കൊയിലാണ്ടി പഴയ മാർക്കറ്റ് റോഡിൽ നിന്നും ആരംഭിക്കുന്ന ഐസ് പ്ലാന്റ് റോഡിന്റെ പ്രവൃത്തി ഉദ്ഘാടനം കെ ദാസൻ എം.എൽ.എ നിർവഹിച്ചു.  സംസ്ഥാന സർക്കാർ ഹാർബർ എഞ്ചിനീയറിംഗ് വകുപ്പ് വഴി അനുവദിച്ച 51 ലക്ഷം രൂപ വിനിയോഗിച്ചാണ് നിർമ്മാണം.

 പനങ്ങാട് പഞ്ചായത്തു സി.ഡി.എസിനു വേണ്ടി 31.3 ലക്ഷം രൂപ ചിലവഴിച്ച് വിപുലീകരിച്ച കെട്ടിടം  ജില്ലാ പഞ്ചായത്തു പ്രസിഡന്റ് ബാബു പറശ്ശേരി ഉദ്‌ഘാടനം ചെയ്തു. 2,150 ച.അടി വിസ്തൃതിയിൽ രണ്ടു നിലകളിലായി നിർമ്മിച്ച കെട്ടിടത്തിൽ സി.ഡി.എസ് ഓഫീസ് കൂടാതെ  വിശാലമായ ഓഡിറ്റോറിയം,  ജാഗ്രത ഓഫീസ്, വി.ഇ. ഒമാരുടെ ഓഫീസ്, ഐ. സി.ഡി.എസ് സൂപ്പർവൈസറുടെ ഓഫീസ്, ഹരിത കർമ്മ സേന ഓഫീസ് എന്നിവയും ഉണ്ട്. 

ഇന്ന് പുതുതായി വന്ന  865 പേര്‍ ഉള്‍പ്പെടെ  ജില്ലയില്‍ 18055 പേര്‍ നിരീക്ഷണത്തില്‍ ഉണ്ട്. ജില്ലയില്‍ ഇതുവരെ 95632 പേര്‍ നിരീക്ഷണം പൂര്‍ത്തിയാക്കി.

ഇന്ന് പുതുതായി വന്ന 242 പേര്‍ ഉള്‍പ്പെടെ 2216   പേര്‍ ആണ് ആശുപത്രികളില്‍ നിരീക്ഷണത്തിലുള്ളത്. 189 പേര്‍ ഇന്ന് ഡിസ്ചാര്‍ജ്ജ് ആയി .

ജില്ലയിലെ കോവിഡ് ആശുപത്രികള്‍, എഫ്.എല്‍.ടി.സി കള്‍ എന്നിവിടങ്ങളില്‍ ചികിത്സയിലായിരുന്ന 128 പേര്‍ കൂടി രോഗമുക്തി നേടി.

ജില്ലയില്‍ ഇന്ന് 399  പോസിറ്റീവ് കേസുകള്‍ കൂടി റിപ്പോര്‍ട്ട് ചെയ്തതായി  ജില്ലാ  മെഡിക്കല്‍ ഓഫീസര്‍ ഡോ. ജയശ്രീ. വി. അറിയിച്ചു.  

വിദേശത്ത് നിന്ന് എത്തിയവരില്‍ പോസിറ്റീവ് ആയവര്‍ -  4

•ഏറാമല - 2
•പയ്യോളി - 1
•തുറയൂര്‍ - 1

ഇതര സംസ്ഥാനങ്ങളില്‍നിന്ന് എത്തിയവരില്‍ പോസിറ്റീവ് ആയവര്‍ -  13
  
ചെക്യാട് - 1
ചെങ്ങോട്ടുകാവ് - 1
ഏറാമല - 1
ഫറോക്ക് - 2
കൊടുവളളി - 1
ഒളവണ്ണ - 4
തിരുവളളൂര്‍ - 1
തുറയൂര്‍ - 1
ഓമശ്ശേരി - 1

ഉറവിടം വ്യക്തമല്ലാത്ത പോസിറ്റീവ് കേസുകള്‍ - 24

മഹാകവി മോയിൻകുട്ടി വൈദ്യർ മാപ്പിളകലാ അക്കാദമി നാദാപുരം ഉപകേന്ദ്രം കെട്ടിടത്തിൻ്റെ പ്രവൃത്തി ഉദ്ഘാടനം നാളെ  ( സെപ്റ്റംബർ 15 ) രാവിലെ 11 മണിക്ക് സാംസ്കാരിക വകുപ്പ് മന്ത്രി എ.കെ. ബാലൻ നിർവ്വഹിക്കും.  ഇ.കെ.വിജയൻ എംഎൽഎ അധ്യക്ഷത വഹിക്കും. കോവിഡ് മാനദണ്ഡങ്ങൾ പാലിച്ചാണ് പരിപാടി സംഘടിപ്പിക്കുക.
          2018 ഫെബ്രുവരിയിൽ നാദാപുരത്ത് ആരംഭിച്ച ഉപകേന്ദ്രത്തിന് കെട്ടിടം നിർമ്മിക്കുന്നതിന് നാട്ടുകാർ വൈദ്യർ അക്കാദമിക്ക് വിട്ടുനൽകിയ 20 സെൻറ് സ്ഥലത്ത് ഒരു കോടി രൂപ ചെലവിട്ടാണ് സാംസ്കാരിക വകുപ്പ് കെട്ടിടം പണിയുന്നത്.

