സര്‍ക്കാര്‍ പ്രഖ്യാപിച്ച സൗജന്യ ഓണക്കിറ്റ് ഇനിയും വാങ്ങിക്കാന്‍ കഴിയാത്തവര്‍ക്ക് ഇന്ന് (സെപ്തംബര്‍ 19) കൂടി ലഭിക്കുമെന്ന് വടകര താലൂക്ക്  സപ്ലൈ ഓഫീസര്‍ അറിയിച്ചു.
 

കേന്ദ്രാവിഷ്‌കൃത പദ്ധതികള്‍ക്കായുള്ള ജില്ലാ തല വികസന കോ-ഓര്‍ഡിനേഷന്‍ & മോണിറ്ററിംഗ് കമ്മിറ്റി (ദിശ) യോഗം  ചേര്‍ന്നു.   ജില്ലാ പഞ്ചായത്ത് പ്രസിഡണ്ട്  ബാബു പറശ്ശേരി യോഗത്തില്‍ അധ്യക്ഷത വഹിച്ചു.  ജില്ലയില്‍ കേന്ദ്ര, സംസ്ഥാന സര്‍ക്കാറുകളുടെ പദ്ധതികള്‍ നല്ല രീതിയില്‍ നടപ്പിലാക്കി വരുന്നതായി അദ്ദേഹം  പറഞ്ഞു.  കോവിഡ് ജാഗ്രത നിലനിര്‍ത്തിക്കൊണ്ടും സമയബന്ധിതമായും മാര്‍ച്ചിനോടകം  പദ്ധതികള്‍  നടപ്പിലാക്കാന്‍ ഉദ്യോഗസ്ഥര്‍ക്ക് നിര്‍ദ്ദേശം നല്‍കി.  വിവിധ ജില്ലാ തല ഓഫീസര്‍മാര്‍ വകുപ്പില്‍ നടപ്പിലാക്കി വരുന്ന കേന്ദ്രാവിഷ്‌കൃത പദ്ധതികളുടെ പുരോഗതി റിപ്പോര്‍ട്ട് അവതരിപ്പിച്ചു.   

കുന്ദമംഗലം ഗവ. കോളേജിന് ഓഡിറ്റോറിയം നിര്‍മ്മിക്കാന്‍ 92 ലക്ഷം രൂപയുടെ ഭരണാനുമതി ലഭ്യമാക്കിയതായി പി.ടി.എ റഹീം എം.എല്‍.എ അറിയിച്ചു. കോളേജിലെ ജിംനേഷ്യത്തോട് ചേര്‍ന്നുള്ള സ്ഥലത്താണ് ഓഡിറ്റോറിയം നിര്‍മ്മിക്കുക.  ചാത്തമംഗലം ഗ്രാമപഞ്ചായത്ത് വെള്ളന്നൂര്‍ കോട്ടോല്‍കുന്നില്‍ വാങ്ങിനല്‍കിയ 5.10ഏക്കര്‍ സ്ഥലത്താണ് കോളജ് പ്രവര്‍ത്തിച്ചു വരുന്നത്. എം.എല്‍.എയുടെ ആസ്തി വികസന ഫണ്ടില്‍ നിന്നും അനുവദിച്ച 3.25 കോടി രൂപ ചെലവില്‍ നിര്‍മ്മിച്ച അക്കാദമിക് ബ്ലോക്കിലാണ് ഇപ്പോള്‍ ക്ലാസുകള്‍ നടക്കുന്നത്.

സംസ്ഥാനത്ത് വിവിധ ജില്ലകളിൽ അതിതീവ്ര മഴയുണ്ടാവുമെന്ന് കാലാവസ്ഥ വകുപ്പ് മുന്നറിയിപ്പ് നൽകിയതായി മുഖ്യമന്ത്രി പറഞ്ഞു. ഞായറാഴ്ച ഇടുക്കി, മലപ്പുറം, കണ്ണൂർ, കാസർകോട് ജില്ലകളിലാണ് അതിതീവ്ര മഴയുണ്ടാവുക. ഉരുൾപൊട്ടൽ, മണ്ണിടിച്ചിൽ, വെള്ളപ്പൊക്കം എന്നിവ മുന്നിൽ കണ്ട് തയ്യാറെടുപ്പ് നടത്താനും അതീവ ജാഗ്രത പാലിക്കാനും നിർദ്ദേശം നൽകിയിട്ടുണ്ട്. മത്‌സ്യത്തൊഴിലാളികൾ കടലിൽ പോകരുത്. റെഡ് അലർട്ട് പ്രഖ്യാപിച്ച ജില്ലകളിൽ ദുരന്ത മേഖലകളിലുള്ളവരെ മുൻകരുതലിന്റെ ഭാഗമായി ക്യാമ്പുകളിലേക്ക് മാറ്റും. മലയോര മേഖലയിലേക്കുള്ള രാത്രിയാത്ര ഒഴിവാക്കണം.

വർധിച്ച വ്യാപനശേഷിക്കു കാരണമായേക്കാവുന്ന ജനിതകവ്യതിയാനം  സംഭവിച്ച വൈറസുകളാണ് കേരളത്തിൽ കാണപ്പെടുന്നതെന്നാണ് വിദഗ്ധ പഠനത്തിന്റെ നിഗമനമെന്ന് മുഖ്യമന്ത്രി പിണറായി വിജയൻ പറഞ്ഞു.

കേരളത്തിൽ 4644 പേർക്ക് കൂടി കോവിഡ്-19 സ്ഥിരീകരിച്ചതായി മുഖ്യമന്ത്രി പിണറായി വിജയൻ പറഞ്ഞു. തിരുവനന്തപുരം 824, മലപ്പുറം 534, കൊല്ലം 436, കോഴിക്കോട് 412, തൃശൂർ, എറണാകുളം 351 വീതം, പാലക്കാട് 349, ആലപ്പുഴ 348, കോട്ടയം 263, കണ്ണൂർ 222, പത്തനംതിട്ട 221, കാസർഗോഡ് 191, വയനാട് 95, ഇടുക്കി 47 എന്നിങ്ങനെയാണ് ജില്ലകളിൽ രോഗ ബാധ സ്ഥിരീകരിച്ചത്.

ആറ്റിങ്ങൽ ഗവ. പോളിടെക്‌നിക് കോളേജിൽ ലാറ്ററൽ എൻട്രിയിൽ പ്ലസ് ടു /വി.എച്ച്.എസ്.ഇ വിഭാഗത്തിൽ സ്‌പോട്ട് അഡ്മിഷൻ 24ന് രാവിലെ ഒൻപതിന് നടക്കും. നിലവിലെ ഒഴിവുകൾ ഉൾപ്പെടെയുളള വിശദ വിവരങ്ങൾ www.polyadmission.org/let ൽ ലഭിക്കും. ജില്ലയിലെ റാങ്ക് ലിസ്റ്റിൽ ഉൾപ്പെട്ടിട്ടുളളവർക്ക് രാവിലെ ഒൻപത് മുതൽ പത്ത് വരെ രജിസ്റ്റർ ചെയ്യാം. ബന്ധപ്പെട്ട രേഖകളും ഫീസിനത്തിൽ 13190 രൂപയും പി.ടി.എ ഫണ്ടിനത്തിൽ 2500 രൂപയും ക്രെഡിറ്റ്/ഡെബിറ്റ് കാർഡുകൾ മുഖേന അടയ്ക്കണം.
പി.എൻ.എക്‌സ്. 3178/2020