കെട്ടിട നിര്‍മാണ തൊഴിലാളി ക്ഷേമനിധി ബോര്‍ഡിലെ അംഗങ്ങളുടെ മക്കള്‍ക്ക്  2020 - 21 അധ്യയന വര്‍ഷത്തിലെ വിദ്യാഭ്യാസ ആനുകൂല്യത്തിനുള്ള അപേക്ഷകള്‍ റെഗുലര്‍ ക്ലാസ് തുടങ്ങി 45 ദിവസത്തിനകം സമര്‍പ്പിച്ചാല്‍ മതിയെന്ന് ജില്ലാ എക്‌സിക്യൂട്ടീവ് ഓഫീസര്‍ അറിയിച്ചു. ഓണ്‍ലൈന്‍ ക്ലാസ് തുടങ്ങിയ തീയതി പരിഗണിക്കുന്നതല്ല.

അട്ടപ്പാടിയില്‍  പരമ്പരാഗത കൃഷി പ്രോല്‍സാഹിപ്പിക്കുന്നതിന് പട്ടികവര്‍ഗ വികസന വകുപ്പ് നടപ്പാക്കുന്ന 'നമത് വെള്ളാമെ' പദ്ധതിയില്‍ കരാര്‍ അടിസ്ഥാനത്തില്‍ പ്രോജക്ട് മാനേജറെ നിയമിക്കുന്നു. അട്ടപ്പാടിക്കാരായ പട്ടികവര്‍ഗക്കാര്‍ക്കാണ് അവസരം. ബി.ടെക് അഗ്രികള്‍ച്ചര്‍ യോഗ്യതയുള്ള 20 - 40 നും മധ്യേ പ്രായമുള്ളവര്‍ക്കാണ് അവസരം. താത്പര്യമുള്ളവര്‍ ജാതി, വിദ്യാഭ്യാസ യോഗ്യത, പ്രവൃത്തി പരിചയം തെളിയിക്കുന്ന രേഖകളുടെ പകര്‍പ്പുമായി സഹിതം സെപ്തംബര്‍ 23 ന് വൈകീട്ട് അഞ്ചിനകം അട്ടപ്പാടി ഐ. ടി.ഡി.പി. പ്രൊട്ടക്ട് ഓഫീസില്‍ അപേക്ഷ സമര്‍പ്പിക്കണം. ഫോണ്‍: 04924 254382.

കേരള ഷോപ്‌സ് ആന്‍ഡ് കൊമേഴ്‌സ്യല്‍ എസ്റ്റാബ്ലിഷ്‌മെന്റ്‌സ് വര്‍ക്കേഴ്‌സ് വെല്‍ഫെയര്‍ ഫണ്ട് ബോര്‍ഡിലെ അംഗങ്ങളുടെ മക്കള്‍ക്ക് സ്‌കോളര്‍ഷിപ്പിന് അപേക്ഷിക്കാം.  2020-2021 അധ്യയന വര്‍ഷത്തില്‍ പ്ലസ് വണ്‍ മുതല്‍ പോസ്റ്റ് ഗ്രാജുവേറ്റ് വരെയും, പ്രൊഫഷണല്‍ കോഴ്‌സുകള്‍ ഉള്‍പ്പെടെയുള്ള വിവിധ കോഴ്‌സുകള്‍ക്കുമാണ് സ്‌കോളര്‍ഷിപ്പ് നല്‍കുന്നത്. അപേക്ഷാ ഫോറം peedika.kerala.gov.in എന്ന  വെബ് സൈറ്റില്‍ നിന്നും ലഭിക്കും.

