പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി തിരൂര്‍ ബ്ലോക്ക് പഞ്ചായത്ത് ഡയറ്റിന്റെ സഹകരണത്തോടെ നടപ്പാക്കുന്ന ഒന്നാം ക്ലാസ് ഒന്നാന്തരം പദ്ധതി രണ്ട് സ്‌കൂളുകളില്‍ കൂടി നടപ്പിലാക്കി. ബ്ലോക്ക് പഞ്ചായത്തിന്റെ പരിധിയിലെ തലക്കാട് ഗ്രാമ പഞ്ചായത്തിലെ ജി.എല്‍.പി.എസ് തെക്കന്‍ കുറ്റൂര്‍, ജി.എല്‍.പി.എസ് മാങ്ങാട്ടിരി എന്നിവടങ്ങളിലൊരുക്കിയ ഹൈടെക് ക്ലാസ് മുറികളുടെ ഉദ്ഘാടനം തിരൂര്‍ ബ്ലോക്ക് പഞ്ചായത്ത് പ്രസിഡന്റ് സി.പി. റംല നിര്‍വഹിച്ചു. ബ്ലോക്കിന് കീഴില്‍ തെരെഞ്ഞെടുത്ത ഒന്‍പത് സ്‌കൂളുകളിലാണ് പദ്ധതി നടപ്പിലാക്കുന്നത്.

എം.എല്‍.എയുടെ ആസ്തി വികസന ഫണ്ടുപയോഗിച്ച് വളാഞ്ചേരി നഗരസഭയില്‍ നടപ്പാക്കിയ ഐറിഷ് മാതൃകയിലുള്ള ഡ്രെയ്‌നേജ് പദ്ധതിയുടെ ഉദ്ഘാടനം പ്രൊഫ. ആബിദ് ഹുസൈന്‍ തങ്ങള്‍ എം.എല്‍.എ നിര്‍വഹിച്ചു. നഗരത്തില്‍ പെരിന്തല്‍മണ്ണ ഭാഗത്തേക്കുള്ള റോഡിലും പട്ടാമ്പി റോഡിലുമായാണ് പദ്ധതി നടപ്പാക്കിയിട്ടുള്ളത്. ആബിദ് ഹുസൈന്‍ തങ്ങള്‍ എം.എല്‍.എയുടെ ആസ്തി വികസന ഫണ്ടില്‍ നിന്നും 75 ലക്ഷം രൂപ ഉപയോഗിച്ച് പൊതുമരാമത്ത് റോഡ് വിഭാഗമാണ് നിര്‍മാണം പൂര്‍ത്തീകരിച്ചത്.

കെട്ടിടം  സ്പീക്കര്‍ ഉദ്ഘാടനം ചെയ്തു

വ്യാഴാഴ്ച രാവിലെ കിളികൊല്ലൂര്‍ സ്റ്റേഷന്‍ പരിധിയില്‍ നിന്നും കാണാതായ ശാന്തയെ(72) കണ്ടെത്തി. മറവി രോഗമുള്ള ഇവര്‍ റോഡില്‍ അലഞ്ഞുതിരിഞ്ഞ്  നടക്കുന്നത് ശ്രദ്ധയില്‍ പെട്ട നാട്ടുകാര്‍ നല്‍കിയ വിവരത്തെ തുടര്‍ന്ന് വനിതാ കമ്മീഷന്‍ അംഗം ഷാഹിദാ കമാല്‍ നേരിട്ടെത്തി അവരെ സ്വന്തം വീട്ടിലേക്ക് കൂട്ടികൊണ്ടു പോകുകയായിരുന്നു.  തുടര്‍ന്ന് പോലീസില്‍ വിവരം അറിയിക്കുകയും പോലീസെത്തി ശാന്തയെ  ബന്ധുക്കളെ ഏല്‍പ്പിക്കുകയും ചെയ്തു
(പി.ആര്‍.കെ നമ്പര്‍ 2418/2020)

നഗരത്തിലെ ഏറ്റവും തിരക്കേറിയ ഇടങ്ങളായ ഹൈസ്‌കൂള്‍ ജംഗ്ഷന്‍, ചെമ്മാന്‍മുക്ക് പ്രദേശങ്ങളിലെ  യാത്രക്കാര്‍ക്ക് ഇനി സുഗമമായി റോഡ് മുറിച്ചു കടക്കാം. ഹൈസ്‌കൂള്‍ ജംഗ്ഷന്‍, ചെമ്മാന്‍മുക്ക് മേല്‍പ്പാലങ്ങള്‍ മന്ത്രി ജെ മേഴ്സിക്കുട്ടിയമ്മ വീഡിയോ കോണ്‍ഫറന്‍സിലൂടെ നാടിന് സമര്‍പ്പിച്ചു. മേയര്‍ ഹണി  ബഞ്ചമിന്‍ അധ്യക്ഷയായി. ഹൈസ്‌കൂള്‍ ജംഗ്ഷനിലെ മേല്‍പ്പാലത്തിന്റെ ശിലാഫലകം എം മുകേഷ് എം എല്‍ എയും ചെമ്മാന്‍മുക്കിലേത് എം നൗഷാദ് എം എല്‍ എയും അനാശ്ചാദനം ചെയ്തു.

കോവിഡിന്റെ പശ്ചാത്തലത്തില്‍ പ്രതിസന്ധി നേരിടുന്ന കശുവണ്ടി  മേഖലയുള്‍പ്പെടുന്ന പാരമ്പരാഗത വ്യവസായങ്ങളും ചെറുകിട-ഇടത്തരം സംരംഭകരും   അനുവദിക്കപ്പെട്ടിട്ടുള്ള പ്രത്യേക സാമ്പത്തിക പാക്കേജുകള്‍ ഫലപ്രദമായി വിനിയോഗിച്ച് ഇന്നത്തെ വെല്ലുവിളികളെ അവസരങ്ങളായി മാറ്റണമെന്ന് എന്‍ കെ പ്രേമചന്ദ്രന്‍ എം പി.

ലാറ്ററല്‍ എന്‍ട്രി ഡിപ്ലോമ കോഴ്‌സിനായി കരുനാഗപ്പള്ളി മോഡല്‍ പോളിടെക്നിക് കോളേജിലേക്ക് ഓപ്ഷന്‍ നല്‍കിയിട്ടുള്ള വിദ്യാര്‍ത്ഥികള്‍ സെപ്റ്റംബര്‍ 17 ന് അസ്സല്‍ സര്‍ട്ടിഫിക്കറ്റുകളുമായി വെബ്സൈറ്റില്‍ നല്‍കിയിരിക്കുന്ന അഡ്മിഷന്‍ ഷെഡ്യൂള്‍ അനുസരിച്ച് നേരിട്ട് ഹാജരാകണം. ഷെഡ്യൂളില്‍ ഉള്‍പ്പെട്ടിട്ടില്ലാത്തവര്‍ സെപ്റ്റംബര്‍ 18 ന് സ്ഥാപനത്തിലെത്തി  സര്‍ട്ടിഫിക്കറ്റ് പരിശോധന പൂര്‍ത്തിയാക്കണമെന്ന് പ്രിന്‍സിപ്പല്‍ അറിയിച്ചു.  വിശദവിവരങ്ങള്‍ www.polyadmission.org/let എന്ന

 വെബ്‌സൈറ്റിലും 9447488348, 8138069543 എന്നീ നമ്പറുകളിലും ലഭിക്കും.