പാലക്കാട് ജില്ലയിൽ ഇന്ന്(സെപ്റ്റംബർ 13) 233 പേർക്ക് കോവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതർ അറിയിച്ചു.  സമ്പർക്കത്തിലൂടെ രോഗബാധ ഉണ്ടായ 174 പേർ, വിദേശത്ത് നിന്ന് വന്ന 3 പേർ, ഇതര സംസ്ഥാനങ്ങളിൽ നിന്ന് വന്ന 10 പേർ, ഉറവിടം അറിയാത്ത രോഗബാധ ഉണ്ടായ 45 പേർ എന്നിവർ ഉൾപ്പെടും. 63 പേർക്ക് രോഗമുക്തി ഉള്ളതായും അധികൃതർ അറിയിച്ചു.

ഇന്ന് രോഗം സ്ഥിരീകരിച്ചവരിൽ ഇതര സംസ്ഥാനങ്ങളിൽ നിന്നും വിദേശത്തുനിന്നും  വന്നവരുടെ കണക്ക് താഴെ കൊടുക്കും പ്രകാരമാണ്. 

തമിഴ്നാട്-4
അട്ടപ്പാടി സ്വദേശി (47 പുരുഷൻ)

മാത്തൂർ സ്വദേശി (39 പുരുഷൻ)

വടക്കഞ്ചേരി സാമൂഹിക ആരോഗ്യ കേന്ദ്രത്തെ ആധുനിക സൗകര്യങ്ങളോടുകൂടിയ മികച്ച ചികിത്സാ കേന്ദ്രമാക്കി മാറ്റുമെന്ന് പട്ടികജാതി- പട്ടികവർഗ - പിന്നാക്ക ക്ഷേമ-നിയമ- സാംസ്കാരിക- പാർലമെന്ററികാര്യ വകുപ്പ് മന്ത്രി എ.കെ ബാലൻ പറഞ്ഞു. വടക്കഞ്ചേരി സാമൂഹികാരോഗ്യകേന്ദ്രം 
കെട്ടിട നിർമ്മാണോദ്ഘാടനം നിർവഹിച്ച് സംസാരിക്കുകയായിരുന്നു മന്ത്രി.

ശിരുവാണി ഡാമിൽ ജലനിരപ്പ് 875.90  മീറ്ററിൽ എത്തിയതിനാൽ  സെപ്തംബർ 14 ന് ഡാം  തുറന്നു വിടാൻ സാധ്യതയുള്ളതായി എക്സിക്യൂട്ടീവ് എഞ്ചിനീയർ അറിയിച്ചു.  ഡാമിന്റെ  പരമാവധി ജല സംഭരണശേഷി 877   മീറ്ററാണ്. അട്ടപ്പാടി മേഖലയിലെ ശിരുവാണിപ്പുഴ, ഭവാനിപ്പുഴകളുടെ  തീരത്തുള്ളവർ ജാഗ്രത പാലിക്കാൻ നിർദ്ദേശമുണ്ട്.

സംസ്ഥാന സർക്കാർ കോവിഡ് രോഗത്തെ ചെറുക്കുന്നതിനോടൊപ്പമാണ്  വികസന പ്രവര്‍ത്തനങ്ങള്‍ ദ്രുതഗതിയിൽ പൂര്‍ത്തിയാക്കുന്നതെന്ന്  പട്ടികജാതി- പട്ടികവര്‍ഗ- പിന്നാക്കക്ഷേമ- നിയമ- സാംസ്‌ക്കാരിക- പാര്‍ലമെന്ററികാര്യ വകുപ്പ് മന്ത്രി എ.കെ ബാലൻ പറഞ്ഞു. വടക്കഞ്ചേരി ഗ്രാമപഞ്ചായത്തിൽ നിർമ്മിച്ച ഇ.എം.എസ് സ്മാരക കമ്മ്യൂണിറ്റി ഹാൾ ഉദ്ഘാടനം നിർവഹിച്ച് സംസാരിക്കുകയായിരുന്നു മന്ത്രി. 

