*33 പേര്‍ക്ക് രോഗമുക്തി*

വയനാട് ജില്ലയില്‍ ഇന്ന് (13.09.20) 56 പേര്‍ക്ക് കോവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ ഡോ.ആര്‍. രേണുക അറിയിച്ചു. 33 പേര്‍ രോഗമുക്തി  നേടി. ഒരു ആരോഗ്യ പ്രവർത്തകന്‍ ഉള്‍പ്പെടെ 52 പേര്‍ക്ക് സമ്പര്‍ക്കത്തിലൂടെയാണ് രോഗബാധ.
2 പേര്‍ വിദേശത്തു നിന്നും 2 പേര്‍  ഇതര സംസ്ഥാനത്ത് നിന്നും എത്തിയവരാണ്.

ഇതോടെ ജില്ലയില്‍ കോവിഡ് സ്ഥിരീകരിച്ചവരുടെ ആകെ എണ്ണം 2066 ആയി. 1591 പേര്‍ രോഗമുക്തരായി. നിലവില്‍ 465 പേരാണ് ചികിത്സയിലുള്ളത്.

കാഞ്ഞങ്ങാട് ജില്ല ആശുപത്രിയിലേക്ക് മള്‍ട്ടിപാരാ മോണിറ്റര്‍ മൂന്ന് പാരാ    ( രണ്ട്) എന്ന ഉപകരണം വിതരണം ചെയ്യുന്നതിന് ക്വട്ടേഷന്‍ ക്ഷണിച്ചു. അവസാന തിയ്യതി സെപ്റ്റംബര്‍ 15 ന് വൈകീട്ട് മൂന്ന് മണി വരെ

കേരളത്തിലെ ജവഹര്‍ നവോദയ വിദ്യാലയങ്ങളില്‍ 2020- 2021 അധ്യയനവര്‍ഷത്തേയ്ക്ക് കരാറടിസ്ഥാനത്തില്‍ അധ്യാപകരെ നിയമിക്കുന്നു. പോസ്റ്റ് ഗ്രാജ്വേറ്റ് ടീച്ചര്‍,  ട്രെയിന്‍ഡ് ഗ്രാജ്വേറ്റ് ടീച്ചര്‍,  ഫാക്കല്‍ട്ടി കം സിസ്റ്റം അഡ്മിനിസ്‌റ്റ്രേറ്റര്‍ എന്നീ ഒഴിവുകളിലേക്ക് ഓണ്‍ലൈന്‍ അപേക്ഷിക്കാം. അവസാന തിയ്യതി സെപ്റ്റംബര്‍ 17. വിശദ വിവരങ്ങള്‍ www.navodaya.gov.in/nvs/ro/Hyderabad/en/home ല്‍ ലഭ്യമാണ്.

കാറഡുക്ക ഗ്രാമപഞ്ചായത്ത് മഹാത്മ ഗാന്ധി ദേശീയ ഗ്രാമീണ തൊഴിലുറപ്പ് പദ്ധതി ഓഫീസില്‍ ഓവര്‍സിയര്‍ (യോഗ്യത സിവല്‍ എഞ്ചിനീയറിങ് ഡിപ്ലോമ), അക്കൗണ്ട് കം ഡേറ്റ എന്‍ട്രി ഓപ്പറേറ്റര്‍ ( ബികോം, പിജിഡിസിഎ) തസ്തികകളില്‍ ഒഴിവുണ്ട്. കൂടിക്കാഴ്ച സെപ്റ്റംബര്‍ 17 ന് രീവിലെ 11 ന് പഞ്ചായത്ത് ഓഫീസില്‍. പട്ടികജാതി, പട്ടികവര്‍ഗക്കാര്‍ക്ക് മുന്‍ഗണനയുണ്ട്. ഫോണ്‍ 04994 260 049

