വാണിയംകുളം ഗവ. ഐ.ടി.ഐയില്‍ 2020 വര്‍ഷത്തെ പ്രവേശനത്തിനായി ഓണ്‍ലൈനായി അപേക്ഷിക്കാം. ഡ്രാഫ്റ്റ്സ്മാന്‍ സിവില്‍, ഫാഷന്‍ ഡിസൈന്‍ ആന്‍ഡ് ടെക്നോളജി ട്രേഡുകളിലേക്കുള്ള അപേക്ഷകള്‍  www.itiadmissions.kerala.gov.in ല്‍ സെപ്തംബര്‍ 24 നകം സമര്‍പ്പിക്കണമെന്ന് പ്രിന്‍സിപ്പാള്‍ അറിയിച്ചു. അപേക്ഷ ഫീസ് 100 രൂപ. ഫോണ്‍: 0466- 2227744

മലമ്പുഴ ഗവ.ഐ.ടി.ഐ പ്രവേശനത്തിന് അപേക്ഷിക്കാം. എന്‍.സി.വി.റ്റി ട്രേഡുകളിലേക്കുള്ള അപേക്ഷകള്‍ www.itiadmissions.kerala.gov.in ല്‍ സെപ്തംബര്‍ 24 ന് വൈകിട്ട് അഞ്ചിനകം നല്‍കണം. അപേക്ഷ ഫീസ് 100 രൂപ. ഓണ്‍ലൈന്‍ മുഖേന അപേക്ഷിക്കാന്‍ മലമ്പുഴ ഐ.ടി.ഐയില്‍ സൗകര്യം ഒരുക്കിയതായി പ്രിന്‍സിപ്പാള്‍ അറിയിച്ചു. ഫോണ്‍: 0491-2815161

കൊട്ടേക്കാട്- പാലക്കാട് ജങ്ഷന്‍ റെയില്‍വേ സ്റ്റേഷനുകള്‍ക്കിടയില്‍ അറ്റകുറ്റപ്പണികള്‍ നടക്കുന്നതിനാല്‍ 160 ബി ലൈന്‍ ലെവല്‍ ക്രോസ് (നടക്കാവ് ഗേറ്റ്) സെപ്തംബര്‍ 16 ന് രാവിലെ എഴ് മുതല്‍ സെപ്തംബര്‍ 17 ന് രാത്രി എഴ് വരെ അടച്ചിടും. ഇതുവഴി പോകുന്ന വാഹനങ്ങള്‍ ആണ്ടിമഠം- മന്തക്കാട് റോഡ് വഴി പോകണമെന്ന് സതേണ്‍ റെയില്‍വേ പാലക്കാട് അസിസ്റ്റന്റ് ഡിവിഷനല്‍ എന്‍ജിനീയര്‍ അറിയിച്ചു.

വനിത ശിശു വികസന വകുപ്പിന് കീഴില്‍ മുട്ടികുളങ്ങരയില്‍ പ്രവര്‍ത്തിക്കുന്ന ആണ്‍കുട്ടികളുടെ  ഗവ:  ചില്‍ഡ്രന്‍സ് ഹോമില്‍ കുട്ടികളുടെ പഠന നിലവാരം മെച്ചപ്പെടുത്തുന്നതിനായി എഡ്യൂക്കേറ്റര്‍ തസ്തികയില്‍ നിയമനം നടത്തുന്നു. പ്രതിമാസം 10000 രൂപയില്‍ ഒരു വര്‍ഷത്തേക്കാണ് നിയമനം. ബി.എഡ് യോഗ്യതയുള്ള മൂന്ന് വര്‍ഷം പ്രവൃത്തി പരിചയമുള്ള പുരുഷന്‍മാര്‍ക്ക് അപേക്ഷിക്കാം. പ്രവൃത്തി ദിവസങ്ങളില്‍ രാവിലെ ആറുമുതല്‍ എട്ടു വരെയും വൈകീട്ട് ആറു മുതല്‍ എട്ടു വരെയും അവധി ദിവസങ്ങളില്‍ കുട്ടികള്‍ക്ക് സൗകര്യമായ സമയത്തും ആയിരിക്കും ജോലി.

