നേരിട്ടുള്ള സമ്പര്‍ക്കത്തിലൂടെ 302 പേര്‍ക്ക് വൈറസ്ബാധ
ഉറവിടമറിയാതെ ഏഴ് പേര്‍ക്ക് രോഗബാധ
മൂന്ന് ആരോഗ്യ പ്രവര്‍ത്തകര്‍ക്കും രോഗബാധ
രോഗബാധിതരായി ചികിത്സയില്‍ 2,269 പേര്‍
ആകെ നിരീക്ഷണത്തിലുള്ളത് 42,618 പേര്‍

കൊവിഡിനൊപ്പം ജീവിച്ചുകൊണ്ട് അതിനെ ചെറുക്കാന്‍ നാം പഠിക്കണമെന്ന് ആരോഗ്യമന്ത്രി കെ കെ ശൈലജ ടീച്ചര്‍. തൃപ്പങ്ങോട്ടൂര്‍ ഗ്രാമപഞ്ചായത്ത്കുടുംബാരോഗ്യ കേന്ദ്രത്തിന്റെശിലാസ്ഥാപന കര്‍മ്മം നിര്‍വഹിച്ചു സംസാരിക്കുകയായിരുന്നു മന്ത്രി. കൊവിഡ് പ്രതിരോധത്തിന് തദ്ദേശ സ്വയംഭരണ സ്ഥാപനങ്ങളിലൂടെ ബോധവല്‍ക്കരണം ശക്തമാക്കണമെന്നും മന്ത്രി പറഞ്ഞു.

കോവിഡ് കാലത്ത് വയോജനങ്ങള്‍ക്ക്   വീട്ടിലിരുന്ന് തന്നെ ഷുഗര്‍ പരിശോധിക്കുന്നതിനായി പൊന്നാനി നഗരസഭയില്‍  ഗ്ലൂക്കോ മീറ്ററുകള്‍  വിതരണം ചെയ്തു. സാമൂഹ്യ നീതി വകുപ്പും പൊന്നാനി നഗരസഭയും ചേര്‍ന്ന് വയോമധുരം പദ്ധതി പ്രകാരമാണ് ഗ്ലൂക്കോ മീറ്ററുകള്‍ വിതരണം ചെയ്തത്. നഗരസഭ പരിധിയിലെ വയോമിത്രം പദ്ധതിയിലുള്‍പ്പെട്ട 60 വയസ് പിന്നിട്ട 173 പേര്‍ക്കാണ് ഗ്ലൂക്കോ മീറ്ററുകള്‍ വിതരണം ചെയ്യുന്നത്. നഗരസഭാ ചെയര്‍മാന്‍ സി.പി മുഹമ്മദ് കുഞ്ഞി വിതരണോദ്ഘാടനം നിര്‍വഹിച്ചു. വയോമിത്രം കോഓര്‍ഡിനേറ്റര്‍ മുഹമ്മദ് റാഫി സംബന്ധിച്ചു.
 

സമഗ്ര ശിക്ഷാ കേരളം ജില്ലയിലെ വിവിധ ബി.ആര്‍.സികളിലെ ഒഴിവുള്ള ട്രെയിനര്‍ തസ്തികകളില്‍ നിയമനം നടത്തുന്നു. ഗവണ്‍മെന്റ്/എയ്ഡഡ് സ്‌കൂളുകളില്‍ സര്‍വീസിലുള്ള ഹയര്‍സെക്കന്‍ഡറി, സെക്കന്‍ഡറി, പ്രൈമറി അധ്യാപകര്‍ക്ക് അഭിമുഖത്തില്‍ പങ്കെടുക്കാം. താത്പര്യമുള്ളവര്‍ സെപ്തംബര്‍ 17ന് രാവിലെ ഒന്‍പതിന് മഞ്ചേരി ബി.ആര്‍.സിയില്‍ നടക്കുന്ന അഭിരുചി പരീക്ഷയ്ക്കും അഭിമുഖത്തിനും സര്‍ട്ടിഫിക്കറ്റുകളും എന്‍.ഒ.സിയുമായി ഹാജരാകണമെന്ന് എസ്.എസ്.കെ ജില്ലാ പ്രൊജക്ട് കോര്‍ഡിനേറ്റര്‍ അറിയിച്ചു. ഫോണ്‍: 0483: 2735315, 9447960598.