പോഷണ്‍ അഭിയാന്‍ പദ്ധതിയുടെ പോഷകാഹാര മാസാചരണത്തിന്റെ   ഭാഗമായി നിറങ്ങളിലൂടെ കുഞ്ഞുങ്ങള്‍ക്കും കുടുംബത്തിനും പോഷകാഹാരങ്ങളെ പരിചയപ്പെടുത്തുന്ന നൂതന പരിപടിക്ക് ജില്ലയില്‍ തുടക്കമായി. ജില്ലാ ഐ.സി.ഡി.എസ് പ്രോഗ്രാം ഓഫീസിന്റെ നേതൃത്വത്തിലാണ് വിവിധ അങ്കണവാടികളില്‍ പരിപാടികള്‍ നടന്നുവരുന്നത്. ആദ്യ ദിവസമായ ഇന്നലെ (സെപ്റ്റംബര്‍ 12)  വയലറ്റ് നിറമാണ് നല്‍കിയത്. ജില്ലയിലെ മുഴുവന്‍ അങ്കണവാടികളിലും വയലറ്റ് നിറത്തിലുള്ള പച്ചക്കറികളും പഴങ്ങളും പരിചയപ്പെടുത്തി. വയലറ്റ് നിറത്തിലുള്ള വസ്ത്രങ്ങള്‍ അണിഞ്ഞ് കുഞ്ഞുങ്ങളും തിളങ്ങി.

സംസ്ഥാന സിവില്‍ സപ്ലൈകോര്‍പ്പറേഷന്‍ നീലേശ്വരം നഗരസഭയില്‍ അനുവദിച്ച രണ്ടാമത്തെ മാവേലി സൂപ്പര്‍ മാര്‍ക്കറ്റ് പാലായിയില്‍ തുറന്നു. എം രാജഗോപാല്‍ എംഎല്‍എ ഉദ്ഘാടനം നിര്‍വഹിച്ചു. നഗരസഭാ ചെയര്‍മാന്‍ പ്രൊഫസര്‍ കെ പി ജയരാജന്‍ അധ്യക്ഷത വഹിച്ചു ആദ്യവില്‍പ്പന പ്രസിന സുരേഷിന് നല്‍കിക്കൊണ്ട് വൈസ് ചെയര്‍പേഴ്‌സണ്‍ വി ഗൗരി നിര്‍വഹിച്ചു. വാര്‍ഡ് കൗണ്‍സിലര്‍ പി മനോഹരന്‍ കൗണ്‍സിലര്‍മാരായ എറവാട്ട് മോഹനന്‍,  പി ഭാര്‍ഗവി, എം വി വനജ, രാഷ്ട്രീയ പാര്‍ട്ടി പ്രതിനിധികളായ ടി കെ രവി, എം അസിനാര്‍, സി വി രാജേഷ്, വെങ്ങാട്ട് കഞ്ഞിരാമന്‍, സുരേഷ് പുതിയടത്ത്, കൈപ്രത്ത് കൃഷണന്‍, നമ്പ്യാര്‍ ലത്തീഷ് തുടങ്ങിയവര്‍ സംസാരിച്ചു.

സാമൂഹിക ജീവിത ക്രമത്തെ താളം തെറ്റിച്ച കോവിഡ് കാലത്ത് വിലക്കിഴിവോടെ ഉത്പന്നങ്ങള്‍ ജനങ്ങള്‍ക്ക് ലഭിക്കുന്നതിനായി പുത്തിഗെ ഗ്രാമപഞ്ചായത്തില്‍ പുതിയ മാവേലി സ്റ്റോര്‍ തുറന്നു. സംസ്ഥാന സിവില്‍ സപ്ലൈസ് കോര്‍പറേഷന്റെ ആഭിമുഖ്യത്തില്‍ സീതാംഗോളിയില്‍ ആരംഭിച്ച സ്‌റ്റോര്‍ എം സി കമറുദ്ദീന്‍ എംഎല്‍എ ഉദ്ഘാടനം ചെയ്തു. പഞ്ചായത്ത് പ്രസിഡന്റ് ജെ അരുണ അധ്യക്ഷത വഹിച്ചു.

