പ്ലസ് വൺ പ്രവേശനത്തിന്റെ മുഖ്യഘട്ടം സെപ്റ്റംബർ 14 മുതൽ ആരംഭിക്കും. ഏകജാലക മെറിറ്റ് ക്വാട്ട പ്രവേശനമാണ് മുഖ്യ അലോട്ട്‌മെന്റിൽ നടക്കുന്നത്. മെറിറ്റ് ക്വാട്ടയിലെ സപ്ലിമെന്റ് അലോട്ട്‌മെന്റിലേക്ക് ഒക്ടോബർ 9 മുതൽ അപേക്ഷിക്കാം. സ്‌പോർട്ട്‌സ് ക്വാട്ട പ്രവേശനവും 14 മുതൽ ആരംഭിക്കും. സ്‌പോർട്ട്‌സ് ക്വാട്ട സപ്ലിമെന്റ് അപേക്ഷകൾ ഒക്ടോബർ മൂന്നിന് ആരംഭിക്കും. മാനേജ്‌മെന്റ് കമ്മ്യൂണിറ്റി ക്വാട്ട പ്രവേശനം ഒക്ടോബർ 9 ന് ആരംഭിക്കും. കമ്യൂണിറ്റി സപ്ലിമെന്റ് അപേക്ഷകൾ ഒക്ടോബർ മൂന്നിനും മാനേജ്‌മെന്റ് സപ്ലിമെന്റ് അപേക്ഷകൾ ഒക്ടോബർ 12നും സ്വീകരിക്കും.

ഒക്‌ടോബർ 2 മുതൽ 8 വരെ വന്യജീവി വാരാഘോഷത്തോടനുബന്ധിച്ച് വനം വകുപ്പ് വിവിധ മത്സരങ്ങൾ സംഘടിപ്പിക്കുന്നു. പൊതുജനങ്ങൾക്കായി വന്യജീവി ഫോട്ടോഗ്രാഫി, യാത്രാ വിവരണം (ഇംഗ്ലീഷ്/മലയാളം) എന്നീ മത്സരങ്ങൾ ഓൺലൈനായും പോസ്റ്റർ ഡിസൈൻ, ഷോർട്ട് ഫിലിം മത്സരങ്ങൾ തപാൽ മുഖേനയുമാണ് സംഘടിപ്പിക്കുക. വിദ്യാർത്ഥികൾക്കായി (ഹയർ സെക്കന്ററി, കോളേജ് വിഭാഗങ്ങൾക്കായി) ഓൺലൈൻ ക്വിസ് മത്സരവും സംഘടിപ്പിക്കുന്നുണ്ട്.
സെപ്റ്റംബർ 15 മുതൽ 30 വരെ എൻട്രികൾ സമർപ്പിക്കാം. മത്സരങ്ങളിൽ പങ്കെടുക്കുവാൻ താത്പര്യമുള്ളവർ താഴെ പറയുന്ന ഫോൺ നമ്പരുകളിൽ ബന്ധപ്പെടണം. മത്സരം, ബന്ധപ്പെടേണ്ട വ്യക്തി, ഫോൺ നം. എന്ന ക്രമത്തിൽ

നീണ്ട നാളത്തെ കാത്തിരിപ്പിന് ശേഷം എടവിലങ്ങ് മത്സ്യ ഉൽപ്പാദക സഹകരണ സംഘത്തിന്റെ സ്ഥലം ഫിഷറീസ് വകുപ്പിന് നൽകാൻ ഉത്തരവായി. കാര പുതിയ റോഡിലെ എടവിലങ്ങ് മത്സ്യ ഉൽപ്പാദക സഹകരണ സംഘത്തിന്റെ 27 സെൻറ് സ്ഥലമാണ് ഫിഷറീസ് വകുപ്പിന് കൈമാറുവാൻ ഉത്തരവായത്. കൊടുങ്ങല്ലൂർ താലൂക്ക് ഓഫീസിൽ ഇ ടി ടൈസൺ മാസ്റ്റർ എംഎൽഎയുടെ സാന്നിധ്യത്തിൽ നടന്ന ചടങ്ങിൽ തഹസിൽദാർ കെ രേവ ഫിഷറീസ് ഡെപ്യൂട്ടി ഡയറക്ടർ സുഗന്ധകുമാരിക്ക് രേഖകൾ കൈമാറി.

