വാഹന പുക പരിശോധനാ കേന്ദ്രങ്ങള്‍ നിര്‍ദ്ദിഷ്ട ഫീസില്‍ അധികമായി തുക ഈടാക്കുകയോ, ബി എസ്-4 ഇനത്തില്‍പ്പെട്ട വാഹനങ്ങള്‍ക്ക് ആറു മാസം മാത്രം കാലാവധിയുള്ള സര്‍ട്ടിഫിക്കറ്റോ നല്‍കിയാല്‍ നടപടി എടുക്കുമെന്ന് ആര്‍ ടി ഒ ആര്‍.രാജീവ് അറിയിച്ചു. ഇത്തരം പരാതികള്‍  kl02.mvd@kerala.gov.in എന്ന ഇ-മെയിലില്‍ നല്‍കാവുന്നതാണ്.

ജില്ലയില്‍ കോവിഡ് വ്യാപനം തടയാന്‍ നടപ്പാക്കുന്ന സംരക്ഷിത കുടുംബ കൂട്ടായ്മ അഥവാ കോസ്ഡ് ക്ലസ്റ്റര്‍ ഗ്രൂപ്പ്(സി സി ജി) ന് വേണ്ടി നടത്തിയ ലോഗോ ഡിസൈന്‍ മത്സരത്തില്‍ കരുനാഗപ്പള്ളി സ്വദേശി ഹേമന്ത് ഹരിദാസ് വിജയിയായി. പിറവന്തൂര്‍ സ്വദേശി ആര്‍ റഷാങ്ക്, കൊച്ചി അമൃത സ്‌കൂള്‍ ഓഫ് ആര്‍ട്‌സ് ആന്റ് സയന്‍സിലെ എ അലീഷ എന്നിവര്‍ യഥാക്രമം രണ്ടും മൂന്നും സ്ഥാനങ്ങള്‍ നേടി.

വ്യാജവാർത്തകൾ നിർമിക്കുന്നതും പ്രചരിപ്പിക്കുന്നതും തടയുന്നതിനും അതിന് പിന്നിൽ പ്രവർത്തിച്ചവരെ കണ്ടെത്തുന്നതിനുമായി സംസ്ഥാനതല പൊലീസ് സംഘത്തിന് രൂപം നൽകി. എഡിജിപി മനോജ് എബ്രഹാമിന്റെ നേതൃത്വത്തിലായിരിക്കും ഈ സംഘം പ്രവർത്തിക്കുക.
പി.എൻ.എക്‌സ്. 3094/2020

സെപ്തംബർ-ഒക്ടോബർ മാസങ്ങളിൽ സ്‌കൂളുകൾ തുറക്കില്ലെന്ന് മുഖ്യമന്ത്രി പിണറായി വിജയൻ പറഞ്ഞു. സ്‌കൂളുകൾ തുറക്കുന്നത് സംബന്ധിച്ച് കേന്ദ്ര സർക്കാരും ഒന്നും പറഞ്ഞിട്ടില്ല. സംസ്ഥാനത്ത് ഓഡിറ്റോറിയങ്ങൾ പ്രവർത്തിക്കാൻ വ്യവസ്ഥകളോടെ അനുമതി നൽകാൻ തീരുമാനിച്ചിട്ടുണ്ട്.
പി.എൻ.എക്‌സ്. 3093/2020

കോവിഡ് ചികിത്‌സയ്ക്ക് ഡോക്ടർമാർ ഉൾപ്പെടെ കൂടുതൽ ആരോഗ്യ പ്രവർത്തകരുടെ സേവനം ലഭ്യമാക്കാൻ കോവിഡ് ബ്രിഗേഡ് വിപുലീകരിക്കുമെന്ന് മുഖ്യമന്ത്രി പിണറായി വിജയൻ പറഞ്ഞു.
സെപ്റ്റംബർ മാസത്തോടെ കോവിഡ് വ്യാപനം കൂടുമെന്ന വിദഗ്ധ അഭിപ്രായത്തെ തുടർന്നാണ് കോവിഡ് ബ്രിഗേഡിന് രൂപം നൽകിയത്. വ്യാപനം കുറച്ചു കൊണ്ടുവരുന്നതോടോപ്പം ആരോഗ്യ സംവിധാനങ്ങളും മനുഷ്യ വിഭവശേഷിയും വർധിപ്പിക്കേണ്ടതുണ്ട്.

കോവിഡ് ചികിത്‌സയ്ക്കുള്ള സി. എഫ്. എൽ. ടി. സികളിൽ ഡോക്ടറുടെ നേരിട്ടുള്ള മേൽനോട്ടത്തിൽ ചികിത്‌സ നൽകുമെന്ന് മുഖ്യമന്ത്രി പിണറായി വിജയൻ പറഞ്ഞു. സ്‌പെഷ്യലിസ്റ്റ് ഡോക്ടർമാരുടെ സേവനം ടെലിമെഡിസിൻ വഴി നൽകുന്നുണ്ട്. രോഗികൾ കൂടുന്ന അവസ്ഥയിൽ എല്ലാ ജില്ലകളിലും കോവിഡ് ഫസ്റ്റ്‌ലൈൻ ട്രീറ്റ്‌മെന്റ്് സെന്ററുകൾ സ്ഥാപിക്കുന്നത് ദ്രുതഗതിയിലാക്കിയിട്ടുണ്ട്. കോവിഡ് വ്യാപനത്തെ നേരിടുന്നതിന് വേണ്ടി പ്രത്യേകമായി തയ്യാറാക്കുന്ന ജനകീയ ആരോഗ്യ പരിപാലന കേന്ദ്രങ്ങളായാണ് ഫസ്റ്റ്‌ലൈൻ ട്രീറ്റ്‌മെന്റ് സെന്ററുകളെ മാറ്റുന്നത്.