കുഴല്‍മന്ദം ഗവ. ഐ.ടി.ഐ യില്‍ ദിവസവേതനാടിസ്ഥാനത്തില്‍ ഡ്രൈവിങ് ഇന്‍സ്ട്രക്ടറെ നിയമിക്കുന്നു. താല്‍പര്യമുള്ളവര്‍ സെപ്തംബര്‍ 25 ന് വൈകീട്ട് നാലിനകം അപേക്ഷ സമര്‍പ്പിക്കണമെന്ന് പ്രിന്‍സിപ്പാള്‍ അറിയിച്ചു. ഫോണ്‍: 9446360105.

കഞ്ചിക്കോട് കിന്‍ഫ്രയില്‍ ആരംഭിച്ച കോവിഡ് എഫ്.എല്‍.ടി.സി.യില്‍ 31 രോഗബാധിതരെ പ്രവേശിപ്പിച്ചതായി നോഡല്‍ ഓഫീസര്‍ ഡോ. മേരി ജ്യോതി അറിയിച്ചു. നിലവില്‍ കാറ്റഗറി എ യില്‍ ഉള്‍പ്പെടുന്ന 60 വയസ്സിനു താഴെ വരുന്ന രോഗലക്ഷണങ്ങള്‍ ഇല്ലാത്തവരും ചെറിയ തോതില്‍ ലക്ഷണങ്ങള്‍ കാണിക്കുന്നവരെയുമാണ് ഇവിടെ പ്രവേശിപ്പിച്ചിരിക്കുന്നത്. കുടുംബശ്രീയുടെ നേതൃത്വത്തിലാണ് രോഗികള്‍ക്കുള്ള ഭക്ഷണം എത്തിക്കുന്നത്. ആകെ 890 ബെഡ്ഡുകള്‍ സജ്ജമാക്കിയിട്ടുണ്ട.് ആദ്യഘട്ടത്തില്‍ 250 ബെഡ്ഡുകളിലേക്കുള്ള ജീവനക്കാരെയാണ് നിയമിച്ചിട്ടുള്ളതെന്നും നോഡല്‍ ഓഫിസര്‍ അറിയിച്ചു.

ഗവ.മെഡിക്കല്‍ കോളേജിലേക്ക് യാത്രാ സൗകര്യമൊരുക്കി കെ.എസ്.ആര്‍.ടി.സി സര്‍വീസ് ആരംഭിച്ചു. കോന്നി, പത്തനംതിട്ട, അടൂര്‍, പുനലൂര്‍ എന്നീ ഡിപ്പോകളില്‍ നിന്നാണ് ആദ്യ ദിനത്തില്‍ സര്‍വീസ് ആരംഭിച്ചത്. കോന്നിയില്‍ നിന്നും പത്തനംതിട്ടയില്‍ നിന്നും രണ്ടു വീതം സര്‍വീസുകള്‍ നടത്തി. അടൂരില്‍ നിന്നും ഒന്നും പുനലൂരില്‍ നിന്നും ഒന്നും സര്‍വീസുകളും മെഡിക്കല്‍ കോളേജിലേക്ക് നടത്തി.

      മെഡിക്കല്‍ കോളേജില്‍ തിരക്കുകൂടുന്നതനുസരിച്ച് കൂടുതല്‍ സര്‍വീസുകള്‍ നടത്താനാണ് കെ.എസ്.ആര്‍.ടി.സി പദ്ധതി തയ്യാറാക്കിയിരിക്കുന്നത്. കെ.എസ്.ആര്‍.ടി.സിയ്ക്ക് മാത്രമേ സര്‍വീസ് നടത്താന്‍ അനുമതി നല്കിയിട്ടുള്ളു.