പാലക്കാട് ജില്ലയിൽ ഇന്ന്(സെപ്റ്റംബർ 12) 184 പേർക്ക് കോവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതർ അറിയിച്ചു.  സമ്പർക്കത്തിലൂടെ രോഗബാധ ഉണ്ടായ 113 പേർ, വിദേശത്ത് നിന്ന് വന്ന 2 പേർ, ഇതര സംസ്ഥാനങ്ങളിൽ നിന്ന് വന്ന 22 പേർ, ഉറവിടം അറിയാത്ത രോഗബാധ ഉണ്ടായ 45 പേർ എന്നിവർ ഉൾപ്പെടും. 39 പേർക്ക് രോഗമുക്തി ഉള്ളതായും അധികൃതർ അറിയിച്ചു.

ഇന്ന് രോഗം സ്ഥിരീകരിച്ചവരിൽ ഇതര സംസ്ഥാനങ്ങളിൽ നിന്നും വിദേശത്തുനിന്നും  വന്നവരുടെ കണക്ക് താഴെ കൊടുക്കും പ്രകാരമാണ്. 

തമിഴ്നാട്-10
കേരളശ്ശേരി സ്വദേശി (25 പുരുഷൻ)

പല്ലാവൂർ സ്വദേശി (28 പുരുഷൻ)

കിഫ്ബിയില്‍ നിന്നും 93.225 കോടി ചെലവഴിച്ച് നടപ്പാക്കുന്ന ഏറ്റുമാനൂര്‍ ശുദ്ധജല വിതരണ പദ്ധതിയുടെ നിര്‍മാണോദ്ഘാടനം ജലവിഭവ വകുപ്പ് മന്ത്രി കെ. കൃഷ്ണന്‍കുട്ടി വീഡിയോ കോണ്‍ഫറന്‍സിലൂടെ നിര്‍വഹിച്ചു. 49,852 പേര്‍ക്ക് കുടിവെള്ളം ലഭ്യമാക്കുന്ന പദ്ധതി സമയബന്ധിതമായി പൂര്‍ത്തീകരിക്കുന്നതിന് ജനപ്രതിനിധികളും ഉദ്യോഗസ്ഥരും കൂട്ടായി പരിശ്രമിക്കണമെന്ന് മന്ത്രി നിര്‍ദേശിച്ചു. 

നിര്‍മ്മാണ പ്രവൃത്തികളുടെ പുരോഗതി  കൃത്യമായ ഇടവേളകളില്‍ അവലോകനം ചെയ്യണം. പ്രാദേശികമായ തടസങ്ങള്‍ മറി കടക്കുന്നതിനുള്ള പ്രവര്‍ത്തനങ്ങളില്‍ എല്ലാവരുടെയും പങ്കാളിത്തമുണ്ടാകണം- അദ്ദേഹം പറഞ്ഞു. 

കോവിഡ് 19 രോഗവ്യാപനം തടയുന്നതിനുള്ള സർക്കാർ നിർദ്ദേശങ്ങൾ പാലിക്കാത്തതിനെ തുടർന്ന് ഇന്ന് (സെപ്തംബർ 11) വൈകിട്ട് 7 വരെ ജില്ലയിൽ പോലീസ് നടത്തിയ പരിശോധനയിൽ 28 കേസുകൾ രജിസ്റ്റർ ചെയ്തതായി സ്പെഷൽ ബ്രാഞ്ച് ഡി.വൈ.എസ്.പി എം. കൃഷ്ണൻ അറിയിച്ചു. ഇത്രയും കേസുകളിലായി  55 പേരെ അറസ്റ്റ് ചെയ്തു.  

