ആലപ്പുഴ: പുറക്കാട്  ഗ്രാമപഞ്ചായത്തിൽ തിരഞ്ഞെടുപ്പുമായി ബന്ധപെട്ട് ഓഗസ്റ് 12ന് പ്രസിദ്ധീകരിച്ച വോട്ടർപട്ടികയിൽ നിന്നും പേര് നീക്കം ചെയ്യുന്നതിന് ഫാറം അഞ്ച് മുഖേന പുറക്കാട് ഗ്രാമപഞ്ചായത്ത് ഓഫീസിൽ സമർപ്പിച്ച ആക്ഷേപങ്ങൾ പ്രകാരം പേര് നീക്കം ചെയ്യണ്ടവരുടെ പട്ടിക ഗ്രാമപഞ്ചായത്ത് ഓഫീസിൽ പ്രസിദ്ധീകരിച്ചിട്ടുണ്ട്. ഈ ലിസ്റ്റിൽ ആക്ഷേപം ഉള്ളവർ മതിയായ രേഖകൾ സഹിതം ഈ മാസം 19 ന് വൈകിട്ട് 5 മണിക്കകം ഓഫീസിൽ നേരിട്ട് ഹാജരാകണം. 

വിശദ വിവരങ്ങൾക്ക് ഫോൺ :0477 227 2031

ഹോസ്ദുര്‍ഗ് ബിആര്‍സി പ്രതിഭ കേന്ദ്രങ്ങള്‍ കുട്ടികളുടെ കഴിവുകളെ കണ്ടെത്തി പരിപോഷിപ്പിക്കുന്ന ടാലന്റ് ലാബുകളാകുന്നു. പൊതുവിദ്യാഭ്യാസ വകുപ്പിന്റെ ഓണ്‍ലൈന്‍ ക്ലാസുകള്‍ കുട്ടികളിലേക്ക് എത്തിക്കുന്നതിനായി പഞ്ചായത്ത് അടിസ്ഥാനത്തില്‍ ആരംഭിച്ച പ്രതിഭ കേന്ദങ്ങളാണ് ടാലന്റ്  ലാബുകളാകുന്നത്. ഓണ്‍ലൈന്‍ ക്ലാസുകള്‍ക്കായി പ്രതിഭ കേന്ദത്തിലെത്തുന്ന ഓരോ കുട്ടിയിലും മറഞ്ഞിരിക്കുന്ന കഴിവുകള്‍ കണ്ടെത്തി പരിപോഷിപ്പിക്കാനാണ്  പദ്ധതിയിലൂടെ ലക്ഷ്യമിടുന്നത്. ഹോസ്ദുര്‍ഗ് ബിആര്‍സിക്ക് കീഴിലെ ആറ് പ്രതിഭ കേന്ദ്രങ്ങളിലായി 120 ഓളം വിദ്യാര്‍ഥികളുണ്ട്.

ആലപ്പുഴ :  തണ്ണീർമുക്കം വടക്ക് കയർ വ്യവസായ സഹകരണ സംഘത്തിൽ ഓട്ടോമാറ്റിക് സ്പിന്നിങ് മെഷീൻ സ്ഥാപിക്കുന്നതിന്റെ ഉദ്ഘാടനം ധനകാര്യ കയർ വകുപ്പ് മന്ത്രി ഡോ. ടി എം തോമസ് ഐസക് ഓൺലൈൻ വഴി നിർവഹിച്ചു. രണ്ടാം കയർ പുനഃസംഘടനയുടെ ഭാഗമായാണ് സംസ്ഥാനത്തെ 100 കയർ സംഘങ്ങളിൽ 1000 ഓട്ടോമാറ്റിക് സ്പിന്നിങ് മെഷീനുകൾ സർക്കാർ സ്ഥാപിക്കുന്നത്. 

പട്ടികജാതി വികസന വകുപ്പിനു കീഴില്‍ ജില്ലയില്‍ പ്രവര്‍ത്തിക്കുന്ന ഗവ.പോസ്റ്റ്മെട്രിക് ഹോസ്റ്റലുകളില്‍ പ്രവേശനത്തിന് സര്‍ക്കാര്‍, എയ്ഡഡ്, പോസ്റ്റ് മെട്രിക് സ്ഥാപനങ്ങളില്‍ പഠിക്കുന്ന പട്ടികജാതി, പട്ടികവര്‍ഗ, ഒ.ബി.സി, മറ്റ് സമുദായങ്ങളില്‍ നിന്ന് അപേക്ഷ ക്ഷണിച്ചു.  കണ്ണാടിയിലെ പെണ്‍കുട്ടികളുടെ ഹോസ്റ്റലിലേക്കും പാലക്കാട് ആണ്‍കുട്ടികളുടെ ഹോസ്റ്റലിലേക്കുമാണ് പ്രവേശനം.

