ജില്ലയിലെ അതിഥി തൊഴിലാളികൾക്കായി ബോധവത്കരണ ക്ലാസുകൾ  നടത്തും 

എറണാകുളം : കോവിഡ് 19 ഉം ജലജന്യ രോഗങ്ങളും ജില്ലയിൽ പടരുന്ന സാഹചര്യത്തിൽ തൊഴിൽ  വകുപ്പും, എക്സൈസ് വകുപ്പും ആരോഗ്യ വകുപ്പും സംയുക്തമായി അതിഥി തൊഴിലാളികൾക്കായി ആരോഗ്യ പരിരക്ഷ ബോധവത്കരണ ക്ലാസുകൾ  സംഘടിപ്പിക്കും. സെപ്റ്റംബർ 16, 17 തിയതികളിൽ ആയി സംഘടിപ്പിക്കുന്ന പരിപാടി കോവിഡ് മാനദണ്ഡങ്ങൾ പാലിച്ചു കൊണ്ടായിരിക്കും നടത്തുന്നത്. തൊഴിൽ ദാതാക്കൾക്കാണ് പരിപാടിയുടെ സംഘാടന ചുമതല. വ്യക്തി ശുചിത്വം, മഴക്കാല രോഗങ്ങളിൽ നിന്നുള്ള പ്രതിരോധം, ലഹരി ഉപയോഗം, കോവിഡ് മാർഗ നിർദേശങ്ങൾ എന്നീ വിഷയങ്ങളിൽ ആയിരിക്കും ക്ലാസുകൾ നടത്തുന്നത്. 

വേങ്ങൂര്‍ ഗവ. ഐടിഐയുടെ അടിസ്ഥാനസൗകര്യങ്ങള്‍ വര്‍ധിപ്പിച്ച് 

കൂടുതല്‍ ട്രേഡുകള്‍ ആരംഭിക്കും: മന്ത്രി ടി.പി.രാമകൃഷ്ണന്‍

വഴിയോര ഭാഗ്യക്കുറി വില്പനക്കാരായ ക്ഷേമനിധി അംഗങ്ങൾക്ക് ജില്ലാ ഭാഗ്യക്കുറി ക്ഷേമനിധി ബോർഡ് സൗജന്യമായി നൽകുന്ന ബീച്ച് അംബ്രല്ലയുടെ വിതരണം ആരംഭിച്ചു. ജില്ലാ ഭാഗ്യക്കുറി ക്ഷേമനിധി ഓഫീസർ നൗഷാദ്. എ ഉദ്ഘാടനം ചെയ്തു. അപേക്ഷ നൽകിയ ക്ഷേമനിധി അംഗങ്ങൾ തിരുവനന്തപുരം ജില്ലാ ഭാഗ്യക്കുറി ക്ഷേമനിധി ഓഫീസിൽ ഹാജരായി കുട കൈപ്പറ്റണം.
പി.എൻ.എക്സ്. 3128/2020

ജില്ലയില്‍ 213 പേര്‍ക്ക്  കൊവിഡ് ബാധ സ്ഥിരീകരിച്ചു. 161 പേര്‍ക്ക് സമ്പര്‍ക്കം മൂലമാണ് രോഗബാധ. രണ്ടു പേര്‍ വിദേശത്തു നിന്നും 18 പേര്‍ ഇതര സംസ്ഥാനങ്ങളില്‍ നിന്നും എത്തിയവരും 32 പേര്‍ ആരോഗ്യ പ്രവര്‍ത്തകരുമാണ്.
ഇതോടെ ജില്ലയില്‍ ഇതുവരെ റിപ്പോര്‍ട്ട് ചെയ്യപ്പെട്ട കൊവിഡ് പോസിറ്റീവ് കേസുകള്‍ 6507 ആയി. ഇവരില്‍ ഇന്നലെ രോഗമുക്തി നേടിയ 230 പേരടക്കം 4211 പേര്‍ ആശുപത്രി വിട്ടു. കൊവിഡ് സ്ഥിരീകരിച്ച 35 പേര്‍ ഉള്‍പ്പെടെ 50 പേര്‍ മരണപ്പെട്ടു. ബാക്കി 2246 പേര്‍ ആശുപത്രികളില്‍ ചികില്‍സയിലാണ്.

