തൃശൂർ ജില്ല ഇൻഫർമേഷൻ ഓഫീസറായി നിജാസ് ജ്യുവൽ ചുമതലയേറ്റു. എറണാകുളം ജില്ലാ ഇൻഫർമേഷൻ ഓഫീസറായിരുന്നു. ഇടുക്കി, എറണാകുളം ജില്ലകളിൽ അസിസ്റ്റന്റ് ഇൻഫർമേഷൻ ഓഫീസറും അസിസ്റ്റന്റ് എഡിറ്ററുമായിരുന്നു. പി.ആർ.ഡിയിൽ ജോലിയിൽ പ്രവേശിക്കുന്നതിന് മുമ്പ് 15 വർഷം കൊച്ചിയിൽ മാധ്യമരംഗത്തുണ്ടായിരുന്ന നിജാസ് ജ്യുവൽ എറണാകുളം പ്രസ് ക്ലബ്ബിന്റെ വൈസ് പ്രസിഡന്റ്, കേരള പത്രപ്രവർത്തക യൂണിയൻ സംസ്ഥാന കമ്മിറ്റി അംഗം എന്നീ നിലകളിലും പ്രവർത്തിച്ചിട്ടുണ്ട്.

കോട്ടയം ജില്ലയില്‍ പുതിയതായി ലഭിച്ച 610 കോവിഡ് സാമ്പിള്‍ പരിശോധനാ ഫലങ്ങളില്‍ 106 എണ്ണം പോസിറ്റീവായി. കോട്ടയം മെഡിക്കല്‍ കോളേജ് ആശുപത്രിയിലെ മൂന്ന് ആരോഗ്യ പ്രവര്‍ത്തകര്‍, സമ്പര്‍ക്കം മുഖേന രോഗം ബാധിച്ച 100 പേര്‍, വിദേശത്തുനിന്നെത്തിയ ഒരാള്‍, മറ്റു സംസ്ഥാനങ്ങളില്‍നിന്ന് എത്തിയ രണ്ടു പേര്‍ എന്നിവര്‍ ഉള്‍പ്പെടുന്നു.

സമ്പര്‍ക്കം മുഖേനയുള്ള രോഗബാധ കൂടുതലായി റിപ്പോര്‍ട്ട് ചെയ്യപ്പെട്ടത് കോട്ടയം മുനിസിപ്പാലിറ്റിയിലാണ്. ഇവിടെ 24 പേര്‍ക്ക് രോഗം ബാധിച്ചു.

ദർഘാസ്

പാമ്പാടി താലൂക്ക് ഹെഡ് ക്വാർട്ടേഴ്സ് ആശുപത്രിയിൽ സർജിക്കൽ / അനസ്തെറ്റിക്കൽ സാധനങ്ങൾ, എക്സ്റേ ഫിലിം, ലാബ് റീ ഏജന്റ്സ്  എന്നിവ ലഭ്യമാക്കുന്നതിനും ലാബ് പരിശോധനകൾ  , സ്കാനിംഗ് ടെസ്റ്റുകൾ എന്നിവ നടത്തുന്നതിനും ദർഘാസുകൾ ക്ഷണിച്ചു. ജൂലൈ 23ന് രാവിലെ 11 നകം ആശുപത്രി സൂപ്രണ്ടിന് നൽകണം.

ക്ഷീരഗ്രാമം പദ്ധതികള്‍ക്ക് അപേക്ഷ ക്ഷണിച്ചു.

ആദ്യ പെൻഷൻ കൈകളിൽ കിട്ടിയ  സന്തോഷവുമായി സക്കീന

എറണാകുളം: കഴിഞ്ഞ 9 വർഷമായി  വാടകവീട്ടിലായിരുന്നു താമസം. മകൾക്കും പേരക്കുട്ടികൾക്കുമൊപ്പം ഒരു കൊച്ചു വീടിൻ്റെ മൂലയിലാണ് വാടകയ്ക്ക് താമസിച്ചിരുന്നത്.  മകൾ വീട്ടുവേലക്ക് പോയി കിട്ടുന്നതായിരുന്നു ഏക വരുമാനം. അതുകൊണ്ട് വീട്ടുവാടകയും വീട്ടുകാര്യങ്ങളും കുഞ്ഞുങ്ങളുടെ പഠന കാര്യങ്ങളും നോക്കണം. ഈ സമയത്താണ് സർക്കാരിൻ്റെ  ക്ഷേമപെൻഷൻ കിട്ടിത്തുടങ്ങിയത്.  അത് ഞങ്ങൾക്കു തന്ന ആശ്വാസം വളരെ വലുതാണ് - കാക്കനാട് വെളിയിൽ വീട്ടിൽ എം.എ സക്കീനയും കുടുംബവും ക്ഷേമ പെൻഷൻ ലഭിച്ചു തുടങ്ങിയതിൻ്റെ സന്തോഷം പങ്കുവയ്ക്കുകയാണ്.