ജില്ലയില്‍ കോവിഡ് വ്യാപനം അതി തീവ്രമാകുന്നു. ജില്ലയില്‍ ഒറ്റദിവസം തന്നെ 319 രോഗികള്‍ റിപ്പോര്‍ട്ട് ചെയ്യപ്പെട്ടതോടെ പ്രതിരോധ പ്രവര്‍ത്തനങ്ങളിലെ ജാഗ്രത ഊര്‍ജിതപ്പെടുത്തേണ്ടതിന്റെ  അനിവാര്യത  വര്‍ദ്ധിച്ചുവരികയാണെന്ന് ജില്ലാ മെഡിക്കല്‍ ഓഫീസര്‍ ഡോ.എ.വി രാംദാസ് പറഞ്ഞു. നിയന്ത്രണങ്ങളില്‍ വലിയതോതില്‍ ഇളവ് വരുത്തിയതോടെ സമ്പര്‍ക്ക വ്യാപന കേസുകള്‍ ജില്ലയിലാകെ വര്‍ദ്ധിച്ചു വരികയാണ്. ഇന്നലെ (സെപ്റ്റംബര്‍ 17) മാത്രം  റിപ്പോര്‍ട്ട് ചെയ്യപ്പെട്ടതില്‍   290  കേസുകളും സമ്പര്‍ക്കത്തിലൂടെയാണ് സ്ഥിരീകരിച്ചത്.

സംസ്ഥാനത്തെ ഹൈസ്‌കൂള്‍, ഹയര്‍ സെക്കന്‍ഡറി വിദ്യാര്‍ഥികള്‍ക്കായി കേരള ഖാദി ഗ്രാമവ്യവസായ ബോര്‍ഡ് കോവിഡ് മാനദണ്ഡം പാലിച്ച് സംസ്ഥാനതല ക്വിസ് മത്സരം 'പ്രജ്ഞ 2020' ഓണ്‍ലൈനായി സംഘടിപ്പിക്കുന്നു. ഗ്രാന്‍ഡ് മാസ്റ്റര്‍ ഡോ.ജി.എസ് പ്രദീപ് ക്വിസ് നയിക്കും. 70 ശതമാനം പൊതുവിജ്ഞാനവും 30 ശതമാനം 'ഗാന്ധിജിയും ഖാദിയും ഇന്ത്യന്‍ സ്വാതന്ത്ര്യ സമരവും' ആണ് ക്വിസ് മത്സരത്തിന്റെ വിഷയം.

    • രണ്ടാം കുട്ടനാട് പാക്കേജിന് തുടക്കം കുറിച്ച്  മുഖ്യമന്ത്രി
    • കുട്ടനാട് ബ്രാന്‍ഡ് അരി ഉല്‍പ്പാദിപ്പിക്കുന്നതിന് ആലപ്പുഴയില്‍ റൈസ് പാര്‍ക്ക്
    • കുട്ടനാടന്‍ മേഖലയ്ക്കുള്ള കാര്‍ഷിക കലണ്ടര്‍
    • താറാവ്കൃഷി ഗവേഷണസ്ഥാപനം വെറ്റിനറി സര്‍വകലാശാല മുഖാന്തിരം സ്ഥാപിക്കും
    • തോട്ടപ്പള്ളി സ്പില്‍വേയിലേക്കുള്ള ലീഡിങ് ചാനലിന്‍റെ വീതിയും  ആഴവും വര്‍ധിപ്പിക്കും
    • വേമ്പനാട് കായലിനെ   കയ്യേറ്റങ്ങളില്‍ നിന്ന് സംരക്ഷിക്കും

പാലക്കാട് സബ് ട്രഷറിയിലെ ഉപയോഗശൂന്യമായ മര, പ്ലാസ്റ്റിക്, സ്റ്റീല്‍, അലൂമിനിയം ഉരുപ്പടികള്‍ സെപ്റ്റംബര്‍ 29 ന് വൈകീട്ട് മൂന്നിന് ലേലം ചെയ്യും. വസ്തുക്കളെ സംബന്ധിച്ച കൂടുതല്‍ വിവരങ്ങള്‍ പ്രവൃത്തി ദിവസങ്ങളില്‍ പാലക്കാട് സബ് ട്രഷറി ഓഫീസില്‍ ലഭിക്കും. ഫോണ്‍: 0491-2522933, 9496000184.

പാലക്കാട് കെല്‍ട്രോണ്‍ നോളജ് സെന്ററില്‍ പട്ടികജാതി/ പട്ടികവര്‍ഗക്കാര്‍ക്കായുള്ള സൗജന്യ കമ്പ്യൂട്ടര്‍ കോഴ്‌സ് (ഒ ലെവല്‍ / ഡി.സി.എ.യ്ക്ക് തുല്യം) സീറ്റ് ഒഴിവിലേക്ക് അപേക്ഷിക്കാം. പ്ലസ് ടുവാണ് യോഗ്യത. മൂന്നു ലക്ഷത്തില്‍ താഴെ വാര്‍ഷിക വരുമാനമുള്ള 30 വയസ്സിനു താഴെയുള്ളവര്‍ക്കാണ് അവസരം. വിശദവിവരങ്ങള്‍ ഹെഡ് ഓഫ് സെന്റര്‍,  കെല്‍ട്രോണ്‍ നോളജ് സെന്റര്‍,  മഞ്ഞക്കുളം റോഡ്, പാലക്കാട് 14 വിലാസത്തില്‍ ലഭിക്കും. ഫോണ്‍: 0491-2504599, 9847597587.