ജില്ലയില്‍ ഇന്ന്  286  പോസിറ്റീവ് കേസുകള്‍ കൂടി റിപ്പോര്‍ട്ട് ചെയ്തതായി  ജില്ലാ  മെഡിക്കല്‍ ഓഫീസര്‍ ഡോ. ജയശ്രീ വി. അറിയിച്ചു.  
വിദേശത്ത് നിന്ന് എത്തിയ എട്ടു പേർക്കും   ഇതര സംസ്ഥാനങ്ങളില്‍നിന്ന് എത്തിയ  11 പേർക്കുമാണ് രോഗം റിപ്പോർട്ടു ചെയ്തത്. 26 പേരുടെ ഉറവിടം വ്യക്തമല്ല.  
സമ്പര്‍ക്കം വഴി 241 പേർക്ക് രോഗബാധയുണ്ടായി.  

755  പേര്‍ കൂടി നിരീക്ഷണത്തില്‍
  

ജില്ലയിലെ കോവിഡ് ആശുപത്രികള്‍, എഫ്.എല്‍.ടി.സി കള്‍ എന്നിവിടങ്ങളില്‍ ചികിത്സയിലായിരുന്ന  176    പേര്‍  കൂടി രോഗമുക്തി നേടി.

ഇന്ന് പുതുതായി വന്ന 755  പേര്‍ ഉള്‍പ്പെടെ  ജില്ലയില്‍  17,375   പേര്‍ നിരീക്ഷണത്തിലുണ്ട് .   ജില്ലയില്‍ ഇതുവരെ  95,447  പേര്‍ നിരീക്ഷണം പൂര്‍ത്തിയാക്കി.

ഇന്ന് പുതുതായി വന്ന 332  പേര്‍ ഉള്‍പ്പെടെ 2,163  പേര്‍ ആണ് ആശുപത്രികളില്‍ നിരീക്ഷണത്തിലുള്ളത്.  233  പേര്‍ ഇന്ന് ഡിസ്ചാര്‍ജ്ജ് ആയി .

ചേമഞ്ചേരി ഗ്രാമപഞ്ചായത്തിലെ പകൽവീട് മന്ത്രി ടി.പി രാമകൃഷ്ണൻ ഉദ്ഘാടനം ചെയ്തു

മാവൂര്‍ ഗ്രാമ പഞ്ചായത്തിലെ പൊൻപാറക്കുന്നില്‍ നിര്‍മ്മിക്കുന്ന ലൈഫ് മിഷന്‍ ഭവന സമുച്ചയത്തിന്‍റെ പ്രവൃത്തി ഉദ്ഘാടനം സെപ്റ്റംബർ 24ന് രാവിലെ 11 മണിക്ക് മുഖ്യമന്ത്രി പിണറായി വിജയൻ നിര്‍വ്വഹിക്കും. പൊതുമരാമത്ത് വകുപ്പ് വിട്ടു നല്‍കിയ 2.66 ഏക്കര്‍ സ്ഥലത്താണ് ഭവന സമുച്ചയം നിര്‍മ്മിക്കുന്നത്. 

  6.16 കോടി രൂപ വിനിയോഗിച്ച് നിർമിക്കുന്ന ഭവന സമുച്ചയത്തിൽ 44 കുടുംബങ്ങള്‍ക്കാണ് താമസ സൗകര്യം ഒരുക്കുന്നത്.  നിര്‍മ്മാണ പ്രവൃത്തിയുടെ കരാര്‍ ഏറ്റെടുത്തിട്ടുള്ളത് ഗുജറാത്തിലെ മിത് സുമി ഹൗസിംഗ് പ്രൈവറ്റ് ലിമിറ്റഡ് എന്ന സ്ഥാപനമാണ്.

വയോജനങ്ങൾക്ക് വിശ്രമത്തിനും വിനോദത്തിനുമായി പയ്യോളി നഗരസഭ ഇരിങ്ങലിൽ നിർമിക്കുന്ന പകൽവീടി​ന്റെ    നിർമ്മാണ പ്രവൃത്തി ഉദ്ഘാടനം കെ.ദാസൻ എംഎൽഎ നിർവഹിച്ചു. എം.എൽ.എ ഫണ്ടിൽ നിന്നും 50 ലക്ഷം രൂപയാണ് വകയിരുത്തിയിട്ടുള്ളത്.  ചടങ്ങിൽ നഗരസഭ ചെയർപേഴ്സൺ വി.ടി. ഉഷ അധ്യക്ഷത വഹിച്ചു. വൈസ് പ്രസിഡന്റ് കെ.വി. ചന്ദ്രൻ, സ്ഥിരം സമിതി അംഗം കൂടയിൽ ശ്രീധരൻ, കൗൺസിലർ സുരേഷ് പൊക്കോട്ട് തുടങ്ങിയവർ പങ്കെടുത്തു.

ഇരിങ്ങൽ - മൂരാട് കുടിവെള്ള പദ്ധതിയുടെ പ്രവൃത്തി ഉദ്ഘാടനം കെ.ദാസൻ എംഎൽഎ നിർവഹിച്ചു. എം.എൽ.എ ആസ്തി വികസന നിധിയിൽ നിന്നും 35 ലക്ഷം രൂപ ഉപയോഗിച്ചാണ് നിർമ്മാണം.

ചടങ്ങിൽ പയ്യോളി നഗരസഭ ചെയർപേഴ്സൺ വി.ടി ഉഷ അധ്യക്ഷത വഹിച്ചു.  വൈസ് പ്രസിഡന്റ് കെ.വി. ചന്ദ്രൻ, കൗൺസിലർ സുരേഷ് പൊക്കോട്ട്, വാട്ടർ അതോറിറ്റി എക്സിക്യൂട്ടീവ് എഞ്ചിനീയർ ടി.കെ. സുരേഷ് കുമാർ തുടങ്ങിയവർ പങ്കെടുത്തു.

