ഗവ.മെഡിക്കല്‍ കോളേജിലേക്ക് യാത്രാ സൗകര്യമൊരുക്കി കെ.എസ്.ആര്‍.ടി.സി സര്‍വീസ് ആരംഭിച്ചു. കോന്നി, പത്തനംതിട്ട, അടൂര്‍, പുനലൂര്‍ എന്നീ ഡിപ്പോകളില്‍ നിന്നാണ് ആദ്യ ദിനത്തില്‍ സര്‍വീസ് ആരംഭിച്ചത്. കോന്നിയില്‍ നിന്നും പത്തനംതിട്ടയില്‍ നിന്നും രണ്ടു വീതം സര്‍വീസുകള്‍ നടത്തി. അടൂരില്‍ നിന്നും ഒന്നും പുനലൂരില്‍ നിന്നും ഒന്നും സര്‍വീസുകളും മെഡിക്കല്‍ കോളേജിലേക്ക് നടത്തി.

      മെഡിക്കല്‍ കോളേജില്‍ തിരക്കുകൂടുന്നതനുസരിച്ച് കൂടുതല്‍ സര്‍വീസുകള്‍ നടത്താനാണ് കെ.എസ്.ആര്‍.ടി.സി പദ്ധതി തയ്യാറാക്കിയിരിക്കുന്നത്. കെ.എസ്.ആര്‍.ടി.സിയ്ക്ക് മാത്രമേ സര്‍വീസ് നടത്താന്‍ അനുമതി നല്കിയിട്ടുള്ളു.

കുന്നന്താനം ഗ്രാമപഞ്ചായത്തിലെ വാര്‍ഡ് 10, വാര്‍ഡ് 11 (ഉത്താനത്ത്പ്പടി മുതല്‍ ഉണ്ണിമുക്ക് വരെ), വാര്‍ഡ് 12 (ആഞ്ഞിലിത്താനം ഭാഗം), കോട്ടാങ്ങല്‍ ഗ്രാമപഞ്ചായത്തിലെ വാര്‍ഡ് 1 (മേലൂര്‍പ്പടി-കൊച്ചരപ്പ്, പള്ളിത്താഴെ ഭാഗം-കൊച്ചരപ്പ്) വാര്‍ഡ് 2 (വാവരുമുക്ക്-ചെറുകോല്‍ പതാന്‍, ശാസ്താംകോയിക്കല്‍ ജംഗ്ഷന്‍-പെരു മ്പാറ ജംഗ്ഷന്‍), വാര്‍ഡ് 3 (ശാസ്താംകോയിക്കല്‍ ജംഗ്ഷന്‍-വായപ്പൂര്‍ ബസ് സ്റ്റാന്‍ഡ്) എന്നീ സ്ഥലങ്ങളില്‍ 2020 സെപ്റ്റംബര്‍ 15 മുതല്‍ 7 ദിവസത്തേക്ക് കണ്ടെയ്ന്‍മെന്റ് സോണ്‍ നിയന്ത്രണം ഏര്‍പ്പെടുത്തിയത്.

ഇലന്തൂര്‍ കമ്മ്യൂണിറ്റി ഹെല്‍ത്ത് സെന്ററിനെ ബ്ലോക്ക്തല  കുടുംബാരോഗ്യകേന്ദ്രമായി ഉയര്‍ത്തുന്നതിന് ആരോഗ്യ വകുപ്പ് 37.50 ലക്ഷം രൂപ അനുവദിച്ചതായി വീണാ ജോര്‍ജ് എംഎല്‍എ അറിയിച്ചു.  രോഗീ സൗഹൃദ ആശുപത്രിയായാണു നിര്‍മ്മാണം നടത്തുന്നത്. ബ്ലോക്ക്തല കുടുംബാരോഗ്യകേന്ദ്രമായി ഉയര്‍ത്തുന്നതോടെ  മറ്റു സ്പെഷ്യാലിറ്റി സേവനങ്ങളും ഒ.പി ഉള്‍പ്പെടെയുള്ള സൗകര്യങ്ങളും ലഭ്യമാകും. നാഷണല്‍ ഹെല്‍ത്ത് മിഷനാണ് മേല്‍നോട്ട ചുമതല.

പത്തനംതിട്ട ജില്ലയില്‍ ഇന്ന്(15) 146 പേര്‍ക്ക് കോവിഡ്-19 സ്ഥിരീകരിച്ചു 

ജില്ലയില്‍ ഇന്ന് 147 പേര്‍ രോഗമുക്തരായി

ഇന്ന് രോഗം സ്ഥിരീകരിച്ചവരില്‍ 13 പേര്‍ വിദേശ രാജ്യങ്ങളില്‍ നിന്ന് വന്നവരും 31 പേര്‍ മറ്റ് സംസ്ഥാനങ്ങളില്‍ നിന്നും വന്നവരും 102 പേര്‍ സമ്പര്‍ക്കത്തിലൂടെ രോഗം ബാധിച്ചവരുമാണ്.

• വിദേശത്തുനിന്ന് വന്നവര്‍

1) കുവൈറ്റില്‍ നിന്നും എത്തിയ കുറ്റപ്പുഴ സ്വദേശിനി (55). 

