തദ്ദേശസ്വയംഭരണ സ്ഥാപനങ്ങളുടെ 2020-21 വാര്‍ഷിക പദ്ധതി ഭേദഗതിക്ക് അംഗീകാരം നല്‍കുന്നതിനായി ഇന്ന് (സെപ്തംബര്‍ 16) ഉച്ചയ്ക്ക് 12 ന് ജില്ലാ ആസൂത്രണ സമിതി സൂം മീറ്റിങ് മുഖേന ചേരുമെന്ന് ജില്ലാ കലക്ടര്‍ അറിയിച്ചു.

കോവിഡ് 19 പശ്ചാത്തലത്തില്‍ നിര്‍ത്തിവെച്ച ഡ്രൈവിംഗ് ടെസ്റ്റുകള്‍ ജില്ലയിലെ ആര്‍.ടി ഓഫീസുകളിലും സബ് ആര്‍.ടി ഓഫീസുകളിലും സെപ്റ്റംബര്‍ 17 മുതല്‍ പുനരാരംഭിക്കുമെന്ന് റീജ്യനല്‍ ട്രാന്‍സ്‌പോര്‍ട്ട് ഓഫീസര്‍ പി ശിവകുമാര്‍ അറിയിച്ചു. ആദ്യഘട്ടത്തില്‍ ഒരു ദിവസം 30 പേര്‍ക്ക് മാത്രമാണ് സ്ലോട്ട് ബുക്ക് ചെയ്ത് ടെസ്റ്റിന് പങ്കെടുക്കാന്‍ അനുവാദം നല്‍കുക. ലോക് ഡൗണിനു മുന്‍പ് ലേണേഴ്‌സ് ലൈസന്‍സ് എടുത്തവരോ ഒരിക്കല്‍ ഡ്രൈവിംഗ് ടെസ്റ്റില്‍ പങ്കെടുത്ത് പരാജയപ്പെട്ടവര്‍ക്കോ മാത്രമേ ഒക്ടോബര്‍ 15 വരെ നടക്കുന്ന ടെസ്റ്റില്‍ പങ്കെടുക്കാന്‍ കഴിയൂ. മറ്റുള്ളവര്‍ സ്ലോട്ട് ബുക്ക് ചെയ്യരുത്.

എരിമയൂര്‍ ഗ്രാമപഞ്ചായത്ത് ഓഫീസില്‍ നിര്‍മാണം പൂര്‍ത്തിയാക്കിയ ഫ്രണ്ട് ഓഫീസ്, വിത്ത് ഗോഡൗണ്‍, വാഹന പാര്‍ക്കിങ് ഷെഡ് എന്നിവയുടെ ഉദ്ഘാടനം കെ.ഡി പ്രസേനന്‍ എം.എല്‍.എ നിര്‍വഹിച്ചു. എരിമയൂര്‍ ഗ്രാമപഞ്ചായത്ത് പ്രസിഡന്റ് എം. വസന്തകുമാരി അധ്യക്ഷയായി.

അറിയിപ്പുകള്‍

ഐ.ടി.ഐ അഡ്മിഷന്‍

കൊച്ചി: കളമശേരി ഗവ: വനിത ഐ.ടി ഐ യിലേക്ക് 2020-21 അധ്യയന വര്‍ഷത്തില്‍ ആറ് ട്രേഡുകളിലേക്ക് അഡ്മിഷന്‍ ആരംഭിച്ചു. അപേക്ഷകള്‍ ഓണ്‍ലൈന്‍ സംവിധാനത്തിലാണ് സ്വീകരിക്കുന്നത്. itiadmissionskerala.gov.in

പോര്‍ട്ടല്‍ മുഖേന അപേക്ഷകള്‍ സമര്‍പ്പിക്കാം. അപേക്ഷ സ്വീകരിക്കുന്ന അവസാന തീയതി   ഈ മാസം 24. കൂടുതല്‍ വിവരങ്ങള്‍ക്ക് ഫോണ്‍ 0484-2544750.

നെൽവയൽ ഉടമകൾക്ക് റോയൽറ്റി:  കൃഷി മന്ത്രി 

 സെപ്റ്റംബർ 11 മുതൽ  അപേക്ഷിക്കാം 

നെൽവയൽ ഉടമകൾക്കു റോയൽറ്റി ഈ വർഷം മുതൽ.

മധുരഗ്രാമം പദ്ധതിയുമായി വടക്കേക്കര

എറണാകുളം: തിരുവനന്തപുരം കേന്ദ്ര കിഴങ്ങുവിള ഗവേഷണ കേന്ദ്രത്തിൻ്റെ (സി.ടി.സി.ആർ.ഐ) നേതൃത്വത്തിൽ മധുര ഗ്രാമം പദ്ധതിയുമായി വടക്കേക്കര. ഇതിലൂടെ ഗ്രാമപഞ്ചായത്തിലെ എല്ലാ വീടുകളിലും മധുരക്കിഴങ്ങ് കൃഷിയാരംഭിക്കുകയാണ്. വളരെ ചുരുങ്ങിയ കാലയളവിൽ വിളവെടുക്കാവുന്ന കൃഷിയാണ് മധുരക്കിഴങ്ങ്.

വാട്ടർ മെട്രോ : പരിസ്ഥിതി ആഘാത പഠന ക്വാട്ടേഷൻ നടപടി പൂർത്തിയായി 

എറണാകുളം : ജില്ലയിലെ വികസന സ്വപ്നങ്ങളിൽ പ്രധാനമായ വാട്ടർ മെട്രോ പദ്ധതിയുടെ ഭാഗമായുള്ള ഏഴ് ബോട്ട് ജെട്ടികളുടെ സാമൂഹിക ആഘാത പഠനത്തിനുള്ള ക്വട്ടേഷൻ നടപടികൾ പൂർത്തിയായി.  22 ബോട്ട് ടെർമിനലുകൾ ആണ് പദ്ധതിയുടെ ഭാഗമായി വിഭാവനം ചെയ്തിട്ടുള്ളത്.  ഇവയിൽ 15 എണ്ണത്തിന്റെ പ്രാഥമിക വിജ്ഞാപന നടപടികൾ പൂർത്തിയായിരുന്നു. ഇത് കൂടി പൂർത്തിയാവുന്നതോടെ നിർമാണ പ്രവർത്തനങ്ങൾ കൂടുതൽ വേഗത്തിൽ ആരംഭിക്കാൻ സാധിക്കുമെന്നാണ് പ്രതീക്ഷിക്കുന്നത്. 

സംസ്ഥാന വിദ്യാഭ്യാസ ഗവേഷണ പരിശീലന സമിതിയുടെ രജത ജൂബിലി ആഘോഷത്തിന്റെ ഭാഗമായി എസ്.സി.ഇ.ആർ.ടിയുടെ ഓഫീസിലും ഗസ്റ്റ് ഹൗസിലും സ്ഥാപിച്ച ഓൺലൈൻഗ്രിഡ് സോളാർപ്ലാന്റിന്റെ ഉദ്ഘാടനം ഇന്ന് (സെപ്റ്റംബർ 16) നടക്കും.