കോവിഡ് 19ന്റെ പശ്ചാത്തലത്തിൽ മാറ്റിവച്ച ലൈബ്രറി സയൻസ് സർട്ടിഫിക്കറ്റ് പരീക്ഷയുടെ പുന:ക്രമീകരിച്ച സമയക്രമം keralapareekshabhavan.gov.in ൽ ലഭിക്കും.
പി.എൻ.എക്‌സ്. 3081/2020

സംസ്ഥാന സര്‍ക്കാരിന്റെ സമ്പൂര്‍ണ പാര്‍പ്പിട പദ്ധതിയായ ലൈഫ് മിഷനില്‍ വീട് ലഭിക്കുന്നതിനായി അപേക്ഷ നല്‍കുന്നതിനുള്ള സമയ പരിധി സെപ്റ്റംബര്‍ ഒന്‍പതു വരെ നീട്ടിയതായി ജില്ലാ കോ-ഓര്‍ഡിനേറ്റര്‍ അറിയിച്ചു.

അര്‍ഹതയുണ്ടെങ്കിലും ആദ്യം തയ്യാറാക്കിയ പട്ടികയില്‍ വിവിധ കാരണങ്ങളാല്‍ ഉള്‍പ്പെടാതെ പോയ കുടുംബങ്ങളില്‍നിന്നാണ് ഇപ്പോള്‍ അപേക്ഷ സ്വീകരിക്കുന്നത്. അപേക്ഷ സമര്‍പ്പിക്കുന്നതിനായി നേരത്തെ നല്‍കിയിരുന്ന സമയപരിധി ഓഗസ്റ്റ് ഒന്നു മുതല്‍ 27 വരെയായിരുന്നു.

വനിതാ-ശിശു വികസന വകുപ്പ് നടപ്പാക്കുന്ന സമ്പുഷ്ട കേരളം പദ്ധതിയില്‍ ബ്ലോക്ക് കോ-ഓര്‍ഡിനേറ്റര്‍  തസ്തികയില്‍ കരാര്‍ നിയമനത്തിന് അപേക്ഷ ക്ഷണിച്ചു.അംഗീകൃത സര്‍വകലാശാല ബിരുദവും സാങ്കേതിക/കമ്പ്യൂട്ടര്‍, സോഫ്റ്റ് വെയര്‍ മേഖലകളില്‍ ഒരു വര്‍ഷത്തെ പ്രവൃത്തി പരിചയവും ഉണ്ടായിരിക്കണം. പ്രായം ഓഗസ്റ്റ് ഒന്നിന് 35 കവിയാന്‍ പാടില്ല.

കോട്ടയം ജില്ലയില്‍ പുതിയതായി ലഭിച്ച 1636 കോവിഡ് സാമ്പിള്‍ പരിശോധനാ ഫലങ്ങളില്‍ 86 എണ്ണം പോസിറ്റീവായി.
കോട്ടയം മെഡിക്കല്‍ കോളേജ് ആശുപത്രിയിലെ ഒരു ആരോഗ്യ പ്രവര്‍ത്തകന്‍, സമ്പര്‍ക്കം മുഖേന രോഗം ബാധിച്ച 84 പേര്‍, സംസ്ഥാനത്തിന് പുറത്തുനിന്ന് എത്തിയ ഒരാള്‍ എന്നിവര്‍ രോഗബാധിതരില്‍ ഉള്‍പ്പെടുന്നു.

മീനച്ചില്‍ താലൂക്കിലെ ചെത്തു തൊഴിലാളികള്‍ക്ക് ഓണം അഡ്വാന്‍സ് വിതരണം ചെയ്യുന്നതു സംബന്ധിച്ച തര്‍ക്കം  ജില്ലാ ലേബര്‍ ഓഫീസറുടെ അധ്യക്ഷതയില്‍ നടന്ന  ചര്‍ച്ചയില്‍ ഒത്തു തീര്‍പ്പായി. ഇതനുസരിച്ച് മാസം തോറും കണക്ക് തീര്‍ക്കുന്ന ഷാപ്പുകളിലെ തൊഴിലാളികള്‍ക്ക് 7000 രൂപയും മാസം തോറും കണക്ക് തീര്‍ക്കാത്ത ഷാപ്പുകളിലെ തൊഴിലാളികള്‍ക്ക് 11000 രൂപയും ഓണം അഡ്വാന്‍സ് നല്‍കും. ഈ തുക ബോണസില്‍ നിന്ന് തിരിച്ചുപിടിക്കും.

ജില്ലാ ലേബര്‍ ഓഫീസര്‍ ടി.കെ. ജയചന്ദ്രന്‍, ലൈസന്‍സികളുടെയും ചെത്തു തൊഴിലാളികളുടെയും പ്രതിനിധികള്‍ തുടങ്ങിയവര്‍ പങ്കെടുത്തു.