തൂണേരി ബ്ലോക്കു പഞ്ചായത്ത് ജനകീയാ സൂത്രണ പദ്ധതിയിൽ നിർമ്മിച്ച 49-ാം നമ്പർ അങ്കണവാടി തൂണേരി ബ്ലോക്ക് പഞ്ചായത്ത് പ്രസിഡണ്ട്  സി.എച്ച്.ബാലകൃഷ്ണൻ ഉദ്ഘാടനം ചെയ്തു.  ബ്ലോക്ക് പഞ്ചായത്ത് 10 ലക്ഷം രൂപയാണ് നിർമാണത്തിന് വകയിരുത്തിയത്. തൂണേരി ഗ്രാമ പഞ്ചായത്ത് പ്രസിഡണ്ട് കെ പി സി തങ്ങൾ അദ്ധ്യക്ഷനായി.    ബ്ലോക്ക് പഞ്ചായത്ത് വൈസ് പ്രസിഡണ്ട് ടി.എം. ചന്ദ്രി,  ക്ഷേമകാര്യ ചെയർ പേഴ്സൺ  ടി.കെ.ലിസ, തൂണേരി ഗ്രാമ പഞ്ചായത്ത് ക്ഷേമകാര്യ ചെയർ പേഴ്സൺ ചന്ദ്രിക എന്നിവർ സംസാരിച്ചു.

തൂണേരി ബ്ലോക്കു പഞ്ചായത്ത് ജനകീയാസൂത്രണ പദ്ധതിയിൽ നവീകരിച്ച ആച്ചുകുളം തൂണേരി ബ്ലോക്കു പശ്ചായത്ത് പ്രസിഡണ്ട്  സി.എച്ച്.ബാലകൃഷ്ണൻ ഉദ്ഘാടനം ചെയ്തു. സി.കെ.  രാജഗോപാലക്കുറുപ്പ് ആണ് കുളം സംഭാവന ചെയ്തത്.  9 ലക്ഷം രൂപ ചെലവഴിച്ച് ഊരാളുങ്കൽ ലേബർ കോൺട്രാക്ട് സൊസൈറ്റിയാണ് പണി പൂർത്തിയാക്കിയത് . അഞ്ച് സെൻ്റ് ഭൂമിയിൽ നിർമ്മിച്ച വലിയകുളം മാതൃകാ ജലസംഭരണി കൂടിയാണ് .

ബ്ലോക്കു പഞ്ചായത്ത് വൈസ് പ്രസിഡണ്ട്  ടി.എം.ചന്ദ്രി അദ്ധ്യക്ഷയായി. തൂണേരി ഗ്രാമപഞ്ചായത്ത് മെമ്പർ രാജേഷ് കല്ലാട്ട് സ്വാഗതവും സമിതി കൺവീനർ ബാലകൃഷ്ണൻ നന്ദിയും പറഞ്ഞു.

  കായക്കൊടി ഗ്രാമ പഞ്ചായത്തിലെ ചളിയിൽ തോട് - വണ്ണാത്തിപ്പൊയിൽ റോഡിൻ്റെ പ്രവൃത്തി    ഇ.കെ.വിജയൻ എംഎൽഎ ഉദ്ഘാടനം ചെയ്തു.  മുഖ്യമന്ത്രിയുടെ തദ്ദേശ റോഡ് പുനരുദ്ധാരണ പദ്ധതിയിൽ ഉൾപ്പെടുത്തി 25 ലക്ഷം രൂപയാണ് പ്രവൃത്തിക്ക്  അനുവദിച്ചത്. 
കായക്കൊടി ഗ്രാമപഞ്ചായത്ത് പ്രസിഡൻ്റ്  കെ.ടി.അശ്വതി അദ്ധ്യക്ഷയായി.  വാർഡ് മെമ്പർ സതീശൻ എം.പി സ്വാഗതം പറഞ്ഞു. ഗ്രാമപഞ്ചായത്ത് വൈസ് പ്രസിഡൻറ് പി.പി.നാണു, എം.കെ.ശശി, സി.പി.കുഞ്ഞിരാമൻ, ടി.പി ,കുമാരൻ ,എം ചന്ദ്രൻ ,പി.രവീന്ദ്രൻ, അജേഷ് ടി.പി, വിനിഷ് പാലയാട് എന്നിവർ പങ്കെടുത്തു .

ചെമ്പൈ പൈതൃക സംഗീത ഗ്രാമത്തിന്റെ നിര്‍മാണം പൂര്‍ത്തീകരിക്കുന്നതിന്  ആവശ്യമെങ്കില്‍ കൂടുതല്‍ തുക അനുവദിക്കുമെന്ന് ടൂറിസം വകുപ്പ് മന്ത്രി കടകംപള്ളി സുരേന്ദ്രന്‍ പറഞ്ഞു. സംഗീതജ്ഞന്‍ ചെമ്പൈ വൈദ്യനാഥ ഭാഗവതരുടെ സ്മരണയ്ക്കായി കോട്ടായി ചെമ്പൈ ഗ്രാമത്തില്‍ നിര്‍മിക്കുന്ന പൈതൃക സംഗീത ഗ്രാമത്തിന്റെ നിര്‍മാണോദ്ഘാടനം നിര്‍വഹിച്ച് സംസാരിക്കുകയായിരുന്നു മന്ത്രി. പദ്ധതിക്കായി നാല് കോടി രൂപയാണ് ടൂറിസം വകുപ്പ് അനുവദിച്ചിരിക്കുന്നത്.