ലൈഫ് ഭവന നിർമ്മാണ പദ്ധതിയിലേക്ക് വീടിനായി അപേക്ഷിക്കുന്നതിനുള്ള തീയതി സെപ്റ്റംബർ 23 വരെ നീട്ടി.നിലവിൽ സെപ്തംബർ 9 വരെയായിരുന്നു അപേക്ഷിക്കുന്നതിനുള്ള സമയം.എന്നാൽ കോവിഡ് മഹാമാരിയുടെ പശ്ചാത്തലത്തിൽ പല ഗുണഭോക്താക്കൾക്കും അപേക്ഷ സമർപ്പിക്കുന്നതിന് ആവശ്യമായ രേഖകൾ സംഘടിപ്പിക്കുന്നതിനു കഴിയാതെ വന്ന സാഹചര്യത്തിലാണ് പൊതുജനതാല്പര്യാർത്ഥം സെപ്റ്റംബർ 23 വരെ സമയം വീണ്ടും നീട്ടി നൽകുന്നതിന് ഇപ്പോൾ തീരുമാനിച്ചത്.  

www.life2020.kerala.gov.in എന്ന വെബ്സൈറ്റിലൂടെയാണ് വീടിനായി അപേക്ഷകൾ സമർപ്പിക്കേണ്ടത്.

*10 പേര്‍ക്ക് രോഗമുക്തി*

തിരുനെല്ലി ഗ്രാമ പഞ്ചായത്തിലെ വാർഡ് 5 തോൽപ്പെട്ടി കണ്ടൈൻമെന്റ് സോണായും പുൽപ്പള്ളി ഗ്രാമ പഞ്ചായത്തിലെ വാർഡ് 18 ലെ ഇലക്ട്രിക് കവലയോട് ചേർന്നുള്ള ഒരു കിലോ മീറ്റർ പ്രദേശം മൈക്രോ കണ്ടൈൻമെന്റ് സോണായും ജില്ലാ കളക്ടർ പ്രഖ്യാപിച്ചു.

കല്‍പ്പറ്റ: മഹാത്മാഗാന്ധിയുടെ കേരള സന്ദര്‍ശനത്തിന്റെ നൂറാം വാര്‍ഷികാഘോഷത്തിന്റെ ഭാഗമായി ഗാന്ധിജയന്തി ദിനമായ ഒക്ടോബര്‍ 2 ന് വെള്ളിയാഴ്ച വെബിനാര്‍ നടത്തും. ത്രിതല പഞ്ചായത്തുകളും ലൈബ്രറി കൗണ്‍സിലും ചേര്‍ന്നാണ് വെബിനാര്‍ സംഘടിപ്പിക്കുന്നത്.

പാൽ വെളിച്ചം ഗവൺമെൻ്റ് എൽ.പി സ്കൂളിലെ സ്റ്റേജ് കം ക്ലാസ് മുറിയുടെ ഉദ്ഘാടനം ഒ.ആർ. കേളു എം.എൽ.എ നിർവ്വഹിച്ചു. 2019 -20 സാമ്പത്തിക വർഷത്തെ ജനകീയാസൂത്രണം പദ്ധതികളിൽ ഉൾപ്പെടുത്തി മാനന്തവാടി ബ്ലോക്ക് പഞ്ചായത്ത് അനുവദിച്ചു 12 ലക്ഷം രൂപ ചെലവഴിച്ചാണ് സ്റ്റേജ് കം ക്ലാസ് മുറി നിർമ്മിച്ചത്. തിരുനെല്ലി ഗ്രാമ പഞ്ചായത്ത് സ്കൂളിന് അനുവദിച്ച അഞ്ച് ലക്ഷം രൂപ ചെലവഴിച്ച് നിർമ്മിച്ച സ്ത്രീ സൗഹൃദ ടോയ്ലറ്റിൻ്റെ ഉദ്ഘാടനം തിരുനെല്ലി ഗ്രാമ പഞ്ചായത്ത് പ്രസിഡൻ്റ് ജി. മായാദേവി നിർവ്വഹിച്ചു.

ഐ.സി. ബാലകൃഷ്ണൻ എം.എൽ.എയുടെ ആസ്തി വികസന ഫണ്ടിൽ ഉൾപ്പെടുത്തി പത്ത് ലക്ഷം രൂപ അനുവദിച്ച മുള്ളൻകൊല്ലി ഗ്രാമ പഞ്ചായത്തിലെ പുലരി വെയിറ്റിംഗ് ഷെഡ് - ഗ്രാമശ്രീ കവല റോഡ് റീടാറിംഗ് പ്രവൃത്തിയ്ക്ക് ജില്ലാ കളക്ടർ ഡോ. അദീല അബ്ദുള്ള ഭരണാനുമതി നൽകി.