മലപ്പുറം നഗരസഭയുടെ സ്വപ്‌ന പദ്ധതിയായ കോട്ടപ്പടിയിലെ അത്യാധുനിക മാര്‍ക്കറ്റ് സമുച്ചയത്തിന് ധനകാര്യ വകുപ്പ് മന്ത്രി ടി.എം തോമസ് ഐസക് ഓണ്‍ലൈനിലൂടെ ശിലാസ്ഥാപന കര്‍മ്മം നിര്‍വഹിക്കും. ഇന്ന് (സെപ്റ്റംബര്‍ 8) രാവിലെ 10.30 ന്  നഗരസഭാ കൗണ്‍സില്‍ ഹാളിലാണ് പരിപാടി.   12.85 കോടി രൂപ ചെലവിലാണ്   കോട്ടപ്പടി അത്യാധുനികമാര്‍ക്കറ്റ് സമുച്ചയം നിര്‍മ്മിക്കുന്നത്.  

 കേന്ദ്രാവിഷ്‌കൃത പദ്ധതികളുടെ ആസൂത്രണത്തിലും നിര്‍വ്വഹണത്തിലും കാലാനുസൃതമായ മാറ്റങ്ങള്‍ അനിവാര്യമാണെന്ന് ഇ.ടി.മുഹമ്മദ് ബഷീര്‍ എം.പി. ജില്ലയില്‍ നടപ്പാക്കുന്ന  കേന്ദ്രാവിഷ്‌കൃത പദ്ധതികള്‍ക്കായുള്ള ജില്ലാതല കോഓര്‍ഡിനേഷന്‍ & മോണിറ്ററിങ് കമ്മറ്റി   വീഡിയോ കോണ്‍ഫറന്‍സിംഗ് വഴി നടത്തിയ അവലോകന യോഗത്തില്‍ അദ്ധ്യക്ഷത വഹിച്ച് സംസാരിക്കുകയായിരുന്നു അദ്ദേഹം.

പൊന്നാനി മാതൃ ശിശു ആശുപത്രി കോമ്പൗണ്ടില്‍   ബ്ലഡ് ബാങ്കിന് 1.22  കോടി രൂപയുടെ  ഭരണാനുമതി ലഭിച്ചു. സ്പീക്കര്‍ പി. ശ്രീരാമകൃഷ്ണന്റെ ആസ്തി വികസന ഫണ്ടില്‍ നിന്നും രണ്ട് കോടി  രൂപ ചെലവഴിച്ച് ആശുപത്രിയില്‍ പേ വാര്‍ഡും കൂട്ടിരിപ്പുക്കാര്‍ക്കുള്ള  വിശ്രമ മന്ദിരവും ഒരുക്കുന്നുണ്ട്. 
ബ്ലഡ് ബാങ്കിനും പേ വാര്‍ഡിനും വിശ്രമ മന്ദിരത്തിനുമായി 3.22 കോടി രൂപ ചെലവഴിച്ചാണ് കെട്ടിടം നിര്‍മ്മിക്കുക. കെട്ടിടത്തിന്റെ താഴെ നിലയില്‍ ബ്ലഡ് ബാങ്കും ഒന്നും രണ്ടും നിലകളിലായി പേ വാര്‍ഡും വിശ്രമ മന്ദിരവുമാണ് ഒരുക്കുന്നത്.     മാതൃ ശിശു ആശുപത്രിയില്‍ നിന്ന് ബ്ലഡ് ബാങ്കിനെ ബ്രിഡ്ജ് വഴി നേരിട്ട്  ബന്ധിപ്പിക്കും.

കോട്ടയം ജില്ലയിലെ വ്യാപാര സ്ഥാപനങ്ങളുടെ പ്രവര്‍ത്തന സമയത്തില്‍ ഭേദഗതി വരുത്തി ജില്ലാ കളക്ടര്‍ എം. അഞ്ജന  ഉത്തരവായി. ഇതനുസരിച്ച് എല്ലാ വ്യാപാര സ്ഥാപനങ്ങള്‍ക്കും രാവിലെ ഏഴു മുതല്‍ രാത്രി ഒന്‍പതു വരെ പ്രവര്‍ത്തനാനുമതിയുണ്ട്.  മെഡിക്കല്‍ സ്റ്റോറുകള്‍ക്ക്  ഈ നിയന്ത്രണം ബാധകമല്ല.

ഹോട്ടലുകളില്‍ രാവിലെ ഏഴു മുതല്‍ രാത്രി ഒന്‍പതു വരെ മാത്രമേ ആളുകളെ ഇരുത്തി ഭക്ഷണം വിളമ്പാന്‍ പാടുള്ളൂ. രാത്രി ഒന്‍പതു മുതല്‍ പത്തുവരെ പാഴ്‌സല്‍, ഹോം ഡെലിവറി സേവനങ്ങള്‍ അനുവദിക്കും.

വഴിയോര ഭക്ഷണ ശാലകളില്‍ അംഗീകാരമുള്ളവയ്ക്ക് മാത്രം ഇതേ സമയക്രമത്തില്‍ പ്രവര്‍ത്തിക്കാം.