ദേശീയ സമ്പാദ്യ പദ്ധതി വകുപ്പിന് കീഴിൽ അതിയന്നൂർ ബ്ലോക്ക് ഡെവലപ്മെന്റ് ഓഫീസർ നിയമിച്ച കാഞ്ഞിരംകുളം പോസ്റ്റോഫീസിലെ മഹിളാപ്രധാൻ ഏജന്റായ ആർ. വസന്തകുമാരിയെ അന്വേഷണ വിധേയമായി സസ്പെന്റു ചെയ്തതായി ഡെപ്യൂട്ടി ഡയറക്ടർ അറിയിച്ചു. ഇവർ മുഖേന ദേശീയ സമ്പാദ്യ പദ്ധതിയിൽ നിക്ഷേപം നടത്തിവരുന്നവർ അടിയന്തരമായി കാഞ്ഞിരംകുളം പോസ്റ്റോഫീസുമായി ബന്ധപ്പെടണം.
പി.എൻ.എക്സ്. 3127/2020

മാച്ചേരിയിലെ  വട്ടപ്പൊയില്‍ അങ്കണവാടിക്ക് ഇനി പുതിയ കെട്ടിടം. കെട്ടിടത്തിന്റെ ഉദ്ഘാടനം തുറമുഖ പുരാവസ്തു വകുപ്പ് മന്ത്രി രാമചന്ദ്രന്‍ കടന്നപ്പള്ളി നിര്‍വഹിച്ചു. മന്ത്രിയുടെ എം എല്‍ എ ആസ്തി വികസന ഫണ്ടില്‍ നിന്നും 15 ലക്ഷം രൂപ വകയിരുത്തിയാണ് അങ്കണവാടിക്ക് പുതിയ കെട്ടിടം നിര്‍മിച്ചത്.

സര്‍ക്കാരിന്റെ വികസന മുന്നറ്റങ്ങളുടെ തിളങ്ങുന്ന അധ്യായമാണ് അടിസ്ഥാന സൗകര്യ വികസനത്തിലും പരിശീലന പദ്ധതിയിലും സര്‍ക്കാര്‍ ഐടിഐകള്‍ കൈവരിച്ച നേട്ടമെന്ന് തൊഴിലും നൈപുണ്യവും  വകുപ്പ് മന്ത്രി ടി പി രാമകൃഷ്ണന്‍. വ്യാവസായിക പരിശീലനവകുപ്പ് കണ്ണൂര്‍ മേഖലാകേന്ദ്രത്തിന്റെ പുതിയ കെട്ടിടത്തിന്റെ ഉദ്ഘാടനവും കണ്ണൂര്‍ ഗവ. ഐടിഐ അന്താരാഷ്ട്ര നിലവാരത്തിലേക്ക് ഉയര്‍ത്തുന്നതിന്റെ പ്രവൃത്തി ഉദ്ഘാടനവും ഓണ്‍ലൈനായി നിര്‍വഹിച്ച് സംസാരിക്കുകയായിരുന്നു മന്ത്രി.

കോവിഡ് 19 ന്റെ പശ്ചാത്തലത്തിൽ മാറ്റിവച്ച ഒന്നാം വർഷ നേഴ്സറി ടീച്ചേഴ്സ് എഡ്യൂക്കേഷൻ കോഴ്സ് പരീക്ഷ 24 മുതൽ 26 വരെ നടത്തും. പുന:ക്രമീകരിച്ച സമയക്രമ പട്ടിക  keralapareekshabhavan.in ൽ ലഭിക്കും.
പി.എൻ.എക്സ്. 3126/2020

നോർക്ക റൂട്ട്സിന്റെ 75 ശതമാനം സ്‌കോളർഷിപ്പോടെ  നടത്തുന്ന നൂതന സാങ്കേതിക വിദ്യാ കോഴ്സുകളായ റോബോട്ടിക് പ്രോസസ്സ് ഓട്ടോമേഷൻ  (ആർ .പി.എ) ഫുൾസ്റ്റാക്ക് ഡെവലപ്പർ, ഡാറ്റാ സയൻസ് & അനലിറ്റിക്സ്, സൈബർ സെക്യൂരിറ്റി, ഡിജിറ്റൽ  മാർക്കറ്റിംഗ്, എസ്റ്റെൻഡഡ്   റിയാലിറ്റി എന്നിവയ്ക്ക് അപേക്ഷിക്കാം. 350 മുതൽ  400 മണിക്കൂർ  വരെ ഓൺലൈനായാണ്  ക്ലാസ് നടത്തുന്നത്.  ബിരുദമാണ് യോഗ്യത.  അവസാനവർഷ  ഫലം കാത്തിരിക്കുന്ന ബിരുദ വിദ്യാർത്ഥികൾക്കും  അപേക്ഷിക്കാം. ഒക്ടോബർ  15 ന് നടക്കുന്ന പ്രവേശന പരീക്ഷയുടെ അടിസ്ഥാനത്തിലാണ് പ്രവേശനം.  ഉയർന്ന  പ്രായപരിധി 45 വയസ്സ്.