കോട്ടയം ജില്ലാ പ്രൊബേഷന്‍ ഓഫീസില്‍ പ്രൊബേഷന്‍ അസിസ്റ്റന്‍റ് തസ്തികയില്‍ ആറു മാസത്തെ കരാര്‍ നിയമനത്തിന് അപേക്ഷ ക്ഷണിച്ചു. സോഷ്യല്‍ വര്‍ക്കില്‍ മാസ്റ്റര്‍ ബിരുദവും (എം. എസ്. ഡബ്ലിയു) രണ്ട് വര്‍ഷത്തെ പ്രവർത്തി പരിചയവും ഉണ്ടായിരിക്കണം. പ്രായപരിധി 40.  യോഗ്യത, പ്രായം എന്നിവ തെളിയിക്കുന്ന സര്‍ട്ടിഫിക്കറ്റുകളുടെ സ്വയം സാക്ഷ്യപ്പെടുത്തിയ പകര്‍പ്പുകള്‍,ബയോഡേറ്റ എന്നിവ സഹിതം അപേക്ഷ സെപ്റ്റംബര്‍ 18 നകം ജില്ലാ പ്രൊബേഷന്‍ ഓഫീസ് , കോട്ടയം - 688001 എന്ന വിലാസത്തില്‍ ലഭ്യമാക്കണം. ഫോണ്‍: 0481 2300548

കേരള സംസ്ഥാന ഭവന നിർമ്മാണ ബോർഡിന്റെ തൃശൂർ പുല്ലഴി വനിത ഹോസ്റ്റലിൽ കുറഞ്ഞ നിരക്കിൽ താമസ സൗകര്യം. ഉദ്യോഗാർത്ഥികളായ വനിതകൾ, വിദ്യാർത്ഥിനികൾ എന്നിവർക്കാണ് മുറികൾ നൽകുക. അയ്യന്തോൾ കളക്ടറേറ്റിൽ നിന്ന് ഒന്നര കിലോമീറ്റർ അരികെ പുല്ലഴി ബസ്റ്റോപ്പിന് സമീപമാണ് ഭക്ഷണത്തോടുകൂടിയ താമസ സൗകര്യം ലഭ്യമാക്കുന്നത്. താല്പര്യമുള്ളവർ ബന്ധപ്പെടേണ്ട നമ്പർ- 9961350078, 0487 2361078, 2360849.

കോവിഡ് പ്രതിരോധം

കോട്ടയം ജില്ലയിലെ എല്ലാ വ്യാപാര സ്ഥാപനങ്ങളിലും കോവിഡ് പ്രതിരോധ നിര്‍ദേശങ്ങള്‍ പാലിക്കുന്നുണ്ടെന്ന് ഉറപ്പാക്കുന്നതിന് ജില്ലാ കളക്ടര്‍ രൂപീകരിച്ച വില്ലേജ് തല ക്വിക് റെസ്പോണ്‍സ് ടീമുകളുടെ പരിശോധന സജീവം. അസിസ്റ്റന്‍റ് ഇന്‍‍സിഡന്‍റ് കമാന്‍ഡര്‍മാരായ ഡെപ്യൂട്ടി തഹസില്‍ദാര്‍മാരുടെ നേതൃത്വത്തില്‍ റവന്യൂ, പോലീസ്, തദ്ദേശസ്വയംഭരണം എന്നീ വകുപ്പുകളിലെ ഉദ്യോഗസ്ഥര്‍ ഉള്‍പ്പെടുന്ന സംഘമാണ് ജില്ലയില്‍ എല്ലാ കേന്ദ്രങ്ങളിലും പരിശോധന നടത്തുന്നത്.

വ്യാപാര സ്ഥാപനങ്ങള്‍ക്കു പുറമെ പൊതു സ്ഥലങ്ങളിലെ കോവിഡ് പ്രതിരോധ ലംഘനങ്ങള്‍ക്കെതിരെയും ഇവര്‍ നടപടി സ്വീകരിക്കും.

 ഈരാറ്റുപേട്ട - 10, വെച്ചൂർ - 13, കങ്ങഴ - 4, പാമ്പാടി - 12 എന്നീ തദേശ സ്വയം ഭരണ സ്ഥാപന വാര്‍ഡുകളെ കോവിഡ് കണ്ടെയ്ന്‍മെന്‍റ് സോണുകളായി പ്രഖ്യാപിച്ച് കോട്ടയം ജില്ലാ കളക്ടര്‍ ഉത്തരവായി.

കോട്ടയം -5, മാടപ്പള്ളി - 13, മറവൻതുരുത്ത് - 1എന്നീ തദ്ദേശ സ്വയംഭരണ വാർഡുകളെ
 പട്ടികയില്‍നിന്ന് ഒഴിവാക്കി.

നിലവില്‍ 27 തദ്ദേശഭരണ സ്ഥാപന മേഖലകളില്‍ 68 കണ്ടെയ്ന്‍മെന്‍റ് സോണുകളാണുള്ളത്.