  ലാറ്ററല്‍  എന്‍ട്രി മുഖേന  ഗവ. പോളിടെക്‌നിക്ക്  കോളേജ് തൃക്കരിപ്പൂര്‍ , സ്വാമി നിത്യാനന്ദ  പോളിടെക്‌നിക്ക്  കോളേജ്  കാഞ്ഞങ്ങാട് ,      ഗവ. പോളിടെക്്‌നിക്ക്  കോളേജ്  കാസര്‍കോട്  എന്നീ  സ്ഥാപനങ്ങളിലെ രണ്ടാം വര്‍ഷ   ക്‌ളാസുകളിലേക്ക് പ്രവേശനം  ലഭിക്കുന്നതിന് അപേക്ഷ സമര്‍പ്പിച്ചു റാങ്ക് ലിസ്റ്റില്‍ ഉള്‍പ്പെട്ടവര്‍ക്കുവേണ്ടി സ്വാമി നിത്യാനന്ദ  പോളിടെക്‌നിക്ക് കോളേജില്‍   സെപ്തംബര്‍ 23  ന് സ്‌പോട്ട് അഡ്മിഷന്‍ നടത്തും.ഒഴിവുള്ള 88  സീറ്റുകളിലേക്ക്  റാങ്കു ലിസ്റ്റില്‍ പേരുള്‍പ്പെട്ട എല്ലാവര്‍ക്കും സ്‌പോട്ട് അഡ്മിഷന്  പങ്കെടുക്കാം.

തൊഴിലാളികളുടെ അധ്വാനത്തിന് മികച്ച തിരിച്ചടവ് നല്‍കുന്ന സംസ്ഥാനസര്‍ക്കാരിന്റെ ക്ഷേമനിധിയോട് തൊഴിലാളികള്‍ക്കിടയില്‍ പ്രിയമേറുന്നു. അംഗത്വമെടുക്കുന്നതിനുള്ള ലളിതമായ പ്രക്രിയയും തുച്ഛമായ തുകമാത്രം അടക്കേണ്ടതിനാലുമാണ് കേരളാ ഷോപ്സ് ആന്റ് കൊമേഴ്സ്യല്‍ എസ്റ്റാബ്ളിഷ്മെന്റിസ് തൊഴിലാളി ക്ഷേമപദ്ധതിക്ക് സ്വീകാര്യത വര്‍ധിക്കുന്നത്.

ആലപ്പുഴ : ഭിത്തികെട്ടലും വാർക്കലുമടക്കം വീടുപണിയിലും ചുവടുറപ്പിക്കുകയാണ് ആര്യാട് ബ്ലോക്കിന്റെ പെൺകരുത്ത്. കെട്ടിട നിർമ്മാണത്തിന്റെ എല്ലാ രംഗത്തും സ്ത്രീകൾക്ക് പരിശീലനം നൽകുന്നതിനായി ആര്യാട് ബ്ലോക്ക് പഞ്ചായത്തിന്റെ നേതൃത്വത്തിൽ പി.എം.എ.വൈ (ഗ്രാമീൺ ) പദ്ധതിയുടെ ആദ്യ ഘട്ടം എന്ന നിലയിൽ നടന്ന വനിതാ മേസ്തിരി  പരിശീലനം പൂർത്തിയായി. അഞ്ചു പേരടങ്ങുന്ന ഗ്രൂപ്പിന് 45 ദിവസത്തെ പരിശീലനമാണ് നൽകിയത്.

തൊഴിലാളികളുടെ അധ്വാനത്തിന് മികച്ച തിരിച്ചടവ് നല്‍കുന്ന സംസ്ഥാനസര്‍ക്കാരിന്റെ ക്ഷേമനിധിയോട് തൊഴിലാളികള്‍ക്കിടയില്‍ പ്രിയമേറുന്നു. അംഗത്വമെടുക്കുന്നതിനുള്ള ലളിതമായ പ്രക്രിയയും തുച്ഛമായ തുകമാത്രം അടക്കേണ്ടതിനാലുമാണ് കേരളാ ഷോപ്സ് ആന്റ് കൊമേഴ്സ്യല്‍ എസ്റ്റാബ്ളിഷ്മെന്റിസ് തൊഴിലാളി ക്ഷേമപദ്ധതിക്ക് സ്വീകാര്യത വര്‍ധിക്കുന്നത്.