റാന്നി ഗ്രാമപഞ്ചായത്തിലെ തെക്കേപ്പുറം 18-ാം നമ്പര്‍ അങ്കണവാടിക്ക് സൗകര്യങ്ങളോടുകൂടിയ പുതിയ കെട്ടിടത്തിന്റെ ഉദ്ഘാടനം രാജു എബ്രഹാം എംഎല്‍എ നിര്‍വഹിച്ചു. നേരത്തെ അംഗന്‍വാടി കെട്ടിടം വാടകയ്ക്ക് പ്രവര്‍ത്തിച്ചുവരുകയായിരുന്നു. 

മെഡിക്കൽ വിദ്യാഭ്യാസ വകുപ്പ് നടത്തുന്ന ഡി. ഫാം പാർട്ട് 2 (റഗുലർ) പരീക്ഷ സംസ്ഥാനത്തെ വിവിധ ഫാർമസി കോളേജുകളിൽ ഒക്‌ടോബർ14 മുതൽ നടത്തും. പരീക്ഷയ്ക്ക് രജിസ്റ്റർ ചെയ്യേണ്ട അപേക്ഷകർ നിശ്ചിത തുകയ്ക്കുളള ഫീസ് അടച്ച് പൂരിപ്പിച്ച അപേക്ഷകൾ സെപ്റ്റംബർ 14 ന് മുമ്പ് ബന്ധപ്പെട്ട കോളേജുകളിൽ സമർപ്പിക്കണം. അതാത് കോളേജുകളിൽ നിന്നുളള അപേക്ഷകൾ 18ന് മുമ്പ് ചെയർപേഴ്‌സൺ, ബോർഡ് ഓഫ് ഡി.ഫാം എക്‌സാമിനേഷൻസ്, തിരുവനന്തപുരം-11 എന്ന വിലാസത്തിൽ അയക്കണം. വിശദവിരങ്ങൾ www.dme.kerala.gov.in ലും വിവിധ ഫാർമസി കോളേജുകളിലും ലഭിക്കും.
പി.എൻ.എക്‌സ്. 3022/2020

സംസ്ഥാന സഹകരണ യൂണിയൻ കേരളയ്ക്ക് കീഴിൽ നെയ്യാർഡാമിൽ പ്രവർത്തിക്കുന്ന കിക്മ ആർട്‌സ് & സയൻസ് കോളേജിൽ കോൺട്രാക്റ്റ് അടിസ്ഥാനത്തിൽ ഒരു വർഷത്തേക്ക് പ്രിൻസിപ്പൽ തസ്തികയിൽ വാക്ക് ഇൻ ഇന്റർവ്യൂ നടത്തും. ബിരുദാനന്തരബിരുദം (55 ശതമാനത്തിൽ കുറയാതെ മാർക്ക്), പത്ത് വർഷത്തെ അദ്ധ്യാപന പരിചയം, പി.എച്ച്.ഡി യോഗ്യതയുളളവർക്ക് ഇന്റർവ്യൂവിൽ പങ്കെടുക്കാം.

കേരള സ്റ്റേറ്റ് എയ്ഡ്‌സ് കണ്‍ട്രോള്‍ സൊസൈറ്റിയുടെ കീഴില്‍ പ്രവര്‍ത്തിക്കുന്ന ലൗവ് ലാന്റ് ആര്‍ട്ട്‌സ് സൊസൈറ്റിയുടെ ടി ജി പ്രൊജക്ടുകളിലേക്ക് ഓട്ട് റീച്ചര്‍ വര്‍ക്കര്‍ തസ്തികയില്‍ നിയമനം നടത്തുന്നതിനുള്ള അഭിമുഖം സെപ്തംബര്‍ 14 ന് രാവിലെ 10 നടക്കും. പ്ലസ് യോഗ്യതയുള്ളവര്‍ ബയോഡാറ്റയും യോഗ്യതാ സര്‍ട്ടിഫിക്കറ്റുകളുമായി വെള്ളയിട്ടമ്പലം ശാസ്താ കോംപ്ലക്‌സിലെ ലാസ് ടി ജി പ്രൊജക്ട് ഓഫീസില്‍ എത്തണം. ഫോണ്‍: 0474-2796606.
(പി.ആര്‍.കെ നമ്പര്‍ 2365/2020)