ഇ.എം.സിന്റെ പേരിലുള്ള വലിയൊരു സ്വപ്‌നമാണ് ഇവിടെ യാഥാർത്ഥ്യമായത്. ഇത്തരത്തില്‍ ജില്ലയിലുടനീളം വിവിധ വികസന പ്രവര്‍ത്തനങ്ങള്‍ നടപ്പിലാക്കി വരികയാണെന്നും മന്ത്രി കൂട്ടിച്ചേർത്തു. 

സാംസ്കാരിക വകുപ്പിന്റെ ആഭിമുഖ്യത്തിൽ വടക്കഞ്ചേരിയിൽ ആരംഭിക്കുന്ന സംസ്ഥാനത്തെ ആദ്യ "നാട്ടരങ്ങ് " ന്റെ ഉദ്ഘാടനം പട്ടികജാതി-പട്ടികവർഗ്ഗ- പിന്നാക്കക്ഷേമ - നിയമ- സാംസ്കാരിക- പാർലമെന്ററി കാര്യ വകുപ്പ് മന്ത്രി എ.കെ ബാലൻ മിഴാവ് കൊട്ടി നിർവ്വഹിച്ചു.  

ഗ്രാമീണ മേഖലകളിലും ചെറുപട്ടണങ്ങളിലും കലാ-സാംസ്‌കാരിക പ്രവര്‍ത്തനങ്ങള്‍ക്ക് അനുയോജ്യമായ പൊതു വേദികളുടെ അഭാവത്തിന്  പരിഹാരമായാണ് നാട്ടരങ്ങ് സ്ഥാപിക്കുന്നത്. തിരുവനന്തപുരം മാനവീയം വീഥിയുടെ മാതൃകയില്‍ ഗതാഗതത്തിന് തടസ്സമാകാത്ത വിധം നിര്‍മിക്കുന്ന നാട്ടരങ്ങ്  കലാ-സാസ്‌കാരിക രംഗത്തിന് മുതല്‍ക്കൂട്ടാണെന്ന് മന്ത്രി പറഞ്ഞു.

"
സാംസ്കാരിക വകുപ്പിന്റെ ആഭിമുഖ്യത്തിൽ വടക്കഞ്ചേരിയിൽ ആരംഭിക്കുന്ന സംസ്ഥാനത്തെ ആദ്യ "നാട്ടരങ്ങ് " ന്റെ ഉദ്ഘാടനം പട്ടികജാതി-പട്ടികവർഗ്ഗ- പിന്നാക്കക്ഷേമ - നിയമ- സാംസ്കാരിക- പാർലമെന്ററി കാര്യ വകുപ്പ് മന്ത്രി എ.കെ ബാലൻ മിഴാവ് കൊട്ടി നിർവ്വഹിച്ചു.  

ഗ്രാമീണ മേഖലകളിലും ചെറുപട്ടണങ്ങളിലും കലാ-സാംസ്‌കാരിക പ്രവര്‍ത്തനങ്ങള്‍ക്ക് അനുയോജ്യമായ പൊതു വേദികളുടെ അഭാവത്തിന്  പരിഹാരമായാണ് നാട്ടരങ്ങ് സ്ഥാപിക്കുന്നത്. തിരുവനന്തപുരം മാനവീയം വീഥിയുടെ മാതൃകയില്‍ ഗതാഗതത്തിന് തടസ്സമാകാത്ത വിധം നിര്‍മിക്കുന്ന നാട്ടരങ്ങ്  കലാ-സാസ്‌കാരിക രംഗത്തിന് മുതല്‍ക്കൂട്ടാണെന്ന് മന്ത്രി പറഞ്ഞു.