തൃശൂർ മഹാരാജാസ് ടെക്‌നോളജിക്കൽ ഇൻസ്റ്റിറ്റ്യൂട്ടിലെ 2020-21 വർഷത്തെ ഡിപ്ലോമ ലാറ്ററൽ എൻട്രി പ്രവേശനം ആരംഭിച്ചു. സെപ്റ്റംബർ 14 ന് റാങ്ക് ലിസ്റ്റിൽ ഒന്ന് മുതൽ 40 വരെയുള്ള റാങ്ക് ലഭിച്ച വിദ്യാർത്ഥികൾ രാവിലെ 9 നും 10 നും ഇടയിൽ അസ്സൽ സർട്ടിഫിക്കറ്റുകളും നിശ്ചിത ഫീസും സഹിതം കോളേജ് ക്യാമ്പസിൽ ഇന്റർവ്യൂവിന് ഹാജരാകണം.

കോവിഡ്- 19 ന്റെ പശ്ചാത്തലത്തിൽ വയോജനങ്ങൾക്ക് കൂടുതൽ പരിഗണനയും കരുതലും നൽകുന്നതിന്റെ ഭാഗമായി ജില്ലയിൽ വയോക്ഷേമ കോൾ സെന്റർ ആരംഭിച്ചു. വയോജനങ്ങൾക്ക് മരുന്ന്, ചികിത്സ, ഭക്ഷണം, വിശ്രമം തുടങ്ങി മറ്റു അടിസ്ഥാന ആവശ്യങ്ങൾ ഉറപ്പാക്കുകയും ജില്ലാതല വയോജന സെൽ വിപുലീകരിക്കുകയുമാണ് ഇതിലൂടെ ലക്ഷ്യം വയ്ക്കുന്നത്. തൃശൂർ അയ്യന്തോൾ ഗവ. ഹയർ സെക്കന്ററി സ്‌കൂളിൽ ആരംഭിച്ച കോൾ സെന്ററിന്റെ ഉദ്ഘാടനം ഗവ. ഓൾഡേജ് ഹോമിലെ അന്തേവാസിയെ വിളിച്ച് ജില്ലാ കളക്ടർ എസ് ഷാനവാസ് നിർവ്വഹിച്ചു.

പ്ലസ് വൺ പ്രവേശനത്തിൽ വിദ്യാർത്ഥികൾക്ക് കാൻഡിഡേറ്റ് ലോഗിൻ ചെയ്ത് വിവരങ്ങൾ പരിശോധിക്കാനും ട്രയൽ അലോട്ട്‌മെന്റ് പരിശോധിക്കാനും സെപ്റ്റംബർ 12ന് വൈകീട്ട് 5 മണി വരെ അവസരമുണ്ടായിരിക്കും.

സ്‌പെഷ്യൽ സ്‌കൂൾ അധ്യാപകരാകാനുള്ള റിഹാബിലിറ്റേഷൻ കൗൺസിൽ ഓഫ് ഇന്ത്യയുടെ അംഗീകാരമുള്ള ദ്വിവത്സര ഡി. ഇഡി (ഓട്ടിസം, സെറിബ്രൽ പാൾസി) കോഴ്‌സിന് അപേക്ഷിക്കാം. 50 ശതമാനം മാർക്കോടെ പ്ലസ് ടു അല്ലെങ്കിൽ വിഎച്ച്എസ്ഇയാണ് അടിസ്ഥാന യോഗ്യത. എസ്.സി, എസ്ടി, ഒ.ബി.സി, ഭിന്നശേഷിക്കാർ എന്നിവർക്ക് നിയമാനുസൃതമായ ഇളവ് ലഭിക്കും. അപേക്ഷകൾ സെപ്റ്റംബർ 14 മുതൽ റിഹാബിലിറ്റേഷൻ കൗൺസിൽ ഓഫ് ഇന്ത്യയുടെ www.rehabcouncil.nic.in എന്ന വെബ് സൈറ്റുകൾ മുഖേന സമർപ്പിക്കാം. ഫോൺ: 9400754700, 9447969053
 