ചാത്തമംഗലം ഗ്രാമപഞ്ചായത്തിലെ പിലാതോട്ടത്തിൽ - ആറങ്ങാട്ട് റോഡ് പി.ടി.എ റഹീം എംഎൽഎ ഉദ്ഘാടനം ചെയ്തു.   എംഎൽഎയുടെ ആസ്തി വികസന ഫണ്ടിൽനിന്ന് ലഭ്യമാക്കിയ 23 ലക്ഷം രൂപ വിനിയോഗിച്ചാണ്  പ്രവൃത്തി പൂർത്തീകരിച്ചത്.

എൻ.ഐ.ടി കൊടുവള്ളി റോഡിൽ നിന്ന് ആരംഭിച്ച് ആർ.ഇ.സി മലയമ്മ റോഡിലേക്കെത്തുന്ന ഒരു ബൈപ്പാസായാണ് ഈ റോഡ് ഇപ്പോൾ മാറിയിട്ടുള്ളത്. പുള്ളാവൂരിൽ നിന്ന് ചേനോത്തേക്ക് എത്തിച്ചേരാനുള്ള എളുപ്പ മാർഗ്ഗം കൂടിയാണ് ഈ റോഡ്.

മൂടാടി ഗ്രാമപഞ്ചായത്ത് പരിധിയിൽ വരുന്ന ഏഴ് റോഡുകളുടെ പ്രവൃത്തി ഉദ്ഘാടനം കെ ദാസൻ എംഎൽഎ നിർവഹിച്ചു.  മൂടാടി ഗ്രാമപഞ്ചായത്തിൽ നടന്ന ചടങ്ങിൽ ഗ്രാമ പഞ്ചായത്ത്‌ പ്രസിഡന്റ്‌ ഷീജ പട്ടേരി അധ്യക്ഷത വഹിച്ചു. 

മുഖ്യമന്ത്രിയുടെ തദ്ദേശ റോഡ് പുനരുദ്ധാരണ പദ്ധതിയിൽ ഉൾപ്പെടുത്തി അനുമതി ലഭ്യമാക്കിയ ഏഴ് റോഡുകൾക്കായി  65 ലക്ഷം രൂപയുടെ പ്രവർത്തികൾക്കാണ് തുടക്കം കുറിച്ചത്. 

വില്ലേജ് ഓഫീസുകളുടെ നവീകരണ പ്രവർത്തനങ്ങളിൽ സംസ്ഥാന സർക്കാരിന് വൻ മുന്നേറ്റം കൈവരിക്കാൻ സാധിച്ചുവെന്ന് റവന്യൂ വകുപ്പ് മന്ത്രി ഇ ചന്ദ്രശേഖരൻ. കുന്ദമംഗലം വില്ലേജ് ഓഫീസിന്റെ നവീകരിച്ച കെട്ടിടം വീഡിയോ കോൺഫറൻസിലൂടെ ഉദ്ഘാടനം ചെയ്തു സംസാരിക്കുകയായിരുന്നു മന്ത്രി. 

സംസ്ഥാനത്തെ 1400 വില്ലേജ് ഓഫീസുകളെ ജനങ്ങൾക്ക് മെച്ചപ്പെട്ട സേവനം ലഭ്യമാക്കുന്ന രീതിയിലേക്ക് മാറ്റിയെടുക്കാനും ഇതിൽ 441 ഓഫീസുകളെ സ്മാർട്ട് വില്ലേജ് ഓഫീസുകൾ ആക്കാനും സാധിച്ചു. വില്ലേജ് ഓഫീസുകൾ മെച്ചപ്പെടുത്താൻ ഈ സർക്കാരിന്റെ കാലയളവിൽ 300 കോടി രൂപ ചെലവഴിച്ചതായും മന്ത്രി പറഞ്ഞു.