ഓണത്തോടനുബന്ധിച്ച് കോട്ടയം  നാഗമ്പടത്തെ  കയര്‍ഫെഡ് ഷോറൂമില്‍  വിലക്കിഴിവോടെ മെത്തകള്‍, കയര്‍ ഉത്പന്നങ്ങള്‍ എന്നിവയുടെ വിപണനം ആരംഭിച്ചു. ജി.എസ്.ടിക്ക് പുറമേ മെത്തകള്‍ക്ക്  50 ശതമാനം വരെയും കയര്‍ ഉത്പന്നങ്ങള്‍ക്ക് 20 ശതമാനം വരെയും റിബേറ്റ് ലഭിക്കും.  സെപ്റ്റംബര്‍ 30 വരെയാണ് റിബേറ്റ് കാലാവധി. ഫോണ്‍: 8281009857, 9496883625

===============

കോട്ടയം മുനിസിപ്പാലിറ്റി - 35, വൈക്കം മുനിസിപ്പാലിറ്റി - 14, കൂരോപ്പട ഗ്രാമപഞ്ചായത്ത് - 12, ഉദയനാപുരം-3എന്നീ തദേശ സ്വയം ഭരണ സ്ഥാപന വാര്‍ഡുകളെ കോവിഡ് കണ്ടെയ്ന്‍മെന്‍റ് സോണുകളായി പ്രഖ്യാപിച്ച് കോട്ടയം ജില്ലാ കളക്ടര്‍ ഉത്തരവായി.

കുറിച്ചി ഗ്രാമപഞ്ചായത്തിലെ ഒന്നാം വാർഡ്
 പട്ടികയില്‍നിന്ന് ഒഴിവാക്കി.

നിലവില്‍ 29 തദ്ദേശഭരണ സ്ഥാപന മേഖലകളില്‍ 71 കണ്ടെയ്ന്‍മെന്‍റ് സോണുകളാണുള്ളത്.

പട്ടിക ചുവടെ(തദ്ദേശ സ്ഥാപനം, വാര്‍ഡ് എന്ന് ക്രമത്തില്‍)

മുനിസിപ്പാലിറ്റികള്‍
======
1.ഏറ്റുമാനൂര്‍ - 4,  12, 14, 18 27 , 34

കോട്ടയം ജില്ലയില്‍ 89  പേര്‍ കൂടി കോവിഡ് ബാധിതരായി. ഇതില്‍ 86 പേര്‍ക്കും സമ്പര്‍ക്കത്തിലൂടെയാണ് വൈറസ് ബാധിച്ചത്. മറ്റു സംസ്ഥാനങ്ങളില്‍നിന്ന് വന്ന മൂന്നു പേരും രോഗബാധിതരായി.
ആകെ 1405 പരിശോധനാ ഫലങ്ങളാണ് പുതിയതായി ലഭിച്ചത്.

സമ്പര്‍ക്കം മുഖേനയുള്ള രോഗബാധ ഏറ്റവും കൂടുതല്‍ റിപ്പോര്‍ട്ട് ചെയ്യപ്പെട്ടത് കോട്ടയം മുനിസിപ്പാലിറ്റിയിലാണ്. 16 പേര്‍ക്ക് ഇവിടെ രോഗം ബാധിച്ചു. വൈക്കം-11, കങ്ങഴ-7, വിജയപുരം-6, പനച്ചിക്കാട്-5, കറുകച്ചാല്‍-4  എന്നിവയാണ് സമ്പര്‍ക്ക രോഗികള്‍ കൂടുതലുള്ള മറ്റു സ്ഥലങ്ങള്‍.

....
കൊല്ലം സർക്കാർ മെഡിക്കൽ കോളേജ് ആശുപത്രിയിലേക്കായി പ്രസിദ്ധീകരിച്ച ജൂനിയർ റസിഡന്റ് തസ്തികയുടെ റാങ്ക് പട്ടികയിൽ ഉൾപ്പെട്ടിട്ടുള്ള ഉദ്യോഗാർഥികളിൽ നിലവിൽ നിയമനം ലഭിക്കാത്ത, ജോലി ഏറ്റെടുക്കുവാൻ താത്പര്യമുള്ളവർ സർട്ടിഫിക്കറ്റുകളുടെ അസൽ സഹിതം 31 ന് മുമ്പ്  estt.gmckollam@gmail.com മുഖേന പ്രിൻസിപ്പലിനെ സേവന സന്നദ്ധത അറിയിക്കണം. താത്പര്യം അറിയിക്കാത്ത ഉദ്യോഗാർഥികളെ നിയമനത്തിന് പരിഗണിക്കില്ല.

തൃശൂർ കോർപ്പറേഷൻ ഡിവിഷൻ 12, എങ്ങണ്ടിയൂർ വാർഡ് 9, ഏറിയാട് വാർഡ് 19, വലപ്പാട് വാർഡ് 17 എന്നിവിടങ്ങളിൽ ദേശീയ സാമ്പിൾ സർവേ ഈയാഴ്ച തുടങ്ങും. തദ്ദേശസ്ഥാപനങ്ങളുമായി സഹകരിച്ചാണ് സർവ്വേ നടത്തുന്നത്. സെപ്റ്റംബർ 30-നകം സർവേ പൂർത്തിയാക്കണം. 78-ാമത് സാമൂഹ്യ സാമ്പത്തിക സർവേ പീരിയോഡിക് ലേബർ ഫോഴ്സ് എന്നിവയാണ് ഇപ്പോൾ നടക്കുന്നത്. കൃത്യമായ വിവരം നൽകണമെന്ന് മിനിസ്ട്രി ഓഫ് സ്റ്റാറ്റിസ്റ്റിക്സ് ആൻഡ് പ്രോഗ്രാം ഇപ്ലിമെന്റേഷൻ ഡയറക്ടർ മുഹമ്മദ് യാസിർ അറിയിച്ചു.