--------

കോട്ടയം ജില്ലയില്‍ പുതിയതായി ലഭിച്ച 1207 കോവിഡ് സാമ്പിള്‍ പരിശോധനാ ഫലങ്ങളില്‍ 139 എണ്ണം പോസിറ്റീവ്.

രണ്ട് ആരോഗ്യ പ്രവര്‍ത്തകരും സമ്പര്‍ക്കം മുഖേന രോഗം ബാധിച്ച 131 പേരും സംസ്ഥാനത്തിന് പുറത്തുനിന്ന് എത്തിയ ആറു പേരും   രോഗബാധിതരില്‍ ഉള്‍പ്പെടുന്നു.

സമ്പര്‍ക്കം മുഖേനയുള്ള രോഗബാധ കൂടുതലായി റിപ്പോര്‍ട്ട് ചെയ്യപ്പെട്ടത് കോട്ടയം മുനിസിപ്പാലിറ്റിയിലാണ്. ഇവിടെ 33 പേര്‍ക്ക് ബാധിച്ചു.

 ആലപ്പുഴ : കിഫ്ബി ധനസഹായത്തോടെ ചെട്ടികാട് താലൂക്ക് ആശുപത്രിയിൽ നിർമ്മിക്കുന്ന പുതിയ കെട്ടിടത്തിന്റെ നിർമ്മാണോദ്‌ഘാടനം ഇന്ന് ( 7/9/2020) തിങ്കളാഴ്ച വൈകിട്ട് 4 -ന് ധനകാര്യ കയർ വകുപ്പ് മന്ത്രി ഡോ. റ്റി.എം.തോമസ് ഐസക്ക് നിർവഹിക്കും.  101.10 കോടി രൂപയാണ് ആശുപത്രി വികസനത്തിനായി കിഫ്ബിയിൽ നിന്നും അനുവദിച്ചിരിക്കുന്നത്. 

നിർമ്മാണം പൂർത്തിയാകുന്നതോടെ തീരപ്രദേശത്തെ ഏക മൾട്ടി സ്പെഷ്യാലിറ്റി ഹോസ്പിറ്റൽ ആയി ചെട്ടികാട് ആശുപത്രി മാറും. ജില്ലയിൽ കിഫ്ബിയുടെ സഹായത്തോടെ നിർമ്മിക്കുന്ന ഏറ്റവും വലിയ പദ്ധതിയാണ് ചെട്ടികാട് താലുക്ക് ആശുപത്രി. 

കോവിഡ് 19 രോഗ വ്യാപനം നിയന്ത്രിക്കുന്നതിന്റെ  ഭാഗമായി ജില്ലയിൽ കണ്ടെയ്ൻമെന്റ് സോണായി  പ്രഖ്യാപിച്ചിരുന്ന, അമ്പലപ്പുഴ സൗത്ത് പഞ്ചായത്ത് വാർഡ് 2, പള്ളിപ്പുറം പഞ്ചായത്ത് വാർഡ് 12  തുടങ്ങിയ വാർഡുകൾ കണ്ടെയ്ൻമെന്റ് സോണിൽ നിന്നും ഒഴിവാക്കി.

ആലപ്പുഴ :കോവിഡ് 19 രോഗ വ്യാപനം ഫലപ്രദമായി നിയന്ത്രിക്കുന്നതിന്റെ ഭാഗമായി, ആലപ്പുഴ നഗരസഭ വാർഡ് 48(ചാത്തനാട് മാർത്തോമാ പള്ളിക്ക് പടിഞ്ഞാറ് വശം മുതൽ മുൻസിപ്പൽ കോളനി വരെയുള്ള ഭാഗം), പള്ളിപ്പുറം പഞ്ചായത്ത് വാർഡ് 6 (കവക്കാട് ചിറ, വള്ളിക്കാട് കോളനി എന്നീ പ്രദേശങ്ങൾ ), വാർഡ് 7(തവണക്കടവ് മുതൽ വാതപ്പള്ളി വരെയും കൈമാട്ടി ഭാഗവും), വാർഡ് 9 ( ഐരാറ്റിൻ ഭാഗം മാത്രം ), കൃഷ്ണപുരം പഞ്ചായത്ത് വാർഡ് 2(ദേശത്തിനകം ഭാഗം മാത്രം ), മാന്നാർ പഞ്ചായത്ത് 4, 5, 14, തുടങ്ങിയ പ്രദേശങ്ങൾ കണ്ടെയ്ൻമെന്റ് സോണായി പ്രഖ്യാപിച്ചു. 
 

ആലപ്പുഴ : കോവിഡ് 19 പ്രതിരോധത്തിന്റെ ഭാഗമായി വീടുകളിലും വൃദ്ധസദനങ്ങളിലും വീടുകളിലും റിവേഴ്‌സ് ക്വാറന്റൈനിൽ കഴിയുന്ന വായോജങ്ങൾക്ക് കരുതലായി വയോജന കാൾ സെന്റർ പ്രവർത്തനമാരംഭിച്ചു. കാൾസെന്ററിന്റെ ഉദ്ഘാടനം ജില്ല കളക്ടർ എ. അലക്സാണ്ടർ നിർവഹിച്ചു. സാമൂഹിക നീതി വകുപ്പിന് കീഴിലെ വൃദ്ധ സദനത്തിലെ അന്തേവാസിയെ വിളിച്ചുകൊണ്ട് വയോജന സെന്ററിൽ നിന്നുള്ള കാളുകൾക്ക് തുടക്കം കുറിക്കുകയും ചെയ്തു.

ആലപ്പുഴ: ജില്ലയിൽ ലോക്ഡൗൺ ലംഘനവുമായി ബന്ധപ്പെട്ട് 16 കേസുകൾ രജിസ്റ്റർ ചെയ്തു. 10 പേരെ അറസ്റ്റ് ചെയ്തു. മാസ്ക്ക് ധരിക്കാത്തതിന് 248 പേർക്കെതിരെയും, സാമൂഹ്യ അകലം പാലിക്കാത്തതിന് 844 പേർക്കെതിരെയും, കണ്ടെയ്ൻമെന്‍റ് സോൺ ലംഘനം നടത്തിയ 2 പേർക്കെതിരെയും, കോവിഡ് പ്രോട്ടോക്കോൾ ലംഘിച്ചതിന് നടപടി സ്വീകരിച്ചു. കണ്ടയ്ൻമെന്‍റ് സോണുകളിൽ പോലിസ് നിരീക്ഷണം കർശനമാക്കി. പരിശോധനക്ക് കൂടുതൽ പട്രോളിംഗ് വാഹനങ്ങൾ ഏർപ്പെടുത്തിട്ടുണ്ടന്ന് ജില്ലാപോലീസ് മേധാവി അറിയിച്ചു.

.