ജില്ലയില്‍ 14 പുതിയ വ്യവസായ യൂണിറ്റുകള്‍ക്ക് ഏകജാലക ക്ലിയറന്‍സ് ബോര്‍ഡിന്റെ പ്രവര്‍ത്തനാനുമതി. ബോര്‍ഡ് ചെയര്‍മാന്‍ കൂടിയായ ജില്ലാ കലക്ടറുടെ നേതൃത്വത്തില്‍ നടന്ന അവലോകന യോഗത്തിലാണ് പരാതികള്‍ തീര്‍പ്പാക്കി അനുമതി നല്‍കിയത്. ആകെ 37 യൂണിറ്റുകളുടെ പരാതികളാണ് ബോര്‍ഡ്  പരിശോധിച്ചത്. ഭക്ഷ്യോല്‍പ്പാദന മേഖലയുമായി ബന്ധപ്പെട്ട സംരംഭങ്ങളാണ് ഇതിലേറെയും.
ബാക്കിയുള്ള പരാതികള്‍  തുടര്‍നടപടി ക്രമങ്ങള്‍ പൂര്‍ത്തിയാക്കാന്‍ ബന്ധപ്പെട്ട ഉദ്യോഗസ്ഥര്‍ക്ക് കലക്ടര്‍ നിര്‍ദേശം നല്‍കി

മെഡിക്കല്‍, ദന്തല്‍ കോഴ്‌സുകളിലേക്കുള്ള പ്രവേശന പരീക്ഷയായ നാഷണല്‍ എലിജിബിലിറ്റി കം എന്‍ട്രന്‍സ് പരീക്ഷ സെപ്തംബര്‍ 13 ന് ജില്ലയിലെ വിവിധ കേന്ദ്രങ്ങളില്‍ നടക്കും. പരീക്ഷാ നടത്തിപ്പുമായി ബന്ധപ്പെട്ട് കോവിഡ് പ്രോട്ടോകോള്‍ പാലിക്കുന്നതിനുള്ള മാര്‍ഗനിര്‍ദേശങ്ങള്‍ ജില്ലാ ദുരന്ത നിവാരണ അതോറിറ്റി ചെയര്‍മാന്‍ കൂടിയായ ജില്ലാ കലക്ടര്‍ ബി അബ്ദുല്‍ നാസര്‍ പുറപ്പെടുവിച്ചു.

മുഖ്യമന്ത്രിയുടെ നിര്‍ദ്ദേശപ്രകാരം ജില്ലാ കലക്ടര്‍ ബി അബ്ദുല്‍ നാസറിന്റെ  അധ്യക്ഷതയില്‍ നടന്ന പരാതി പരിഹാര അദാലത്തില്‍ 95 പരാതികള്‍ തീര്‍പ്പാക്കി. വീഡിയോ കോണ്‍ഫറന്‍സ് വഴി  നടന്ന അദാലത്തില്‍ 95 പരാതികളാണ്  പരിഗണിച്ചത്.  
റേഷന്‍ കാര്‍ഡ്,  ഭൂമി ഇടപാട് എന്നിവ സംബന്ധിച്ച പരാതികള്‍ ആയിരുന്നു ഏറെയും. തദ്ദേശ സ്വയംഭരണ സ്ഥാപനങ്ങള്‍,  ദേശസാല്‍കൃത-സഹകരണ ബാങ്കുകള്‍, എംപ്ലോയ്മെന്റ് എക്‌സ്‌ചേഞ്ച്, തൊഴില്‍ വകുപ്പ്, പൊലീസ് തുടങ്ങിയവയുമായി ബന്ധപ്പെട്ട പരാതികളും അദാലത്തില്‍ പരിഗണിച്ചു.

തദ്ദേശ സ്വയംഭരണ സ്ഥാപനങ്ങളിലേക്ക് നടക്കുന്ന പൊതുതിരഞ്ഞെടുപ്പിൽ സംവരണമണ്ഡലങ്ങൾ നിശ്ചയിക്കുന്നതു സംബന്ധിച്ച് സോഷ്യൽ മീഡിയയിലൂടെ വ്യാജ വാർത്തകൾ പ്രചരിപ്പിക്കുന്നവർക്കെതിരെ കർശന നടപടി സ്വീകരിക്കുമെന്ന് സംസ്ഥാന തെരഞ്ഞെടുപ്പ് കമ്മീഷണർ വി.ഭാസ്‌കരൻ അറിയിച്ചു. ഇവർക്കെതിരെ അന്വേഷണം നടത്താൻ നിർദ്ദേശം നൽകിയതായും അദ്ദേഹം അറിയിച്ചു.  
പി.എൻ.എക്‌സ്. 3032/2020