2) കുവൈറ്റില്‍ നിന്നും എത്തിയ കുറ്റപ്പുഴ സ്വദേശി (65). 

അരുവാപ്പുലം ഗ്രാമപഞ്ചായത്തില്‍ നടപ്പിലാക്കുന്ന പടുത കുളങ്ങളിലെ മത്സ്യകൃഷി, കോന്നി ഗ്രാമപഞ്ചായത്തില്‍ നടപ്പിലാക്കുന്ന പടുത കുളങ്ങളിലെ മത്സ്യകൃഷി,  ബയോഫ്ലോക് യൂണിറ്റിലെ മത്സ്യകൃഷി എന്നീ പദ്ധതികളിലേക്ക് അപേക്ഷ ക്ഷണിച്ചു. രണ്ടു സെന്റ് വിസ്തൃതിയില്‍ മണ്‍കുളത്തിലോ പടുതാക്കുളത്തിലോ മത്സ്യകൃഷി ചെയ്യുന്നതിന് ഒരു വര്‍ഷത്തേക്ക് 1,23,000 രൂപയും, ബയോഫ്ലോക് യൂണിറ്റിന് 1,38,000 രൂപയും യൂണിറ്റ് കോസ്റ്റും 40 ശതമാനം സബ്സിഡിയും നിശ്ചയിച്ചിരിക്കുന്നു. താത്പര്യമുള്ളവര്‍  ഈ മാസം 18നുള്ളില്‍ പഞ്ചായത്ത് ഓഫീസിലോ ബന്ധപ്പെട്ട അക്വാകള്‍ച്ചര്‍ പ്രൊമോട്ടര്‍ക്കോ അപേക്ഷ സമര്‍പ്പിക്കാം. ഫോണ്‍ 9747497815.

അതുമ്പുംകുളം ഞള്ളൂര്‍ മര്‍ത്തോമ പള്ളിപ്പടി പാലവും റോഡും നിര്‍മ്മാണ ഉദ്ഘാടനം അഡ്വ.കെ.യു ജനീഷ് കുമാര്‍ എംഎല്‍എ നിര്‍വഹിച്ചു. എം.എല്‍.എയുടെ ആസ്തി വികസന ഫണ്ടില്‍ നിന്നും 25 ലക്ഷം രൂപ മുടക്കിയാണ് പാലവും റോഡും നിര്‍മ്മിക്കുന്നത്. ദീര്‍ഘകാലമായി പ്രദേശവാസികള്‍ ഉയര്‍ത്തിയ ആവശ്യമായിരുന്നു ഇവിടെ പാലവും റോഡും നിര്‍മ്മിക്കണമെന്നത്.

          റോഡിന്റെയും പാലത്തിന്റെയും നിര്‍മ്മാണം ചുരുങ്ങിയ കാലം കൊണ്ട്  പൂര്‍ത്തിയാക്കി പൊതുജനങ്ങള്‍ക്ക് തുറന്നു നല്‍കുമെന്ന് എം 

കിഫ്ബി പദ്ധതിയില്‍പെടുത്തി അത്യാധുനിക രീതിയില്‍ നിര്‍മ്മിച്ച കോഴഞ്ചേരി - മണ്ണാറക്കുളഞ്ഞി റോഡ് നാളെ (സെപ്റ്റംബര്‍ 17) മുഖ്യമന്ത്രി പിണറായി വിജയന്‍ നാടിനു സമര്‍പ്പിക്കുമെന്ന് വീണാ ജോര്‍ജ് എം.എല്‍.എ അറിയിച്ചു. പൊതുമരാമത്തു വകുപ്പ് മന്ത്രി ജി.സുധാകരന്റെ അധ്യക്ഷതവഹിക്കും.  കോവിഡ് മാനദണ്ഡങ്ങള്‍ പാലിച്ചാണ് ഉദ്ഘാടനം. 

തിരുവല്ല നിയോജക മണ്ഡലത്തിലെ കടപ്ര പഞ്ചായത്തിലെ വളഞ്ഞവട്ടം, പരുമല പ്രദേശങ്ങളെ ബന്ധിപ്പിച്ച് പമ്പാ നദിയുടെ കുറുകെ, ഉപദേശിക്കടവില്‍ പണിയുന്ന പാലത്തിന്റെ ശിലാസ്ഥാപനം നാളെ (സെപ്റ്റംബര്‍ 17ന്) ഉച്ചയ്ക്ക് 12 ന് കോവിഡ് മാനദണ്ഡങ്ങള്‍ പാലിച്ച് ഓണ്‍ലൈനായി മുഖ്യമന്ത്രി പിണറായി വിജയന്‍ നിര്‍വഹിക്കുമെന്ന് മാത്യു ടി തോമസ് എംഎല്‍എ അറിയിച്ചു. ഉപദേശിക്കടവില്‍ നടക്കുന്ന ചടങ്ങളില്‍ ഓണ്‍ലൈനിലൂടെ പൊതുമരാമത്ത് വകുപ്പ് മന്ത്രി ജി.സുധാകരന്‍ അധ്യക്ഷനാകും.