ക്ഷീരവികസനവകുപ്പ് 2020-21 വര്‍ഷം ക്ഷീരസംഘങ്ങള്‍ക്കുള്ള ധനസഹായ പദ്ധതിപ്രകാരം ക്ഷീര സഹകരണ സംഘങ്ങളില്‍ 2,66,000 രൂപ ചിലവാക്കി മഴവെള്ള സംഭരണി സ്ഥാപിക്കുമ്പോള്‍ 2,00,000 രൂപ ധനസഹായം ലഭിക്കുന്ന പദ്ധതിക്കായി നിശ്ചിത മാതൃകയിലുള്ള അപേക്ഷകള്‍ ജില്ലയിലെ ക്ഷീരസഹകരണ സംഘങ്ങളില്‍ നിന്നും ക്ഷണിച്ചു. 

താല്പര്യമുള്ള ക്ഷീര സഹകരണ സംഘങ്ങള്‍ ഭരണസമിതി തീരുമാനം ഉള്‍പ്പടെ നിശ്ചിത മാതൃകയിലുള്ള അപേക്ഷകള്‍ സെപ്റ്റംബര്‍ 30നകം അതാത് ബ്ലോക്കില്‍ പ്രവര്‍ത്തിക്കുന്ന ക്ഷീരവികസന യൂണിറ്റുകളില്‍  സമര്‍പ്പിക്കണമെന്ന് ഡെപ്യൂട്ടി ഡയറക്ടര്‍ അറിയിച്ചു.

.

സംസ്ഥാന സര്‍ക്കാരിന്റെ സമ്പൂര്‍ണ പാര്‍പ്പിട സുരക്ഷാ പദ്ധതിയായ ലൈഫ് മിഷന്‍ പദ്ധതി മൂന്നാംഘട്ടത്തിന്റെ ഭാഗമായി പത്തനംതിട്ട ജില്ലയില്‍ രണ്ടു ഭവന സമുച്ചയങ്ങളുടെ നിര്‍മ്മാണം ആരംഭിക്കുന്നു. നിര്‍മാണ ഉദ്ഘാടനം ഈ മാസം 24ന് രാവിലെ 11.30ന് മുഖ്യമന്ത്രി പിണറായി വിജയന്‍ വീഡിയോ കോണ്‍ഫറന്‍സിലൂടെ നിര്‍വഹിക്കും. 

തദ്ദേശ സ്വയംഭരണ വകുപ്പ് മന്ത്രി എ.സി മൊയ്തീന്‍ ചടങ്ങില്‍ അധ്യക്ഷത വഹിക്കും. മന്ത്രിമാര്‍,ചീഫ് സെക്രട്ടറി, നവകേരള കര്‍മ്മ പദ്ധതി കോ-ഓര്‍ഡിനേറ്റര്‍ എന്നിവര്‍ ആശംസകള്‍ അര്‍പ്പിക്കും. 

പത്തനംതിട്ട ജില്ലയില്‍ ഇന്ന് (17) 136 പേര്‍ക്ക് കോവിഡ്-19 സ്ഥിരീകരിച്ചു. ഇന്ന് രോഗം സ്ഥിരീകരിച്ചവരില്‍ 11 പേര്‍ വിദേശ രാജ്യങ്ങളില്‍ നിന്ന് വന്നവരും, 18 പേര്‍ മറ്റ് സംസ്ഥാനങ്ങളില്‍ നിന്നും വന്നവരും, 107 പേര്‍ സമ്പര്‍ക്കത്തിലൂടെ രോഗം ബാധിച്ചവരുമാണ്.

ഇലന്തൂര്‍ ഗവ.കോളജിന് സ്ഥലം ലഭ്യമാക്കാന്‍ സംസ്ഥാന മന്ത്രിസഭ അനുമതി നല്‍കിയതായി വീണാ ജോര്‍ജ് എംഎല്‍എ അറിയിച്ചു. ഖാദി ബോര്‍ഡ് ഉടമസ്ഥതയിലുണ്ടായിരുന്ന മൂന്നേക്കര്‍ സ്ഥലമാണ് ഉന്നത വിദ്യാഭ്യാസ വകുപ്പിന് കോളജിനായി ലഭ്യമാക്കാന്‍ മന്ത്രിസഭ അനുമതി നല്‍കിയത്. ബുധനാഴ്ച ചേര്‍ന്ന മന്ത്രിസഭായോഗമാണ് ഇത് സംബന്ധിച്ച തീരുമാനമെടുത്തത്. 2016 ഡിസംബറിലാണ് ഖാദി ബോര്‍ഡിന്റെ സ്ഥലം ഉന്നത വിദ്യാഭ്യാസ വകുപ്പിന് കൈമാറാനുള്ള സര്‍ക്കാര്‍ തല നടപടികള്‍ ആരംഭിച്ചത്.

