പുനലൂര്‍ പോളിടെക്‌നിക് കോളജില്‍ വിവിധ ബ്രാഞ്ചുകളിലേക്കുള്ള രണ്ടാം വര്‍ഷ ലാറ്ററല്‍ എന്‍ട്രി പ്രവേശനത്തിനുള്ള രണ്ടാം സ്‌പോട്ട് അഡ്മിഷന്‍ സെപ്തംബര്‍ 23 ന് നടക്കും.
ഐ ടി ഐ വിഭാഗം രജിസ്‌ട്രേഷന്‍ രാവിലെ ഒന്‍പത് മുതല്‍ 10 വരെ നടക്കും. ഇലക്‌ട്രോണിക്‌സ് എഞ്ചിനീയറിംഗ് വിഭാഗം റാങ്ക് ലിസ്റ്റില്‍ ഉള്‍പ്പെട്ട എല്ലാവര്‍ക്കും പങ്കെടുക്കാം.

ഇന്‍സ്റ്റിറ്റ്യൂട്ട് ഓഫ് ഹ്യൂമന്‍ റിസോഴ്‌സസ് ഡെവലപ്‌മെന്റിന്റെ കീഴില്‍ കേരള സര്‍വ്വകലാശാലയില്‍ അഫിലിയേറ്റ് ചെയ്തിട്ടുള്ള അടൂര്‍(0473-4224076, 8547005045) ധനുവച്ചപുരം(0471-2234374, 2234373, 8547005060), മാവേലിക്കര(0479-2304494, 0479-2341020, 8547005046), കുണ്ടറ(0474-2580866, 8547005066) എന്നീ അപ്ലൈഡ് സയന്‍സ് കോളേജുകളില്‍ ബിരുദാനന്തര ബിരുദ കോഴ്‌സുകളില്‍ കോളേജുകള്‍ക്ക് അനുവദിച്ച 50 ശതമാനം സീറ്റുകളില്‍ ഓണ്‍ലൈന്‍/ഓഫ് ലൈന്‍ വഴി പ്രവേശനത്തിന് അപേക്ഷ  http://ihrd.kerala.gov.in/cascap  എന്ന സൈറ്റ് വഴി സമര്‍പ്പിക്കാം.

  എഴുകോണ്‍ സര്‍ക്കാര്‍  പോളിടെക്‌നിക് കോളേജിലെ ഡിപ്ലോമ ലാറ്ററല്‍   എന്‍ട്രി  പ്രവേശനം സെപ്തംബര്‍ 22ന് നടക്കും. വിശദ വിവരങ്ങള്‍ www.polyadmission.org/let  വെബ്‌സൈറ്റില്‍ ലഭിക്കും. ഫോണ്‍: 9447458697, 9995926933.
(പി.ആര്‍.കെ നമ്പര്‍ 2474/2020)
   
 

അഞ്ചല്‍ ബൈപ്പാസ് സ്ഥലമെടുപ്പുമായി നടത്തിയ സാമൂഹ്യ പ്രത്യാഘാത വിലയിരുത്തല്‍ പഠന റിപ്പോര്‍ട്ടി•േലുള്ള വിദഗ്ധസമിതിയുടെ ശുപാര്‍ശകള്‍ ജില്ലാ കലക്ടര്‍, പുനലൂര്‍ സബ് ഡിവിഷണല്‍ മജിസ്‌ട്രേറ്റ്, പുനലൂര്‍ തഹസീല്‍ദാര്‍, ഇടമുളക്കല്‍, അഞ്ചല്‍ ഗ്രാമപഞ്ചായത്ത് ഓഫീസുകളിലും ബാധിക്കപ്പെട്ട സ്ഥലത്തും ജില്ലാ കലക്ടറുടെ വെബ്‌സൈറ്റിലും പൊതുജനങ്ങളുടെ പരിശോധനയ്ക്കായി പ്രസിദ്ധീകരിച്ചു.
(പി.ആര്‍.കെ നമ്പര്‍ 2473/2020)

ചന്ദനത്തോപ്പ് സര്‍ക്കാര്‍ ഐ ടി ഐ യിലെ ഏകവത്സര, ദ്വിവത്സര കോഴ്‌സുകളില്‍ പ്രവേശനത്തിന് ഓണ്‍ലൈനായി അപേക്ഷ സമര്‍പ്പിക്കാം. സംസ്ഥാനത്തെ ഏത് ഐ ടി ഐ കളിലേക്കും ഒരു അപേക്ഷ അയച്ചാല്‍ മതി. പ്രിന്റ് ഐ ടി ഐ കളില്‍ സമര്‍പ്പിക്കേണ്ടതില്ല. അപേക്ഷ ഫീസ് 100 രൂപ. കൗണ്‍സിലിംഗ് തീയതി വെബ്‌സൈറ്റ് വഴിയും പത്രമാധ്യമങ്ങള്‍ വഴിയും എസ് എം എസ് വഴിയും അറിയിക്കും.