ചേമഞ്ചേരി ഗ്രാമപഞ്ചായത്തിലെ കൊളക്കാട് നിർമ്മിച്ച ഹൈടെക്ക് അങ്കണവാടി ജില്ലാ പഞ്ചായത്ത് പ്രസിഡണ്ട് ബാബു പറശ്ശേരി ഉദ്ഘാടനം ചെയ്തു.  ജില്ലാ പഞ്ചായത്ത് 41 ലക്ഷം രൂപയും ഗ്രാമപഞ്ചായത്ത് ഏഴ് ലക്ഷം രൂപയും ചെലവഴിച്ചാണ് പദ്ധതി യാഥാർത്ഥ്യമാക്കിയത്.

വിശാലമായ ക്ലാസ് മുറികൾ വിശ്രമമുറി, കളിമുറി ഭക്ഷണം എന്നിവയോടൊപ്പം വർണ്ണശബളമായ ചിത്രങ്ങൾ കൊണ്ട് മനോഹരമാണ് അംഗൻവാടിയുടെ അകവും പുറവും. ടി.വി, റേഡിയോ എന്നിവക്കു പുറമെ കുട്ടികൾക്ക് കൗതുക കാഴ്ചകൾ കാണുന്നതിനുള്ള എൽസിഡി പ്രൊജക്ടറും  ഊഞ്ഞാൽ, സിസോ, തുടങ്ങിയ കളിയുപകരണങ്ങളും സജ്ജമാക്കിയിട്ടുണ്ട്.

ജില്ലാ പഞ്ചായത്ത് വാർഷിക പദ്ധയിൽ ഉൾപ്പെടുത്തി പനങ്ങാട് പഞ്ചായത്തിൽ 1.64 കോടിയുടെ വികസന പ്രവർത്തനങ്ങൾക്ക് തുടക്കമായി. പ്രവർത്തികളുടെ ഉദ്ഘാടനം ജില്ലാ പഞ്ചായത്ത് പ്രസിഡണ്ട് ബാബു പറശ്ശേരി നിർവഹിച്ചു. തിരുവാഞ്ചേരി പൊയിൽ-മഞ്ഞപ്പാലം റോഡ് (50 ലക്ഷം), തട്ടന്റെപുരായി - കച്ചേരികണ്ടി റോഡ് (25 ലക്ഷം), കെ. ആർ.സി - ആര്യൻ കുന്നത്ത് റോഡ് (30 ലക്ഷം), വയലിട - കണ്ണിവയൽ - മണിച്ചേരി റോഡ് (25 ലക്ഷം), ഗ്രാമ - ബ്ലോക്ക് - ജില്ല പഞ്ചായത്തു സംയുക്ത പദ്ധതിയായ കണ്ണിവയൽ കുടിവെള്ള പദ്ധതി (34 ലക്ഷം) എന്നിവയാണ് ഉദ്ഘാടനം ചെയ്തത്.

മേപ്പയൂർ ഗ്രാമപഞ്ചായത്ത് വാർഡ് 14 ലെ ധർമ്മക്കുന്ന് കുടിവെള്ള പദ്ധതി തൊഴിൽ എക്സൈസ് വകുപ്പ് മന്ത്രി ടി.പി രാമകൃഷ്ണൻ ഉദ്ഘാടനം ചെയ്തു. കഴിഞ്ഞ മൂന്നു വർഷത്തിനുള്ളിൽ രണ്ടേ കാൽ ലക്ഷത്തിലധികം കുടുംബങ്ങൾക്ക് സ്വന്തമായി വീട് നിർമ്മിച്ച് നൽകി. ഇനി വരുന്ന 100 ദിവസത്തിനുള്ളിൽ ഇരുപത്തി അയ്യായിരം പേർക്ക് വീട് നൽകാൻ നടപടിയായതായും മന്ത്രി പറഞ്ഞു. ഗ്രാമപഞ്ചായത്ത് പ്രസിഡന്റ് പി.കെ റീന അധ്യക്ഷത വഹിച്ചു.

ബീവറേജ് കോർപറേഷന്റെ സി.എസ്.ആർ ഫണ്ടിൽ നിന്നും അനുവദിച്ച 30, 50,000 രൂപ ചെലവഴിച്ചാണ് നിർമാണം പൂർത്തിയാക്കിയത്.