പനമരം ബ്ലോക്കിന്റെ സഞ്ചരിക്കുന്ന മൃഗാശുപത്രിയുടെ സേവനം പനമരം ഗ്രാമപഞ്ചായത്തിലെ ക്ഷീര കര്‍ഷകര്‍ക്ക് സെപ്തംബര്‍ 14 മുതല്‍ 18 വരെ ലഭിക്കും. കര്‍ഷകര്‍ക്ക് ക്ഷീര സംഘങ്ങള്‍ മുഖേന ഡോക്ടറുമായി ബന്ധപ്പെടാം.  ഫോണ്‍ 9495478744.

ഡ്രൈവിംഗ് ലൈസന്‍സ്, രജിസ്ട്രേഷന്‍ സര്‍ട്ടിഫിക്കറ്റ്, ഇവയുടെ് അനുബന്ധ സര്‍വീസുകള്‍, സ്റ്റേജ് കാര്യേജ് ഒഴികെയുള്ള വാഹനങ്ങളുടെ പെര്‍മിറ്റ് എന്നിവയ്ക്ക് അപേക്ഷിച്ച് 20 ദിവസത്തിനുള്ളില്‍ സേവനം ലഭിച്ചില്ലെങ്കില്‍ 20 ദിവസത്തിനു ശേഷം മോട്ടോര്‍ വാഹന വകുപ്പിന്റെ കീഴിലുള്ളതും ട്രാന്‍സ്പോര്‍ട്ട് കമ്മീഷണറുടെ നേരിട്ട് നിയന്ത്രണത്തിലുള്ളതുമായ എം.വി.ഡി. കോള്‍ സെന്ററിലേക്ക് വിളിക്കാം.  ഫോണ്‍ 9446033314.  കോള്‍ സെന്റര്‍ സേവനം രാവിലെ 9 മുതല്‍ രാത്രി 9 വരെ ലഭ്യമാകും.

നഗരകാര്യ വകുപ്പില്‍ നിന്നും കേരള മുനിസിപ്പാലിറ്റി കെട്ടിട നിര്‍മ്മാണ ചട്ടങ്ങള്‍ പ്രകാരം രജിസ്ട്രേഷന്‍ നേടിയിട്ടുള്ള എഞ്ചിനീയര്‍, ആര്‍കിടെക്റ്റ്, സൂപ്പര്‍വൈസര്‍ എന്നിവര്‍ സര്‍ക്കാര്‍ സര്‍വീസിലോ അനുബന്ധ സര്‍വീസുകളിലോ സേവനത്തില്‍ പ്രവേശിക്കുന്ന പക്ഷം രജിസ്ട്രേഷന്‍ ക്യാന്‍സല്‍ ചെയ്യുന്നതിനായി അപേക്ഷ നല്‍കേണ്ടതും രജിസ്ട്രേഷന്‍ റദ്ദു ചെയ്യേണ്ടതുമാണെന്ന് നഗരകാര്യ വകുപ്പ് റീജിയണല്‍ ജോയിന്റ് ഡയറക്ടര്‍ അറിയിച്ചു.  സര്‍ക്കാര്‍ സേവനത്തില്‍ പ്രവേശിച്ചിട്ട് വീണ്ടും സ്വകാര്യ പ്രാക്ടീസ് നടത്തുന്നവര്‍ക്കെതിരെ നിയമ നടപടികള്‍ സ്വീകരിക്കും.

വയനാട് ഐ.റ്റി.ഡി.പി. ഓഫീസിലും കണിയാമ്പറ്റ, പിണങ്ങോട്, പടിഞ്ഞാറത്തറ, വൈത്തിരി, കല്‍പ്പറ്റ ട്രൈബല്‍ എക്സ്റ്റന്‍ഷന്‍ ഓഫീസുകളിലും ആരംഭിക്കുന്ന സഹായി കേന്ദ്രത്തിലേക്ക് ഡാറ്റാ എന്‍ട്രി ഓപ്പറേറ്റര്‍മാരെ നിയമിക്കുന്നു. പ്രതിമാസം 12000 രൂപ ഹോണറേറിയത്തില്‍ കരാര്‍ അടിസ്ഥാനത്തിലാണ് നിയമനം.  പ്രായം 18 നും 40 നുമിടയില്‍.  യോഗ്യത: പ്ലസ് ടു, ഡാറ്റാ എന്‍ട്രി (ഇംഗ്ലീഷ്, മലയാളം) ഇന്റര്‍നെറ്റ് പരിജ്ഞാനം.  വൈത്തിരി താലൂക്കില്‍ സ്ഥിരതാമസക്കാരായ പട്ടികവര്‍ഗ്ഗ വിഭാഗത്തില്‍പ്പെട്ടവര്‍ക്ക് അപേക്ഷിക്കാം.  കൂടിക്കാഴ്ച സെപ്തംബര്‍ 18 ന് രാവിലെ 10 ന്  കല്‍പ്പറ്റ സിവില്‍ സ്റ്റേഷനിലെ ഐ.റ്റി.ഡി.പി. ഓഫീസില്‍ നടക്കും.

