ചക്കിട്ടപ്പാറ പഞ്ചായത്തിലെ പന്നിക്കോട്ടൂർ അപ്രോച്ച് റോഡ്, അണ്ണക്കുട്ടൻചാൽ സാംസ്കാരിക നിലയം എന്നിവയുടെ പ്രവർത്തിയും  വനിതാ സമുച്ചയ കെട്ടിട ഉദ്ഘാടനവും തൊഴിൽ-എക്‌സൈസ് മന്ത്രി ടി. പി രാമകൃഷ്ണൻ നിർവഹിച്ചു. 

വയോജന ഉല്ലാസത്തിനായി ബ്ലോക്ക് പഞ്ചായത്ത് 50 ലക്ഷം രൂപ ചെലവിൽ പേരാമ്പ്രയിലെ എരവട്ടൂരിൽ നിർമ്മിച്ച പൗര മന്ദിരം തൊഴിൽ-എക്‌സൈസ് മന്ത്രി ടി. പി രാമകൃഷ്ണൻ  നാടിനു സമർപ്പിച്ചു. 

ഇരുനില കെട്ടിടത്തിൽ വയോജനങ്ങൾക്ക് പകൽ സമയം ആനന്ദകരമായി  ചിലവഴിക്കാനുള്ള സൗകര്യങ്ങളാണ് ഒരുക്കുന്നത്.  കോവിഡ് പ്രോട്ടോകോൾ പ്രകാരം നടന്ന ചടങ്ങിൽ പേരാമ്പ്ര ബ്ലോക്ക് പ്രസിഡന്റ് എ. സി സതി, എ. എം റീന, വി. കെ. സുനീഷ്, തൗഫി താഴെക്കണ്ടി, പി. ജി സൂരജ് എന്നിവർ പങ്കെടുത്തു.

2020-21 അദ്ധ്യായന വർഷം ലാറ്ററൽ എൻട്രി വഴി ഡിപ്ലോമ പ്രവേശനത്തിന് നെയ്യാറ്റിൻകര പോളിടെക്‌നിക് കോളേജിലെ വിവിധ ബ്രാഞ്ചുകളിലേക്ക് അപേക്ഷിച്ചവർ യോഗ്യത തെളിയിക്കുന്ന അസ്സൽ സർട്ടിഫിക്കറ്റുകൾ (എസ്.എസ്.എൽ.സി, പ്ലസ് ടു /വി.എച്ച്.എസ്.ഇ/ഐ.ടി.ഐ, ടി.സി, സ്വഭാവ, ജാതി, വരുമാനം), ഫീസ് എന്നിവ സഹിതം 16ന് സ്ഥാപനത്തിൽ കൗൺസിലിങ്ങിന് ഹാജരാകണം. റാങ്ക് ലിസ്റ്റിൽ ഒന്ന് മുതൽ 100 വരെ ഉൾപ്പെട്ടവരും ഐ.ടി.ഐ റാങ്ക് ലിസ്റ്റിൽ 252 വരെ റാങ്കുകാരും രാവിലെ ഒൻപതിന് സ്ഥാപനത്തിൽ റിപ്പോർട്ട് ചെയ്യണം. റാങ്ക് ലിസ്റ്റിലെ 101 മുതൽ 250 വരെയുളള റാങ്കുകാർ അന്നേദിവസം ഒരു മണിക്ക് റിപ്പോർട്ട് ചെയ്യണം.

സർക്കാർ/എയ്ഡഡ്/സർക്കാർ നിയന്ത്രിത സ്വാശ്രയ എൻജിനിയറിങ് കോളേജുകളിലെ 2019-20 അധ്യയന വർഷത്തെ എം.ടെക് പ്രവേശനത്തിനുളള അപേക്ഷകൾ ഓൺലൈനായി സമർപ്പിക്കുന്നതിനുളള തിയതി 19ന് വൈകിട്ട് അഞ്ചു വരെ നീട്ടി. വിശദ വിവരങ്ങൾക്ക് www.admissions.dtekerala.gov.in, www.dtekerala.gov.in
പി.എൻ.എക്‌സ്. 3096/2020

കേരള കാർഷിക സർവകലാശാല ജനറൽ കൗൺസിലിലേക്ക് എം.എൽ.എമാരായ ജി.എസ്.ജയലാൽ, മാത്യു.ടി.തോമസ്, എം.വിൻസെന്റ്, കെ.വി.വിജയദാസ് എന്നിവരെ എതിരില്ലാതെ തെരഞ്ഞെടുത്തതായി നിയമസഭാ സെക്രട്ടറി അറിയിച്ചു.