വാക് ഇൻ ഇന്റർവ്യൂ 

എറണാകുളം : ആയുഷ് മിഷൻ -ഹോമിയോപതി വകുപ്പിൽ കരാർ /ദിവസ വേതന അടിസ്ഥാനത്തിൽ  ഫർമസിസ്റ്റ്, നഴ്സ്, നഴ്സിംഗ് അസിസ്റ്റന്റ്, മൾട്ടി പർപ്പസ് സ്റ്റാഫ്‌ എന്നിവരുടെ   നിയമനം നടത്തുന്നു.   

യോഗ്യത 

1.ഫർമസിസ്റ്റ് : സർട്ടിഫിക്കറ്റ് കോഴ്സ് ഇൻ ഫർമസി (ഹോമിയോ )/നഴ്സ് കം ഫർമസിസ്റ്റ് (ഹോമിയോ ). 

അഭിമുഖം : സെപ്റ്റംബർ 23 ന് 10 മണി 

2.നഴ്സ് : ജി. എൻ. എം നഴ്സിംഗ് 

അഭിമുഖം : സെപ്റ്റംബർ 23 ന് 12.30

3.നഴ്സിംഗ് അസിസ്റ്റന്റ് കം അറ്റൻഡർ : എസ്. എസ്. എൽ. സി, മൂന്നു വർഷത്തെ പ്രവർത്തി പരിചയം 

അഭിമുഖം : സെപ്റ്റംബർ 24 ന് 10. 30 

ആരോഗ്യജാഗ്രത : ഡ്രൈ ഡേ ആചരിച്ചു 

എറണാകുളം : പകർച്ചവ്യാധി പ്രതിരോധ പ്രവർത്തനങ്ങളുടെ ഭാഗമായി   മഹാരാജാസ് കോളേജിൽ ഉറവിട നശീകരണ പ്രവർത്തനങ്ങൾ നടത്തി. ഡെങ്കിപ്പനി പ്രതിരോധ ഭാഗമായുള്ള ഉറവിട നശീകരണത്തിന് ജില്ലാ നോൺ കോവിഡ് നോഡൽ ഓഫീസർ ഡോ. വിനോദ് പൗലോസ് നേതൃത്വം നൽകി.  

വെള്ളിയാഴ്ചയാണ് വിദ്യാഭ്യാസസ്ഥാപനങ്ങളിൽ ഡ്രൈഡേ ആചരിക്കുന്നത് 

ജില്ലയിൽ ഈ വർഷം 2134 ഡെങ്കിപ്പനി കേസുകളാണ് റിപ്പോർട്ട് ചെയ്തത്.  ഒമ്പത് ഡെങ്കിപ്പനി മരണങ്ങളും സംഭവിച്ചു. അതിനാൽ ആരോഗ്യജാഗ്രത യുടെ ഭാഗമായി ആഴ്ചയിലൊരിക്കൽ ഉറവിട നശീകരണം ഉറപ്പാക്കണമെന്ന് ഡോ. വിനോദ് പൗലോസ്  പറഞ്ഞു .

ലൈഫും പെൻഷനും തങ്കക്ക് വീടും വരുമാനവും

എറണാകുളം: വയസ് 80 നു മുകളിൽ. ഇടക്കിടെ നഷ്ടപ്പെടുന്ന ഓർമ. പ്രായാധിക്യം മൂലമുള്ള ശാരീരിക പ്രശ്നങ്ങൾ വേറെയും. ദുരിതങ്ങൾക്ക് നടുവിൽ തങ്ക വാടക ഷെഡിൽ കഴിച്ചുകൂട്ടിയത് 13 വർഷം.  ഇവരെ സ്വന്തം വീടിൻ്റെ സുരക്ഷിതത്തിലേക്ക് മാറ്റുകയായിരുന്നു സംസ്ഥാന സർക്കാരിൻ്റെ ലൈഫ് മിഷൻ സമ്പൂർണ്ണ പാർപ്പിട പദ്ധതി.