 മാസ്ക് ധരിക്കാത്ത 216 പേർക്കെതിരെ കേസ് 

മാസ്ക് ധരിക്കാതെ പൊതുസ്ഥലങ്ങളിൽ ഇറങ്ങിയ 216 പേർക്കെതിരെ പോലീസ് കേസെടുത്തു.  മാസ്ക് ധരിക്കേണ്ടതിന്റെ   ആവശ്യകത ബോധ്യപ്പെടുത്തി കോടതിയിൽ പിഴ അടയ്ക്കാൻ നോട്ടീസ് നൽകി വിട്ടയച്ചു

കോവിഡ് 19 ബാധിതരായി  ജില്ലയില്‍ 1056 പേരാണ് നിലവില്‍ ചികിത്സയിലുള്ളത്.   ഇന്ന് (സെപ്റ്റംബർ 11) ജില്ലയില്‍ 109 പേര്‍ക്കാണ് കോവിഡ് 19 സ്ഥിരീകരിച്ചത്. ഇന്ന് 198 പേരെ ആശുപത്രിയില്‍ പ്രവേശിപ്പിക്കുകയും ചെയ്തു.  

ഇതുവരെ 51986 സാമ്പിളുകള്‍ പരിശോധനയ്ക്കായി അയച്ചതില്‍ 49903 പരിശോധനാ ഫലങ്ങളാണ് ലഭ്യമായത്. ഇന്ന് 288 പരിശോധനാ ഫലങ്ങളാണ് ലഭിച്ചത്. പുതുതായി 402 സാമ്പിളുകൾ അയച്ചു. 5865 പേർക്കാണ് ഇതുവരെ  പരിശോധനാഫലം പോസിറ്റീവായത്. ഇതുവരെ 4753 പേർ രോഗമുക്തി നേടി.

പാലക്കാട് ജില്ലയിൽ ഇന്ന്(സെപ്റ്റംബർ 11) 109 പേർക്ക് കോവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതർ അറിയിച്ചു.  സമ്പർക്കത്തിലൂടെ രോഗബാധ ഉണ്ടായ 71 പേർ, വിദേശത്ത് നിന്ന് വന്ന 2 പേർ, ഇതര സംസ്ഥാനങ്ങളിൽ നിന്ന് വന്ന 7 പേർ, ഉറവിടം അറിയാത്ത രോഗബാധ ഉണ്ടായ 29 പേർ എന്നിവർ ഉൾപ്പെടും. 46 പേർക്ക് രോഗമുക്തി ഉള്ളതായും അധികൃതർ അറിയിച്ചു.

ഇന്ന് രോഗം സ്ഥിരീകരിച്ചവരിൽ ഇതര സംസ്ഥാനങ്ങളിൽ നിന്നും വിദേശത്തുനിന്നും  വന്നവരുടെ കണക്ക് താഴെ കൊടുക്കും പ്രകാരമാണ്. 

തമിഴ്നാട്-6
തിരുവേഗപ്പുറ സ്വദേശി (35 പുരുഷൻ)

തത്തമംഗലം സ്വദേശികൾ (24 സ്ത്രീ,1 പെൺകുട്ടി)

ജി.ഇ. ഹെല്‍ത്ത് കെയര്‍ ഇന്റ്റിറ്റിയൂട്ടുമായി സഹകരിച്ച് എന്‍.ടി.ടി.എഫ് ബാഗ്ലൂരില്‍ 2020 ഒക്ടോബര്‍ മുതല്‍ ആരംഭിക്കുന്ന ഹെല്‍ത്ത് ടെക്നീഷ്യന്‍ കോഴ്‌സുകളിലേക്ക് അപേക്ഷിക്കാം. കാര്‍ഡിയാക് കെയര്‍ ടെക്നീഷ്യന്‍ , ഓപ്പറേഷന്‍ തിയേറ്റര്‍ ടെക്നീഷ്യന്‍,  എക്സറേ ടെക്നീഷ്യന്‍ എന്നീ കോഴുസുകളിലേക്കാണ് പ്രവേശനം.  പ്ലസ്.ടു ( സയന്‍സ്) യോഗ്യതയുള്ളവര്‍ക്ക് അപേക്ഷിക്കാം . ഒരു വര്‍ഷമാണ്  കോഴ്സ് കാലാവധി . കൂടുതല്‍ വിവരങ്ങള്‍ 7795844650 ല്‍ ലഭിക്കും.
 