പോളിടെക്‌നിക് ഡിപ്ലോമ ലാറ്ററല്‍ എന്‍ട്രി പ്രവേശനം എഴുകോണ്‍ സര്‍ക്കാര്‍ പോളിടെക്‌നിക് കോളജില്‍ സെപ്തംബര്‍ 16ന് നടക്കും.
ഐ ടി ഐ വിഭാഗത്തിന്റെ രജിസ്‌ട്രേഷന്‍ രാവിലെ ഒന്‍പതു മുതല്‍ 10 വരെയാണ്. മെക്കാനിക്കല്‍ എഞ്ചിനീയറിംഗ് - റാങ്ക് 50 വരെയും ഇലക്‌ട്രോണിക്‌സ് ആന്റ് കമ്മ്യൂണിക്കേഷന്‍ - റാങ്ക് ലിസ്റ്റില്‍ ഉള്‍പ്പെട്ടിട്ടുള്ള എല്ലാവരും.
പ്ലസ് ടൂ/വി എച്ച് എസ് ഇ വിഭാഗത്തിന്റെ രജിസ്‌ട്രേഷന്‍ - 10.30 മുതല്‍ 11.30 വരെ. റാങ്ക് ഒന്നു മുതല്‍ 100 വരെയുള്ള എല്ലാ വിഭാഗക്കാരും. ബി എച്ച് ക്വാട്ട - 200 റാങ്ക് വരെ, എല്‍ എ ക്വാട്ട - 300 റാങ്ക് വരെ, എസ് സി ക്വാട്ട - 300 റാങ്ക് വരെ.

കേരള ഖാദി ഗ്രാമ വ്യവസായ ബോര്‍ഡ് മുഖേന പ്രധനമന്ത്രിയുടെ തൊഴില്‍ ദായക പദ്ധതി(പി എം ഇ ജി പി) പ്രകാരം വ്യവസായ യൂണിറ്റുകള്‍ ആരംഭിക്കുന്നതിന് ഓണ്‍ലൈനായി അപേക്ഷിക്കാം. ഗ്രാമീണ മേഖലയില്‍ പുതുതായി ആരംഭിക്കുന്ന വ്യവസായ സംരംഭങ്ങള്‍ക്ക് പദ്ധതി ചെലവിന്റെ 25 ശതമാനം മുതല്‍ 35 ശതമാനം വരെ സബ്‌സിഡി ഗുണഭോക്താക്കള്‍ക്ക് ലഭിക്കും. വിശദ വിവരങ്ങള്‍ ജില്ലാ ഖാദി ഗ്രാമവ്യവസായ ഓഫീസില്‍ ലഭിക്കും. ഫോണ്‍: 0474-2743587.
(പി.ആര്‍.കെ നമ്പര്‍ 2430/2020)

പട്ടികജാതി വിഭാഗത്തില്‍പ്പെട്ട എട്ടു മുതല്‍ പ്ലസ് ടൂ ക്ലാസുകളിലെ കുട്ടികള്‍ക്ക് പഠനമുറി നിര്‍മാണ ധനസഹായം നല്‍കും. ജാതി, വരുമന സര്‍ട്ടിഫിക്കറ്റുകള്‍, സ്‌കൂള്‍ മേലധികാരിയില്‍ നിന്നുള്ള സാക്ഷ്യപത്രം സഹിതം അപേക്ഷ സെപ്തംബര്‍ 25 നകം കൊല്ലം കോര്‍പ്പറേഷനില്‍ പ്രവര്‍ത്തിക്കുന്ന പട്ടികജാതി വികസന ഓഫീസില്‍ നല്‍കണം. ഫോണ്‍: 8547630023.
(പി.ആര്‍.കെ നമ്പര്‍ 2429/2020)

വിദ്യാഭ്യാസ വകുപ്പ് നടപ്പാക്കുന്ന ഉജ്ജ്വലം പദ്ധതി ഭാഗമായി കൈപ്പുസ്തകം തയ്യാറാക്കും. ഡി റ്റി പി പ്രിന്റിംഗ് ഉള്‍പ്പടെ ബുക്ക് രൂപത്തില്‍ തയ്യാറാക്കി നല്‍കുന്നതിന് തയ്യാറുള്ളവര്‍ക്ക് 0474-2792957, 9645550907 നമ്പരുകളില്‍ ബന്ധപ്പെടാം.
(പി.ആര്‍.കെ നമ്പര്‍ 2428/2020)