ഐ എച്ച് ആര്‍ ഡി യുടെ കാര്‍ത്തികപ്പള്ളി കോളജ് ഓഫ് അപ്ലൈഡ് സയന്‍സില്‍ ഡിഗ്രി പ്രവേശനത്തിന് അപേക്ഷിക്കാം. ബി എസ സി കമ്പ്യൂട്ടര്‍ സയന്‍സ്, ബി ബി എ, ബി സി എ, ബി കോം കൊമേഴ്‌സ് വിത്ത് കമ്പ്യൂട്ടര്‍ ആപ്ലിക്കേഷന്‍ എന്നീ കോഴ്‌സുകളിലേക്ക് www.keralauniversity.ac.in വെബ്‌സൈറ്റില്‍ സെപ്തംബര്‍ ഒന്‍പതുവരെ രജിസ്റ്റര്‍ ചെയ്യാം. വിശദ വിവരങ്ങള്‍ 8547005018, 0479-2485370, 2485852 എന്നീ നമ്പരുകളില്‍ ലഭിക്കും.
(പി.ആര്‍.കെ നമ്പര്‍ 2364/2020)

ഫിഷറീസ് വകുപ്പ് സൊസൈറ്റി ഫോര്‍ അസിസ്റ്റന്‍സ് ടു ഫിഷര്‍ വിമെന്‍(സാഫ്) വഴി മത്സ്യത്തൊഴിലാളി വനിതകളുടെ ഉന്നമനത്തിനായി ആവിഷ്‌കരിച്ച അഷ്ടമുടി പദ്ധതിയുടെ രണ്ടാംഘട്ടമായ അപ്പാരല്‍ പാര്‍ക്ക് പുതിയ തൊഴിലവസരങ്ങള്‍ സൃഷ്ടിക്കുമെന്ന് മന്ത്രി ജെ മേഴ്‌സിക്കുട്ടിയമ്മ പറഞ്ഞു. പാര്‍ക്കിന്റെ ഉദ്ഘാടനം കാഞ്ഞിരകോട് നിര്‍വ്വഹിക്കുകയായിരുന്നു മന്ത്രി.

========

മൂന്നു പതിറ്റാണ്ടു മുന്‍പ് തൊഴില്‍ തേടിയാണ് തമിഴ്നാട്ടിലെ തിരുനെല്‍വേലിയില്‍നിന്നും  സുടലൈയപ്പനും കുടുംബവും കോട്ടയത്ത് എത്തിയത്. തൊഴിലും ജീവിതവും നല്‍കിയ നാട്ടില്‍ ഇക്കുറി അദ്ദേഹത്തിന്റെ മകന്‍ രാജീവിന് വിലപ്പെട്ടൊരു ഓണസമ്മാനവും കിട്ടി. ലൈഫ് മിഷനില്‍ നിര്‍മിച്ച വീട്ടില്‍ ഈ ചെറുപ്പക്കാരനും ഭാര്യ ശരണ്യയും ഉത്രാടദിനത്തില്‍ താമസമാരംഭിക്കും.

നാട്ടകം കുടുംബാരോഗ്യ കേന്ദ്രത്തില്‍ ലാബ് ടെക്നീഷ്യന്‍ തസ്തികയില്‍ കരാര്‍ നിയമനത്തിനുള്ള അഭിമുഖം സെപ്റ്റംബര്‍ എട്ടിന് രാവിലെ 10ന് കോട്ടയം മുനിസിപ്പാലിറ്റി കൗണ്‍സില്‍ ഹാളില്‍ നടത്തും. സര്‍ക്കാര്‍ സ്ഥാപനത്തില്‍ നിന്ന് ബി.എസ്.സി എം.എല്‍. ടി /ഡി.എം.എല്‍.ടി വിജയിച്ചവര്‍ സെപ്റ്റംബര്‍ അഞ്ചിന് വൈകുന്നേരം അഞ്ചിനകം നാട്ടകം കുടുംബാരോഗ്യ കേന്ദ്രം മെഡിക്കല്‍ ഓഫീസര്‍ക്ക് അപേക്ഷ നല്‍കണം. പ്രായം 40 ല്‍ താഴെ.  ഫോണ്‍: 0481 2362299

പൊതു  അവധി ദിവസങ്ങളില്‍ അനധികൃതമായി മണ്ണ്/മണല്‍/പാറ ഖനനം, നിലം നികത്തല്‍, അനധികൃത നിര്‍മ്മാണം, മരം മുറിക്കല്‍ എന്നിവ നടത്തുന്നത് സംബന്ധിച്ചുള്ള പരാതികള്‍ പൊതുജനങ്ങള്‍ക്ക് കളക്ടറേറ്റ് കണ്‍ട്രോള്‍ റൂമില്‍ അറിയിക്കാം. ഫോണ്‍ : 0481-22562201, 22564800. collectoratektm.ker@nic.in    എന്ന ഇ മെയിലിലും പരാതികള്‍ അയയ്ക്കാം.