ഏറത്ത് ഗ്രാമപഞ്ചായത്തിലെ വാര്‍ഡ് 7 ല്‍ ഇന്ന് (2020 സെപ്തംബര്‍ 18) മുതല്‍ 7 ദിവസത്തേക്കുംകൂടി കണ്ടെയ്ന്‍മെന്റ് സോണ്‍ നിയന്ത്രണം ദീര്‍ഘിപ്പിച്ച് ജില്ലാ കളക്ടര്‍ പി.ബി നൂഹ് ഉത്തരവ് പുറപ്പെടുവിച്ചു. നിലവില്‍ പ്രഖ്യാപിച്ചിട്ടുള്ള കണ്ടെയന്‍മെന്റ് സോണ്‍ നിയന്ത്രണം അവസാനിക്കുന്ന സാഹചര്യത്തിലും കണ്ടെയ്ന്‍മെന്റ് സോണ്‍ നിയന്ത്രണം ദീര്‍ഘിപ്പിക്കണമെന്നുള്ള പത്തനംതിട്ട ജില്ലാ മെഡിക്കല്‍ ഓഫീസറുടെ (ആരോഗ്യം)ശുപാര്‍ശയുടെ അടിസ്ഥാനത്തിലാണ് ഉത്തരവായത്.

നേരിട്ടുള്ള സമ്പര്‍ക്കത്തിലൂടെ 320 പേര്‍ക്ക് വൈറസ്ബാധ
ഉറവിടമറിയാതെ രോഗബാധിതരായവര്‍ 15 പേര്‍
മൂന്ന് ആരോഗ്യ പ്രവര്‍ത്തകര്‍ക്കും രോഗബാധ
രോഗബാധിതരായി ചികിത്സയില്‍ 3,234 പേര്‍
ആകെ നിരീക്ഷണത്തിലുള്ളത് 33,926 പേര്‍

നെടുമ്പ്രം ഗ്രാമപഞ്ചായത്തിലെ വാര്‍ഡ് 5, ആറന്മുള ഗ്രാമപഞ്ചായത്തിലെ വാര്‍ഡ് 17, കോന്നി ഗ്രാമപഞ്ചായത്തിലെ വാര്‍ഡ് 16 (എസ്.കെ.ആര്‍ ലോഡ്ജ് മുതല്‍ വട്ടക്കാവ് ഭാഗം വരെ), ഏഴംകുളം ഗ്രാമപഞ്ചായത്തിലെ വാര്‍ഡ് 12 (ഏനാത്ത് ടൗണ്‍ ഉള്‍പ്പടെയുള്ള പ്രദേശങ്ങള്‍), എഴുമറ്റൂര്‍ ഗ്രാമപഞ്ചായത്തിലെ വാര്‍ഡ് 3, റാന്നി അങ്ങാടി ഗ്രാമപഞ്ചായത്തിലെ വാര്‍ഡ് 7 (പേട്ട ജംഗ്ഷന്‍ മുതല്‍ ചെമ്പന്‍ മുഖം വരെയും, കോയിക്കല്‍പ്പടി മുതല്‍ വര്‍ക്ക്‌ഷോപ്പ് വരെയും) എന്നിവിടങ്ങളില്‍ 7 ദിവസത്തേക്കു കണ്ടെയ്ന്‍മെന്റ് സോണ്‍ നിയന്ത്രണം ഏര്‍പ്പെടുത്തി. 

  ടൂറിസം കേന്ദ്രമായ ഗവിയിലേക്കുള്ള പ്രധാന പാതയായ പ്ലാപ്പള്ളി - കക്കി-വള്ളക്കടവ്(പി.കെ.വി)റോഡിന് 9.27 കോടി രൂപ അനുവദിച്ചതായി അഡ്വ.കെ.യു. ജനീഷ് കുമാര്‍ എംഎല്‍എ അറിയിച്ചു. 96.05 കിലോമീറ്ററാണ് ഈ റോഡിന്റെ ദൂരം. ഇതില്‍ ഇനിയും നിര്‍മാണം പൂര്‍ത്തിയാകാനുള്ള 23.15 കിലോമീറ്ററിലെ ടാറിംഗ് നടത്തി റോഡ് ഗതാഗതയോഗ്യമാക്കുന്നതിനാണ് തുക അനുവദിച്ചത്. പ്ലാപ്പള്ളി മുതല്‍ ഗവി വരെയുള്ള ഭാഗത്താണ് നിര്‍മാണം നടത്തുക. 

ജില്ലയില്‍ കോവിഡ് കേസുകള്‍ വര്‍ധിക്കുന്ന സാഹചര്യത്തില്‍ ആശുപത്രികള്‍, സ്വകാര്യലാബുകള്‍ എന്നിവ സര്‍ക്കാര്‍ നിര്‍ദ്ദേശങ്ങള്‍ പാലിക്കണമെന്ന് ജില്ലാ മെഡിക്കല്‍ ഓഫീസര്‍ ഡോ.കെ.സക്കീന അറിയിച്ചു. ജില്ലയില്‍ വിവിധ ലാബുകളില്‍ ചെയ്യുന്ന കോവിഡ് ടെസ്റ്റ് വിവരങ്ങള്‍ ക്രോഡീകരിക്കുന്നതിനായി ടെസ്റ്റുകള്‍ ചെയ്യുന്ന എല്ലാ സ്വകാര്യ ലാബുകളും അവരുടെ ഓരോ ദിവസത്തെയും പോസിറ്റീവ്, നെഗറ്റീവ് കേസുകള്‍ Healthmon  എന്ന പോര്‍ട്ടലില്‍ അപ്‌ലോഡ് ചെയ്യണം. റിപ്പോര്‍ട്ട് dsomal...@gmail.com എന്ന ഇ-മെയിലിലേക്കും അയക്കണം. റിപ്പോര്‍ട്ട് ചെയ്യാത്ത ലാബുകള്‍ക്കെതിരെ ശക്തമായ നടപടി സ്വീകരിക്കുമെന്നും ഡി.എം.ഒ അറിയിച്ചു.