പട്ടിക ചുവടെ(തദ്ദേശ സ്ഥാപനം, വാര്‍ഡ് എന്ന് ക്രമത്തില്‍)

മുനിസിപ്പാലിറ്റികള്‍
======
1.ഏറ്റുമാനൂര്‍ - 4,  12, 14, 18 27 , 34

2.കോട്ടയം  -  14, 19, 27, 28, 29, 43, 44, 47, 48

ദേശീയപാതയുടെ ഇരുവശങ്ങളിലും അനധികൃത കൈയ്യേറ്റം നടത്തി കച്ചവടം നടത്തുന്നത് ലാൻഡ് ആൻഡ് ട്രാഫിക്ക് ആക്റ്റ് 2002 പ്രകാരം നിയമവിരുദ്ധമാണെന്ന് പിഡബ്ള്യുഡി സബ് ഡിവിഷൻ അറിയിച്ചു. ചാവക്കാട് പിഡബ്ല്യൂഡി പരിധിയിൽപ്പെടുന്ന എൻ.എച്ച് സബ് ഡിവിഷൻ 66ന്റെ കാപ്പിരിക്കാട് മുതൽ തൃപ്രയാർ-ആൽമാവ് വരെയുള്ള വഴിയോര കച്ചവടക്കാർ സ്വമേധയാ ഒഴിഞ്ഞു പോകണം. ഇനിയൊരു മുന്നറിയിപ്പ് ഉണ്ടാകില്ലെന്നും കച്ചവടക്കാർക്കെതിരെ കർശന നടപടികൾ സ്വീകരിക്കുമെന്നും ചാവക്കാട് എൻ.എച്ച് പിഡബ്ല്യൂഡി അസിസ്റ്റന്റ് എഞ്ചിനീയർ അറിയിച്ചു.

പട്ടികജാതി വികസന വകുപ്പിന് കീഴിൽ ജില്ലയിലെ വടക്കാഞ്ചേരിയിൽ പ്രവർത്തിക്കുന്ന ഗവൺമെന്റ് മോഡൽ റസിഡൻഷ്യൽ സ്‌കൂളിൽ ഒഴിവ് വന്ന സീറ്റുകളിൽ പ്രവേശനം നടത്തും. 2020-2021 അധ്യയനവർഷം അഞ്ചാം ക്ലാസ് പ്രവേശനത്തിന് പട്ടികജാതി വിഭാഗത്തിൽപ്പെട്ട ആൺകുട്ടികളുടെ രക്ഷിതാക്കളിൽ നിന്നും അപേക്ഷ ക്ഷണിച്ചു. താത്പര്യമുള്ള വിദ്യാർത്ഥികളുടെ രക്ഷിതാക്കൾക്ക് വടക്കാഞ്ചേരി റെയിൽവേ സ്റ്റേഷന് സമീപം പ്രവർത്തിക്കുന്ന സ്‌കൂളിൽ നേരിട്ട് ഹാജരാകാവുന്നതാണെന്ന് ജില്ലാ പട്ടികജാതി വികസന ഓഫീസർ അറിയിച്ചു. വിദ്യാഭ്യാസം, താമസം, ഭക്ഷണം, യൂണിഫോം, പാഠപുസ്തകങ്ങൾ എന്നിവ സൗജന്യമായിരിക്കും. കൂടുതൽ വിവരങ്ങൾക്ക് ഫോൺ - 9495747795.

മണര്‍കാട് പ്രദേശിക കോഴിവളര്‍ത്തല്‍ കേന്ദ്രത്തില്‍ ലേയര്‍ ബ്രീഡര്‍ ഫാമും  ഹാച്ചറി സമുച്ചയവും   മുന്‍മുഖ്യമന്ത്രി ഉമ്മന്‍ ചാണ്ടി ഉദ്ഘാടനം ചെയ്തു. ആര്‍.കെ. വി. വൈ പദ്ധതിയില്‍ 2.83 കോടി രൂപ വിനിയോഗിച്ചാണ് സമുച്ചയത്തിന്റെ നിര്‍മാണം പൂര്‍ത്തീകരിച്ചത്.

മൃഗ സംരക്ഷണ വകുപ്പില്‍ നിന്നും അനുവദിച്ച  89  ലക്ഷം രൂപ വിനിയോഗിച്ച് ആധുനിക സൗകര്യങ്ങളോടെ നിര്‍മ്മിക്കുന്ന ലേയര്‍ ഹൗസിന്റെ ശിലാസ്ഥാപനവും അദ്ദേഹം നിര്‍വ്വഹിച്ചു. ജില്ലാ പഞ്ചായത്ത് ജനകീയാസൂത്രണ പദ്ധതിയില്‍ ഉള്‍പ്പെടുത്തി നടപ്പാക്കുന്ന ഒരു കോടി രൂപയുടെ വികസന പ്രവര്‍ത്തനങ്ങള്‍ക്കും ചടങ്ങില്‍ തുടക്കം കുറിച്ചു.