പ്രീ - മണ്‍സൂണ്‍ ഓണ്‍ലൈന്‍ പരിശീലനം പൂര്‍ത്തിയാക്കിയ ജില്ലയിലെ 15 പേര്‍ക്ക് കലക്ടറേറ്റ് കോണ്‍ഫറന്‍സ് ഹാളില്‍ നടന്ന പരിപാടിയില്‍ ഒറ്റപ്പാലം സബ് കലക്ടര്‍ അര്‍ജ്ജുന്‍ പാണ്ഡ്യനാണ് സര്‍ട്ടിഫിക്കറ്റുകള്‍ വിതരണം ചെയ്തത്. 

കൊടുവായൂര്‍ ഗ്രാമപഞ്ചായത്തില്‍ കഴിഞ്ഞ ദിവസങ്ങളില്‍ നടത്തിയ ആന്റിജന്‍ പരിശോധനയില്‍ കോവിഡ് രോഗികളുടെ എണ്ണം വര്‍ധിച്ച സാഹചര്യത്തില്‍ ജില്ലാ കലക്ടര്‍ ഡി. ബാലമുരളി പ്രദേശത്തെ കണ്ടെയ്ന്‍മെന്റ് സോണായി പ്രഖ്യാപിച്ചു. പ്രദേശത്ത്  പൊതുജനങ്ങളുടെ പ്രവേശനം നിയന്ത്രിച്ച് സമ്പര്‍ക്ക രോഗബാധ കുറയ്ക്കാന്‍ ജില്ലാ മെഡിക്കല്‍ ഓഫീസര്‍, ജില്ലാ പോലീസ് മേധാവി എന്നിവരുടെ ശുപാര്‍ശപ്രകാരമാണ് പ്രദേശത്തെ കണ്ടെയ്ന്‍മെന്റ്് സോണ്‍ ആയി പ്രഖ്യാപിച്ചിരിക്കുന്നത്.

മരുതറോഡ് ഗ്രാമപഞ്ചായത്ത് 2019-20 വര്‍ഷത്തെ മഹാത്മഗാന്ധി ദേശീയ തൊഴിലുറപ്പ് പദ്ധതിക്ക് ആവശ്യമായ സാധന സാമഗ്രികള്‍ വിതരണം ചെയ്യാന്‍ താല്‍പര്യമുള്ളവരില്‍ നിന്നും ടെന്‍ഡര്‍ ക്ഷണിച്ചു. വിശദവിവരങ്ങള്‍ പ്രവൃത്തി ദിവസങ്ങളില്‍ ഗ്രാമപഞ്ചായത്ത് ഓഫീസിലും https://tender.lsgkerala.gov.in ലും ലഭിക്കും.

ജില്ലാ വികസന സമിതി യോഗം സെപ്തംബര്‍ 25 ന് രാവിലെ 11 ന് സൂം മീറ്റിങ് മുഖേന നടക്കുമെന്ന് ജില്ലാ കലക്ടര്‍ അറിയിച്ചു. ബന്ധപ്പെട്ട ഉദ്യോഗസ്ഥര്‍ നിര്‍ബന്ധമായും പങ്കെടുക്കണം.

വിദ്യാഭ്യാസ വകുപ്പിലെ പാര്‍ട് ടൈം മീനിയല്‍ തസ്തികയിലേക്ക് സെപ്തംബര്‍ 24, 25 തീയതികളിലായി സിവില്‍ സ്റ്റേഷനില്‍ വെച്ച് നടത്താനിരുന്ന കൂടിക്കാഴ്ച്ച ഒക്ടോബര്‍ ഒന്ന്, മൂന്ന് തീയതികളിലേക്ക് മാറ്റിയതായി വിദ്യാഭ്യാസ ഡെപ്യൂട്ടി ഡയറക്ടര്‍ അറിയിച്ചു. സെപ്തംബര്‍ 24 ന് ഹാജരാകേണ്ടവര്‍ ഒക്ടോബര്‍ ഒന്നിനും 25 ന് എത്തേണ്ടവര്‍ ഒക്ടോബര്‍ മൂന്നിനും പങ്കെടുക്കേണ്ടതാണ്. മുന്‍ നിശ്ചയിച്ച സമയക്രമത്തിനും മറ്റ് തീയതികളിലെ കൂടിക്കാഴ്ച്ചയ്ക്കും മാറ്റമില്ല. ഫോണ്‍: 0491-2505469, 6238663363.

