ഓണക്കാലത്ത് അളവ് - തൂക്ക ക്രമക്കേടുകള്‍ നടത്തുന്നവരെ കണ്ടെത്തി നടപടി സ്വീകരിക്കുന്നതിന്  ഓഗസ്റ്റ് 29 മുതല്‍  ലീഗല്‍ മെട്രോളജി വകുപ്പ് പ്രത്യേക മിന്നല്‍ പരിശോധന നടത്തും. പൊതുജനങ്ങള്‍ക്ക് പരാതികള്‍ കണ്‍ട്രോള്‍ റൂമില്‍ അറിയിക്കാം. ഫോണ്‍: 0481 2582998, 8281698044,8281968046.

======

നദികളുടെ പുനരുജ്ജീവന പ്രവര്‍ത്തനങ്ങളിലെ മികവിനുള്ള  എലെറ്റ്സ് വാട്ടര്‍ ഇന്നോവേഷന്‍ ദേശീയ പുരസ്കാരം കോട്ടയം ജില്ലയ്ക്ക്. മഹാത്മ ഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയില്‍ നടപ്പാക്കിയ മീനച്ചിലാര്‍-മീനന്തറയാര്‍-കൊടൂരാര്‍ പുനര്‍ സംയോജന പദ്ധതി പരിഗണിച്ചാണ് കേന്ദ്ര ജലശക്തി മന്ത്രാലയവും എലെറ്റ്സ് ടെക്നോ മീഡിയയും സംയുക്തമായി ഏര്‍പ്പെടുത്തിയ പുരസ്കാരത്തിന് ജില്ലയെ തിരഞ്ഞെടുത്തത്.  

ഇന്ന്(ഓഗസ്റ്റ് 28) വൈകുന്നേരം ഏഴിന് നടക്കുന്ന ഓണ്‍ലൈന്‍ പുരസ്കാരദാനച്ചടങ്ങില്‍ കേന്ദ്ര ജലവിഭവ വകുപ്പ് സെക്രട്ടറി യു.പി. സിംഗ് അധ്യക്ഷത വഹിക്കും.

===============
ഈരാറ്റുപേട്ട മുനിസിപ്പാലിറ്റി - 4 കടപ്ലാമറ്റം - 13, മുളക്കുളം - 1, തിരുവാർപ്പ് - 2,  എന്നീ തദേശ സ്വയം ഭരണ സ്ഥാപന വാര്‍ഡുകളെ കോവിഡ് കണ്ടെയ്ന്‍മെന്‍റ് സോണുകളായി പ്രഖ്യാപിച്ച് കോട്ടയം ജില്ലാ കളക്ടർ ഉത്തരവായി.

ഓഗസ്റ്റ് മാസത്തെ റേഷന്‍ വിതരണം സെപ്റ്റംബര്‍ അഞ്ചുവരെ ദീര്‍ഘിപ്പിച്ചു.  വാങ്ങാനുള്ളവര്‍ നിശ്ചിത തീയതിക്കു മുന്‍പ് വാങ്ങണമെന്ന് കോട്ടയം ജില്ലാ സപ്ലൈ ഓഫീസര്‍ അറിയിച്ചു

 എല്ലാ റേഷന്‍ കടകള്‍ക്കും ഓഗസ്റ്റ് 30 (ഞായര്‍) പ്രവൃത്തി ദിവസമായിരിക്കും. ഇതിന് പകരമായി  സെപ്റ്റംബര്‍ ഒന്നിന്  റേഷന്‍ കടകള്‍ക്ക് അവധി ആയിരിക്കും

========

മൂന്നു പതിറ്റാണ്ടു മുന്‍പ് തൊഴില്‍ തേടിയാണ് തമിഴ്നാട്ടിലെ തിരുനെല്‍വേലിയില്‍നിന്നും  സുടലൈയപ്പനും കുടുംബവും കോട്ടയത്ത് എത്തിയത്. തൊഴിലും ജീവിതവും നല്‍കിയ നാട്ടില്‍ ഇക്കുറി അദ്ദേഹത്തിന്റെ മകന്‍ രാജീവിന് വിലപ്പെട്ടൊരു ഓണസമ്മാനവും കിട്ടി. ലൈഫ് മിഷനില്‍ നിര്‍മിച്ച വീട്ടില്‍ ഈ ചെറുപ്പക്കാരനും ഭാര്യ ശരണ്യയും ഉത്രാടദിനത്തില്‍ താമസമാരംഭിക്കും.

കോട്ടയം ജില്ലയില്‍ 126 പേര്‍ക്കു കൂടി കോവിഡ് സ്ഥിരീകരിച്ചു. ഇതില്‍ സമ്പര്‍ക്കത്തിലൂടെ ബാധിച്ച 118 പേരും   സംസ്ഥാനത്തിനു പുറത്തുനിന്ന് എത്തിയ എട്ടു  പേരും ഉള്‍പ്പെടുന്നു.

