ബാലുശ്ശേരി ഗവൺമെൻറ് ഗേൾസ് ഹയർ സെക്കൻഡറി സ്കൂളിൽ പുതുതായി നിർമ്മിക്കുന്ന കെട്ടിടത്തിന്റെ  പ്രവൃത്തി ഉദ്ഘാടനം പുരുഷൻ കടലുണ്ടി എംഎൽഎ നിർവഹിച്ചു. കിഫ്‌ബി ഫണ്ടായ  മൂന്ന് കോടി രൂപ ചെലവഴിച്ചാണ് സ്കൂളിനായി പുതിയ കെട്ടിടം നിർമ്മിക്കുന്നത്.

കേരള ഖാദി ഗ്രാമവ്യവസായ ബോര്‍ഡ്  ഹൈസ്‌ക്കൂള്‍, ഹയര്‍ സെക്കണ്ടറി വിദ്യാര്‍ത്ഥികള്‍ക്കായി നടത്തിവരുന്ന സംസ്ഥാനതല ക്വിസ്സ് മത്സരം കോവിഡ് പശ്ചാത്തലത്തിൽ ഇത്തവണ  ഓണ്‍ലൈനായി പ്രജ്ഞ 2020 എന്ന പേരില്‍ നടത്തുന്നു.   ഗ്രാന്റ് മാസ്റ്റര്‍ ഡോ. ജി.എസ്.പ്രദീപ്  മത്സരം നയിക്കും.

കേരളതീരത്ത് നിന്ന് മത്സ്യ ബന്ധനത്തിന് പോകാന്‍ പാടില്ല.

കേരള തീരം, കര്‍ണ്ണാടക തീരം, ലക്ഷദ്വീപ് പ്രദേശം എന്നിവിടങ്ങളില്‍  മണിക്കൂറില്‍ 45 മുതല്‍ 55 കിമീ വരെ വേഗതയില്‍ ശക്തമായ കാറ്റിനു സാധ്യതയുള്ളതിനാല്‍ ഇനിയൊരറിയിപ്പ് ഉണ്ടാകുന്നത് വരെ കേരള തീരത്ത് നിന്ന് യാതൊരു കാരണവശാലും ആരും കടലില്‍ പോകാന്‍ പാടുള്ളതല്ല.

പ്രത്യേക ജാഗ്രത നിര്‍ദേശം.

        കോഴിക്കോട് ജില്ലയിലെ സംസ്ഥാന സര്‍ക്കാര്‍ സ്ഥാപനത്തില്‍ ഓപ്പണ്‍ പ്രയോറിറ്റി/നോണ്‍ പ്രയോറിറ്റി വിഭാഗത്തിന്  സംവരണം ചെയ്ത ചിക് സെക്‌സര്‍ തസ്തികയില്‍ താൽകാലിക നിയമനത്തിന് അപേക്ഷ ക്ഷണിച്ചു.  ശമ്പള നിരക്ക് 20,000 - 45,800 രൂപ.    എസ്.എസ്.എല്‍.സി/ തത്തുല്യ യോഗ്യതയും, ചിക്‌സെക്‌സര്‍ കോഴ്‌സ് സര്‍ട്ടിഫിക്കറ്റുമാണ് യോഗ്യത.        പ്രായപരിധി 2020 ജനുവരി ഒന്നിന്  18 നും 41 നുമിടയിൽ.   നിയമാനുസൃത വയസ്സിളവ് ബാധകം.

സംസ്ഥാന തൊഴിലാളി ക്ഷേമനിധി ബോര്‍ഡ്  അംഗങ്ങളായ തൊഴിലാളികളുടെ മക്കള്‍ക്ക് 2020-21 വര്‍ഷം ഐടിഐ പ്രവേശനത്തിന് അപേക്ഷ ക്ഷണിച്ചു. 12 ഐടിഐകളിലായി 13 ട്രേഡില്‍ അപേക്ഷിക്കാം. അപേക്ഷാഫോം www.labourwelfarefundboard.in  എന്ന സൈറ്റില്‍ ലഭ്യമാണ്.  അപേക്ഷകള്‍ സെപ്തംബര്‍ 17 ന് വൈകീട്ട് അഞ്ചിനകം കോഴിക്കോട് സിവില്‍സ്റ്റേഷന്‍ എതിര്‍ വശത്തുള്ള ലേബര്‍ വെല്‍ഫെയര്‍ ഇന്‍സ്‌പെക്ടറുടെ ജില്ലകാര്യാലയത്തില്‍ എത്തിക്കണം. ഫോണ്‍ -0495 2372480.

കഴിഞ്ഞ ആറുമാസക്കാലം തുടച്ചയായി റേഷന്‍ വാങ്ങാത്തവരും കഴിഞ്ഞ ലോക്ക് ഡൗണ്‍ കാലയളവില്‍ സര്‍ക്കാര്‍ നല്‍കിയ അതിജീവന കിറ്റ് വാങ്ങാത്തതുമായ     എ .എ.വൈ (മഞ്ഞ), മുന്‍ഗണന (പിങ്ക് ) കാര്‍ഡുകള്‍ പൊതു വിഭാഗത്തിലേക്ക് മാറ്റുമെന്ന് വടകര താലൂക്ക് സപ്ലൈ ഓഫീസര്‍ അറിയിച്ചു.    പരാതിയോ ആക്ഷേപമോ ഉള്ളവര്‍  സെപ്തംബര്‍    18 നകം റേഷന്‍ കാര്‍ഡ് സഹിതം ഓഫീസില്‍ അറിയിക്കണം.