കോവിഡ് വൈറസിന്റെ ജനിതക ഘടന സംബന്ധിച്ച് സംസ്ഥാനത്ത് പഠനം നടത്തുമെന്ന് മുഖ്യമന്ത്രി പിണറായി വിജയൻ പറഞ്ഞു. സിഎസ്‌ഐആറിന് കീഴിലുള്ള ഇൻസ്റ്റിറ്റ്യൂട്ട് ഓഫ് ജിനോമിക്ക് ആന്റ്് ഇന്റഗ്രേറ്റഡ് ബയോളജി എന്ന സ്ഥാപനത്തിന്റെ സഹകരണത്തോടെ വടക്കൻ ജില്ലകളിലെ രോഗികളിൽ പഠനം നടത്തിയിരുന്നു. വ്യാപന നിരക്ക് വളരെ കൂടുതലുള്ള വൈറസിന്റെ സാന്നിധ്യമാണ് കണ്ടെത്തിയതെന്ന് വിദഗ്ധർ പറയുന്നു. രോഗം പകരാനുള്ള സാധ്യത കൂടുതലായതിനാൽ പ്രായാധിക്യമുള്ളവരെ പ്രത്യേകം ശ്രദ്ധിക്കണം. ഇതിന്റെ വെളിച്ചത്തിൽ ബ്രേക്ക് ദ ചെയിൻ കൂടുതൽ കർശനവും കാര്യക്ഷമമാക്കണമെന്ന് മുഖ്യമന്ത്രി പറഞ്ഞു.
പി.എൻ.എക്‌സ്. 3090/2020
 

കേരളത്തിൽ 2540 പേർക്ക് കൂടി കോവിഡ്-19 സ്ഥിരീകരിച്ചതായി മുഖ്യമന്ത്രി പിണറായി വിജയൻ വാർത്താസമ്മേളനത്തിൽ പറഞ്ഞു. മലപ്പുറം 482, കോഴിക്കോട് 382, തിരുവനന്തപുരം 332, എറണാകുളം 255, കണ്ണൂർ 232, പാലക്കാട് 175, തൃശൂർ 161, കൊല്ലം 142, കോട്ടയം 122, ആലപ്പുഴ 107, ഇടുക്കി 58, കാസർഗോഡ് 56, വയനാട് 20, പത്തനംതിട്ട 16 എന്നിങ്ങനേയാണ് ജില്ലകളിൽ രോഗബാധ സ്ഥിരീകരിച്ചത്.

===============

കോട്ടയം മുനിസിപ്പാലിറ്റി - 9, ചിറക്കടവ് ഗ്രാമപഞ്ചായത്ത് - 2, 3, തലപ്പലം - 2,  പൂഞ്ഞാര്‍ തെക്കേക്കര - 8, കുമരകം - 15 എന്നീ തദേശ സ്വയം ഭരണ സ്ഥാപന വാര്‍ഡുകളെ കോവിഡ് കണ്ടെയ്ന്‍മെന്റ് സോണുകളായി പ്രഖ്യാപിച്ച് കോട്ടയം ജില്ലാ കളക്ടര്‍ ഉത്തരവായി.

കോട്ടയം മുനിസിപ്പാലിറ്റി - 29, 47, ഏറ്റുമാനൂര്‍ - 18, 34 പാമ്പാടി ഗ്രാമപഞ്ചായത്ത് - 12, കുറിച്ചി - 12, പനച്ചിക്കാട്-18, ചെമ്പ്- 4, തീക്കോയി - 13 എന്നിവയെ പട്ടികയില്‍നിന്ന് ഒഴിവാക്കി.

=========
ഓണത്തോടനുബന്ധിച്ച് കോട്ടയം ജില്ലയിലെ
എല്ലാ വ്യാപാര സ്ഥാപനങ്ങളും ഇന്നു(ഓഗസ്റ്റ് 26 )
മുതല്‍ രാവിലെ ഏഴു മുതല്‍ രാത്രി ഒന്‍പതു വരെ
തുറന്നു പ്രവര്‍ത്തിക്കാവുന്നതാണെന്ന് ജില്ലാ കളക്ടര്‍
എം. അഞ്ജന അറിയിച്ചു. സെപ്റ്റംബര്‍ രണ്ടു
വരെയാണ് ഈ സമയക്രമം.  ഇതേ സമയക്രമത്തില്‍
ഹോട്ടലുകളില്‍ ഭക്ഷണം വിളമ്പുന്നതിനും അനുമതിയുണ്ട്.