വണ്ടൂര്‍ പെയിന്‍ ആന്‍ഡ് പാലിയേറ്റീവ് കാന്‍സര്‍ കെയര്‍ സെന്ററില്‍ എന്‍.എ.എം മുഖേന പി.ജി യോഗ്യതയുള്ള ഹോമിയോ മെഡിക്കല്‍ ഓഫീസറെ നിയമിക്കുന്നു. എം.ഡി ഹോമിയോ പീഡിയാട്രിക്‌സ്/  എം.ഡി (ഹോമിയോ) യോഗ്യതയുള്ളവര്‍ക്ക് മുന്‍ഗണന ലഭിക്കും.  താത്പര്യമുള്ളവര്‍ അസ്സല്‍ സര്‍ട്ടിഫിക്കറ്റുകളും പകര്‍പ്പും സഹിതം സെപ്തംബര്‍ 16ന് രാവിലെ 10.30ന് ജില്ലാ ഹോമിയോ മെഡിക്കല്‍ ഓഫീസില്‍ നടക്കുന്ന കൂടിക്കാഴ്ചയ്ക്ക് ഹാജരാകണം.
 

കൊണ്ടോട്ടി പള്ളിക്കല്‍ ബഡ്‌സ് സ്‌കൂളില്‍ 65 ലക്ഷം രൂപയുടെ പുതിയ കെട്ടിട നിര്‍മാണത്തിന് ഭരണാനുമതിയായി. പി.എം.ജി.വി.കെ പദ്ധതിയിലുള്‍പ്പെടുത്തിയാണ് പഞ്ചായത്തില്‍ രണ്ട് വര്‍ഷമായി വാടക കെട്ടിടത്തില്‍ പ്രവര്‍ത്തിച്ചുകൊണ്ടിരിക്കുന്ന ബഡ്‌സ് സ്‌കൂളിന് പുതിയ കെട്ടിടം ലഭിക്കുന്നത്. 33 ഭിന്നശേഷി വിദ്യാര്‍ഥികളാണ് വിദ്യാലയത്തിലുള്ളത്. പദ്ധതിയുടെ ആദ്യ ഗഡു 30 ലക്ഷം രൂപ പഞ്ചായത്തിന് ലഭിച്ചതായി ഗ്രാമപഞ്ചായത്ത് പ്രസിഡന്റ് പി.മിഥുന അറിയിച്ചു.
 

കോവിഡ് 19 ബാധിതരായി  ജില്ലയില്‍ നിലവില്‍ 994 പേരാണ് ചികിത്സയിലുള്ളത്.  ഇന്ന് (സെപ്റ്റംബർ 10) ജില്ലയില്‍ 194 പേര്‍ക്കാണ് കോവിഡ് 19 സ്ഥിരീകരിച്ചത്. ഇന്ന് 167 പേരെ ആശുപത്രിയില്‍ പ്രവേശിപ്പിക്കുകയും ചെയ്തു.  

ഇതുവരെ 51584 സാമ്പിളുകള്‍ പരിശോധനയ്ക്കായി അയച്ചതില്‍ 49615 പരിശോധനാ ഫലങ്ങളാണ് ലഭ്യമായത്. ഇന്ന് 1110 പരിശോധനാ ഫലങ്ങളാണ് ലഭിച്ചത്. പുതുതായി 463 സാമ്പിളുകൾ അയച്ചു. 5756 പേർക്കാണ് ഇതുവരെ  പരിശോധനാഫലം പോസിറ്റീവായത്. ഇതുവരെ 4707 പേർ രോഗമുക്തി നേടി.