നൊച്ചാട് ഗ്രാമപഞ്ചായത്തിലെ കല്പത്തൂരിൽ നിർമാണം പൂർത്തിയാക്കിയ  മലയാളം ലൈബ്രറി ആന്റ് റിസർച്ച് സെന്റർ കെട്ടിടം  തൊഴിൽ-എക്‌സൈസ് മന്ത്രി ടി.പി. രാമകൃഷ്ണൻ ഉദ്‌ഘാടനം ചെയ്തു. പേരാമ്പ്ര ബ്ലോക്ക് പഞ്ചായത്ത് അനുവദിച്ച 18 ലക്ഷം രൂപ വിനിയോഗിച്ചാണ് കെട്ടിടം നിർമ്മിച്ചത്. 

കോവിഡ് മാനദണ്ഡങ്ങൾ പാലിച്ചു നടന്ന ചടങ്ങിൽ നൊച്ചാട് ഗ്രാമപഞ്ചായത്ത് പ്രസിഡന്റ് പി.എം. കുഞ്ഞിക്കണ്ണൻ അധ്യക്ഷത വഹിച്ചു. 

ബ്ലോക്ക് പഞ്ചായത്ത് പ്രസിഡന്റ് എ.സി.സതി,മെമ്പർ സി.എം. ബാബു,ഗീത കല്ലായി, റിനി, അബ്ദുൽ സലാം തുടങ്ങിയവർ പങ്കെടുത്തു.

വർഗീസിന്റെയും സുബ്രന്റെയും പട്ടയ മോഹങ്ങൾ അദാലത്തിൽ സഫലം

എറണാകുളം : അയ്യമ്പുഴ ചെന്നേക്കാടൻ വീട്ടിൽ വർഗീസിന്റെയും മൂക്കന്നൂർ വെട്ടിക്കാട് വീട്ടിൽ വി. കെ സുബ്രന്റെയും 50 വർഷത്തോളം നീണ്ട പട്ടയ കാത്തിരുപ്പിന് സഫലം അദാലത്തിൽ അവസാനം.  ഇരുവർക്കും പട്ടയം അനുവദിച്ചു കൊണ്ട് ഉത്തരവായി. ജില്ലാ കളക്ടർ എസ്. സുഹാസിന്റെ നേതൃത്വത്തിൽ നടന്ന ആലുവ താലൂക്കിലെ ഓൺലൈൻ പരാതി പരിഹാര അദാലത്ത് വഴിയാണ് ഇരുവർക്കും പട്ടയം അനുവദിച്ചത്. വിവിധ അക്ഷയ കേന്ദ്രങ്ങൾ വഴി ഓൺലൈൻ ആയാണ് അദാലത്ത് സംഘടിപ്പിച്ചത്. 

ദിശ; യോഗം 16-ന്
കൊച്ചി: കേന്ദ്രവിഷ്‌കൃത പദ്ധതികളുടെ പുരോഗതി വിലയിരുത്തുന്നതിനായുളള ജില്ലാ വികസന കോ-ഓര്‍ഡിനേഷന്‍ ആന്റ് മോണിറ്ററിങ്ങ് കമ്മിറ്റി  (ദിശ) 2020-21 സാമ്പത്തിക വര്‍ഷത്തെ രണ്ടാംപാദ യോഗം ഈ മാസം 16-ന് രാവിലെ 10-ന് ഗൂഗിള്‍ മീറ്റ് മുഖേന ഓണ്‍ലൈന്‍ വീഡിയോ കോണ്‍ഫറന്‍സ് എം.പി ഹൈബി ഈഡന്റെ അദ്ധ്യക്ഷതയില്‍ നടത്തും. യോഗത്തിന്റെ യൂസര്‍ ഐഡി, പാസ്‌വേര്‍ഡ് എന്നിവ 15-ന് അറിയിക്കും.