സർവെയും ഭൂരേഖയും വകുപ്പ് ഫെബ്രുവരി 28നും 29നും തിരുവനന്തപുരം, തൃശ്ശൂർ കേന്ദ്രങ്ങളിൽ റവന്യൂ ജീവനക്കാർക്കായി നടത്തിയ ചെയിൻ സർവെ പരീക്ഷാഫലം പ്രസിദ്ധീകരിച്ചു. അതേ ദിവസങ്ങളിൽ തിരുവനന്തപുരം, കണ്ണൂർ കേന്ദ്രങ്ങളിൽ നടന്ന ഹയർ സർവെ പരീക്ഷാഫലവും പ്രസിദ്ധപ്പെടുത്തി.
സർവെ ഡയറക്ടറേറ്റിലും വകുപ്പിന്റെ സൈറ്റിലും  (www.dslr.gov.in) പരീക്ഷാഫലം പരിശോധനയ്ക്ക് ലഭിക്കും.
പി.എൻ.എക്‌സ്. 3110/2020

തിരുവനന്തപുരം റീജിയണൽ കാൻസർ സെന്ററിൽ വിവിധ വിഭാഗങ്ങളിൽ സീനിയർ റെസിഡന്റിന്റെ താൽക്കാലിക ഒഴിവുകളിലേയ്ക്ക് (കരാർ നിയമനത്തിന്) അപേക്ഷ ക്ഷണിച്ചു. അനസ്‌തേഷ്യോളജി, റേഡിയോ ഡയഗ്നോസിന്, ന്യൂക്ലിയർ മെഡിസിൻ, സർജിക്കൽ ഓങ്കോളജി(ഇഎൻറ്റി), മൈക്രോബയോളജി, മെഡിക്കൽ ഓങ്കോളജി, റേഡിയേഷൻ ഓങ്കോളജി, പാലിയേറ്റീവ് മെഡിസിൻ എന്നീ വിഭാഗങ്ങളിലാണ് നിയമനം. അപേക്ഷ ലഭിക്കേണ്ട അവസാന തിയതി സെപ്റ്റംബർ 30. കൂടുതൽ വിവരങ്ങൾക്ക് www.rcctvm.gov.in സന്ദർശിക്കുക.
പി.എൻ.എക്‌സ്. 3109/2020

കേരള അഡ്മിനിസ്ട്രേറ്റീവ് ട്രൈബ്യൂണൽ ജസ്റ്റിസ് റ്റി. ആർ. രാമചന്ദ്രൻ നായർ  അഞ്ച് വർഷത്തെ സേവനത്തിനു ശേഷം ഇന്ന് ( സെപ്റ്റംബർ 16 ) വിരമിക്കും. 2015 സെപ്റ്റംബറിൽ അദ്ദേഹം ചുമതലയേറ്റ ശേഷമാണ് ട്രൈബ്യൂണലിന്റെ രണ്ട് ബെഞ്ച് തിരുവനന്തപുരത്തും ഒരു അഡീഷണൽ ബെഞ്ച് എറണാകുളത്തും പൂർണ്ണതോതിൽ പ്രവർത്തനം ആരംഭിച്ചത്.  ട്രൈബ്യൂണലിൽ കംമ്പ്യൂട്ടർവത്കരണത്തിന്റെ  പ്രാരംഭ പ്രവർത്തനങ്ങൾക്കും തുടക്കം കുറിച്ചു. കോവിഡ് കാലയളവിൽ ഇ-ഫയൽ സംവിധാനത്തിലൂടെ ട്രൈബ്യൂണൽ പ്രവർത്തനങ്ങൾ സുഗമമായി നടത്താനും അദ്ദേഹത്തിന് സാധിച്ചു.

എനർജി മാനേജ്‌മെന്റ് സെന്ററിന്റെ നേതൃത്വത്തിൽ, ഊർജസംരക്ഷണ പ്രവർത്തനങ്ങൾ പ്രോത്സാഹിപ്പിക്കുന്നതിനായി സംസ്ഥാന സർക്കാർ ഏർപ്പെടുത്തിയ ഊർജസംരക്ഷണ അവാർഡിന് അപേക്ഷ ക്ഷണിച്ചു. 2019-20 സാമ്പത്തിക വർഷത്തെ പ്രവർത്തനങ്ങളാണ് അവാർഡിനായി പരിഗണിക്കുന്നത്. എട്ട് വിഭാഗങ്ങളിലായാണ് അപേക്ഷ ക്ഷണിച്ചത്.

