നേരിട്ടുള്ള സമ്പര്‍ക്കത്തിലൂടെ 358 പേര്‍ക്ക് വൈറസ്ബാധ
ഉറവിടമറിയാതെ രോഗബാധിതരായവര്‍ 14 പേര്‍
നാല് ആരോഗ്യ പ്രവര്‍ത്തകര്‍ക്കും രോഗബാധ
രോഗബാധിതരായി ചികിത്സയില്‍ 2,542 പേര്‍
ആകെ നിരീക്ഷണത്തിലുള്ളത് 39,110 പേര്‍

പള്ളിക്കല്‍ ഗ്രാമ പഞ്ചായത്തിന്റെ ശുചിത്വ പദവി പ്രഖ്യാപനം പ്രസിഡന്റ് പി.മിഥുന നിര്‍വഹിച്ചു. ഹരിത കേരള മിഷന്റെ പ്രവര്‍ത്തനങ്ങള്‍ മികച്ച രീതിയില്‍ നടപ്പാക്കിയതിന്റെ അടിസ്ഥാനത്തിലാണ് പള്ളിക്കല്‍ പഞ്ചായത്തിന്  ശുചിത്വ ഗ്രാമ പഞ്ചായത്ത് പദവി ലഭിച്ചത്. ചടങ്ങില്‍ ക്ഷേമകാര്യ സ്ഥിരം സമിതി ചെയര്‍പേഴ്‌സണ്‍ അബ്ദുല്‍ ഖാദര്‍, മെമ്പര്‍മാരായ ടി. ഷാജു, പി. കെ ഇസ്മായില്‍ മാസ്റ്റര്‍, മോഹന്‍ദാസ്, എം.ഖാലിദ്, പഞ്ചായത്ത് സെക്രട്ടി. ഉണ്ണി, ഹരിത കേരളം മിഷന്‍ ആര്‍.പി വി.അലി മാസ്റ്റര്‍, സി.ഡി.എസ് ചെയര്‍പേഴ്‌സണ്‍ സല്‍മത്ത് തുടങ്ങിയവര്‍ പങ്കെടുത്തു.

മലപ്പുറം ഗവ.കോളജില്‍ 2020-21 വര്‍ഷത്തെ ബിരുദ ബിരുദാനന്തര കോഴ്‌സുകള്‍ക്ക്  സ്‌പോര്‍ട്‌സ് ക്വാട്ടയില്‍ പ്രവേശനം നേടുന്നതിന് താത്പര്യമുള്ളവര്‍ രജിസ്‌ട്രേഷന്‍ നടത്തിയതിന്റെ കോളജ് കോപ്പി, സ്‌പോര്‍ട്‌സ് സര്‍ട്ടിഫിക്കറ്റ് എന്നിവയുടെ പകര്‍പ്പ് സഹിതം സെപ്തംബര്‍ 16നകം കോളജില്‍ നേരിട്ടോ തപാലിലോ നല്‍കണമെന്ന് പ്രിന്‍സിപ്പല്‍ അറിയിച്ചു.
 

  ജില്ലയിലെ ജനവാസ മേഖലകളില്‍ ഭീഷണിയാകുന്ന പാമ്പുകളെ പിടിച്ച്     അവയുടെ ആവാസവ്യവസ്ഥയില്‍ തിരികെ വിട്ടയക്കുന്നതുമായി ബന്ധപ്പെട്ടുള്ള പ്രവര്‍ത്തിയില്‍ വിദഗ്ധരായ ആളുകളെ തെരഞ്ഞെടുത്ത് പരിശീലനം നല്‍കുന്നതിന് കേരള വനം-വന്യജീവി വകുപ്പ് അപേക്ഷ ക്ഷണിച്ചു. പരിശീലനം പൂര്‍ത്തിയായവര്‍ക്ക് സര്‍ട്ടിഫിക്കറ്റ് നല്‍കും. താത്പര്യമുള്ളവര്‍ പേര്, വിലാസം, ഫോണ്‍ നമ്പര്‍, മുന്‍പരിചയം എന്നിവ ഉള്‍പ്പെടുത്തിയ വിശദമായ അപേക്ഷ സെപ്തംബര്‍ 30നകം അസിസ്റ്റന്റ് ഫോറസ്റ്റ് കണ്‍സര്‍വേറ്റര്‍, സാമൂഹ്യ വനവത്കരണ വിഭാഗം, മലപ്പുറം എന്ന വിലാസത്തില്‍ അയക്കണം. ഫോണ്‍ : 0483 2734803.