 
2012 നു ശേഷം പുറത്തിറങ്ങിയ ബി.എസ്. ഫോർ (ഭാരത് സ്റ്റേജ് എമിഷൻ നോംസ്)  വാഹനങ്ങൾക്ക് ഒരു വർഷത്തേക്ക് നൽകേണ്ട പുക പരിശോധന സർട്ടിഫിക്കറ്റ് ആറുമാസത്തേക്ക് ചുരുക്കി നൽകുന്ന സ്ഥാപനങ്ങൾക്കെതിരെ  മോട്ടോർ വാഹന വകുപ്പ് നടപടി എടുക്കുമെന്ന് ആർ.ടി.ഒ അറിയിച്ചു.  ആറുമാസം കാലാവധിയുള്ള പുക പരിശോധന 
സർട്ടിഫിക്കറ്റ് നിലവിൽ വ്യാപകമായി
 പുക പരിശോധന കേന്ദ്രങ്ങൾ    നൽകി വരുന്നത് ശ്രദ്ധയിൽപ്പെട്ടതിനെ തുടർന്നാണ് പരിശോധന നടത്തുന്നത്. ബി.എസ് ത്രീ വാഹനങ്ങൾക്ക് മാത്രമാണ് ആറുമാസത്തെ പുക പരിശോധന സർട്ടിഫിക്കറ്റ് നൽകേണ്ടത്.  

കോവിഡ് 19 രോഗവ്യാപനം തടയുന്നതിനുള്ള സർക്കാർ നിർദ്ദേശങ്ങൾ പാലിക്കാത്തതിനെ തുടർന്ന് ഇന്ന് (സെപ്തംബർ 12) വൈകിട്ട് 7 വരെ ജില്ലയിൽ പോലീസ് നടത്തിയ പരിശോധനയിൽ 25 കേസുകൾ രജിസ്റ്റർ ചെയ്തതായി സ്പെഷൽ ബ്രാഞ്ച് ഡി.വൈ.എസ്.പി എം. കൃഷ്ണൻ അറിയിച്ചു. ഇത്രയും കേസുകളിലായി  58 പ്രതികളാണുള്ളത്. ഇവരിൽ 29 പേരെ അറസ്റ്റ് ചെയ്തു.  ഒരു വാഹനവും പിടിച്ചെടുത്തു.

 മാസ്ക് ധരിക്കാത്ത 156 പേർക്കെതിരെ കേസ് 

മാസ്ക് ധരിക്കാതെ പൊതുസ്ഥലങ്ങളിൽ ഇറങ്ങിയ 156 പേർക്കെതിരെ പോലീസ് കേസെടുത്തു.  മാസ്ക് ധരിക്കേണ്ടതിന്റെ   ആവശ്യകത ബോധ്യപ്പെടുത്തി കോടതിയിൽ പിഴ അടയ്ക്കാൻ നോട്ടീസ് നൽകി വിട്ടയച്ചു.

കോവിഡ് 19 ബാധിതരായി  ജില്ലയില്‍ നിലവില്‍ 1200 പേരാണ് ചികിത്സയിലുള്ളത്.  ഇന്ന് (സെപ്റ്റംബർ 12) ജില്ലയില്‍ 184 പേര്‍ക്കാണ് രോഗം സ്ഥിരീകരിച്ചത്. ഇന്ന് 175 പേരെ ആശുപത്രിയില്‍ പ്രവേശിപ്പിക്കുകയും ചെയ്തു.  

ഇതുവരെ 52588 സാമ്പിളുകള്‍ പരിശോധനയ്ക്കായി അയച്ചതില്‍ 50410 പരിശോധനാ ഫലങ്ങളാണ് ലഭ്യമായത്. ഇന്ന് 507 പരിശോധനാ ഫലങ്ങളാണ് ലഭിച്ചത്. പുതുതായി 602 സാമ്പിളുകൾ അയച്ചു. 6049 പേർക്കാണ് ഇതുവരെ  പരിശോധനാഫലം പോസിറ്റീവായത്. ഇതുവരെ 4792 പേർ രോഗമുക്തി നേടി. ഇനി 1178 സാമ്പിളുകളുടെ പരിശോധനാ ഫലം കൂടി ലഭിക്കാനുണ്ട്.