കേരള മോട്ടോർ തൊഴിലാളി ക്ഷേമനിധി ബോർഡിൽ അംഗത്വമില്ലാത്ത തൊഴിലാളികൾക്കും കോവിഡ് ധനസഹായം നൽകുന്നതിന് രജിസ്ട്രേഷൻ നടപടികൾ ആരംഭിച്ചു. സ്കാറ്റേഡ് വർക്കേഴ്സ്, പാസഞ്ചർ ഗൈഡുകൾ, ഡ്രൈവിംഗ് സ്കൂൾ ജീവനക്കാർ, ഓട്ടോമൊബൈൽ വർക്ക് ഷോപ്പ് തൊഴിലാളികൾ എന്നിവർക്ക് 1000 രൂപയാണ് അനുവദിച്ചിട്ടുള്ളത്.

 ധനസഹായത്തിനായി  motorworker.kmtwwfb.kerala.gov.in എന്ന വെബ് പോർട്ടലിൽ രജിസ്റ്റർ ചെയ്യണമെന്ന് മോട്ടോർ തൊഴിലാളി ക്ഷേമനിധി ബോർഡ് ചെയർമാൻ അഡ്വ.എം.എസ് സ്കറിയ അറിയിച്ചു.

കോട്ടയം ജില്ലയിലെ വിവിധ സർക്കാർ ആശുപത്രികളിലെ ആവശ്യത്തിന് 500 ബോഡി ബാഗുകൾ (ഡെത്ത് ബാഗ്) വാങ്ങുന്നതിന് ടെൻഡർ ക്ഷണിച്ചു.സെപ്റ്റംബർ 16നകം ജില്ലാ മെഡിക്കൽ ഓഫീസർക്ക് നൽകണം.ഫോൺ 0481-2562778

നീണ്ടൂര്‍ എസ്.കെ.വി ജി.എച്ച്.എസ്.എസിലെ പഴയ രണ്ടു കെട്ടിടങ്ങളും സ്റ്റേജും പൊളിച്ചു വില്‍ക്കുന്നതിനുള്ള പരസ്യ ലേലം സെപ്റ്റംബര്‍ 24ന് രാവിലെ 11ന് സ്‌കൂളില്‍ നടക്കും. ഫോണ്‍-9526996109

സർക്കാർ - എയ് ഡഡ് - അൺ എയ് ഡഡ് സ്കൂളുകളിൽ  എട്ടു മുതൽ 12 വരെ ക്ലാസുകളിൽ പഠിക്കുന്ന വിദ്യാർഥികൾക്കായി    കേരള ഖാദി ഗ്രാമ വ്യവസായ ബോർഡ് ഓൺലൈൻ ക്വിസ് മത്സരം സംഘടിപ്പിക്കുന്നു.  

പങ്കെടുക്കാന്‍ താത്പര്യമുള്ളവർ secretarykkvib@gmail.com അല്ലെങ്കിൽ iokkvib@gmail.com എന്ന ഇ-മെയിൽ വിലാസത്തിൽ രജിസ്റ്റർ ചെയ്യണം.  സ്ക്രീനിംഗിനു വേണ്ടിയുള്ള ചോദ്യങ്ങളും ഉത്തരക്കടലാസിൻ്റെ മാതൃകയും നിബന്ധനകളും www.kkvib.org എന്ന സൈറ്റിൽ സെപ്റ്റംബർ 30 ന് രാവിലെ 11ന്  അപ് ലോഡ് ചെയ്യും.

================

കോട്ടയം ജില്ലയില്‍ 122  പേര്‍ക്കു കൂടി കോവിഡ് സ്ഥിരീകരിച്ചു. ഇതില്‍ രണ്ട് ആരോഗ്യ പ്രവര്‍ത്തകരും സമ്പര്‍ക്കം മുഖേന ബാധിച്ച 119 പേരും സംസ്ഥാനത്തിന് പുറത്തുനിന്നെത്തിയ ഒരാളും ഉള്‍പ്പെടുന്നു. ആകെ 2513 പരിശോധനാ ഫലങ്ങളാണ് പുതിയതായി ലഭിച്ചത്.

