സ്മാർട്ട് റവന്യൂ ഓഫീസ് പദ്ധതിയിൽ ഉൾപ്പെടുത്തി നവീകരിച്ച തൂണേരി വില്ലേജ് ഓഫീസ്  ഇ.കെ. വിജയൻ എംഎൽഎ നാടിന് സമർപ്പിച്ചു.

ബീച്ചിൽ 'അയാം സേവിങ് മൈ ബീച്ച്' പതാക ഉയർത്തും 

കേരള ലേബര്‍ വെല്‍ഫയര്‍ ഫണ്ട് ബോര്‍ഡ് വരിക്കാരായ (ഫാക്ടറി തൊഴിലാളികള്‍, തോട്ടം  തൊഴിലാളികള്‍, ബാങ്ക്, കോ ഓപ്പറേറ്റീവ് ബാങ്ക് തൊഴിലാളികള്‍) തൊഴിലാളികളുടെ മക്കള്‍ക്ക് 2020-21 വര്‍ഷം ഐടിഐ പ്രവേശനത്തിനായി അപേക്ഷ ക്ഷണിച്ചു.12 ഐടിഐകളിലായി 13 ട്രേഡുകളില്‍ അപേക്ഷിക്കാം.  അപേക്ഷ  www.labourwelfarefundboard.in എന്ന വെബ്സൈറ്റിലൂടെ ഓണ്‍ലൈനായി സെപ്തംബര്‍ 22 വരെ സമര്‍പ്പിക്കാമെന്ന് ലേബര്‍ വെല്‍ഫയര്‍ ഫണ്ട് ഇന്‍സ്പെക്ടര്‍ അറിയിച്ചു.  ഫോണ്‍ -0495 2372480.
 

എറണാകുളം: എല്ലാ വീടുകളിലും മധുരക്കിഴങ്ങ് കൃഷിയാരംഭിക്കുക എന്ന ലക്ഷ്യത്തോടെ ആരംഭിച്ച മധുര ഗ്രാമം പദ്ധതിക്ക് വടക്കേക്കരയിൽ തുടക്കമായി. പദ്ധതിയുടെ ഉദ്ഘാടനം പഞ്ചായത്ത് പ്രസിഡൻ്റ് കെ.എം അംബ്രോസ് നിർവ്വഹിച്ചു.  തിരുവനന്തപുരം കേന്ദ്ര കിഴങ്ങുവിള ഗവേഷണ കേന്ദ്രത്തിൻ്റെ സഹായത്തോടെയാണ് പദ്ധതി നടപ്പാക്കുന്നത്.  

നടാനാവശ്യമായ മധുരക്കിഴങ്ങ് വള്ളികളുടെ (തലകൾ) വിതരണം പുരോഗമിക്കുകയാണ്. ആദ്യഘട്ടം എന്ന നിലയിൽ 8000 ത്തോളം വള്ളികൾ വിതരണം ചെയ്തു. മൂന്ന് മാസം കൊണ്ട് പഞ്ചായത്തിലെ വീട്ടുമുറ്റങ്ങളിൽ മധുരക്കിഴങ്ങ് വിളയിച്ചെടുക്കുവാൻ കഴിയും.