കോട്ടയം മുനിസിപ്പാലിറ്റിയില്‍ സമ്പര്‍ക്കം മുഖേന 22 പേര്‍ക്ക് രോഗം ബാധിച്ചു. ആര്‍പ്പൂക്കര -10, കുമരകം -7, മുണ്ടക്കയം, തലപ്പലം, ഈരാറ്റുപേട്ട - 6 വീതം തൃക്കൊടിത്താനം, കൂരോപ്പട  -5 വീതം എന്നിവയാണ് സമ്പര്‍ക്ക വ്യാപനം കൂടുതലായി റിപ്പോര്‍ട്ട് ചെയ്യപ്പെട്ട മറ്റു സ്ഥലങ്ങള്‍.

നദികളുടെ പുനരുജ്ജീവന പ്രവര്‍ത്തനങ്ങളിലെ മികവിന് കോട്ടയം ജില്ലയ്ക്ക്  എലെറ്റ്‌സ് വാട്ടര്‍ ഇന്നോവേഷന്‍ ദേശീയ പുരസ്‌കാരം സമ്മാനിച്ചു. കേന്ദ്ര ജലവിഭവ വകുപ്പ് സെക്രട്ടറി യു.പി. സിംഗിന്റെ അധ്യക്ഷതയില്‍ ചേര്‍ന്ന വീഡിയോ കോണ്‍ഫറന്‍സില്‍ ജില്ലാ കളക്ടര്‍ എം. അഞ്ജന പുരസ്‌കാരം ഏറ്റുവാങ്ങി.  

മഹാത്മ ഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയില്‍ നടപ്പാക്കിയ മീനച്ചിലാര്‍-മീനന്തറയാര്‍-കൊടൂരാര്‍ പുനര്‍ സംയോജന പ്രവര്‍ത്തനങ്ങള്‍  പരിഗണിച്ചാണ് കേന്ദ്ര ജലശക്തി മന്ത്രാലയവും എലെറ്റ്‌സ് ടെക്‌നോ മീഡിയയും സംയുക്തമായി ഏര്‍പ്പെടുത്തിയ അവാര്‍ഡിന് ജില്ലയെ തിരഞ്ഞെടുത്തത്.  

?  ക്വിക് റെസ്‌പോണ്‍സ് ടീമുകളുടെ പരിശോധന എല്ലാ കേന്ദ്രങ്ങളിലും

?   നിര്‍ദേശങ്ങള്‍ ലംഘിച്ചാല്‍ കര്‍ശന നടപടി

ഓണത്തോടനുബന്ധിച്ച് സംസ്ഥാന സര്‍ക്കാര്‍ ഇളവുകള്‍ അനുവദിച്ചിട്ടുണ്ടെങ്കിലും കോവിഡ് വ്യാപനം തടയുന്നതിന് നിയന്ത്രണങ്ങള്‍ കര്‍ശനമായി പാലിക്കാന്‍  ജാഗ്രത പുലര്‍ത്തണമെന്ന് മന്ത്രി പി. തിലോത്തമന്‍ നിര്‍ദേശിച്ചു.

ജില്ലയിലെ കോവിഡ് പ്രതിരോധ ക്രമീകരണങ്ങള്‍ വിലയിരുത്തുന്നതിനായി കളക്ടറേറ്റില്‍ ചേര്‍ന്ന യോഗത്തില്‍ സംസാരിക്കുകയായിരുന്നു അദ്ദേഹം.

നിര്‍ദേശങ്ങള്‍ ലംഘിച്ചവര്‍ക്കെതിരെ നടപടി

ഓണത്തിരക്കിനിടയില്‍ കോവിഡ് പ്രതിരോധം മറന്നു പോകുന്നവരുടെ ശ്രദ്ധയ്ക്ക്; നിങ്ങള്‍ ക്വിക് റെസ്‌പോണ്‍സ് ടീമുകളുടെ നിരീക്ഷണത്തിലാണ്.  രോഗപ്രതിരോധ നിര്‍ദേശങ്ങള്‍ ലംഘിച്ചാല്‍ ഉറപ്പായും നടപടിയുണ്ടാകും.

കോവിഡ് സമ്പര്‍ക്ക വ്യാപനം തടയുന്നതിന്റെ ഭാഗമായി  രൂപീകരിച്ച ക്വിക് റെസ്‌പോണ്‍സ് ടീമുകള്‍ ജില്ലയില്‍ എല്ലാ കേന്ദ്രങ്ങളിലും സജീവമായി പരിശോധന നടത്തിവരികയാണ്.