വനിതാ ശിശുവികസന മന്ത്രാലയത്തിന്റെ ബാൽ ശക്തി, ബാൽ കല്യാൺ പുരസ്‌കാരങ്ങൾക്ക് അപേക്ഷ ക്ഷണിച്ചു. വിജ്ഞാനം, കലാകായിക സാംസ്‌കാരിക രംഗം, സാമൂഹ്യ സേവനം, ധീരത, കണ്ടുപിടിത്തം എന്നീ മേഖലകളിൽ അസാധാരണ പ്രാഗൽഭ്യമുള്ള കുട്ടികൾക്ക് ബാൽ ശക്തി പുരസ്‌കാരത്തിനായി അപേക്ഷിക്കാം. കുട്ടികളുടെ ക്ഷേമം, സംരക്ഷണം, ഉന്നമനം എന്നിവയ്ക്കായി പ്രവർത്തിക്കുന്ന വ്യക്തികൾ/സ്ഥാപനങ്ങൾക്ക് ബാൽ കല്യാൺ പുരസ്‌കാരത്തിന് അപേക്ഷിക്കാം.

കൊല്ലം ജില്ലയിലെ  ഫിഷറീസ് വകുപ്പിന്റെ പ്രവർത്തനങ്ങൾ വിപുലീകരിക്കുന്നതിനും ഇതുമായി ബന്ധപ്പെട്ട വിവിധ ഏജൻസികളുടെ പ്രവർത്തനം ഏകോപിപ്പിക്കുന്നിതിനുമായി രൂപം നൽകിയ ഫീഷറീസ് കോംപ്ലക്‌സിനു ആശ്രാമം കേന്ദ്രീകരിച്ച് റവന്യു വകുപ്പ് 25 സെന്റ് സ്ഥലം അനുവദിച്ചതായി ഫിഷറീസ് മന്ത്രി ജെ.മേഴ്‌സിക്കുട്ടി അമ്മ അറിയിച്ചു.
ഫിഷറീസ് കോംപ്ലക്‌സിന്റെ പ്രഥമിക നിർമ്മാണ പ്രവർത്തനങ്ങൾ നടത്തുന്നതിനായി 2.90 കോടി രൂപ അനുവദിച്ചു.  നിർമ്മാണ പ്രവർത്തനം പൂർത്തിയാക്കുന്നതിനുള്ള ബാക്കി തുക ഫിഷറീസ് വകുപ്പിന്റെ പ്ലാൻ ഫണ്ടിൽ ഉൾപ്പെടുത്തി കണ്ടെത്തും.

സംസ്ഥാനത്ത് കോവിഡ് മഹാമാരി പോലുള്ള പ്രതിസന്ധികളെ തരണം ചെയ്യുന്നതിനായി നാം സ്വീകരിച്ചു വരുന്ന ഐക്യം നിലനിർത്തണമെന്ന് മുഖ്യമന്ത്രി പിണറായി വിജയൻ. നാട്ടിക ലുലു കോവിഡ് 19- ഫസ്റ്റ് ലൈൻ ട്രീറ്റ്മെന്റ് സെന്റർ ഓൺലൈനിലൂടെ ഉദ്ഘാടനം ചെയ്ത് സംസാരിക്കുകയായിരുന്നു മുഖ്യമന്ത്രി.
കോവിഡ് പ്രതിരോധ പ്രവർത്തനങ്ങൾ ജനകീയമായി മുന്നോട്ടു കൊണ്ടു പോകാൻ സാധിച്ചത് ലോകത്തിന് തന്നെ ഉദാത്ത മാതൃകയായി. എല്ലാതരം സൗകര്യങ്ങളോടെയുമുള്ള കേരളത്തിലെ മികച്ച കോവിഡ് സെന്ററായ നാട്ടിക ലുലു സി എഫ് എൽ ടി സി കോവിഡ് ചികിത്സാ കേന്ദ്രങ്ങൾക്ക് പ്രചോദനം നൽകുന്ന ഒന്നാകണമെന്നും മുഖ്യമന്ത്രി കൂട്ടിച്ചേർത്തു.

തൃശൂർ ജില്ലാ അസിസ്റ്റന്റ് ഡവലപ്പ്‌മെന്റ് കമ്മീഷണർ (ജനറൽ) ന്റെ അധീനതയിലുളള 1981 മോഡൽ കെആർആർ 5967 നമ്പർ മഹീന്ദ്ര ജീപ്പ് സെപ്റ്റംബർ 17 രാവിലെ 11 ന് ഓഫീസ് പരിസരത്ത് ലേലം ചെയ്യും. ഫോൺ: 0487-2361819.
 

ഇതര സംസ്ഥാനങ്ങളിൽ നിന്നും ജില്ലയിലേക്ക് ജോലിക്ക് കൊണ്ടുവന്ന തൊഴിലാളികളുടെ വിവരങ്ങൾ കരാറുകാർ അടുത്തുള്ള അസിസ്റ്റന്റ് ലേബർ ഓഫീസിലോ, ജില്ലാ ലേബർ ഓഫീസിലോ അറിയിക്കണ മെന്ന് ജില്ലാ ലേബർ ഓഫീസർ എൻഫോഴ്സ്മെന്റ് അറിയിച്ചു. ഇ-മെയിൽ dlotsrenf@gmail.com ഫോൺ - 0487 2360469.

വിയ്യൂർ ഫയർ ആൻഡ് റെസ്‌ക്യൂ സർവീസസ് അക്കാദമി കോമ്പൗണ്ടിൽ അപകടകരമായി നിൽക്കുന്നതും നിലം പതിച്ചതുമായ 38 തേക്ക് മരങ്ങൾ സെപ്റ്റംബർ 16 രാവിലെ 11.30 ന് അക്കാദമി പരിസരത്ത് ലേലം ചെയ്യും. ഫോൺ: 0487-2322664.