* മുഖ്യമന്ത്രി ഇന്ന് (സെപ്റ്റംബർ 9)  ഉദ്ഘാടനം ചെയ്യും

കേരളത്തിൽ 3026 പേർക്ക് കോവിഡ്-19 സ്ഥിരീകരിച്ചതായി ആരോഗ്യ വകുപ്പ് മന്ത്രി കെ.കെ. ശൈലജ ടീച്ചർ അറിയിച്ചു.

സംസ്ഥാന സർക്കാർ സപ്ലൈകോ വഴി 2020 - 21 സീസണിലെ ഒന്നാംവിള നെല്ല് സംഭരണത്തിനുളള ഓൺലൈൻ രജിസ്ട്രേഷൻ സെപ്തംബർ ഒൻപത് മുതൽ ആരംഭിക്കുമെന്ന് സി എം ഡി അലി അസ്ഗർ പാഷ അറിയിച്ചു. കഴിഞ്ഞ വർഷത്തെ (2019-20) ഒന്നാംവിള നെല്ല് സംഭരണത്തിനുവേണ്ടി രജിസ്റ്റർ ചെയ്ത കർഷകർ വീണ്ടും രജിസ്റ്റർ ചെയ്യേണ്ടതില്ല. കോവിഡ് 19 വ്യാപനമുളള സാഹചര്യത്തിലാണ് സർക്കാർ ഈ തീരുമാനം എടുത്തത്. കർഷകർ കഴിഞ്ഞ വർഷം നൽകിയ അപേക്ഷയിൽ തിരുത്തുണ്ടെങ്കിൽ ബന്ധപ്പെട്ട കൃഷിഭവനുകളിൽ നേരിട്ടോ ഇ-മെയിൽ മുഖേനയോ അപേക്ഷ നൽകി പരിഹരിക്കാവുന്നതാണ്.

മലബാർ ക്ഷേത്ര ജീവനക്കാരുടെയും എക്സിക്യൂട്ടീവ് ഓഫീസർമാരുടെയും ക്ഷേമനിധിയിൽ അംഗങ്ങളായവരുടെ മക്കളിൽ 2020ലെ എസ്എസ്എൽസി, സിബിഎസ്ഇ പരീക്ഷയിൽ ഉന്നത വിജയം നേടിയ വിദ്യാർത്ഥികൾക്ക് പരിതോഷികം നൽകുന്നതിന് അർഹരായവരിൽ നിന്നും അപേക്ഷ ക്ഷണിച്ചു.

കെൽസയുടെ ആഭിമുഖ്യത്തിൽ നടത്തി വരാറുള്ള ലോക് അദാലത്ത് കോവിഡ് 19 പശ്ചാത്തലത്തിൽ ഒക്ടോബർ 17 ന് ഇ - അദാലത്തായി നടത്തും. ഹൈക്കോടതി, ജില്ലാ കോടതി, എം എ സി ടി, സബ് കോടതി, മുൻസിഫ് കോടതി, മജിസ്ട്രേറ്റ് കോടതി എന്നിവിടങ്ങളിൽ നിലവിലുള്ള കേസുകളും കോടതിയിൽ എത്താത്ത തർക്കങ്ങളും പരാതികളും അദാലത്തിൽ പരിഗണിക്കും. കോടതിയിൽ എത്താത്ത തർക്കങ്ങൾ, പരാതികൾ എന്നിവ അദാലത്തിൽ പരിഗണിക്കപ്പെടുന്നതിനായി പരാതിക്കാർ ജില്ലാ ലീഗൽ സർവീസ് അതോറിറ്റിയെ സമീപിക്കണം. ഇ- മെയിൽ വഴിയാണ് എല്ലാ അപേക്ഷകളും പരാതികളും സമർപ്പിക്കേണ്ടത്. പരാതിക്കാരൻ, എതിർകക്ഷി എന്നിവരുടെ ഇ- മെയിൽ, വിലാസം, ഫോൺ നമ്പർ എന്നിവ അപേക്ഷയിൽ ഉൾപ്പെടുത്തണം.