ആലപ്പുഴ :മത്സ്യഫെഡിന്റെ കരുവാറ്റ ഫിഷ് മാര്‍ട്ടിന്റെയും മത്സ്യസംഭരണ കേന്ദ്രത്തിന്റെയും ഉദ്ഘാടനം സെപ്റ്റംബര്‍ 17 ന് രാവിലെ 9 മണിക്ക് ഫിഷറിസ്-തുറമുഖ വകുപ്പ് മന്ത്രി ജെ മേഴ്സികുട്ടിയമ്മ നിര്‍വ്വഹിക്കും. മത്സ്യഫെഡിന്റെ `തീരത്ത് നിന്ന് വിപണിയിലേക്ക്`എന്നുള്ള പദ്ധതിയുടെ ഭാഗമായി മത്സ്യത്തൊഴിലാളികള്‍ പിടിച്ചുകൊണ്ടുവരുന്ന മത്സ്യം നേരിട്ട് അവരില്‍നിന്ന് സംഭരിച്ച് ഗുണമേന്മ നഷ്ടപ്പെടാതെ ഉപഭോക്താക്കള്‍ക്ക് ന്യായവിലയ്ക്ക് എത്തിക്കുന്നതിന് വേണ്ടി ആലപ്പുഴ ജില്ലയില്‍ ആരംഭിക്കുന്ന രണ്ടാമത്തെ ഫിഷ് മാര്‍ട്ടാണിത്. ജില്ലയിലെ ആദ്യത്തെ മത്സ്യസംഭരണകേന്ദ്രവുമാണ് കരുവാറ്റയിലേത്.

ആലപ്പുഴ: പൊതുജനങ്ങളുടെ പരാതികൾക്കും അപേക്ഷകൾക്കും അതിവേഗത്തിലും ജനസൗഹൃദപരമായും തീർപ്പുണ്ടാക്കുന്നതിന് ചേർത്തല താലൂക്കിലെ ജില്ല കളക്ടറുടെ പൊതുജന പരാതി പരിഹാര അദാലത്ത് ഓൺലൈനായി വീഡിയോ കോൺഫറൻസിലൂടെ ഒക്ടോബർ അഞ്ചിന് നടത്തും. അദാലത്തിലേക്കുള്ള എൽ ആർ എം കേസുകൾ, ഭൂമിയുടെ തരംമാറ്റം / പരിവർത്തനം, റേഷൻ കാർഡ് ബി പി എൽ ആക്കുന്നതിനുള്ള അപേക്ഷ, ലൈഫ്, പ്രളയം സംബന്ധമായ പരാതി എന്നിവ ഒഴികെയുള്ള എല്ലാ അപേക്ഷകളും പരാതികളും ഈ മാസം 17 മുതൽ 23 വരെ ചേർത്തല താലൂക്കിലെ അക്ഷയ സെന്റർ വഴി സമർപ്പിക്കാവുന്നതാണ്. അക്ഷയ സെന്റർ വഴി ലഭിക്കുന്ന അപേക്ഷകൾ മാത്രമേ അദാലത്തിൽ പരിഗണിക്കുകയുള്ളൂ.

ആലപ്പുഴ: കായംകുളം നഗരസഭയിലെ പതിനാറാം വാർഡിൽ നിർമിച്ച 76 ആം നമ്പർ അങ്കണവാടി കെട്ടിടം കായംകുളം നഗരസഭ ചെയർമാൻ എൻ ശിവദാസൻ ഉദ്ഘാടനം ചെയ്തു. തൊട്ടാശ്ശേരിയിൽ ഉണ്ണി അമ്മ പങ്കജാക്ഷിയുടെ  ഓർമയ്ക്കായി നൽകിയ സ്ഥലത്താണ് അമ്മയുടെ സ്മരണക്കായി കെട്ടിടം നിർമിച്ചത്.

നഗരസഭാ വികസന ഫണ്ടിൽ നിന്ന് 10 ലക്ഷം രൂപ വിനിയോഗിച്ചാണ് അങ്കണവാടി കെട്ടിടം നിർമിച്ചിരിക്കുന്നത്. 550 ചതുരശ്ര മീറ്റർ വിസ്തീർണത്തിൽ ഹാൾ, കിച്ചൻ, ടോയ്ലറ്റ് എന്നീ സൗകര്യങ്ങളോടെ മികച്ച  രീതിയിലാണ് കെട്ടിടം നിർമിച്ചിരിക്കുന്നത്. 25 കുട്ടികൾക്ക് ഒരേ സമയം ഇരുന്ന് പഠിക്കാനാകുന്ന രീതിയിലാണ് ഹാൾ ഒരുക്കിയിരിക്കുന്നത്.