സുഭിക്ഷകേരളം പദ്ധതിയുടെ നിര്‍വഹണ ഘട്ടങ്ങളില്‍ പ്രായോഗിക സമീപനവും സമയബന്ധിതമായ തുടര്‍ പ്രവര്‍ത്തനങ്ങളും  അനിവാര്യമാണെന്ന് കലക്ടര്‍ ബി അബ്ദുല്‍ നാസര്‍. സുഭിക്ഷ കേരളം പദ്ധതിയുടെ നടത്തിപ്പുമായി ബന്ധപ്പെട്ട് വിവിധ വകുപ്പുകളുടെ ആഭിമുഖ്യത്തില്‍ നടക്കുന്ന പ്രവര്‍ത്തനങ്ങളുടെ  പുരോഗതി വിലയിരുത്താന്‍ ചേര്‍ന്ന ഗൂഗിള്‍ മീറ്റ് അവലോകന യോഗത്തിലാണ് കലക്ടര്‍ ഇക്കാര്യം പറഞ്ഞത്.

ജില്ലാ കലക്ടറുടെ അദാലത്തില്‍ കുന്നത്തൂര്‍ താലൂക്കിലുള്ളവരുടെ പരാതി കേള്‍ക്കുന്നു. ഓണ്‍ലൈന്‍ വഴി അദാലത്ത് സെപ്തംബര്‍ 22 ന് രാവിലെ 11 ന് നടക്കും. കുന്നത്തൂര്‍ താലൂക്ക് പരിധിയിലുള്ളവര്‍ നെടിയവിള, ഐ സി എസ് വേങ്ങ, ചക്കുവള്ളി, ശാസ്താംകോട്ട എന്നിവിടങ്ങളിലെ അക്ഷയകേന്ദ്രങ്ങളില്‍ പരാതികള്‍ രജിസ്റ്റര്‍ ചെയ്യാം. ജില്ലാ കലക്ടര്‍ പരാതിക്കാരെ ഓണ്‍ലൈനായി കേട്ട് തീര്‍പ്പാക്കാന്‍ കഴിയുന്നവ അദാലത്തില്‍ തീര്‍പ്പാക്കും.
(പി.ആര്‍.കെ നമ്പര്‍ 2470/2020)

പുനര്‍ഗേഹം പദ്ധതിയിലൂടെ ജില്ലയില്‍ 358 മത്സ്യത്തൊഴിലാളി കുടുംബങ്ങള്‍ക്ക്  സുരക്ഷിത താമസ സൗകര്യം ഒരുങ്ങും. കടല്‍ക്ഷോഭ ഭീഷണി നേരിടുന്ന, കടല്‍ത്തീരത്ത് നിന്നും 50 മീറ്ററിനുള്ളില്‍ താമസിക്കുന്ന മത്സ്യത്തൊഴിലാളികളെ മാറ്റിപാര്‍പ്പിക്കുന്നതിനുള്ള സര്‍ക്കാരിന്റെ  പ്രത്യേക പുനരധിവാസ പദ്ധതിയാണിത്.

ജില്ലയിലെ കായല്‍ ടൂറിസം മേഖലയുടെ സമഗ്രവികസനം ലക്ഷ്യമിട്ട് നടപ്പാക്കിയ കല്ലട-കടപുഴ വിനോദസഞ്ചാര പദ്ധതിക്ക് തുടക്കമായി. കടപുഴ കടത്ത് കടവില്‍  നിര്‍മാണം പൂര്‍ത്തിയാക്കിയ ഫെസിലിറ്റേഷന്‍ സെന്റര്‍ ഉള്‍പ്പെടെയുള്ള സംവിധാനങ്ങളുടെ ഉദ്ഘാടനം ടൂറിസം വകുപ്പ്  മന്ത്രി കടകംപള്ളി സുരേന്ദ്രന്‍ വീഡിയോ കോണ്‍ഫറന്‍സിലൂടെ നിര്‍വഹിച്ചു.