ജില്ലയില്‍ സമാധാനം നിലനിര്‍ത്താന്‍ ആവശ്യമായ എല്ലാ നടപടികള്‍ക്കും മന്ത്രി രാമചന്ദ്രന്‍ കടന്നപ്പള്ളിയുടെ അധ്യക്ഷതയില്‍ ചേര്‍ന്ന സമാധാന യോഗം പിന്തുണ പ്രഖ്യാപിച്ചു. കഴിഞ്ഞ സമാധാന യോഗത്തിനുശേഷം ജില്ലയിലുണ്ടായ കണ്ണവത്തെ കൊലപാതകമടക്കമുള്ള  മുഴുവന്‍ അക്രമ സംഭവങ്ങളെയും യോഗം അപലപിച്ചു. കൊലപാതക സംഭവത്തിന്റെ മറവില്‍ പ്രദേശത്ത് വര്‍ഗീയ ചേരിതിരിവ് ഉണ്ടാക്കാനുളള നീക്കങ്ങള്‍ക്കെതിരെ ജാഗ്രത പുലര്‍ത്തണമെന്നും യോഗം അഭ്യര്‍ഥിച്ചു. ഇക്കാര്യത്തില്‍ ആവശ്യമായ നടപടികള്‍ പൊലീസിന്റെയും രാഷ്ട്രീയ പാര്‍ട്ടികളുടെയും ഭാഗത്ത് നിന്ന് ഉണ്ടാകണം.

ആലപ്പുഴ : ഒക്‌ടോബർ 2 മുതൽ 8 വരെ നടക്കുന്ന ഇക്കൊല്ലത്തെ വന്യജീവി വാരാഘോഷത്തോടനുബന്ധിച്ച് വനം വകുപ്പ് വിവിധ മത്സരങ്ങൾ സംഘടിപ്പിക്കുന്നു. പൊതുജനങ്ങൾക്കായി വന്യജീവി ഫോട്ടോഗ്രാഫി, യാത്രാ വിവരണം (ഇംഗ്‌ളീഷ്/മലയാളം) എന്നീ മത്സരങ്ങൾ ഓൺലൈനായും പോസ്റ്റർ ഡിസൈൻ, ഷോർട്ട് ഫിലിം മത്സരങ്ങൾ തപാൽ മുഖേനയുമാണ് സംഘടിപ്പിക്കുക. വിദ്യാർത്ഥികൾക്കായി (ഹയർ സെക്കന്ററി, കോളേജ് വിഭാഗങ്ങൾക്കായി) ഓൺലൈൻ ക്വിസ് മത്സരവും സംഘടിപ്പിക്കുന്നു്. 

ജില്ലയില്‍ 207 പേര്‍ക്ക് ഇന്നലെ (സപ്തംബര്‍ 12) കൊവിഡ് ബാധ സ്ഥിരീകരിച്ചു. 188 പേര്‍ക്ക് സമ്പര്‍ക്കം മൂലമാണ് രോഗബാധ. രണ്ടു പേര്‍ വിദേശത്തു നിന്നും 12 പേര്‍ ഇതര സംസ്ഥാനങ്ങളില്‍ നിന്നും എത്തിയവരും അഞ്ചു പേര്‍ ആരോഗ്യ പ്രവര്‍ത്തകരുമാണ്.
ഇതോടെ ജില്ലയില്‍ ഇതുവരെ റിപ്പോര്‍ട്ട് ചെയ്യപ്പെട്ട കൊവിഡ് പോസിറ്റീവ് കേസുകള്‍ 5828 ആയി. ഇവരില്‍ ഇന്നലെ രോഗമുക്തി നേടിയ 134 പേരടക്കം 3758 പേര്‍ ആശുപത്രി വിട്ടു. കൊവിഡ് സ്ഥിരീകരിച്ച 35 പേര്‍ ഉള്‍പ്പെടെ 42 പേര്‍ മരണപ്പെട്ടു. ബാക്കി 2028 പേര്‍ ആശുപത്രികളില്‍ ചികില്‍സയിലാണ്.

ആലപ്പുഴ: ജില്ലാ ഫിഷറീസ് വകുപ്പ് പട്ടികജാതി വിഭാഗത്തിൽ ഉൾപ്പെട്ട മത്സ്യകർഷകർക്കായി പടുതാ കുളത്തിലെ മത്സ്യകൃഷിയ്ക്കായി അപേക്ഷ ക്ഷണിച്ചു. അപേക്ഷയോടൊപ്പം ജാതി തെളിയിക്കുന്ന സർട്ടിഫിക്കറ്റ്, കരം അടച്ച രസീത്, റേഷൻ കാർഡ്, ആധാർ എന്നിവയുടെ പകർപ്പ് ഹാജരാക്കണം. അപേക്ഷ സ്വീകരിക്കുന്ന അവസാന തിയതി സെപ്റ്റംബർ 22.കൂടുതൽ വിവരങ്ങൾക്ക് ആലപ്പുഴ മത്സ്യകർഷക വികസന ഏജൻസി ഓഫീസുമായി ബന്ധപ്പെടണമെന്ന്  ഫിഷറീസ് ഡെപ്യൂട്ടി ഡയറക്ടർ അറിയിച്ചു. ഫോൺ : 04772252814 

കേന്ദ്ര വനിതാ ശിശു വികസന മന്ത്രാലയം നടപ്പിലാക്കുന്ന 'ബാലശക്തി പുരസ്‌കാര്‍ 2021', 'ബാലകല്യാണ്‍ പുരസ്‌കാര്‍ 2021' എന്നീ അവാര്‍ഡുകള്‍ക്ക് അപേക്ഷ ക്ഷണിച്ചു. വിജ്ഞാനം, കലാകായിക സാംസ്‌കാരിക രംഗം, സാമൂഹ്യ സേവനം, ധീരത, കണ്ടുപിടിത്തം എന്നീ മേഖലകളില്‍ അസാധാരണ പ്രാഗത്ഭ്യം ഉളള കുട്ടികള്‍ക്ക് ബാല ശക്തി പുരസ്‌കാരത്തിനും കുട്ടികളുടെ ക്ഷേമം, ഉന്നമനം, സംരക്ഷണം എന്നിവയ്ക്കായി പ്രവര്‍ത്തിക്കുന്ന വ്യക്തികള്‍ക്കും സ്ഥാപനങ്ങള്‍ക്കും ബാല കല്യാണ്‍ പുരസ്‌കാരത്തിനും അപേക്ഷിക്കാ. താല്പര്യമുളളവര്‍  സെപ്തംബര്‍ 15നകം  https://nca-wcdnic.in/ എന്ന വെബ്‌പോര്‍ട്ടല്‍ മുഖേന അപേക്ഷ സമര്‍പ്പിക്കണം.