ആലപ്പുഴ : കോവിഡ് പ്രതിരോധ പ്രവർത്തനങ്ങളുടെ ഭാഗമായി അരൂർ ഗ്രാമപഞ്ചായത്തിലെ കോവിഡ് ഫസ്റ്റ് ലൈൻ ട്രീറ്റ്മെൻറ് സെന്റർ  പ്രവർത്തനമാരംഭിച്ചു. സെൻററിൻറെ പ്രവർത്തനോദ്ഘാടനം അരൂർ ഗ്രാമപഞ്ചായത്ത് പ്രസിഡന്റ് ബി. രത്നമ്മ നിർവഹിച്ചു. കോവിഡ് രോഗവ്യാപനം രൂക്ഷമാകുന്ന ഈകാലത്ത് പഞ്ചായത്ത് പരിധിയിൽ ചികിത്സാകേന്ദ്രം ആരംഭിച്ചതോടെ കോവിഡ് രോഗികൾക്ക് സ്വന്തം പ്രദേശത്ത്  തന്നെ ചികിത്സ ഉറപ്പിക്കാൻ സാധിക്കുമെന്ന് പ്രസിഡന്റ് പറഞ്ഞു.

ആലപ്പുഴ : അരൂർ ഗ്രാമപഞ്ചായത്തിലെ കുടുംബശ്രീ ജനകീയ ഹോട്ടലിൻറെ   ഉദ്ഘാടനം ഗ്രാമപഞ്ചായത്ത് പ്രസിഡന്റ് ബി. രത്നമ്മ നിർവ്വഹിച്ചു. സംസ്ഥാന സർക്കാരിന്റെ വിശപ്പുരഹിത കേരളം പദ്ധതിയിൽപ്പെടുത്തി എല്ലാ പഞ്ചായത്തിലും ജനകീയ ഹോട്ടൽ ആരംഭിക്കുന്നതിന്റെ ഭാഗമായാണ് കുടുംബശ്രീ സിഡിഎസിന്റെ നേതൃത്വത്തിൽ അരൂരിൽ ജനകീയ ഹോട്ടൽ ആരംഭിച്ചത്.

ആലപ്പുഴ: പുന്നപ്ര വടക്ക് ഗ്രാമപഞ്ചായത്തിലെ ജീവനക്കാർ  ക്വാറന്റൈനിൽ ആയതിനാൽ സെപ്റ്റംബർ 15, 16 തീയതികളിൽ നടത്താൻ നിചയിച്ചിരിക്കുന്ന ഇലക്ഷൻ സംബന്ധമായ ഹിയറിങ് സെപ്റ്റംബർ 18,  19 തീയതികളിലേക്ക് മാറ്റി വെച്ചതായി പഞ്ചായത്ത് ഇലക്ഷൻ രജിസ്ട്രേഷൻ ഓഫീസർ അറിയിച്ചു.

ഒരാൾ വിദേശത്ത്  നിന്നും മറ്റൊരാൾ തെലങ്കാനയിൽ നിന്നും എത്തിയവരാണ്. 104 പേർക്ക് സമ്പർക്കത്തിലൂടെയാണ് രോഗം ബാധിച്ചത് ഒരു ആരോഗ്യപ്രവർത്തകയ്ക്കും  രോഗം സ്ഥിരീകരിച്ചിട്ടുണ്ട്.  

കോവിഡ് സ്ഥിരീകരിച്ചവർ

മസ്കറ്റിൽ നിന്നെത്തിയ ചേർത്തല തെക്ക് സ്വദേശി,  തെലുങ്കാനയിൽ നിന്നെത്തിയ മാരാരിക്കുളം വടക്ക് സ്വദേശി.    

ആലപ്പുഴ ജില്ലാ   സാമൂഹ്യനീതി ഓഫീസ് മുഖേന നടപ്പിലാക്കുന്ന വിവിധ സാമൂഹ്യ പ്രതിരോധ  പരിപാടികളിലും, പദ്ധതികളിലും പങ്കാളികളാകുന്നതി

നായി സാമൂഹ്യ പ്രവര്‍ത്തകര്‍ക്ക് അവസരം. സന്നദ്ധ പ്രവര്‍ത്തനത്തിന് താത്പര്യമുള്ള  എം.എസ്.ഡബ്ള്യൂ  ബിരുധദാരികള്‍ക്ക്  അപേക്ഷിക്കാം. അപേക്ഷ, എം.എസ്. ഡബ്ള്യൂ സര്‍ട്ടിഫിക്കറ്റ്/മാര്‍ക്ക് ലിസ്റ്റ് എന്നിവ സഹിതം dswoalpy@gmail.com   എന്ന   വിലാസത്തില്‍    സെപ്റ്റംബര്‍ 15 ന് മുമ്പ് ഇ-മെയില്‍    ചെയ്യണം. കൂടുതല്‍ വിവരങ്ങള്‍ക്ക് 0477 2253870 എന്ന

നമ്പരില്‍ ബന്ധപ്പെടുക.