കോർപ്പറേഷന്റെ പഴയ മുനിസിപ്പൽ പ്രദേശങ്ങളിൽ ജലവിതരണം കാര്യക്ഷമമാക്കുന്നതിന്റെ ഭാഗമായി ജല വിതരണ ശൃംഖലയിൽ അറ്റകുറ്റ പണികൾ നടക്കുന്നതിനാൽ സെപ്റ്റംബർ 9 മുതൽ ജലവിതരണത്തിന്റെ സമയക്രമം രാവിലെ 5 മുതൽ 10 വരെയും വൈകീട്ട് 5.30 മുതൽ 9.30 വരെയുമായി ക്രമീകരിച്ചു. ഉപഭോക്താക്കൾ ആവശ്യമുള്ള ശുദ്ധജലം വരും ദിവസങ്ങളിൽ ശേഖരിച്ചു വെക്കേണ്ടതാണ്. പീച്ചിയിൽ പണി നടന്നു കൊണ്ടിരിക്കുന്ന പുതിയ ശുദ്ധീകരണ ശാലയുടെ പണി കഴിയുന്നതോടെ സമയ ദൈർഘ്യം കൂട്ടുമെന്നും ജല അതോറിറ്റി വാട്ടർ വർക്സ് സബ് ഡിവിഷൻ അസ്സി എക്സിക്യൂട്ടീവ് എഞ്ചിനീയർ അറിയിച്ചു. കൂടുതൽ വിവരങ്ങൾക്ക് 0487-2330402 എന്ന നമ്പറിൽ ബന്ധപ്പെടാം.

നടത്തറ ഗ്രാമപഞ്ചായത്തിൽ തദ്ദേശസ്വയംഭരണ സ്ഥാപനത്തിലേക്ക് നടക്കുന്ന 2020 പൊതുതിരഞ്ഞെടുപ്പിൽ വോട്ടർപട്ടികയിൽ പേര് ഉൾപ്പെടുത്തുന്നതിന് അനുവദിച്ച ഹിയറിങ് തിയ്യതിയിലോ, 2020 സെപ്റ്റംബർ ഏഴിനു ഉള്ളിലോ ഹാജരാകാൻ സാധിക്കാത്തവർക്ക് ഇനി പറയുന്ന തീയതികളിലും സമയത്തും ഹിയറിങിന് ഹാജരാകാവുന്നതാണ്. ഈ തീയതിക്ക് ശേഷം ഹിയറിങ് ഉണ്ടായിരിക്കുന്നതല്ലെന്നും ഇലക്ട്രൽ രജിസ്ട്രേഷൻ ഓഫീസർ ആൻഡ് സെക്രട്ടറി അറിയിച്ചു. സെപ്റ്റംബർ 9 രാവിലെ 11 മണി മുതൽ ഉച്ചയ്ക്ക് ഒരു മണി വരെയും ഉച്ചതിരിഞ്ഞ് 2 മണി മുതൽ 3 മണി വരെയും സെപ്റ്റംബർ 12 വരെയുമാണ് ഹിയറിങ്ങിന് ഹാജരാകുവാൻ സാധിക്കുക.

ഡ്രൈവിംഗ് ലൈസൻസ്, രജിസ്‌ട്രേഷൻ സർട്ടിഫിക്കറ്റ്, അനുബന്ധ സേവനങ്ങൾ, സ്റ്റേജ് കാര്യേജ് ഒഴികെയുളള വാഹനങ്ങളുടെ പെർമിറ്റ് എന്നിവയ്ക്ക് അപേക്ഷ സമർപ്പിച്ച് 20 ദിവസത്തിനുളളിൽ സേവനം ലഭിച്ചില്ലെങ്കിൽ ട്രാൻപോർട്ട് കമ്മീഷണറുടെ നേരിട്ട് നിയന്ത്രണത്തിലുളള എം.വി.ഡി കോൾ സെന്ററിലേക്ക് (9446033314) വിളിക്കാം. കോൾ സെന്ററിന്റെ സേവനം രാവിലെ ഒൻപതു മുതൽ രാത്രി ഒൻപതുവരെ ലഭിക്കും.
പി.എൻ.എക്‌സ്. 3029/2020

സംസ്ഥാന ജൈവവൈവിധ്യ ബോർഡിൽ ജില്ലകളിലെ താത്കാലിക ഒഴിവുകളിലേക്ക് 14 വരെ ഓൺലൈനായി അപേക്ഷിക്കാം. വിശദവിവരങ്ങൾ www.keralabiodiversity.org  യിൽ ലഭിക്കും. ഫോൺ: 0471 2724740
പി.എൻ.എക്‌സ്. 3028/2020