നേരിട്ടുള്ള സമ്പര്‍ക്കത്തിലൂടെ 174 പേര്‍ക്ക് വൈറസ്ബാധ
ഉറവിടമറിയാതെ ഒമ്പത് പേര്‍ക്ക് രോഗം 
രോഗബാധിതരായി ചികിത്സയില്‍ 1,825 പേര്‍
ആകെ നിരീക്ഷണത്തിലുള്ളത് 46,986 പേര്‍

================

കോട്ടയം ജില്ലയില്‍ 195   പേര്‍ക്കു കൂടി കോവിഡ് സ്ഥിരീകരിച്ചു. ഇതില്‍ 190  പേര്‍ക്കും സമ്പര്‍ക്കത്തിലൂടെയാണ് വൈറസ് ബാധിച്ചത്.   സംസ്ഥാനത്തിന് പുറത്തുനിന്ന് വന്ന അഞ്ചുപേരും  രോഗബാധിതനായി.  ആകെ 1602 പരിശോധനാ ഫലങ്ങളാണ് പുതിയതായി ലഭിച്ചത്.

സമ്പര്‍ക്കം മുഖേന രോഗബാധിതരായവരില്‍ 57 പേര്‍  കോട്ടയം മുനിസിപ്പാലിറ്റിയിലാണ്. ആര്‍പ്പൂക്കര-15, തിരുവാര്‍പ്പ്-10, പാമ്പാടി-8, അയ്മനം, ചങ്ങനാശേരി, പുതുപ്പള്ളി-7 വീതം, ഏറ്റുമാനൂര്‍, കരൂര്‍-5 വീതം, കൂരോപ്പട, കുറിച്ചി-4 വീതം എന്നിവയാണ് രോഗം കൂടുതലായി റിപ്പോര്‍ട്ട് ചെയ്യപ്പെട്ട മറ്റു സ്ഥലങ്ങള്‍.

ചാവക്കാട് താലൂക്ക് ഹെഡ് ക്വാർട്ടേഴ്‌സ് ആശുപത്രിയിൽ 2020 ഒക്‌ടോബർ ഒന്നു മുതൽ 2021 സെപ്റ്റംബർ 31 വരെയുളള കാലയളവിലേക്ക് പിഎംജെഎവൈ/ജെഎസ്എസ്‌കെ/ആർബിഎസ്‌കെ/എകെ പദ്ധതിയിൽ ഉൾപ്പെട്ട രോഗികൾക്ക് ആശുപത്രിയിൽ ലഭ്യമല്ലാത്ത മരുന്നുകളും അനുബന്ധ സാധനങ്ങളും ലഭ്യമാക്കുന്നതിന് ടെണ്ടർ ക്ഷണിച്ചു. ടെണ്ടർ സ്വീകരിക്കുന്ന അവസാന തീയതി സെപ്റ്റംബർ 28 രാവിലെ 11.45. ഫോൺ: 0487 2507310.
 

സംസ്ഥാന വനിതാ വികസന കോർപ്പറേഷൻ നിശ്ചിത വരുമാന പരിധിയിലുളള 18 നും 55 നും മദ്ധ്യേ പ്രായമുളള ന്യൂനപക്ഷ, ഹിന്ദു പിന്നോക്ക, മുന്നോക്ക, പട്ടികജാതി, പട്ടികവർഗ്ഗ വിഭാഗത്തിൽപ്പെടുന്ന തൊഴിൽരഹിതരായ സത്രീകൾക്ക് സ്വയം തൊഴിൽ വായ്പ നൽകുന്നു. www.kswdc.org എന്ന വെബ് സൈറ്റിൽ വിശദവിവരങ്ങളും അപേക്ഷാഫോറവും ലഭിക്കും. ഫോൺ: 9496015013.

പെരുമ്പടപ്പ് ബ്ലോക്ക് പഞ്ചായത്ത് മാറഞ്ചേരിയില്‍ വയോജനങ്ങള്‍ക്കായി നിര്‍മിച്ച 'പകല്‍ വീട്' നാളെ (സെപ്റ്റംബര്‍ ഒമ്പത്) നാടിന് സമര്‍പ്പിക്കുന്നു. പദ്ധതിയുടെ ഉദ്ഘാടനം രാവിലെ 11 ന് ബ്ലോക്ക് പഞ്ചായത്ത് പ്രസിഡന്റ് പി.എം ആറ്റുണ്ണി തങ്ങള്‍ നിര്‍വഹിക്കും. ചടങ്ങില്‍ പകല്‍ വീട് മാറഞ്ചേരി ഗ്രാമപഞ്ചായത്തിന് കൈമാറും. 

അർഹരായ മുഴുവൻ ആളുകൾക്കും ഭൂമിയുടെ ഉടമസ്ഥാവകാശം നൽകുക സർക്കാറിന്റെ പ്രഖ്യാപിത ലക്ഷ്യമാണെന്ന് റവന്യു വകുപ്പ് മന്ത്രി ഇ. ചന്ദ്രശേഖരൻ പറഞ്ഞു. തൃശൂർ ജില്ലയിലെ പട്ടയ വിതരണത്തിന്റെ ഉദ്ഘാടനം ഓൺലൈനായി നിർവഹിച്ച് സംസാരിക്കുകയായിരുന്നു മന്ത്രി.