മലമ്പുഴ സര്‍ക്കാര്‍ മൃഗസംരക്ഷണ പരിശീലന കേന്ദ്രത്തിന്റെ ആഭിമുഖ്യത്തില്‍ ബ്രോയിലര്‍ 'കോഴി വളര്‍ത്തല്‍' വിഷയത്തില്‍ സെപ്തംബര്‍ 24, 25 തീയതികളിലായി ദ്വിദിന സൗജന്യ ഓണ്‍ലൈന്‍ പരിശീലനം നടത്തുമെന്ന് അസിസ്റ്റന്റ് ഡയറക്ടര്‍ അറിയിച്ചു. രാവിലെ 10.30 മുതല്‍ 4.30 വരെയാണ് പരിശീലനം. താത്പര്യമുള്ളവര്‍ പേര്, വിലാസം, ഫോണ്‍ നമ്പര്‍ നല്‍കി 9188522709 ല്‍ വാട്സ് അപ് മുഖേന രജിസ്റ്റര്‍ ചെയ്യേണ്ടതാണ്. വോയിസ് മെസ്സേജ് ഒഴിവാക്കുക.

പാലക്കാട് ജില്ലാ ഇന്‍ഫര്‍മേഷന്‍ ഓഫീസിലെ പി.ടി.എസ്. ഒഴിവിലേയ്ക്ക് എംപ്ലോയ്‌മെന്റ് ഓഫീസ് മുഖേന നിയമനം നടത്തുന്നു. സെപ്തംബര്‍ 29 ന് രാവിലെ 11 ന് ജില്ലാ ഇന്‍ഫര്‍മേഷന്‍ ഓഫീസില്‍ കൂടിക്കാഴ്ച നടക്കും. യോഗ്യരായവര്‍ അന്നേദിവസം രാവിലെ 10.30ന് വയസ് തെളിയിക്കുന്ന സര്‍ട്ടിഫിക്കറ്റ്, എസ്.എസ്.എല്‍.സി ബുക്കിന്റെ ആദ്യ പേജിന്റെ പകര്‍പ്പ്, ജാതി സര്‍ട്ടിഫിക്കറ്റ്, എംപ്ലോയ്‌മെന്റ് കാര്‍ഡ് എന്നിവയുടെ അസ്സലുമായി കൂടിക്കാഴ്ചയ്ക്ക് എത്തണമെന്ന് ജില്ലാ ഇന്‍ഫര്‍മേഷന്‍ ഓഫീസര്‍ അറിയിച്ചു. ഫോണ്‍: 0491- 2505329.

ആലപ്പുഴ:  ജില്ലയില്‍ ഫിഷറീസ് വകുപ്പില്‍ നിന്നുളള രജിസ്ട്രേഷനും ലൈസന്‍സും ഇല്ലാതെ അനധികൃതമായി പ്രവര്‍ത്തിച്ചുവരുന്ന ഊന്നി/ചീനവലകള്‍ അടിയന്തിരമായി സെപ്റ്റംബര്‍ 30ന്  മുന്‍പായി നീക്കം ചെയ്യണം. അല്ലാത്ത പക്ഷം കേരള ഇന്‍ലാന്‍റ് ഫിഷറീസ് ആന്‍റ് അക്വാകള്‍ച്ചര്‍ ആക്റ്റ് പ്രകാരം തുടര്‍ നടപടികള്‍ സ്വീകരിച്ച് ആയത് നീക്കം ചെയ്യുമെന്ന് ഫിഷറീസ് ഡെപ്യൂട്ടി ഡയറക്ടര്‍ അറിയിച്ചു.