· 48 പേര്‍ക്ക് സമ്പര്‍ക്കത്തിലൂടെ രോഗബാധ

· 31 പേര്‍ക്ക് രോഗമുക്തി

വയനാട് ജില്ലയില്‍ ഇന്ന് (12.09.20) 54 പേര്‍ക്ക് കോവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ ഡോ.ആര്‍. രേണുക അറിയിച്ചു. 31 പേര്‍ രോഗമുക്തി  നേടി. 48 പേര്‍ക്ക് സമ്പര്‍ക്കത്തിലൂടെയാണ് രോഗബാധ.

6 പേര്‍  ഇതര സംസ്ഥാനത്ത് നിന്നും എത്തിയവരാണ്. 

ഇതോടെ ജില്ലയില്‍ കോവിഡ് സ്ഥിരീകരിച്ചവരുടെ ആകെ എണ്ണം 2010 ആയി. ഇതില്‍ 1558 പേര്‍ രോഗമുക്തരായി. നിലവില്‍ 442 പേരാണ് ചികിത്സയിലുള്ളത്.

രോഗം സ്ഥിരീകരിച്ചവര്‍:

കണ്ണൂർ തലശേരി മലബാർ ക്യാൻസർ സെന്ററിനെ പോസ്റ്റ് ഗ്രാജ്വേറ്റ് ഇൻസ്റ്റിറ്റ്യൂട്ട് ഓഫ് ഓങ്കോളജി സയൻസ് & റിസർച്ച് ആയി വികസിപ്പിക്കാനുള്ള വിവിധ പദ്ധതികളുടെ ഉദ്ഘാടനം സെപ്റ്റംബർ 14-ന്  രാവിലെ 11.30ന് വീഡിയോ കോൺഫറൻസിലൂടെ മുഖ്യമന്ത്രി പിണറായി വിജയൻ നിർവഹിക്കും. ആരോഗ്യ വകുപ്പ് മന്ത്രി കെ.കെ. ശൈലജ ടീച്ചർ അധ്യക്ഷയാകും.  എ.എൻ. ഷംസീർ എം.എൽ.എ., കെ. മുരളീധരൻ എം.പി. എന്നിവരാണ് മുഖ്യാതിഥികൾ.

തിരുവനന്തപുരം ജില്ലയിലെ എൻ. സി. സി നേവൽ കേഡറ്റുകൾക്കായുള്ള ട്രെയിനിംഗ് സെന്ററിന്റെ നിർമ്മാണോദ്ഘാടനം 14 ന് ആക്കുളത്ത് നടക്കും. സെന്റർ പ്രവർത്ത സജ്ജമാകുന്നതോടെ ഓരോ വർഷവും ജില്ലയിലെ ആയിരത്തോളം നേവൽ കേഡറ്റുകൾക്ക് ഇന്ത്യൻ നേവിയുടെ  പ്രാഥമിക പരിശീലനം, നീന്തൽ, സെയിലിംഗ് എക്സ്പെഡീഷൻ, ബോട്ട് പുളളിംഗ്, റാഫ്റ്റിംഗ്, യാച്ചിംഗ്, കായക്കിംഗ്, കാനോയിംഗ്, തുടങ്ങിയ ജലസാഹസിക പരിശീലനവും ഡ്രിൽ, ഫയറിംഗ് പരിശീലനവും നൽകും.

വേളിക്കായലോരത്ത് ഇനി പുകയില്ലാത്ത കൽക്കരി ട്രെയിനോടും. സൗരോർജ്ജത്തിലാണ് മിനിയേച്ചർ ട്രെയിൻ സർവീസ്. രണ്ട് കിലോമീറ്ററാണ് ഒരു ട്രിപ്പിന്റെ ദൈർഘ്യം. വേളി ടൂറിസം വില്ലേജ് അന്താരാഷ്ട്ര നിലവാരത്തിലേക്ക് ഉയർത്തുന്നതിന്റെ ഭാഗമായാണ് മിനിയേച്ചർ ട്രെയിൻ സർവീസ് തുടങ്ങുന്നത്. കുട്ടികളെ ആകർഷിക്കാനായാണ് കൗതുകം നിറയ്ക്കുന്ന പുതുസംരംഭമെന്ന് പരീക്ഷണ യാത്രയും അനുബന്ധ സൗകര്യങ്ങളും വിലയിരുത്തിയ ടൂറിസം മന്ത്രി കടകംപള്ളി സുരേന്ദ്രൻ വ്യക്തമാക്കി.

ജില്ലയില്‍ ഇന്ന് (സെപ്റ്റംബര്‍ 11) കോവിഡ് 19 സ്ഥിരീകരിച്ചവരുടെ പ്രാദേശികമായുള്ള എണ്ണം ചുവടെ ചേര്‍ക്കുന്നു,

നേരിട്ടുള്ള സമ്പര്‍ക്കത്തിലൂടെ രോഗം സ്ഥിരീകരിച്ചവര്‍