മിച്ചഭൂമിക്ക് അപേക്ഷിക്കാം

പട്ടാമ്പി താലൂക്കിലെ തിരുമിറ്റക്കോട് 1 വില്ലേജില്‍ 3.52 ഏക്കര്‍ മിച്ചഭൂമി പതിച്ച് നല്‍കുന്നതിന് ഭൂരഹിതരില്‍ നിന്നും അപേക്ഷ ക്ഷണിച്ചു. തിരുമിറ്റക്കോട് 1 വില്ലേജിലേയോ സമീപ വില്ലേജുകളിലേയോ ഭൂരഹിത കര്‍ഷക തൊഴിലാളികള്‍, യാതൊരു ഭൂമിയും വീണ്ടെടുക്കാന്‍ അവകാശമില്ലാത്ത ചെറുകിട ഭൂവുടമകള്‍ എന്നിവര്‍ക്ക് അപേക്ഷിക്കാം. അപേക്ഷകള്‍ സെപ്റ്റംബര്‍ 22 ന് വൈകീട്ട് അഞ്ചിനകം പട്ടാമ്പി തഹസില്‍ദാര്‍ക്ക് ലഭിച്ചിരിക്കണം. അപേക്ഷാഫോറത്തിന്റെ മാതൃക പട്ടാമ്പി താലൂക്കില്‍ നിന്നും ബന്ധപ്പെട്ട് വില്ലേജോഫീസുകളില്‍ നിന്നും ലഭിക്കും.

പാലക്കാട് പോസ്റ്റ് ഡിവിഷനില്‍ പോസ്റ്റല്‍ ലൈഫ് ഇന്‍ഷുറന്‍സ്, ഗ്രാമീണ തപാല്‍ ഇന്‍ഷുറന്‍സ് വിഭാഗങ്ങളില്‍ ഡയറക്ട് ഏജന്റായും ഫീല്‍ഡ് ഓഫീസര്‍മാരായും നിയമിക്കുന്നു. 18നും 50 നും ഇടയില്‍ പ്രായമുള്ള തൊഴില്‍ രഹിതര്‍, സ്വയം തൊഴില്‍ ചെയ്യുന്ന യുവതീ യുവാക്കള്‍ എന്നിവരെ ഡയറക്ട് ഏജന്റായും 60 വയസില്‍ താഴെ പ്രായമുള്ള കേന്ദ്ര-സംസ്ഥാന സര്‍വീസില്‍ നിന്നും വിരമിച്ചവരെ ഫീല്‍ഡ് ഓഫീസറുമായാണ് നിയമിക്കുക. കമ്മീഷന്‍ വ്യവസ്ഥയിലാണ് നിയമനം.

പാലക്കാടിന്റ സംഗീത പൈതൃകം തദ്ദേശീയര്‍ക്കും വിനോദസഞ്ചാരികള്‍ക്കും അറിയാനും ആസ്വദിക്കാനും കോട്ടായി ചെമ്പൈ ഗ്രാമത്തില്‍ പൈതൃക സംഗീത ഗ്രാമം ഒരുങ്ങുന്നു. ചെമ്പൈ വൈദ്യനാഥ ഭാഗവതരുടെ ഓര്‍മയ്ക്കായി സംസ്ഥാന ടൂറിസം വകുപ്പ് നാല് കോടി ചെലവില്‍ നിര്‍മിക്കുന്ന പൈതൃക സംഗീത ഗ്രാമത്തിന്റെ നിര്‍മാണോദ്ഘാടനം സെപ്റ്റംബര്‍ 13 ന് വൈകീട്ട് നാലിന് വിനോദസഞ്ചാര വകുപ്പ് മന്ത്രി കടകംപള്ളി സുരേന്ദ്രന്‍ ഓണ്‍ലൈനായി നിര്‍വഹിക്കും. പട്ടികജാതി- പട്ടികവര്‍ഗ- പിന്നോക്കക്ഷേമ- നിയമ- സാംസ്‌ക്കാരിക- പാര്‍ലമെന്ററികാര്യ വകുപ്പ് മന്ത്രി എ.കെ ബാലന്‍ അധ്യക്ഷനാകും.