സംസ്ഥാനത്ത് പ്രവർത്തിക്കുന്ന മൾട്ടിലെവൽ മാർക്കറ്റിംഗ്/ഡയറക്ട് സെല്ലിംഗ് കമ്പനികളുടെ  രജിസ്ട്രേഷൻ ഓൺലൈനായി നടത്താൻ പോർട്ടൽ സജ്ജമായി. പോർട്ടലിന്റെ ഉദ്ഘാടനം ഭക്ഷ്യ ഉപഭോക്തൃകാര്യ മന്ത്രി പി തിലോത്തമൻ ഇന്ന്(സെപ്റ്റംബർ 9) വൈകിട്ട് മൂന്നിന് സെക്രട്ടേറിയറ്റിൽ നിർവഹിക്കും. പോർട്ടൽ നിലവിൽ വരുന്നതോടെ ഉപഭോക്താക്കളുടെ അവകാശ സംരംക്ഷണത്തിനും കമ്പനികളുടെ പ്രവർത്തനം നിരീക്ഷിക്കുന്നതിനും സർക്കാരിന് സാധിക്കും. ചടങ്ങിൽ ഭക്ഷ്യ  സെക്രട്ടറി പി വേണുഗോപാൽ, ഡയറക്ടർ ഹരിത വി കുമാർ, ഐ ജി എസ് ശ്രീജിത്ത് തുടങ്ങിയവർ പങ്കെടുക്കും.
പി.എൻ.എക്‌സ്. 3027/2020

കർഷക തൊഴിലാളി ക്ഷേമനിധി ബോർഡിൽ അംഗങ്ങളായ കർഷക തൊഴിലാളികളുടെ കുട്ടികൾക്ക് 2020 അദ്ധ്യായന വർഷത്തെ വിദ്യാഭ്യാസ/ഉന്നത വിദ്യാഭ്യാസ ധനസഹായത്തിനുളള അപേക്ഷ ക്ഷണിച്ചു.

2020-22 അധ്യയന വർഷത്തെ ഡിപ്ലോമ ഇൻ എലമെന്ററി എഡ്യൂക്കേഷൻ (ഡി.എൽ.എഡ്) കോഴ്‌സ് ഗവൺമെന്റ്/എയ്ഡഡ്/സ്വാശ്രയ പ്രവേശനത്തിന് 18 വരെ അപേക്ഷക്കാം. അഡ്മിഷൻ സംബന്ധമായ വിവരങ്ങൾ www.educationkerala.gov.in  ൽ ലഭിക്കും.
പി.എൻ.എക്‌സ്. 3025/2020

സംസ്ഥാന പട്ടികജാതി വികസന വകുപ്പിന്റെ സഹായത്തോടെ കെൽട്രോൺ നടത്തുന്ന വിവിധ തൊഴിലധിഷ്ഠിത അഡ്വാൻസ്ഡ് ഡിപ്ലോമ കോഴ്‌സുകളിൽ ബി.എ/ബി.എസ്സ്‌സി/ബി.കോം/ബി.ടെക്/ബി.സി.എ/എം.സി.എ കഴിഞ്ഞ പട്ടിക ജാതി വിദ്യാർത്ഥികൾക്ക് അപേക്ഷിക്കാം. തിരുവനന്തപുരം, കോട്ടയം ജില്ലകളിൽ പ്രവർത്തിക്കുന്ന കെൽട്രോൺ നോളഡ്ജ് സെന്ററിലാണ് സൗജന്യ കോഴ്‌സുകൾ. നിബന്ധനകൾക്ക് വിധേയമായി പഠനകാലയളവിൽ വിദ്യാർത്ഥികൾക്ക് ഹോസ്റ്റൽ സൗകര്യത്തോടൊപ്പം ഭക്ഷണവും പ്രതിമാസ സ്റ്റൈപന്റും നൽകും. അപേക്ഷകൾ കെൽട്രോൺ നോളഡ്ജ് സെന്റർ, സിറിയൻ ചർച്ച് റോഡ്, സ്‌പെൻസർ ജംഗ്ഷൻ, തിരുവനന്തപുരം എന്ന വിലാസത്തിൽ 25നകം ലഭിക്കേണം.

പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി മികവിന്റെ കേന്ദ്രങ്ങളായ ജില്ലയിലെ അഞ്ച് വിദ്യാലയങ്ങളിലെ പുതിയ ബ്ലോക്കുകള്‍ സപ്തംബര്‍ ഒമ്പതിന് രാവിലെ 11 മണിക്ക്  മുഖ്യമന്ത്രി പിണറായി വിജയന്‍ നാടിന് സമര്‍പ്പിക്കും. കരിവെള്ളൂര്‍ എ വി സ്മാരക ഗവ ഹയര്‍സെക്കണ്ടറി സ്‌കൂള്‍, ശ്രീകണ്ഠാപുരം ഗവ ഹയര്‍സെക്കണ്ടറി സ്‌കൂള്‍, ചിറക്കര ഗവ ഹയര്‍സെക്കണ്ടറി സ്‌കൂള്‍, ചെറുതാഴം ഗവ ഹയര്‍സെക്കണ്ടറി സ്‌കൂള്‍,  പാട്യം ഗവ ഹയര്‍സെക്കണ്ടറി സ്‌കൂള്‍ എന്നിവയാണ് ഉദ്ഘാടനം ചെയ്യുന്നത്.