കോട്ടയം-18, തൃക്കൊടിത്താനം-10, ചങ്ങനാശേരി-9, വാഴപ്പള്ളി-9, കുറിച്ചി-7, തിരുവാര്‍പ്പ്, നീണ്ടൂര്‍-6 വീതം, വിജയപുരം, പുതുപ്പള്ളി, വെച്ചൂര്‍-5 വീതം എന്നിവിടങ്ങളിലാണ് രോഗം കൂടുതലായി റിപ്പോര്‍ട്ട് ചെയ്യപ്പെട്ടത്.

സെപ്റ്റംബര്‍ 18 ന് ആരംഭിക്കുന്ന 110-മത്  അഖിലേന്ത്യാ അപ്രെന്റിസ്ഷിപ്പ് പരീക്ഷയുടെ ഹാള്‍ടിക്കറ്റ് ഡി.ജി.ഇ.ടി.യുടെ വെബ്സൈറ്റില്‍ ലഭിക്കും. അപ്രെന്റിസ്  ട്രെയിനികള്‍ക്ക് ഹാള്‍ടിക്കറ്റ് എസ്റ്റാബ്ലിഷ്മെന്റ്കളില്‍ നിന്ന്  നേരിട്ട് ലഭിക്കും. ട്രെയിനികള്‍ക്കും അപ്രന്റിസ് പ്രൊഫൈലില്‍ ഡൗണ്‍ലോഡ് ചെയ്ത് എടുക്കാം. കൂടുതല്‍ വിവരങ്ങള്‍ക്ക് എസ്റ്റാബ്ലിഷ്മെന്റുകളിലോ ആര്‍. ഐ  സെന്ററുമായോ  ബന്ധപ്പെടുക.  ഫോണ്‍- 0491 2815761.
 

ജില്ലയില്‍ വിദ്യാഭ്യാസ വകുപ്പില്‍ യു.പി സ്‌കൂള്‍ അസിസ്റ്റന്റ് (മലയാളം മീഡിയം- തസ്തികമാറ്റം വഴി) തസ്തികയുടെ തിരഞ്ഞെടുപ്പിനായി ഫെബ്രുവരി 27 ന് നിലവില്‍ വന്ന റാങ്ക് പട്ടികയിലെ മുഴുവന്‍ ഉദ്യോഗാര്‍ഥികളും നിയമന ശുപാര്‍ശ ചെയ്യപ്പെട്ടതിനാല്‍ റാങ്ക് പട്ടിക മെയ് 16 മുതല്‍ പ്രാബല്യത്തില്‍ ഇല്ലാതായതായി  ജില്ലാ പി എസ് സി ഓഫീസ് അറിയിച്ചു

ഹോമിയോ ജില്ലാ മെഡിക്കല്‍ ഓഫീസ് ഫാര്‍മസിസ്റ്റ് തസ്തികയിലേക്ക് നിയമനം നടത്തുന്നു. എസ്.എസ്.എല്‍.സിയും എന്‍.സി.പി അല്ലെങ്കില്‍ സി.സി.പി (ഹോമിയോ) ആണ് വിദ്യാഭ്യാസ യോഗ്യത. പ്രായപരിധി 18-47. താത്പര്യമുള്ളവര്‍ യോഗ്യത, അര്‍ഹത സംബന്ധിച്ച അസ്സല്‍ രേഖകളും പകര്‍പ്പുകളും സഹിതം കല്‍പ്പാത്തി ചാത്തപ്പുരത്തുള്ള ഹോമിയോ ജില്ലാ മെഡിക്കല്‍ ഓഫീസില്‍ സെപ്തംബര്‍ 17 ന് രാവിലെ 10.30 ന് കൂടിക്കാഴ്ചയ്ക്ക് എത്തണമെന്ന് ജില്ലാ മെഡിക്കല്‍ ഓഫീസര്‍ (ഹോമിയോ) അറിയിച്ചു. ഫോണ്‍ 0491- 2966355, 2576355.