സാക്ഷരതാ മിഷന്റെ ഓണ്‍ലൈന്‍ ക്ലാസുകള്‍ മികച്ചതാണെന്നും ഓണ്‍ലൈന്‍ വഴിയുള്ള പഠനം ഏറെയിഷ്ടമാണെന്ന് ഈ ലോക സാക്ഷരത ദിനത്തില്‍ പറയുകയാണ് പൊന്നാനിയിലെ 59 കാരി വാസന്തി. പൊന്നാനി നഗരസഭയിലെ തുടര്‍ വിദ്യാ കേന്ദ്രത്തിലെ പ്ലസ് വണ്‍ ക്ലാസിലെ പഠിതാവാണ് വാസന്തി.  ഹ്യൂമാനിറ്റീസ് കോഴ്‌സിന് പഠിക്കുന്ന ഇവര്‍ പഠനകേന്ദ്രത്തിലെ മികച്ച പഠിതാവാണ്.

      ആരോഗ്യ രംഗത്ത് വികസന കുതിപ്പുമായി ചേലേമ്പ്ര ഗ്രാമപഞ്ചായത്ത്. ആയുര്‍വേദാശുപത്രിയുടെ പുതിയ കെട്ടിവും യുനാനി ഡിസ്‌പെന്‍സറിയും ആരോഗ്യ-സാമൂഹ്യനീതി - വനിതാ വികസന വകുപ്പ് മന്ത്രി കെ.കെ ശൈലജ ടീച്ചര്‍ നാടിന് സമര്‍പ്പിച്ചു. നിലവില്‍ 10 കിടക്കകളുള്ള ആശുപത്രിയില്‍  30 കിടക്കകള്‍ വേണമെന്ന പഞ്ചായത്തിന്റെ ആവശ്യം നടപ്പിലാക്കാനുള്ള എല്ലാ ശ്രമങ്ങളും നടത്തുമെന്ന് ഉദ്ഘാടന ചടങ്ങില്‍ മന്ത്രി പറഞ്ഞു.

ജില്ലയില്‍ ഇന്ന് (സെപ്റ്റംബര്‍ 06) കോവിഡ് 19 സ്ഥിരീകരിച്ചവരുടെ പ്രാദേശികമായുള്ള എണ്ണം ചുവടെ ചേര്‍ക്കുന്നു,

നേരിട്ടുള്ള സമ്പര്‍ക്കത്തിലൂടെ രോഗം സ്ഥിരീകരിച്ചവര്‍

നേരിട്ടുള്ള സമ്പര്‍ക്കത്തിലൂടെ 292 പേര്‍ക്ക് വൈറസ്ബാധ
ഉറവിടമറിയാതെ രോഗബാധിതരായവര്‍ 31 പേര്‍
രോഗബാധ സ്ഥിരീകരിച്ച ആരോഗ്യ പ്രവര്‍ത്തകര്‍ 10 പേര്‍
രോഗബാധിതരായി ചികിത്സയില്‍ 2,022 പേര്‍
ആകെ നിരീക്ഷണത്തിലുള്ളത് 42,231 പേര്‍

ലോക സാക്ഷരതാ ദിനം പൊന്നാനി നഗരസഭ തുല്യതാ പഠിതാക്കളുടെ നേതൃത്വത്തില്‍ ആചരിച്ചു. ദിനാചരണത്തിന്റെ ഭാഗമായി നഗരസഭ ഓഫീസിന് മുന്നില്‍ അക്ഷര പതാക ഉയര്‍ത്തി. നഗരസഭാ ചെയര്‍മാന്‍ സി.പി മുഹമ്മദ് കുഞ്ഞിയാണ് അക്ഷരപതാക  ഉയര്‍ത്തിയത്. ചടങ്ങില്‍ സാക്ഷരത പ്രേരക് ടി.ഷീജയെ നഗരസഭ ചെയര്‍മാന്‍ പൊന്നാട അണിയിച്ചു. തുല്യതാ പഠിതാക്കള്‍ക്കായി സംഘടിപ്പിച്ച ഓണ്‍ലൈന്‍ ഓണാഘോഷത്തിലെ പൂളക്കളമത്സര വിജയികള്‍ക്ക് സമ്മാന ദാനവും നടത്തി. നഗരസഭയില്‍ നടന്ന പരിപാടിയില്‍ നഗരസഭാ സെക്രട്ടറി ആര്‍. പ്രദീപ് കുമാര്‍, ഹയര്‍ സെക്കണ്ടറി ലീഡര്‍മാരായ റഫീഖ്, ഷറഫു, പത്താംതരം തുല്യതാ ലീഡര്‍മാരായ കബീര്‍, പ്രവീണ്‍ എന്നിവര്‍ പങ്കെടുത്തു.