സംസ്ഥാനത്തെ 98 ശതമാനം റോഡുകളും ഗതാഗതയോഗ്യമാക്കിയതായി മുഖ്യമന്ത്രി പിണറായി വിജയൻ പറഞ്ഞു. ശംഖുമുഖം എയർപോർട്ട് റോഡിന്റെ നിർമാണോദ്ഘാടനം വീഡിയോ കോൺഫറൻസിൽ നിർവഹിക്കുകയായിരുന്നു അദ്ദേഹം.

പട്ടികജാതി, പട്ടിക വര്‍ഗ വിഭാഗങ്ങള്‍ക്ക്  സ്വയംതൊഴില്‍ സംരംഭങ്ങള്‍
 ആരംഭിക്കുന്നതിന് വായ്പാ പദ്ധതിയിലേയ്ക്ക് 18 - നും 55 നും മധ്യേ പ്രായമുള്ള തൊഴില്‍രഹിതര്‍ക്ക് അപേക്ഷിക്കാം.
കുടുംബ വാര്‍ഷിക വരുമാനം മൂന്നര ലക്ഷം രൂപയില്‍ താഴെയായിരിക്കണം.  അപേക്ഷാ ഫോറത്തിനും കൂടുതല്‍ വിവരങ്ങള്‍ക്കും പട്ടിക ജാതി പട്ടിക വര്‍ഗ്ഗ വികസന കോര്‍പ്പറേഷന്‍ ജില്ലാ ഓഫീസുമായി (നാഗമ്പടം ) ബന്ധപ്പെടണം ഫോണ്‍ 0481 2562532

ആന്‍റിജന്‍ പരിശോധന; പാറത്തോട്ടില്‍ 49 ഫലങ്ങളും നെഗറ്റീവ്

സമ്പര്‍ക്കം മുഖേന രോഗം ബാധിക്കുന്നവരുടെ എണ്ണം വര്‍ധിച്ചുവരുന്ന സാഹചര്യത്തില്‍ കോട്ടയം ജില്ലയിലെ കോവിഡ് പ്രതിരോധന സംവിധാനങ്ങള്‍ കൂടുതല്‍ ശക്തമാക്കി. സമ്പര്‍ക്ക വ്യാപനം റിപ്പോര്‍ട്ട് ചെയ്യപ്പെട്ട പാറത്തോട് ഗ്രാമപഞ്ചായത്തില്‍ രോഗലക്ഷണങ്ങള്‍ ഉള്ളവരും രോഗികളുമായി സമ്പര്‍ക്കത്തില്‍ ഏര്‍പ്പെട്ടവരുമായ എല്ലാവരെയും കണ്ടെത്തുന്നതിനുള്ള അടിയന്തര നടപടികള്‍ ആരോഗ്യ വകുപ്പിന്‍റെ നേതൃത്വത്തില്‍ നടന്നുവരുന്നു.

കോട്ടയം ജില്ലയില്‍ 13 പേര്‍ക്കുകൂടി കോവിഡ് സ്ഥിരീകരിച്ചു. ഇതില്‍ ഏഴു പേര്‍ക്ക് സമ്പര്‍ക്കത്തിലൂടെയാണ് രോഗം ബാധിച്ചത്. രണ്ടു പേര്‍ ആരോഗ്യ പ്രവര്‍ത്തകരും മൂന്നു പേര്‍ മറ്റു സംസ്ഥാനങ്ങളില്‍നിന്നും ഒരാള്‍ മസ്‌കറ്റില്‍നിന്നും എത്തിയതാണ്. ഒരാള്‍ക്കു മാത്രമാണ് രോഗലക്ഷങ്ങള്‍ ഉണ്ടായിരുന്നത്.

 അഞ്ചു പേര്‍ രോഗമുക്തരായി. നിലവില്‍ 186 പേരാണ് ചികിത്സയിലുള്ളത്.

 കോട്ടയം ജില്ലക്കാരായ ആകെ 400 പേര്‍ക്ക് ഇതുവരെ രോഗം ബാധിച്ചു. 214 പേര്‍ രോഗമുക്തരായി.